سودارس : سودانيز زهايمر

قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر شاهد بالفيديو.. داخل حرم إحدى المدارس.. والي النيل الأبيض ينفعل على وزير التربية والتعليم ويحظى بإشادة الجمهور: (لن أذهب حتى ينتهي البناء) شاهد بالفيديو.. الفنانة هدى عربي تخلع حذائها أثناء الحفل وتدخل في وصلة رقص مثيرة اختبار نسخة مدفوعة جديدة من "إنستغرام" "آبل" تستعد لإطلاق أول آيفون قابل للطي النفط ينخفض 1% بعد تقرير ترامب إنهاء حرب إيران "يغفر الله للجميع إلا باجيو!".. مأساة اللاعب الذي مات واقفا – فيديو عيد ميلاد إيمى سمير غانم.. خطوات ثابتة واختيارات مدروسة فى مسيرتها الفنية قرار لحكومة السودان بشأن معبر أدري قيادي بحزب المؤتمر الوطني يحسم جدل مثير صبري محمد علي (العيكورة) يكتب: *هذا ما قاله لي وزير التعليم العالي والبحث العلمي ظهر اليوم* عثمان ميرغني يكتب: فساد.. الفساد.. والي الخرطوم يوجه وزارة التخطيط العمراني بتطبيق القوانين وتسريع إجراءات معاملات الأراضي جهاز المخابرات العامة يدشن مبادرة العودة الطوعية للاجئين السودانيين من مصر إكتمال فتح الطرق والشوارع الداخلية بمنطقة وسط الخرطوم ارتفاع جديد في أسعار الوقود بالخرطوم شاهد بالفيديو.. رمى عليهم عبوة ناسفة وهرب.. جنود بالدعم السريع يضبطون مرتزق من جنوب السودان في وضع مخل مع سيدة داخل "راكوبة" بمدينة الفولة شاهد بالفيديو.. فنان "ربابة" سوداني يثير تفاعل الجمهور بعد ترديده أغنياته الشهيرة (صورة وصوت) في حفل حاشد بالسعودية الهلال يواجه أُماجوجو لتوسيع فارق الصدارة شاهد بالفيديو.. داخل حرم إحدى المدارس.. والي النيل الأبيض ينفعل على وزير التربية والتعليم ويحظى بإشادة الجمهور: (لن أذهب حتى ينتهي البناء) الأهلي يخسر من ساردية بدوري شندي (أماجوجو والنقطة 54) برشلونة يتلقى دفعة معنوية قبل مواجهة أتلتيكو مدريد شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي كريم عبد العزيز وفريق مطلوب عائليا يبحثون عن دولة أوروبية للتصوير الخارجى أزمة منشطات تشعل دوري أبطال إفريقيا.. الهلال السوداني يشكو نهضة بركان المغربي ل"الكاف" أيهما أكثر فائدة القهوة أم عصير البرتقال صباحًا.. والكميات المناسبة آلام الدورة ليست دائمًا طبيعية.. إشارات تكشف بطانة الرحم المهاجرة مبكرًا فصيلة الدم تكشف احتمالية الإصابة بالسكري السيسي للرئيس ترامب: لا أحد يمكنه وقف الحرب في المنطقة إلا أنت "فيفا" يتّخذ موقفًا حازمًا بشأن مشاركة إيران في كأس العالم مصر.. الدولار يقترب من 54 جنيها لأول مرة سارة بركة: أحمد العوضى مجتهد بشكل كبير وبيحب شغله جدا اختيار غير متوقع لمستقبل "الملك المصري" وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد بسبب ضعف الراتب.. وزير الثروة الحيوانية بالسودان يبحث عن عمل إضافي رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران السكوت على هذا الأمر لا يرضي الله ولا رسوله!! ارتفاع أسعار الذهب في السودان الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

سودانيز زهايمر

محمد عبد المجيد أمين نشر في الراكوبة يوم 08 - 01 - 2012

بسم الله الرحمن الرحيم
سودانيز زهايمر
محمد عبد المجيد أمين ( عمر براق)
[email protected]
حكومة السودان الاليكترونية ( 9)
يفتح الستار آليا فنري الجد جالسا علي مقعده قبالة الشاشة الضخمة وهو منكب علي قراءة القرآن من المصحف الصغير الذي يحمله ، بينما أحفاده يجلسون حوله في شكل يشبه نصف الدائرة
الجد : ( وهو يغلق المصحف ثم يرفع يديه بالدعاء فيتبعه أحفاده).... وأجعلنا ربنا من الذين يمسكون الكتاب وأقاموا الصلاة
الأحفاد : ( بصوت واحد) ... آمين-
الجد: ( مواصلا) وبسنة نبيك الأكرم نعمل ولا نحيد عنها...
