أثارت دعوة جواد بده، المعلق المغربي على قناة “Bein Sport”، عندما قال بعد هدف فوز مصر على المغرب: “أعطني حظ المصريين وارمني في البحر”، سخرية نشطاء موقعي التواصل الاجتماعي “فيس بوك وتويتر” من المصريين، الذين أكدوا أن المعلق المغربي إذا حصل على حظ المصريين فسيغرق في البحر ولو كان مايكل فيليبس أو أبو هيف. تغرق قالت أميرة بدوي: “المعلق المغربي بيقول أعطني حظ المصريين وارميني البحر… إنت لو معاك حظنا قسما بالله لا تغرق في البحر لو كنت مايكل فيليبس شخصيا”، وأضافت شيرين:”أعطني حظ المصريين بس ماترجعش تعيط”. وعلق ناصوره “مهدى بن عطية: اعطني نصف حظ المصريين وارمني في البحر.. صل على النبي في سرك ياجدع”، وردت هاجر عبد الحكيم: “سمعت أن “المصريين عندهم حظ” والله مش عارفة لو قولتلكم “ربنا يديكم حظ المصريين” هبقي بدعيلكم ولا بدعي عليكم..” . وتابع أحمد قميحة: “المذيع المغربي بيقولك أعطيني حظ المصريين وارميني للبحر.. تعالى خد حظ المصريين وبطاقة التموين وانت هتروح ترمي نفسك في البحر لوحدك”. سترك يارب وسخر عايش عشانك “مذيع مغربى: أعطني حظ المصريين وارمني في البحر.. احنا: أعطنى جنسيتك وخد البحر والحظ”. وقال مصطفى محمد: “جواد البده المعلق المغربي لمباراة مصر والمغرب بعد المباراة: أعطني حظ المصريين وارمينى البحر، أنا بقوله لو معاك حظ المصريين ورميناك البحر والله ما هتطلع حتى لو كنت عبد اللطيف أبو هيف أو مايكل فيلبس.. افتكر إنى قولتلك بلاش”. وأضافت جاسمين سليمان: “عن إحساسنا كمصريين واحنا بنتفرج على ماتش المنتخب امبارح وسمعنا المعلق المغربي لما قال (ادينى حظ المصريين وارميني في البحر). حظ إيه ياعم اسكت الله يهديك. سترك يارب”. ورد أكمل كامل: “المذيع إلى كان بيذيع ماتش مصر والمغرب بعد فرص المغرب الضايعة بيقول- أعطني نص حظ المصريين وارميني في البحر- وأنا بقوله احنا ما يرضيناش نرميك في البحر وخد حظ المصريين كله”. قولتلك بلاش وتابع محمد ثابت: “أنا بس نفسي تيجي تسوق في شارع فيصل”، وقالت أسماء أحمد العثماني:”تقريبا لو اخد حظنا هيتنازل عن كل الماتشات هههههههه.. تعالى خدها كلها بحظها وبسلطتها وبابا غنوجها”. وسخر أحمد شمس: “المعلق المغربى عمال يقول “أعطوني حظ المصريين وارمونى البحر”. جتك… خده كله إياكش تغرق” . وأضاف أحمد زهران “المعلق المغربي بيقولك أعطني حظ المصريين وارميني البحر… أنت لو معاك حظ المصريين لا تغرق وأنت بتغسل وشك في الحمام”. وعلق حسام علوي سيف الدين بقوله: “المعلق المغربي امبارح بيقول اديني حظ المصريين وارميني في البحر أحب أقوله انت لو أخدت حظ المصريين هتغرق وانت على البر من غير ما تنزل البحر مش معني أن ربنا سترها معانا في ماتش كوره أن حظنا حلو خالص ده احنا فقراء أوي أوي بشهادة الحكومة يا عم”. وردت دينا القاضي: “افتكر إني قولتلك بلاش بصوت محمد هنيدي”، وتابع محمد إبراهيم كايد ” حد يعرفه إننا ماشين في البلد دي بالعلاج ياجدعان” كوبر المحظوظ وقال محمد عبد الكريم العزب: ” قوله تعالى عيش لك يومين في مصر وانته هترمى نفسك لوحدك في البحر”، وأضاف طارق أبو الفتوح: “وحياة أبوك تيجى تاخد اللي طلع لنا في البخت ولا كان على البال”. وعلق عبد السلام حسن: “يا عم مافيش مصري محظوظ ده كوبر هو المحظوظ.. بيحسدونا على إيه مش عارف والله.. ياخدوا حظنا ويدونا 2 ك سكر”، ورد على يحيي: “ده الدولار بعشرين جنيه”، وتابع محمد الصنهاوي:”حظ المصريين إيه يا حزين؟ انت لو خدت حظ المصريين مش هتلاحق على المفاجآت”.
