في رثاء وردي ....هل تدري الأهرامات أن قريباً لها مات؟؟؟؟؟؟!!! محمد عثمان محمد – مستشار قانوني – الرياض السعودية [email protected] لما طارت من الغربة حمامة سافرت طااارت و حامت فوق سما الوطن الليهو قامة إستغربت مالو الوطن عابس مكشر يا ترى ما الخبر ضاع للوطن إ بتسامه وجدت الحزن الخرافي صار غمامة الغمامة ظللت كل شعبنا و صار حزانى الكنار الكان مغرد للوطن أضناهو مرضو و الأنين صبح هنااااك شامخ دفين !!! ************************ الغصون الكانت تفرهد و تزدهر ما لها الليلة جافي المصابيح اللي كانت تولع دارنا مالها طافي النسيمة اللي كانت تدغدغ أرواحنا مالها اتوقفت و أبكت قوافي الخيوط الكان بتنسج تتوج راسنا مالها إتقطعت , ناحت طواقي في حياتنا بتفاصيلها الدقيقة دخل غناهو بين فراقنا و التلاقي ************** فوق اعلام بلدي وراياتهاالترفرف فوق تراب بلدي و نخيلها و نيلها الخالد وردي بفنه الرفيع يشدو و يعزف ليصحاريها و دروبها ليقفارها و ليسهولها و ليضفافا وردي فيها و من نسيجها وفنو شامخ بعفافا آآآآآآناس وطني كلو الليله مالو حزنو غلبو دموعو هطلو فقد صبرو شرد نومو لهيب الحزن حرق جوفو أطفالو أولادو بناتو رجالو حريمو إتنادوا و نادوا و صاحوا: اللييييله وردي الليله مات إتساءلواو إتحاوروا و اتجادلوا هل تعرف الأهرامات ؟؟ أن قريباً لها مات؟؟؟!!! ****************** الحزن إتأصل فينا و في مآقينا يااناس هووي يا زول هووي يا نيل هووي كلكم من جم أبكوا مع الوطن وردي شعرنا فتر غنانا ذفر دموعنا جرن و كل زول في بكانو حرن فتش ليأخيو قلد ما هو الليله إتبشتن ليه يا ترى ليه ؟؟ بدل وردي جانا النايح يبكي و يصيح في زولاً وردياً رايح زولاً كل الناس من جم تب ما زيو بس وطنو و التاريخ والنيل في خلودهم هم زيو (إنا لله وإنا إليه راجعون ) محمد عثمان محمد – مستشار قانوني – الرياض السعودية
