اللواء الركن (م) أسامة محمد أحمد عبد السلام يكتب: التقديم الالكتروني (الموحّد) للتشكيل الوزاري    مسؤول بهيئة النظافة يصدم مواطني الخرطوم    كامل إدريس وبيع "الحبال بلا بقر"    "الكنابي": تهجير المواطنين بإزالة السكن العشوائي في الجزيرة والخرطوم تطور خطير    الأسلحة الكيميائية وانهيار الجيش السوداني    السودان.. كامل إدريس يعلن عن 22 وزارة    إيران تغرق إسرائيل بالصواريخ من الشمال إلى الجنوب    هل ستتأثر مصر في حال ضرب المفاعلات النووية؟    بوتافوجو يفجر كبرى مفاجآت المونديال بإسقاط سان جيرمان    "كاف" يعلن عن موعد جديد لانطلاق بطولتي دوري أبطال إفريقيا وكأس الاتحاد الإفريقي    عندَما جَعلنَا الحَضَرِي (في عَدّاد المَجغُومِين)    حكومة أبو نوبة.. ولادة قاتلة ومسمار آخر في نعش "تأسيس"    نص خطاب رئيس مجلس الوزراء "كامل ادريس" للأمة السودانية    السفير عدوي يشيد بدراسة إنشاء منطقة لوجستية على الحدود السودانية    الاهلي المصري نمر من ورق    الجمعية العمومية الانتخابية لنادي الرابطة كوستي    السجن والغرامة على متعاون مع القوات المتمردة بالأبيض    ميسي يقود إنتر ميامي لقلب الطاولة على بورتو والفوز بهدفين لهدف    الفوز بهدفين.. ميسي يقود إنتر ميامي لقلب الطاولة على بورتو    فقدان عشرات المهاجرين السودانيين في عرض البحر الأبيض المتوسط    عودة الخبراء الأتراك إلى بورتسودان لتشغيل طائرات "أنقرة" المسيّرة    6 دول في الجنوب الأفريقي تخرج من قائمة بؤر الجوع العالمية    30أم 45 دقيقة.. ما المدة المثالية للمشي يومياً؟    الإدارة العامة للمباحث الجنائية المركزية تتمكن من ضبط منزل لتزييف العملات ومخازن لتخزين منهوبات المواطنين    بين 9 دول نووية.. من يملك السلاح الأقوى في العالم؟    لماذا ارتفعت أسعار النفط بعد المواجهة بين إيران وإسرائيل؟    وزارة الصحة تتسلّم (3) ملايين جرعة من لقاح الكوليرا    "أنت ما تتناوله"، ما الأشياء التي يجب تناولها أو تجنبها لصحة الأمعاء؟    ماذا قالت الصحف العالمية عن تعادل الهلال مع ريال مدريد؟    نظرية "بيتزا البنتاغون" تفضح الضربة الإسرائيلية لإيران    السودان والحرب    شاهد بالصورة والفيديو.. حسناء سودانية فائقة الجمال تبهر المتابعين وتخطف الأنظار بتفاعلها مع "عابرة" ملك الطمبور ود النصري    شاهد بالصورة والفيديو.. خلال حفل زفاف بالقاهرة.. العازف عوض أحمودي يدخل في وصلة رقص هستيرية مع الفنانة هدى عربي على أنغام (ضرب السلاح)    شاهد بالصورة والفيديو.. مطربة أثيوبية تشعل حفل غنائي في أديس أبابا بأغنية الفنانة السودانية منال البدري (راجل التهريب) والجمهور يتساءل: (ليه أغانينا لمن يغنوها الحبش بتطلع رائعة كدة؟)    هل هناك احتمال لحدوث تسرب إشعاع نووي في مصر حال قصف ديمونة؟    ماذا يفعل كبت الدموع بالرجال؟    الإدارة العامة للمباحث الجنائية المركزية تتمكن من الإيقاع بشبكة إجرامية تخصصت فى نهب مصانع العطور بمعاونة المليشيا المتمردة    الصحفية والشاعرة داليا الياس: (عندي حاجز نفسي مع صبغة الشعر عند الرجال!! ولو بقيت منقطها وأرهب من الرهابة ذاتا مابتخش راسي ده!!)    