الأحفاد : ( بصوت واحد) آمين
الجد: ( مواصلا) وما نزوغ جاي ( يحرك كرسيه بعيدا) ... والا جاي...... نمشي عديل كدي( يحرك كرسيه إلي الاتجاه المقابل) ... وما بتجينا عوجة إن شاء الله .
الأحفاد : ( بصوت واحد) آمين
الجد : الفاتحة.....
حفيد 1: ( لجده باستحياء ملحوظ ) الله يديك العافية ياجدو. نحنا الكلام دا كلو عارفينو و...
الجد : ( مقاطعا) ومالو ..... ما تذكروه طوالي عشان ما تقدسو
الفتاة : نحنا إن شاء الله ما عندنا عوجة لكين..!!.
حفيد1 : ( متدخلا) لكين ..... العوجة في القيادة ياجدو
الجد : قيادة شنو .... أنت وهي .... أنتو حاتسوقو عربية...؟
حفيد3: ( لجده وهو يستدير بكرسيه ويدفعه مع باقي أشقاءه نحو عمق الشاشة حتي يكاد يلتصق كرسيه بها ) ..... سواقة العربية ذاتها دايرة علام ياجدو.... نحنا بنقصد .... السفينة...
( الشاشة تظهر لقطة فيديو حية لبحر متسع ، متلاطم الأمواج ، يغطي كل الشاشة )
حفيد 2: ( لجدو ) تخيل ياجدو ... أنو كرسيك ده هو السفينة ... وأنو كل أهلنا.... كلهم راكبين فوقا.
الجد : ( متسائلا ) أهلنا .... ناس البلد الرطانة يعني ؟
حفيد1: لا ياجدو .... نحنا ما بنقصد ناس بلدنا براهم .... نحنا بنقصد أهلنا كلهم... كلهم
حفيد3 : ناس البلد الكبيرة دي..... ناس البلد كلهم .... فردا ...فردا
الفتاة: أحمرهم وأخضرهم وأزرقهم.
حفيد2: عربهم ورطانتهم ..... ( بزهق ) ما قلنا ليك كلهم ياجدو
الجد : ( متحيرا) والله حيرتوني !!.... واللا أمكن ما فاهم ....!! الزهايمر أظنو إشتغل تاني
الفتاة : ( تشاغله ) والله أنت فاهم كويس نحنا بنقصد شنو.... ياجدو عليك الله ... خلينا من الزهايمر بتاعك ده
حفيد1 : يالله يجدو ..... هسي ....مثلا .. مثلا...أنت الربان .... ونحنا الركاب ( يشير الي الخلفية حيث البحر ) وياهو ده البحر.....
( الجد وأحفاده يقطعون الخشبة أمام البحر جيئة وذهابا وكأنهم في سفينة يقودها جدهم )
الجد: ( لأحفاده ) أقول ...هو .. إنتو اللي إخترتوني .... واللا أنا جيت براي؟
الفتاة : ( باستهزاء).... لا نحنا اللي جبناك من الحلة عشان تقودنا
حفيد3: وشنو ..... قعدنا نحنس فيك عشان تيجي تقودنا
حفيد1 : عليك الله يا ريس
حفيد2: بقاك الله ياريس
الفتاة : شيلناك فوق راسنا شيل!.
