بسم الله الرحمن الرحيم دى حكومة شنو صديق ابوعمار [email protected] ضاق الخناق على عصبة الابالسة القلوب إعتمرت بالثورة والعقول لا أنيس لها الا الثورة والمجالس الخاصة تعشق الهمس بالثورة وبيوت الافراح والاتراح أصبحت منتدى عامر للتفكير والتفاكر فى طرائق ترجمة الثورة ومكاتب الموظفين الغلابة إشرأبت أعناقها للثورة وطلابنا فى جامعاتنا بدأ بالخرطوم التى ما عرفت الخنوع ولا الانكسار( فهى صاحبة الفضل فى خلع عبود بالعريس الحق الشهيد القرشى ) وبدأ بجامعة النيلين التى فى عضمها مصرية ولحمها سودانية فهى شقيقة بل توأم مصر فى الثورة ، وبدأ بالاسلامية التى هبت منها نسمة أبرايل التى تلاشت بفعل السادة ، وبدأ بالاهلية التى مازالت تقدم الشهيد تلو الشهيد نصرة للحق والتطلع لغد أفضل وبدأ بالسودان جامعة كل السودان التى ما ضنت بالشهادة ولا تخلفت عن القيادة وبدأ بالجزيرة التى دائما صاحبة الصوت الجهور فى رفض الخنوع والانكسار وبدأ بكردفان التى ما إستكانت ولا تسامحت فى الثورة وبدأ بالفاشر وبنيالا وكسلا وبدأ بحامعاتنا المنتشرة على إمتداد الوطن وجامعاتنا التى حرمت فيها السياسة ، وبدأ بالخريجين أصحاب الوجعة والمشردين الذين أدمنوا مرارة الذل والنسيان..... الكل مطالب بالثورة على الفساد يا ناس البلد ، وصلت الكروشة لدرجة الفهلوة علينا فى الدستور البنظم قوانين البلد ... وزير العدل شال ملفو بتاع التعديلات الدستورية اللهو أصلو ملف الحكومة والحكومة حكومة مؤتمر وطنى يعنى الشغلانية ما طالعة من السلم الخماسى بتاع الانقاذ الفيهو طه ونافع والبشير وبقية أوكسترا الشفط واللقف وأمور التلاتة ورقات ، يا ناس المؤتمر حذف المواد المتعلقة بالجنوب وباقى الكوارع تكون ذى ما هى ، أبدا دا ماحيكون أنحنا عاوزين دستور يشترك فى وضغوا كل ناس البلد ، وعاوزين فى البداية حل برلمان ود الطاهر وحل برلمان الولايات وحل الحكومات والبرلمانات الولاية ودا طبعا على رأسو الحكومة المركزية ، والمهم يا ريس إستقالتك من الجيش لأنو ما دمت المشير ورئيس المؤتمر الوطنى فلا حيادية فى الشغلة ، التنازلات بالقطاعى ما عندها فايدة لانو فى خاتمة المطاف التغيير آتى ، أنت يا ريس بدل نلف وندور على حل مشكلة الجنائية أحسن تعقد صفقة مع شعبك وصفقة الشعب يا ريس أحسن من صفقات التنازلات الاضرت بالبلد ، والصفقة يا ريس سلم السلطة لجيشنا بحالتو الراهنة عشان نلم معاهو البلد .. وعشان الكلام يكون جد أنحنا يوم 15مارس عاوزين نسمعك صوتنا ومرتبين صفوفنا عشان ننهض. الحصل فى ليبيا درامة دموية مصغرة لما هو آتى للسودان إن تمسك الابالسة بالسلطة فدارفور بها جيوش جرارة والنيل الازرق وجنوب كردفان حالها معروف والشرق ملتهب والوسط حرايقو شغالة وكل زول عندو بندقية وأهل وقبيلة .............. الزول الكارثة (كرتى) طلع بتصريح ينم على سواد البلد وحظها العاثر فى قياداتها بالله يا كرتى تصريحاتك دى بتشاور فيها الشيخ عمر .... تنوية : ساعونا بالآراء عشان نكرب شغل 15مارس صديق ابوعمار [email protected]