كيم كارداشيان تنتقد "قسوة" إدارة الهجرة الأمريكية    "دم على نهد".. مسلسل جريء يواجه شبح المنع قبل عرضه    التهديد بإغلاق مضيق هرمز يضع الاقتصاد العالمي على "حافة الهاوية"    السلطات السودانية تضع النهاية لمسلسل منزل الكمير    المباحث الجنائية المركزية ولاية الجزيرة تنفذ حملة أمنية كبري بالسوق العمومي وتضبط معتادي إجرام    مباحث شرطة الولاية الشمالية تتمكن من إماطة اللثام عن جريمة قتل غامضة وتوقف المتورطين    المملكة تستعرض إستراتيجية الأمن الغذائي لدول مجلس التعاون الخليجي    خسائر ضخمة ل"غانا"..تقرير خطير يكشف المثير    والي الخرطوم يصدر عدداً من الموجهات التنظيمية والادارية لمحاربة السكن العشوائي    أدوية يجب تجنب تناولها مع القهوة    (يمكن نتلاقى ويمكن لا)    بالصورة.."أتمنى لها حياة سعيدة".. الفنان مأمون سوار الدهب يفاجئ الجميع ويعلن إنفصاله رسمياً عن زوجته الحسناء ويكشف الحقائق كاملة: (زي ما كل الناس عارفه الطلاق ما بقع على"الحامل")    3 آلاف و820 شخصا"..حريق في مبنى بدبي والسلطات توضّح    معلومات جديدة عن الناجي الوحيد من طائرة الهند المنكوبة.. مكان مقعده ينقذه من الموت    إنهاء معاناة حي شهير في أمدرمان    رؤيا الحكيم غير ملزمة للجيش والشعب السوداني    شاهد بالفيديو.. داعية سوداني شهير يثير ضجة إسفيرية غير مسبوقة: (رأيت الرسول صلى الله عليه وسلم في المنام وأوصاني بدعوة الجيش والدعم السريع للتفاوض)    أثار محمد هاشم الحكيم عاصفة لم يكن بحاجة إلي آثارها الإرتدادية علي مصداقيته الكلامية والوجدانية    ما هي محظورات الحج للنساء؟    قُلْ: ليتني شمعةٌ في الظلامْ؟!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



خالد النعسان بالطريقة دي بيكمل ليكم (رصيدكم)
محمد عبد الماجد نشر في النيلين يوم 24 - 02 - 2016

عمك (حسن تويتر) – اسمو كدا …قال عاوز يعمل ليه (كرامة)….عندو (نظرية) في الحتة دي.
يدفق في (عويناتو) متل (لوري التراب).
عندو (عراقي) قديم …من سنة 1943 محتفظ بيه.
في (عراريق) اثرية كدا.
ما عارف علاقتها بالموضوع دا شنو؟.
المهم!!.
اكتر حاجة طبعا بتغيظ في الزلط ..لمن يكون قدامك في قلاب (حصحاص)…كل ما يمر ليه في (حفرة) …تطاير منو (حصحاصات).
تشيل هم لقزاز العربية.
الحاجة البتغيظ اكتر ..ناس القلابات (الكلام) البكتبوه في الخلفية دي بجيبوها من وين؟.
لاقت لي واحد قبل يومين شايل ليه (اسمنت) وكاتب في خلفية القلاب (شيال التقيلة).
اكيد قاصدها.
وفي واحد سايق ليه ركشة وكاتب فيها (العافية درجات).
صاحبكم عشمان في (الهمر) بي نظريتو دي.
نحن الجماعة ديل حافظنهم حفظ.
حسن تويتر مشى شارع الانقاذ ..عشان يشتري ليه (خروف)….(بتاع الكرامة الفوق).
خلاص لحتقوا تنسوا.
حسن تويتر وقف ليه قدام (خروف) لو ما (شبيت) شوية ما بتشوف اضنينو.
خروف (حصان) بس.
