سودارس : دور السي اي ايه في بقاء الانقاذ عشرون عاما (3_

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

دور السي اي ايه في بقاء الانقاذ عشرون عاما (3__3)اا

نجم الدين جميل الله نشر في الراكوبة يوم 12 - 04 - 2011

دور السي اي ايه في بقاء الانقاذ عشرون عاما (3__3)
نجم الدين جميل الله
[email protected]
أصرت امريكا على محاربة جيش الرب , فخر العميل ساجدا و نفذ الامر في ثواني ,,, طرد جيش الرب من الاراضي السودانية و تخلى خرطوم عن حليف العمر (كوني ) وقتيا عسى ان يرضي ذلك امريكا
و دخل ملف دارفور حيز اللعبة بعد ان تاكد إستحالة حلها محليا , و جاء دور اخر للعملاء .
طلب السي اي ايه من عملائه ان يقبلوا بقوات دولية في دارفور .. فرد احدهم بان الرئيس حلف بالطلاق فرد عليه رجل السي اي ايه : بسيطة يطلق فاطمة العجوز ... فقال احدهم مافي داعي نعملها هجين
أرسل طائرة خاصة للعميل السوداني لزيارة امريكا لان امريكا تفكر في رجل يحل محل البشير بعد تنفيذ امر القبض , فذهب يحمل في جيبه تفاصيل التفاصيل في السياسة السودانية و الامن القومي السوداني
إستلم الامريكان المعلومات ثم سألوه لماذا تقومون بتجنيد الجنجويد في دارفور ؟؟ رد صاحبنا لا لا لا والله ديل ناس ساكت ما عندهم علاقة بالحكومه ! ضحك ضابط السي اي ايه و ضغط على زر امامه فظهرت شاشة عريضة ... و ياهو ديلك الجنجويد يصرفون رواتبهم في مكتب حكومي ... ثم يستلمون السلاح من مكتب حكومي ... ثم يحرقون قرية ديتو .... و يخاطبهم هارون و كوشيب
صاحبنا خجل و قال و الله انتو خطرين انا ذاتي كنت ما عارف تصدق !!! رد عليه خليك نحن مش عايزين جرجرة . إنتو عارفين كيف سلمتو كارلوس ؟ اجاب باحترام نعم سيادتك Straight
بنفس الطريقة تسلمونا هارون و كوشيب ... و عبر مطار الخرطوم كمان ....
رد عليه العميل السوداني بان الوقت غير مناسب , و ان تسليم هارون و كوشيب ربما يشعل حربا داخل الحزب مع الجهاديين ... و كمان عمك بشير ذاتو مش موافق .. و عشان تكون سمن على عسل خلوهم تلاته _ بشير _ هارون _ كوشيب و كده تكونوا حققتوا هدفكم و نحنا كمان نلقى سلطة من بعدهم
رد السي اي ايه : لكن نحن محتاجين للبشير عشان الاستفتاء و دولة الجنوب , إذاً خلوها بعد الاستفتاء
ولكن طلب من العميل ان يرسل تقارير دورية عن جرائم دارفور و حلقات مصورة من عمليات الحرق و النهب إلى السي اي ايه تحت إسم مستعار ( معلومات عن الاسلاميين المتشددين في السودان )
و كانت تقارير دارفور تخرج بصورة اسبوعية من داخل مكاتب الاجهزة مظروفة و مكتوبة عليها اسماء مستعارة مثل ( حزب التحرير الاسلامي في السودان ) ( جماعة انصار السنة ) ( جماعة الهجرة و التكفير ) ( القاعدة في الصومال ) ( الجماعة الجهادية في السودان) ( علاقة القاعدة باحداث نيجيريا)
كم مرة قال احدهم \" اننا نتعاون مع اجهزة المخابرات الغربية بخصوص الارهاب \"
لكن بعد الاستفتاء بكون الخطوة ( ج) جاهزة ... و ما هي ؟؟
حشد الغضب الدولي ضد الخرطوم _ قطع العلاقات مع تشاد + كمبالا + ليبيا + كينيا
دعم الثوار الدارفوريين و تشجيعهم على تبني مشروع تقرير مصير لدارفور
حض اهل الشرق على التمرد مرة اخرى و المطالبة بتقرير المصير
إعتراض طائرة البشير في ثالث رحلة خارجية بعد الاستفتاء ( الاول تطمين + الثاني خدعة )
فرض منطقة حظر طيران فوق سماء دارفور , و دعم القوات الدولية هناك لتوجيه ضربات ضد الجنجويد تسليم البشير و هارون + كوشيب للمحكمة الجنائية ... اوووووك
و طمأن الضابط عميله قائلا : انت امشي ابقى سياسي و خلي لينا العساكر شوف نعمل ليهم شنو !!
عاد سيادته من امريكا و قدم استقالته على الفور ؟؟ رفض الرئيس الاستقالة ثم اصدر مرسوما اعفاه بموجبه من موقعه فصار سياسيا !!!!
هكذا لعب السي اي ايه دورا فاعلاً في بقاء الانقاذ عشرون عاما على كرسي السلطة في السودان . و عملائه الان في اماكن مرموقه من هيكل دولة الانقاذ.... فهل يعقل ان يقوم احدهم
1 - بتسليم كارلوس للفرنسيين مجانا ( فهل تعلمون ما قدمه كارلوس للقضية الفلسطينية ؟؟)
2 - ان يحاول القبض على بن لادن بعملية عسكرية مستخدما جهاز الامن ( ماذا فعل الرجل للسودان؟؟)
3 - تقسيم السودان و تفتيت ارض المليون ميل دون سبب ( الهم إلا إرضاءا لاسيادهم )
4 - تقديم ملفات مفصلة عن الجماعات الاسلامية في افريقيا و كشف اسرار المؤتمر الشعبي الاسلامي التى كونتها الجماعات المتحالفة في التسعينات من القرن الماضي (علما انها ليست المؤتمر الشعبي الحالي)
5 – السفر بطائرة خاصة إلى امريكا لمقابلة ضباط السي اي ايه ( عشان يعمل شنو؟؟ )
سؤال وجيه : الزول البعمل الخمسة نقاط دي نسميه شنو ؟؟؟ ( وطني غيور يعني !!!!)
فهل يعقل ان اكثر من رددوا كلمة خائن _ عميل _ صاروا اليوم عملاء للسي اي ايه ؟؟ قديما قيل ( الفي بطنو هرقس براحو بقوم برقص ) ... الفيك بادر بيه ... و الفكي بيولد ذنوبو ...... هولاء هم ذنوب شيخ حسن

انقر هنا لقراءة الخبر من مصدره.