*الرعب الذي اصاب الاخوه الاهله من مواجهتنا لسه اثره فيهم *ويظهر في شكل الهرطقات التي يهضرب بها بعضهم لي الليله *يا ناس *اجزم بان اشرف الكاردينال كان مقتنع بان الهلال خاسر لا محال *من زعيم الامه الي اصغر طفل في اللمه *كانوا عارفين انهم مغلوبين مغلوبين *بس كانوا بتمنوا ما تنتهي بنتيجه كارثيه *توقف عمل الشركه الصينيه *وتدفع الاهله للهتاف *مادايرين مقصوره *دايرين كورة *كانوا مقتنعين بالهزيمه *لانهم عارفين انو كورة الهلال زي غناء علي كبك *ايها الناس *سوء الهلال الحاصل في اللاعبين *كمية المواسير التي تم توريط كردنه فيها هي المشكله *بالاضافه لي ماسورتين تلاته اساسا كردنه ورثهم *عشان كده التكميليه دي ما بتحل كردنه *اصلاح الحال محتاج لخمسة فترات تكميليه لاستبدال المواسير الكتيره دي *ايها الناس *في الزعيم الحوجه لي خانات بعينها *غرزه يعرفها ونحن نعلمها *خانات معينه ويصبح الزعيم مؤهلا للبطوله *فجمال حارس بطولات *وايمن وجابسون وعلو لو وامير وبكري وراجي واوكرا وكوفي وضفر قدر البطوله *اذا اضفنا لهم ثردباك ما مولف ومهاجم جمب بكري وطرف واحد يكون الفرق تمام *بالذات لو وجدنا صانع العاب بطولات فلته *وهذا لايعني ان المريخ يفتقر للاعبين في تلك الخانات *ولكن نتطلع للافضل *القصه قصة مطار *ايها الناس *سمعنا بان غرزه استغني عن كوفي واوكرا *افتكر مافي داعي *لانو لو جبنا اربعه اجانبب *يمشي مالك وتراوري واتنين وطنيين *نجنس اتنين من الاجانب او نجنس كوفي واوكرا *تبقي المسأله اتحلت بدون الاستغناء عن لاعبين مهولين قادمهم معنا بالتاكيد احلي *الحكاية دايره شوية تفكير وتدبير وعدم استعجال *ايها الناس *لسه بنتكلم عن الفرق السنيه بالزعيم *ماذا يحدث فيها يا مجلسنا ؟؟؟ *وهل امامكم ورقه تخص تلك الفرق السنيه ؟؟؟ *وهل امامكم تقرير لمن اكمل الفتره ولمن يريد المريخ تسجيله ؟؟؟ *وهل تتذكرون ان بالمريخ فرق للمراحل السنيه ؟؟؟ *وماهي مشكلة ابراهومه يا ساداه ؟؟؟ *اتحلت ولا تاركنها للزمن يحلها ؟؟؟ *ولا ما متذكرين انو في لاعب اسمو ابراهومه بالمريخ ؟؟؟ *واين حسن سفاري ؟؟؟ظ *الجمهور فاهم الرصه وكل القصه *بس داير يعرف منكم يا ساده *المهم *اذا رجعنا لضربة جزاء كوفي *وضربة جزاء الميرغني كسلا *وضربة جزاء النسور الاولي والتانيه *نخصم من رصيد الهلال تسعه نقاط *يبقي واحد وعشرين نقطه *خلف المريخ (اصلو خلفو ) والخرطوم ومريخ الفاشر *تحكيم لايخطئ *يبقي الهلال ممكن نشوفوا في السنتر ليق *يكافح من اجل البقاء بالممتاز *ولن تتطور الكرة عندنا مالم يتطور التحكيم *ويبطل اخطائه الطواااالي صابه في صالح جهه معينه *ايها الناس *التحكيم ما براهو خلف التعادل مع الهلال *ناسنا برضو قصروا *جوا الملعب يقدلوا *نعم الهلال اقل فنيات منهم *ولكن كانوا يدوهوا برضو اعتباره *الاستهتار ده هو سبب تاني ادي للتعادل *ولو لعب اولادنا بمسئوليه *لما احتجنا للحديث عن ضربة جزاء كوفي المامحتسبه *لانو للوكت داك كانت بتكون اربعه صفر *ايها الناس *ان تنصروا الله ينصركم *اها *نجي لي شمارات والي الخرتوم *كان شفت يا والينا *لي اسي قصة المدرسه المامدرسه بتحير فينا *دايرين نرجع للموضوع بالتفصيل يا والينا *شخصيا انا غايتو لو وزير يا والينا *في عهدي اشتغلت مدرسه مامدرسه وبتدرس فينا *بنتحر ما بستقيل يا والينا *لاني وقتها بخجل من نفسي ومابقدر اعاين لي نفسي في عينا *حانرجع للموضوع يا والينا *غير التعليم شنو الفضل لينا سلك كهربا ننساك كيف وبالطريقه دي ممكن تتخرج من جامعه يقولوا ليك جامعتك دي مامعانا يا اخينا والي لقاء سلك