اضنينو متل (رايات الكورنر)…لو ما جريت بيناتن ما بتحددن.
حسن تويتر دخل ليك في (مفاوضات) مع صاحب الخروف في السعر.
قربو يمشوا (نيفاشا) يتفاوضوا هناك – ويرجعو.
اصلو نحن ما بنتفق بالساهل.
الواحد فينا لو عاوز ليه (عجلة) يمشي ليها (ابوجا).
اقل شيء (الدوحة).
المهم حسن توتير بعد ان اتفق مع صاحب الخروف ودفع ليه القروش …صاحب الخروف قال لحسن تويتر عليك الله الخروف دا قبل ما تضبحو شربو (موية).
مالك انت يا زول؟.
ما عارف ليه اصحاب الخرفان بقولوا لينا كدا وقت نشترى منهم (خروف).
يعني (الحنية) كاتلاهم على (الخروف).
الفلسفة شنو في الموضوع دا؟.
حسن تويتر عاين لصاحب الخروف سمح وقال ليه والله بعد السعر دا مفروض اشربو ليك (بيبسي).
وبالمرة كدا اجيب ليه (بيتزا).
انت مالك ومال اهلك؟.
بعد كدا ما عندك قضية اجيب ليه (موية)..وإلّا اركب ليه (كهربة).
عليك الله نحن (الموية) لاقنها عشان نجيبها للخرفان.
الموية طارت السماء.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
الموضوع دا طبعا ما عندو علاقة بالموضوع الاصلي.
عشان الصورة توضح ليكم.
والسيلفي يبقى ظاهر.
بمناسبة (السيلفي) دا..عندي ليكم اقتراح عملي.
اقتراح اقتصادي كدا.
بدل القروش البتكبوها في (صور) العرس ..والتأخيرة البتعملوها لينا في الاستديوهات ..مفروض العريس والعروس يكتفوا ب (السيلفي).
لا تعال بعد اسبوع.
لا تدفع مقدم صور.
مفروض العرسان يكتفوا ب (السيلفي).
احسن حاجة والله.
هسع بي كلامكم دا دخلتوني في حتة ولا عاوز اتكلم عنها.
موش مرات بتكون قاعد تتونس ليك مع زول في (البص) بعد ما تفوتوا ليكم محطة ..محطتين كدا وتقربوا على الوصول بتكتشفوا انكم (قرايب).
واهل.
ومن منطقة واحدة.
ولو ما طلعت قرايب ..بكون خالو اشتغل مع خالك في السعودية.
الدينا دي ضيقة شديد.
قدر ما تكبر بتضيق.
قالوا ليك الزول العالم قدر ما يتعلم ..بيتكشف انو جاهل.
الدنيا كدا – قدر ما تكبر ..بتصغر.
نظرية.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
عشان الصورة توضح.
المريخ لو استمر بهذه الطريقة ..واصر على اشراك (خالد النعسان) في مبارياته ..ح ينزل من الممتاز.
وح يطلع مطالب كمان.
حتى الآن يمكن خصم (6) نقاط من رصيد المريخ.
اي ان رصيد المريخ الحالي ممكن يكون (16) نقطة فقط…(قبل الاستعانة بسمير فضل واسامة عطا المنان).
طبعا سمير فضل السنة دي لو عاوز يدعم المريخ ..إلّا ينضم لاولتراس جوارح المريخ.
يمشي (المدرجات).
عشان طريقتو (التقلدية) ديك في دعم المريخ ..بقت مكشوفة.
اسامة عطا المنان ذاتو السنة دي ما فايق ليكم.
اسامة عطا المنان بقى (قنصل)…يعني حكاية يرفع ليه ايقاف عن لاعب او يسمح بتجاوز اللوائح عشان خاطر نادي السنة دي ما بيعملها ليكم.
ما في (قنصل) بعمل كدا.
احسن تتكلوا على نفسكم.
اتعودوا على ذلك.
ركزوا مع ناس ابراهومة وعلي جعفر – عشان السنة دي شغل (مكاتب) ما في.
اضافة (نقاط) من غير اي مبرر ..السنة دي ما بتلقوها.