حفيد3: ( كأنه يمتحنه ) آهه.....حاتودينا وين بعد داك يا ريس؟
الجد : ( بعفوية ) .... حاوديكم في داهية طبعا .
الفتاة : ما يهو اللي حصل ياجدو ..... نحنا فعلا... رحنا في داهية
حفيد1: نحنا في الداهية ذاتا
الجد : ( مستغربا ) ليه .... أنا ربان كعب يعني ؟
حفيد 2: أنت مش ربان كعب بس .... إنت ما بتعرف تسوق كلو كلو.
حفيد3: ( يصرخ ) أيها الربان .... أيها الربان .. أنت تلقي بالركاب من علي ظهر السفينة .... بعدما تركتهم جوعي وعطشي ومرضي ...!!
الفتاة : أيها الربان .... الحكاية شنو .... الركاب ديل قاطعين تذاكر ومعاهم جنسية وجوازات سفر قبال ما يلدوك ... مالك جدعتهم م السفينة ؟.
حفيد1: ( يصرخ ) أيها الربان ... أيها الربان الوزراء والمساعدين ، وناس البرلمان ، والولاة ، والمعتمدين وكل الدستوريين وغير الدستورين من حزبك الموقر خمو البلد. أكلو زاد الرعية .
الجد : ( ببرود ) ما يخموها كلها ..... يعني يشتغلو ليكم مجانا.
حفيد2: أيها الربان .... أحذر الزوابع والأعاصير.... أنت تخوض في بحر الظلمات!.
الفتاة : ايها الربان ..... الأغراب يسرقون أخشاب سفينتنا ... وهي تنقص شيئا فشيئا ...( يغير من صوته) وحضرتك قاعد ترقص!!.
حفيد3: ( يصرخ ) أيها الربان ..... أحذر الصخور .... سنقع في قعر الهاوية
الفتاة : أيها الربان .... الشيطان يمشي وراءنا ... لا أمامنا .... يبدو أننا سبقناه!!.
حفيد1: أيها الربان ..... عد إلي صوابك ... لقد تجاوزت كل الخطوط الحمراء.
حفيد3: أيها الربان الأغراب يزرعون أرضنا ... وينقبون عن الذهب ونحن نتفرج عليهم.
الفتاة : توسع علي أهلك والأغراب وتضيق علينا ... ياويلك من ربنا
الجد : إن شالله السمك يكلهم ويفتت عضامهم ( لنفسه بفتونة) ..... العواليق ديل ما نافعين.... نحنا أسيادا ..... أسيادا.... البلد دي حقتنا .
حفيد 2: ياراجل .... خاف الله!!.
حفيد1: أسياد شنو... وحقتكم شنو ياعم ؟ ..... أمش أقرا التاريخ وبعدين خلي راسك يضربو الهنبليب عشان تصحصح وتقول كلاما نصيح.
الفتاة : ونحنا شنو يعني .....شعب \" تم إختراعو\"؟!!.
حفيد3: ( لشقيقه) ياهو ده الكلام العوير ذاتو... اللي فرتك لينا البلد ... وأشعل لينا الحروب .
( يسمع صوت يأتي من شاشة مركز المعلومات )
يا ريس .... يا ريس .... أيها القبطان ... أيها الربان ..... يا كابتن.
