(أسماء التي تبرعت لزوجها بإحدي كليتيها) مازال في الدنيا ناس طيبين … ومازال في ناس لي بعض مخلصين وافين الروح بهبوها هينه رخيصه … بدون تردد ومابكونوا من المصير خايفين في الفيس بوك كان هناك أروع قصه…هزت مشاعري وسال معاها دمع العين أراد الله أن يُصاب الزوج بفشل كلوي … وتبقي الزراعه لابد تكون في الحين وأي تأخير وإنتظار عواقبو وخيمه … وكل ساعه تمر موَّالها ببقي حزين أسماء وأبراهيم كانوا مِثال للريده والإخلاص … وكان رباطهم قوي ومتين كان الحب في دماهم جاري … وكان ممزوج بالعصب وبوريد وبشرايين أسماء الشابه الجميله الحلوه … ما قالت أخوانو وأخواتو وقرايبو روَّحُوا وين عملت التحاليل في سِتر في خِفيه … وكانوا مع بعض في الأنسجه مطابقين هللت فِرحَت وكَبَّرَت…قالت أنا سعيده ولأبرهيم بضحي ويرخص ليهو كل ثمين لأم الدنيا سافروا وشدوا الرحال … والأمل يحدوهم ساءلين الله ليهم يعين وكل الناس صرخت بكت…شِهدت لأسماءبالنبل والتضحيه وبقي الكل ليها مَدِين العمليه أُجريت بالسلامه ونجحت … بدعاء الناس وبالتسبيح وبتضرع الطيبين دي حواء بدون مقابل بتدي وتعطي … هي الأم والزوجه والبنت والأخت هي نورالعين مابتنتظر رد للجميل لا بتدور ثناء وشُكر … عايزه تلقي جزاها يوم الدين وأسماء والله لينا خيرمثال…ربي يكافيهايجزيها خيرالجزاء في الدنيا وفي آخرتها بعدين