ممكن الحكم يجاملكم.
يحسب ليكم ضربة جزاء ساكت.
يعد ليكم قون وهمي.
لكن اكتر من كدا ..ما بقدروا يعملوا ليكم اي شيء.
ناس الهلال السنة دي قالوا لو شافوا ليهم (شولة) ساكت – خلوها (النقطة) ح يفرتكوا (الدوري).
قاعدين ..وحارسين حقوقهم.
اي لف ودوران …شوفوا ليكم بلد تانية.
16 نقطة ما بقعدن المريخ في الممتاز – لأن مباريات المريخ القادمة في شندي امام الاهلي وفي الابيض امام هلال الابيض وفي كادوقلي امام هلال كادوقلي.
اما المباراة القادمة للمريخ فهي امام الخرطوم الوطني الى جانب مباراة الهلال في نهائي الدورة الاولى.
اها بالطريقة دي المريخ ما بطلع مطالب.
خالد النعسان هو الى الآن نجم الدوري.
وهدافه.
خالد النعسان كسّب الاهلي الخرطوم (3) نقاط.
وكسّب الامل عطبرة (3) نقاط.
والله دي (ميسي) ما بيعملها.
فريق الامل عطبرة تقدم امس بشكوى في لاعب المريخ اقصد الامير اقصد الباوقة خالد النعسان.
وانتوا عارفين ..ونحن عارفين ..ناس الامل ديل وقت يمسكوا في (الشيء) بوصلوها (لوزان).
بيسكوا ليك الموضوع لمن تفهموا حاجة.
الجماعة ديل في بكري المدينة وقفوا الف احمر ..وانسحبوا من الممتاز – في خالد النعسان يعملوا شنو؟.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
خالد النعسان السنة دي بكمل ليكم رصيد.
انتوا عارفين خالد النعسان زي شنو؟.
خالد النعسان زي الموبايل البتخليه فاتح في جيبك.
فجأة كدا تكتشف انو فاتح.
وانو رصيدك (انتهى).
والعجب كمان لو كنت قاعد تتكلم ليك في كلام ما هو ..والتلفون فاتح.
والزول البتتكلم عنو …بيسمع في كلامك.
وتلفونك في جيبك.
خالد النعسان السنة دي بيدخل ليك المريخاب في نفس الحتة.
الجماعة خلوا التلفون فاتح.
وقعدوا يتكلموا في الهلال.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
لكن بي صراحة كدا.
ومن غير (المقدمات) الكتيرة ديك.
انتوا ما شايفين (الحكام) ديل بقوا يتراشقوا معاكم اكتر من اللازم.
انتوا عملتوا ليهم شنو في (الكمامات) دي.
الواحد فيهم بقي يحسب في الاهداف غير الصحيحة ويمنح في ضربات الجزاء.
بدون مناسبة كدا.
………..
و
امس تحدثنا عن قروب حول الهلال والصحيح قروب في حب الهلال.
والحب اكبر من ان تكون حول الشيء.
مباراة بكرة ..ما ساهلة.
محسن سيد غلب الاهلي شندي اربعة ..وبكون عشمان.
ثقة محسن سيد في (فانلتو) اكتر من ثقتو في فريقه.
الهلال قادر ان شاءالله على تقديم عرض سينمائي اخر.
وعلى تحقيق انتصار كبير ان شاءالله.
لا عاوزين ضربة جزاء.
ولا عاوزين يطردوا لينا لاعب.
المريخ يلعب امام الاهلي الخرطوم يطردوا ليه لاعب من الدقيقة 26 من عمر المباراة.
المريخ يلعب امام النيل شندي يحسبو ليه هدف غير صحيح.
المريخ يلعب امام مريخ الفاشر ..يجاملوه في تراوري وبكري المدينة بعد مخالفات تستحق الطرد.
المريخ يلعب امام الامل عطبرة يمنحوه ضربة جزاء وهمية.
نوع دا قابلكم في حتة.
………
السيدة (ل) – الاحراج وسيلة جيدة لتصفية الاشواق.
وقرّط على كدا.

انقر هنا لقراءة الخبر من مصدره.