الأحفاد: ( يشيرون لجدهم إلي حيث مصدر الصوت فيتقدم الجد نحو الشاشة التي تنقلب صورها في عرض متوال لأرض جدباء مشققة، ومراكز صحية ومستشفيات متسخة ، ومرضي يبدو عليهم البؤس ، وتلاميذ يفترشون الأرض في أحد المدارس ، وأناس يتسكعون في الشوارع جيئة وذهابا بغير هدي ، ولقطة خارجية لدار المايقوما ، وقسم بأحد المستشفيات لمرضي الأيدز ، ثم لقطات للمباني الفخمة والقصور ببعض الأحياء الراقية ،ثم وجوه متعددة لرجال ونساء وأطفال وكهول وقد علتها الحيرة والبؤس ، ثم خور به مياه راكدة وحيوان نافق ، ثم لقطات مختلفة لعربات فارهة ، ثم حفلة رأس السنة يحيها شباب وشابات من الموسريين ، بينما يصحاب كل تلك اللقطات من أولها إلي آخرها كلمة واحدة تتكرر عقب كل لقطة)
الصوت : علي بالطلاق .... علي بالطلاق ..... علي بالطلاق
الجد : ( يبتعد بكرسيه بعيدا ويتنهد ) آيه .... زمن ( لأحفاده ) .... طممتو لي بطني.... اللعبة دي ما بتنفع معاي .... أنا لا ربان ولا دايرها ...... دي مصيبة ما يرضي بيها الا زولا بليد الحس وضعيف الدين . الشغلانة دي حسابا عسير خلاص ...
حفيد3: ( للجد ) أيها الربان ....
الجدو : ( ينهره ) ربان شنو تاني ياولد؟... ما قلنا خلاص .....( يدور بكرسيه ) ما قلت ليكم ..... أخير الزهايمر.... ( لنفسه متحسرا) .....بئس الشباب المضيع
الفتاة : ونحنا ضيعنا نفسنا برانا ياجدو؟!.
حفيد3: ما ضيعونا الكبار ذاتهم.
حفيد2: الحكومة شاتتنا ياجدو.
الفتاة : لا علمونا زي الناس ولا حتي شغلونا.
حفيد3: الكيزان بس اللي بتشتغل ياجدو .
الجد : ( مستغربا) هي الكيزان كمان بقت تشتغل ؟!!. وبتشتغل شنو إن شاء الله ؟.
حفيد3: بتشتغل \" غواصة\" عند الحكومة.
الجد: ( بزهق) برضو حيقول لي كيزان!!. ياولدي كلامك ده ما واقع لي .. فيه كوز بيشتغل غير يغرفو بيهو الموية؟!.
حفيد2 : ( لنفسه وقد فاض به ) يفهموه كيف ده ؟ ( لجده ) ياجدو الكيزان ديل بقو هسي أسياد البلد ... البلد دي بقت كلها حقتهم .... ونحنا ذاتنا حقهم .
الفتاة : ( تتنهد قبل أن تسترسل ) ياجدو الكيزان ديل كانت غنم شاردة ... قام الراعي خوفهم .. قعد يصرخ فيهم ... يخوفهم ... ويزن علي أضانهم :
حفيد 1: ( يصرخ ) الي أيتها الغنم القاصية ..... إنضموا للقطيع ... لا يأكلنكم الذئب كما أكل إبن يعقوب.
الجد : ( مستغربا ) ودي تجي كيف ؟! طيب .... أولاد يعقوب وطلعو كضابين ... ولا كان في ذئب ولا يحزنون.
الأحفاد: (تتهلل سرائرهم ويذهبون نحو جدهم ليقبلو رأسه واحدا تلو الآخر) الله يفتح عليك ياجدو .... يادوب جبته من ضنبو.
حفيد1: المقلب ... أنو الراعي ما طلع راعي
الفتاة : طلع الذئب ذاتو.....
حفيد3: متشحا بثياب الواعظينا
الجد : ( يدخل في موضوع آخر ) نحنا في زمن الاستقلال ....
حفيد1 : ( يقاطعه ) بقول ياجدو .... أجيب ليك مويه تشرب
الجد : ( يسترسل غير عابئا) والا أكتوبر المجي.....
