طالعنا على صدر صحيفه زرقاء بالأمس، خبر استجلاب أبو الهل لهداف بطولة إفريقيا وده ما الخبر بمليون دولار لمدة تلاتة سنين وده ما الخبر وهداف إفريقيا ده طبعاً هو لاعب مازيمبي ساماتا وده ما الخبر وطبعاً الزول ده عندو تمنيه أهداف في بطولة إفريقيا وده ما الخبر وبكري طبعاً عندو سبعة أهداف وده ما الخبر ولو الحكم احتسب لبكري الهدفين الأحرزهم في مازيمبي بالخرطوم كان بقي تسعة وده ما الخبر وهدف بكري في العلمة بالخرطوم مفروض يحتسب لبكري وده ما الخبر يعني بكري مفروض يكون عندو حداشر هدف وده ما الخبر الخبر هو ما تساويه المليون دولار بالسوداني مليارات قريب الحداشر وده ما الخبر وارغو سجلناهو خمسة سنين بخمسة مليار وقتها وده ما الخبر إئمة المساجد ورجال الدين والفقهاء وقتها حدثونا في خطبة الجمعة وعلى صفحات الصحف قالوا لينا القروش دي أحق بيها مستشفيات الأطفال وده ما الخبر الخبر هو الأطفال بقوا كويسين ومستشفياتهم مية المية والحداشر مليار أقل من الخمسة مليار وفقراء البلد دي مالاقين فيهم زول البلد عدمت الفقران وأبو الجعران والجقور والفيران لدرجة إن الحكومة منعت الشعب من سداد الضرائب والزكاة والرسوم لأنو الحكومة ما عارفه تودي الأتاوات دي وين حتي العاملين على الزكاة عاملين نايمين من جبايتها لانعدام المصارف الناس غنيانة كلها ومالية بالقروش المصارف ومجانية العلاج والتعليم برضو ما كملت إيرادات الدولة عشان كده لا أتوقع انتقاد من إئمة المساجد لتسجيل الهلال للاعب ساماتا حاتعملوا حميل يا أئمتنا ولا حاتقولوا رايكم واضح؟؟؟؟ ايها الناس بدل..بي حداشر مليار موش كان أخير بكري باتنين؟؟؟؟ عرفتوا ليه روشا كتب مازال جرح بكري ينزف؟؟؟؟؟ الرال قيمتو حداشر مليار ايها الناس في لقاء كردنة بالرياضية لأول مرة كردنة يتكلم بهدوء وكلام عاقل وده ما الخبر الخبر يوسف السماني داير شنو؟؟؟ كلو دقيقة لما الكلام ما يعجبو يقول لكردنة كلمة أخيرة إنت دايرو يقول شنو يا دكتور يوسف ؟؟؟؟ ايها الشفوت افتكر راعي الضأن في الخلا عرف موقف الرياضية من الهلال وموقفها من المريخ والرياضية دي اذاعة تقوم على ايرادات الاعلانات والاتصالات بتاعت البرامج يعني ماشة بإيرادات المريخاب عندهم فيها جزء كبير وإن كانت مواقفها من المريخ هي تلك المواقف التي نعرفها جميعاً موش ببقى من العبط التعامل مع إذاعة زي دي؟؟؟؟؟؟ وده ما الخبر الخبر أجمل حاجة في اللقاء عبارات يا دكتور يا دكتور المتبادلة الدكاترة في شارع الدكاترة المهم لا أعتقد أن الجمعية العمومية بالجهل الذي يتوقعه الناس ولا أعتقد أن الأمر سيغير شيئاً غير تأكيد شرعية لجنة الاستئنافات العليا وده ما الخبر لكن الخبر او يفعل ما يراه مناسباً قد تكون مناسبة احتراماً من مجلس إدارة الاتحاد لجماهير الهلال التي لايد لها في ما ذهب إليه كردنة بالهلال وفي الآخر ما يراه مناسباً دي برضك قانون ايها الناس وعي جماهير المريخ أدهش الشرطة الشرطة بعد المباراة وزوغة الجماعة جات تأمن استاد ونادي المريخ منعاً لأي تفلت قد يحدث لم يجدوا تفلت بل وجدوا احترام من جماهير المريخ وعزموهم قهوة وشاي والجو كان جميل والحياة بمبية فعرفت الشرطة أن هذا الكيان محترم جداً شكراً الشرطة وشكراً جماهير المريخ الواعية وده ما الخبر الخبر عندنا كأس أدونا ليهو خلونا نحتفل ايها الناس يجب أن نفوت الفرصة على ناس الفوضى والمندسين الناس الدايرن ليهم جوطة عشان يجوطوا ويجوطوها ديل بالذات مفروض نجبرهم على الخروج من الوسط الرياضي السمح المتسامح احكي ليكم قصة عن ناس زي ديل زمااان ايام كنا طلاب بالجامعة طلعنا مظاهرات بدري الكلام ده وفي الوكت داك كان في طالب مات برصاصة طائشة بدري الكلام ده فكنا نهتف في المظاهرات قلت ليكم بدري الكلام ده كنا نهتف مقتل طالب مقتل امة في الوكت داك ناس الجوطة والمندسين كانوا في وسطنا في المظاهرات ماناقشين في شنو دايرين جوطة بس كنا نهتف مقتل طالب مقتل امة وكانوا يرددون دون وعي وماناقشين تكتل طالب نكتل أمك زي ديل نمرقهم من وسطنا الرياضي الواعي والسمح والمتسامح نحترم بعضنا ونحتكم للقانون ونحترمه ايها الناس اليوم تأبين الحبيب الراقي الراحل المقيم الأستاذ عباس خوجلي بنادي المريخ كلنا حضوراً وفاءً للراحل ورد دين له على رقاب الجميع ايها الناس «إن تنصروا الله ينصركم» آها نجي لي شمارات والي الخرتوم كان شفت يا والينا قروبات فسخ وفسخ ماليات النت علينا كل النسوان ابن الخضرة وفرك الخضرة يا والينا دايرين الصفرة واكل السفرة كيتاً علينا ولو عرفن انو الصفار بجيبو صباع او كريم او حقنة يا والينا والخضار ما بجيك الا من ربا لينا كان مسكن في الخضار قوي يا والينا وبالذات انحنا بطبعنا نباتيين بنحب الخضار مع غلاء اللحوم يا والينا سلك كهربا ننساك كيف والكلب ذاتو فكر ينفسخ وينجلخ ويركب العدسات ويقدل لينا والي لقاء سلك
