نتيجة اهلي شندي والهلال ما كانت غريبة علي كنت متأكد بانو الهلال لن يعود بناقط شندي يمكن تكون غريبة النتيجة التعادلية لاني كنت مقتنع تماماً بان الاهلي سيكسب من واقع مستوى الاهلي ومستوى الهلال فالهلال يلعب ضد اصغر الفرق بالهجمة المرتدة تسعة في الخلف واتنين يبرطعوا قدام تطلع الكورة من الظهر طائشة يسكوها ناس بكري جات جات ما جات ما مشكلة اصلوا ناس بكري مهمتهم الجري مهمتهم ما القون يبرطعوا ويرفسوا ويشلتوا ومحميين من التحكيم الذي يخطئ ولا يظلم اسي طيرة بكري في لاعب اهلي شندي في الشوط التاني دي الله يسألكم ما بتشطبوا بقرار من الفيفا ؟؟؟ وابو شنب لم يحرك ساكن المهم خطة السك سك ما نجحت لان سفاري والسعودي تعاملا معها بوعي خليهو يجري واقطعها قبل تصلو وكان صاحبنا يبرطع اتفرد بي كورة بعد دافر اتنين من المدافعين وصهين ابو شنب كعادته وشاتها في المسيكتاب ده ياهو مستواكم يا محمد عبدالماجد الداير تجيب ليهو صلاح السعدني مدير فني ؟؟؟؟ مستوى زي ده يا محمد عبدالماجد جيب ليهو عادل امام لانو دي كوميديا جديدة زول يطير في زول في نص الميدان بالجوز بالشكل ده ؟؟؟ دي سعيد صالح ما عملها يا ابو حميد احمد بدير لما ضربوا قروشو في البلد دي ما طار طيرة زي بتاعت بكري دي ايها الناس بكري ده لما نسجلوا حاياخد معنا زمن طويل عشان يتطور ومنطقي ان ياخد الزمن ده اللاعب البجينا من هناك بحتاج لدروس تقوية عكس اللاعب البمشي مننا لي هناك اسي الشغيل ده احتياطي عندنا وشلاليت ساي بقى في الهلال نجم واساسي وبلعب باص قون كمان في المريخ ما بقدر على الباص لانو البلعب الباص في المريخ ناس العجب وكلتشي وساكواها فكان الشغيل عندنا طشاش ولان الطشاش في بلد العمي شوف اصبح الشغيل زرقاء اليمامة هناك مكة لطب العيون يا عمك المهم قلت ليكم ابو الهل ده مبارينا زي الشافع الماشي ورا ابوهو يمسك في الجلابية ويمشي وراهو اصلو ما بمشي قدام ابوهو الابو يقيف الشافع يقيف الابو يمشي الشافع يمشي لكن الادب يجبر الشافع على المشي خلف ابوهو ودي التربية الصاح تعثرنا في كوستي فتعثر ولدنا في نفس اليوم أيها الناس إن تنصروا الله ينصركم أها نجي لي شمارات والي الخرتوم كان شفت يا والينا قررنا كلنا شيء يليق بينا ما بنرد ليك طالما عمرك ما رديت لينا اصواتنا في حلاقيمنا حرين فيها يا والينا نديك صوت تدينا سوط في قفا الزول البربي في يتامي لينا حانمسك الصوت عشان تفقد السوط يا والينا سلك كهربا ننساك كيف وفي الاستثمار بنسونا وللاستنفار بتذكرونا والللللللللللللى لقاء سلللللللللللللللللللك في السلك - بابكر سلك صحيفة الإنتباهة