الفتاة : ( تدفع كرسي جدها وتدور به حول المكان ) .... بقول ياجدو .... أنت حبوبتي عشة كانت مشلخة ؟
الجد : ( الجد يبدو فرحا ) يا سلام يابتي .... يدوب غيرنا الهوا ... ( بعد قليل ) كدا ..أقيفي
( الفتاة تتوقف عن دفع كرسي جدها الذي يبحث في جيبه عن شئ ما )
الفتاة : ( تحاول مساعدة جدها ) كايس شنو ياجدو ... النضارة ؟
الجد : الحقة بتاعتي وينا .... راسي ضرب !!.
( الأحفاد يبتعدون وهم يشيحون بأيديهم تأففا )
الجد : ( يقوم بحركات رياضية وهو جالس علي مقعده ) كان ما لقيتوها ... مش مهم .. نحنا عافيتنا بنعرف نجيبها برانا .
الأحفاد : ( بلهفة وبصوت واحد ) بالله كيف ياجدو ؟
الجد : ( يبتعد بكرسيه) بنشحد الله ساكت
الأحفاد : ( بصوت واحد ) ... ونعم بالله
الجد : ( يواصل حديثه ) أما أبريل دي ... خليناها ليكم ... واللي هي كضبة ؟
حفيد1 : ( يقبل علي جده وهو يلوح بيده معترضا) كضبة كيف ياجدو ؟ ...
الفتاة : ( لجدها معترضة) يعني حقكم سمح وحقنا شين ؟
الجد : ( غير عابئ للاعتراضات ) ... أهه .... وبعد داك ... خرخرتو والا ما خرخرتو ... بركتو زي الجمل الجربان والا ما بركتو ؟
حفيد 1: الحكومة دي ما بتاعت شغل .... بتاعت سياسة وبس
حفيد3: كلمنجية ساكت ....ما بعرفو غير خم القروش
حفيد1: ده غير العوارة وترباية الكروش
حفيد 2: والمثقفين الكبار جدعونا بعيد ... ما وقفو معانا .... وما شعرو بينا
الفتاة : المثقفين ذاتهم خربو البلد .... كل واحد بني ليهو برج عاجي وقعد يطنطن فوقو
حفيد1: واحد يغازل الحكومة .... وواحد يبتزاها ...... وواحد يشتغل معاها عديل كدي
حفيد3: كل واحد كايس مصلحتو وبس
الفتاة : الشغلانة كلها بقت نضمي : رورو.....رورو...رورو
حفيد2 : مطاعنة .... ملاسنة.... شماتة ....نبذ
الجد : ( مستغربا ) لا حول ولا قوة بالله...... البلد دي خليناها ماشة زي الساعة... حفرنا بايدينا الصخر عشان تستعدل.
حفيد1: ( يتجه نحو جده) ما نحنا عارفين الكلام ده ياجدو
الجد:(مقاطعا)وماشغالين بيهو مالكم؟!! ..... خلاص.... شيلو شيلتكم.
( الجد يدفع كرسيه حتي يغادر الخشبة ، بينما أحفاده يصرخون )
الفتاة : ( تصرخ) ياجدو ... تعال
حفيد2: ( يصرخ ) تاني داير تفوت تخلينا ياجدو...؟
حفيد1: ( يصرخ ) ياجدو .... ما فهمنا حاجة
حفيد3 : ( يصرخ) ياجدو .... الماضي عندك ...وما وريتو لينا كويس.... والحاضر قدامنا...وما فهمينه برضو والمستقبل حا نخطط ليهو كيف كان ما عرفنا ماضينا ووعينا بحاضرنا ؟؟!.
الجد : ( بصوت عال من خارج الخشبة ) الله وأكبر.
الأحفاد : ( بصوت واحد وهم يغادرون الخشبة بسرعة) ...الصلاة .
(نواصل)
الدمازين في:2012/01/08
محمد عبد المجيد أمين(عمر براق )
[email protected]

انقر هنا لقراءة الخبر من مصدره.