أثارت تدوينة للشاعرة والكاتبة السودانية داليا الياس عن تقدم العمر وإختلاف الإهتمامات موجة من التعليقات والإعجاب والتفاعل من قبل أصدقائها على فيسبوك. وكتبت داليا الياس (الليلة إتأكدتا إنو مفروض أهدأ وأبرد وأطلع من الدور الحالم الرومانسى العايشه فيهو ده!! مفروض أحترم نفسى وأبطل أتصرف على أساس إنى مزه وفى زهو الشباب!!). وأضافت داليا الياس حسب ما نقلت ريم منصور محررة المنوعات بموقع النيلين (الشاهد إنى عاينتا للكوميدينو الجنب سريرى فلقيت فيهو شريط بندول و شاحن موبايل وسبحة إلكترونية وصندوق مناديل وقطرة!!). وقالت (إتذكرتا إنو قبل 5 سنوات كان فيهو ريموت وفازة ورد وأبجورة على شكل قلب ….وقبل 10 سنوات مثلا” كان فيهو كتاب لى إحسان عبد القدوس وديوان لى نزار قبانى ومسجل وشريط أم كلثوم أنت عمرى الكنتا بنوم بيهو يومى وفتيل ريحة وكيس تسالى !!! شفتو بالله أنا عجزتا كيف ؟!!!). وختمت داليا تدوينتها (السنة الجاية أكيد حيكون جنبى نضارة والبعدها طقم أسنان وراديو….ده كان الله مدا فى الآجال بأذن الله).