اذا انكر انسان سوء المستوي الفني لفريق كرة القدم المريخي هذا الموسم يكون انسان مكابر ليس الا * ودي حقيقة * لا نريد ان نخوض في اسبابها لانها معرفه للجميع * برغم ان بعض المتسببين في بعض اسباب السوء ينكرون ذلك ويستنكرون نسبة اخطائهم اليهم * ونحن نلتقط في انفاسنا ونجمعها للخروج من نفق السوء المظلم كانت الطامة الكبري وبداية اثارت العداوات واختلاق المشاكل الداخلية التي قسمت الصف واستغربنا وقتها للتنوير المالي الغير مبرر وقتها وبحثنا عن حقيقة الدوافع التي ادت اليه بغير علم المجلس ولم نجد مبررا له غير الاسباب المعروفه للجميع * اي هدف لذلك المؤتمر او التنوير نقبله الا القول بان الهدف منه مصلحة المريخ * وهذه ايضا حقيقة * والحقائق التي يهرب منها الناس كثيرة * سواء كان ذلك الهروب مكابرة او خجله او امعانا في تحقيق اهداف تعتبر استراتيجية لدي البعض يمارسوها تحت مظلة صالح المريخ * فننتظر وننتظر ولا يأتي صالح المريخ ولا صالح سنار * صالح اليمني زاتو ذهب ولم يأتي هو الآخر برغم انه يجعجع يوميا معلنا قرب عودته *الحقائق كثيرة * ولكن ان يكون عدد ضربات الجزاء الممنوحه للهلال دوريا ستة وعشرين ضربة والموسم لم ينتهي تبقي في حقيقة مفروض الناس تعرفها * واذا كان الداقسين من الاهله يفترضون ان الهلال ممتاز بالرجوع لفارق النقاط تغيب عنهم مليون حقيقه * كوكو احرز هدفا صحيحا لاهلي شندي في شباك المدعوم آخر دقائق اللقاء نقضه الحكم خطأ وليس ظلم كما يحلو لهم * شيل نقطتين * في مباراة الزعيم ضد المدعوم ضربة جزاء صحيحة مع النعسان برضك يخطئ ولا يظلم * شيل نقطتين من المدعوم وادي الزعيم نقطه * كده خمسه * مباراة مدني الشهيرة (المخجله) يصرف التحكيم فيها ضربة جزاء اوضح من الشمس لسيد الاتيام * يخطئ ولا يظلم * وتاني يوم ناس روشا ما عرفوا يكتبوا شنو * شبكونا ليك الحكم انيق والحكم قيافه والحكم ود عز اساسا وقاري كمبيوتر * اخصم تلاته * اما مباراة النسور الاخيرة فهدف المباراة الوحيد الذي احرزه بشه ثم قام باستفزاز ناس روشا حينما قلد مشية العجوز * كان هدف تعادل لان النسور اخطأ الحكم في عدم احتساب ضربة جزاء صحيحة لها ولم يظلمها علي حد تعبير الذين لا يطيقون الحقيقه * اخصم اتنين * وفي مباراة اهلي الخرطوم تتم عرقلة خليفه داخل الخط علي مرأي ومسمع من الحكم ورجل الراية وكردنه * ووقتها كان الهلال متقدما بهدف * قتل خطأ التحكيم الاهلي وشتت همته * اخصم اتنين * ايها الناس * سته وعشرين بلنت!! * شهداء كرري كم ??? * ونعود لمباراتنا في كادوقلي * نقض هدف صحيح لعبده جابر * زيدنا نقطتين * يبقي عن اي فرق تتحدثون!!! * كل الحاصل انو المدعوم لا يقل سوء عن المريخ هذا الموسم * ولكن الدعومات التي تصله تظهر للناس وضعا يجافي حقيقة الوضع وتبريرا يتناقض مع حقيقة الدعم *لذا نجد ان الواحد في المية لي اسي فرحان من خسارتنا من التبلدي * ونسألهم * الهلال غلب هلال التبلدي كم ??? *المهم * ان المريخ في اسوأ حالاتو زي الهلال في احسن حالاتو ومدعوم كمان * ود هاشم وتشركوا مكسيم ??? * فريق شنو الجهزتوهوا * المهم * عندما يفوز المريخ يفرح تسعين في المائه من الشعب السوداني البطل * ولما يخسر المريخ يفرح الواحد في الميه من الشعب السوداني الفضل * ايها الناس * لكل جواد كبوه * ولكن لصقة الصفر تبقي ابدا طالما الواحد في المية من الشعب السوداني الفضل ده حالو ايها الناس * العودة لمنصات التتويج الافريقية ليست امرا صعبا ولا مستحيلا لفريق عرفها واعتلاها من قبل * ولكن الصعب بل المستحيل هو اعتلاء منصات التتويج الافريقيه بعد ماهرم الصفر الدولي وجاوز الثمانين * العجوز ده بعتر لو حاول اعتلاء منصات التتويج الافريقيه * حقو تدرجوهوا يا محمد عبد الماجد * خطوة خطوة * سيكافا اول * بعد ما شاب دخلوهوا الكتاب * محو امية الصفر * بعدين يفكر في شهادات عليا * روشا * مازال الصفر طفلا يحبو * حلاااااااااااتو يا فطومه * ايها الناس * ان تنصروا الله ينصركم * اها * نجي لي شمارات والي الخرتوم * كان شفت يا والينا * عندنا جدا لينا * سمعنا بنتكلم عن الدولار يا والينا * عدل قعدتو وقال لينا * لو درتوا الدولار ينزل لينا * خلوا السيستم وارفعوا البناطلينا سلك كهربا ننساك كيف والكلب قال الجنيه والشباب بدقوا سيستم سوا… ارفعوا البنطلون ترفعوا سعر صرف جنيهكم.. وهز ضنبو وقام جاري… الكلب زاتو داقي سيستم طبيعي لكن خلقة الله والي لقاء سلك
