انا نفيسة سستر شغالة في العناية المكثفة طوارئ وإصابات السلاح الطبي بالسودان، مزعلاني حالة غريبة لي ولد صغير عمرو ١٤سنة اسمو الطيب محمد الشيخ عندو فشل في التنفس ما بقدر ينوم الا اذا اتوصل في جهاز التنفس يعني معتمد عليهو في الليل بس اما باقي الأوقات بيكون عادي حايم زيو زينا في العناية المستشفي كلها بتعرفو وزول محبوب شديد الطيب ده تخيلو راقد في العنايه كم ؟ اكتر من تلاتة سنين مرات بيكون عادي ومرات كتيره بيزهج شديد لدرجة بيشيل حاجاتو كلها في كيس ويقول انا خلاص ماشي بيتنا كفاية ومرات مسكين بيقول انا ليه قاعد ده كلو الناس بيجو بعدي في العنايه ويطلعوا انا ليه ما اطلع متين حتطلعوني ونحنا اتعودنا شديد كم مرث نزلو في الجريدة ومرة يقولو مسفرنو ألمانيا يتعالج هناك مع علم الجهات الكبيرة ولكن من غير اي جدوي!! حيعيش كدة لغاية متين ونهايتو حتكون شنو الله اعلم ؟!! الحاجة المحزنة قبل أسبوع تعب شديد وبقي ما واعي وقبل يومين قلبو وقف تلاته دقايق والحمد لله رجع طوالي واسي حالتو صعبة لكن ماشي في تحسن يا ريت كل من يشوف البوست ده يدعي ليهو وربنا يرفعو بقدرتو في أسرع وقت .. واي زول قادر يقدم حاجة يجي يشوف الحالة بي نفسو ويتواصل مع أسرته مباشرة ..
