في السلك بابكر سلك الدباره كييييف!!! * الوضع في فريق الكرة المريخي صعب شديد * ايقافات واصابات وعدم جاهزيه * وايا كان السبب يجب معالجته بوعي واصرار واللحاق بالركب * شخصيا ضد اليأس والرمي بالراية وفقدان الامل في الدوري * واذا كان الاهله يتمشدقون بفارق النقاط * فراعي الضان في الخلا يعلم كيف اتي الفرق * في مباراتهم ضد اهلي شندي نقض الحكم براية شقيق مدير الكرة الهلالي هدفا تعادليا وصحيحا وجميلا لاهلي شندي * اخصم نقطتين * في مباراتنا ضدهم صهين الحكم كعادته عن ضربة جزاء صحيحه لصالحنا نتجت عن كعبلة وردم النعسان * اخصم نقطتين وزيدنا نقطه * فرق ايه البتكلموا عليه * اثق في المريخ لاني اجزم بان الممتاز جميع فرقه في احسن حالاتها لاتستطيع منافسة المريخ في اسوأ حالاته * نقض هدف صحيح في مباراتنا في كادوقلي * زيدنا نقطتين * فقط نضمن تحكيم نزيه * والحته دي بحسمها المجلس * موش تحكيم نزيه في مبارياتنا بس * بل تحكيم نزيه في مباريات فريق الحكام ضد باقي الانديه * كفاية مهازل وتبريرات فطيره وخميرة * برا يخطئ ولا يظلم برا كمونية * وامنياتي ان يصدر مجلسنا في هذا الشأن قرار يهز به اركان الكاف زاتو حال اي محاباة من الحكام لفريقهم او ظلم يقع علي فريقنا * وشخصية الفريق يا مجلسنا الموقر يكتسبها من مثل هكذا قرارت قوية ومحقه * وعلي مجلسنا الهمام ان يعلم بان المسكنه ماحبابها * فلقب الصفوة اصبح لايليق بالشفوت بعد ضاقوا طعم الشفتنه * وشعار الانصار * يانتشفتن يا نتبشتن * الا تكفينا بشتنة التحكيم لينا يا ناس! * المهم * علي المجلس ان يعلم ان الشفوت علي المدرجات لم يفقدوا الامل بعد * وعلي اللاعبين ان يعلموا بان الاداء بغيرة واصرار هو المطلوب * وعلي الجهاز الفني ان يعلم باننا نحترمه جل الاحترام ولكنه ليس بقامة المريخ ولابقامة طموح اهل المريخ وان كيسهما فاضي * اي زول ممكن يدخل اليوتيوب ويكتب آخر التدريبات بتجيهو طوالي * لكن العقليه التدريبيه بالطيارة مابتجي * نشكرهما كثيرا ونتحسر بكل وضوح علي مريخ غرزه وايام غرزه ونتقالد ونبكي * لايهزم المريخ ويهده الا المريخ * ايها الناس * لا للاستسلام * اما تنافس شريف * او رياضه جماهيريه كلنا نجري وعلي الارض السلام * المهم * المريخ يحتاجنا جميعا * مجلس وشفوت * حقو ما نعاملوا معاملة النسابه ونعمل الواجب وبس * حقو نحس بيهو عشان نطرد النحس الفيهو * عشان نتحدث عن حاضر وعن مستقبل * ونستنا كلها بقت تتذكر لمن وتتذكر لمن وتتذكر لمن * ايتها اللجنه * يالجنة التسيير * جابسون مالو? * عاطف الغزاله مالو?? * مدرب بقامة المريخ مالو?? * لو عاد غرزه مالو??? * ايها الناس * ان تنصروا الله ينصركم * اها * نجي لي شمارات والي الخرتوم * كان شفت يا والينا * سألنا روحنا ليه طوالي ماكلين نيم يا اخينا * واحد بتاع بحر قال لينا * موش الشعار ناكل ممانزرع قالوا لينا? * قال خلاص الناس ديل كلامهم صادق لدينا * زرعتوا شنو غير النيم قولوا لينا?? * سكتنا يا والينا سلك كهربا ننساك كيف والكلب قال النيم كويس في الشجر بطير الباعوض وفي البطن بطير الملاريا وفي الشارع بطير ناس والي لقاء سلك
حمل تطبيق كورة سودانية لتصفح اسهل لزوارنا من السودان على متجر 1موبايل http://www.1mobile.com/net.koorasudan.app-2451076.html لزوارنا من جميع انحاء العالم من متجر قوقل https://play.google.com/store/apps/details?id=net.koorasudan.app لزوارنا من الصين الشعبية http://www.androidappstore.mobi/EN/displayproduct/112531/playstore