سودارس : حاج بله (أمس زازيت أكوس الدَين) حالة صعبة

شاهد بالفيديو.. في مشهد مؤثر.. كابتن طائرة "سودانير" المتجهة إلى العاصمة الخرطوم ينهار بالبكاء أثناء مخاطبته الركاب الصحفية سهيرة عبد الرحيم: (شعرت للحظة أن وزير الخارجية المصري سيهتف داخل القاعة "جيش واحد، شعب واحد" من فرطٍ حماسه في الجلسة) شاهد بالفيديو.. والدة الفنان الراحل محمود عبد العزيز: (اتخذلت في هذا المطرب!! وكل من كانوا حول الحوت منافقون عدا واحد) وزارة المالية توقع إتفاق مع بنك التضامن الإسلامي لتقديم خدمة إيصالي شاهد بالفيديو.. على أنغام أغاني "الزنق".. لاعبو حي الوادي يحتفلون مع راعي الفريق ونائب رئيس إتحاد الكرة أسامة عطا المنان بمناسبة زواجه منع مشاركة أي وزير في أعمال أي لجان أو مجالس أو كيانات خارج نطاق الحكومة إلا بإذن من رئيس الوزراء شاهد بالصورة.. اللاعب هاني مختار يتوشح بعلم السودان في جلسة التصوير الخاصة بناديه الأمريكي شاهد بالفيديو.. بتواضع كبير "البرهان" يقف بسيارته في الشارع العام ليشرب عصير من الفواكه قدمه له أحد المواطنين بدنقلا البرهان يقدم واجب العزاء في الشهيد اللواء معاوية حمد قائد الفرقة 22 مشاة بابنوسة وزير الخارجية والتعاون الدولي يلتقي رئيس مفوضية الاتحاد الأفريقي شاهد بالفيديو.. فتاة سودانية تبهر راغب علامة وأنغام بعد ترديدها أغنية هدى عربي في برنامج مسابقات والسلطانة تدعمها وتحتفي بها وزارة الشباب والرياضة تواصل انفتاحها على الولايات ارتفاع في اسعار محصول الذرة واستقرار سعر السمسم بالقضارف أمس عثمان ميرغني يكتب: إثيوبيا والسودان: تشابكات الحرب والأمن الإقليمي وفاة ثالث رضيع تناول حليبًا ملوّثًا بفرنسا مشروبات طبيعية تدعم مناعتك.. روشتة حمايتك من العدوى دراسة تربط طنين الأذن بالإنتاجية في العمل إلغاء رحلة قطار إلى الخرطوم..إليكم تفاصيل جوجل تسهّل إزالة المعلومات الشخصية والتزييف العميق من نتائج البحث "ميتا" تبني مركز بيانات بقيمة 10 مليارات دولار إضافة علامة تبويب الإعدادات بواجهة "واتساب" المريخ يواصل تدريباته بقوة بكيجالي والدامر انطلاق دورة متخصصة لتطوير الأداء الرقمي برعاية وزير الشباب والرياضة وزارة الشباب والرياضة تواصل انفتاحها على الولايات ووكيل الوزارة يشهد ختام دورة شهداء السريحة بولاية الجزيرة رشيد الغفلاوي يلتقي قيادات الاتحاد السوداني لكرة القدم تطور حاسم بقضية "الاعتداء الجنسي" في منزل لامين يامال كباشي يحيي صمود مواطني شرق النيل ويوجه بزيادة محولات الكهرباء ومكاتب السجل المدني بالمنطقة الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر هيئة مياه الخرطوم: تحصيل فاتورة المياه لا يشمل القطاع السكني حتى الآن ارتفاع طفيف لأرباح زين السعودية إلى 604 ملايين في 2025 هدى الإتربي تكشف كواليس مسلسل "مناعة": تجربة مختلفة بتفاصيل إنسانية مسلسلات رمضان.. هل تقع أيتن عامر فى حب ياسر جلال فى مسلسل كلهم بيحبوا مودى ضياء الدين بلال يكتب: قوش وآخرون... جرد حساب! الدولار يواصل التراجع أمام الجنيه فى منتصف تعاملات اليوم مسؤول سوداني يغادر إلى تركيا السودان.. وزير الشباب والرياضة يصدر قرارًا دوري أبطال أفريقيا يشتعل.. 3 أندية تتأهل رسميًا وصراع مفتوح على 5 بطاقات مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه محاولة أوكرانية جديدة لإفشال مفاوضات السلام بعيداً عن ارض المعركة رفض الزوج شراء سجائر لها فقتلته.. جريمة زوجة مصرية تثير الجدل حريق كبير في سوق شرق تشاد رسالة أخيرة في بريد الرئيس البرهان قبل تمرد الحركات المسلحة الدارفورية ترامب يحذر إيران: الوقت ينفد والهجوم القادم سيكون أشد مباحث الخرطوم تعلن توجيه ضربة موجعة لمافيا السيارات..إليكم التفاصيل تلفزيون السودان يستأنف البث المباشر من مقرّه الرئيسي وزير الصحة: التبغ عدو الحاضر والمستقبل و فاتورته الصحية تفوق عائداته الضريبية هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر سباق اختراق الضاحية باكورة بطولات الاتحاد العربي لألعاب القوى شركة اتصالات في السودان تعلن عن توقف خدمات "مَا حَرَّمَ إِسْرَائِيلُ عَلَى نَفْسِهِ"! أحمد الشاكر: انا أعجز عن شكر جميع الإخوة الأشقاء في المملكة العربية السعودية السودان..حصيلة صادمة بمرض شهير في ولايتين إسحق أحمد فضل الله يكتب: (حديث نفس...) "كرتي والكلاب".. ومأساة شعب!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

حاج بله (أمس زازيت أكوس الدَين) حالة صعبة

طارق حامد خليفة نشر في الراكوبة يوم 13 - 05 - 2012

[email protected]
اصبح الصبح على حاج بله وهو من غير عادته مستاء فقد كان طوال الليل يتابع في الاخبار والمفاجاءة الغير متوقعة باحتلال هجليج من قبل قوات دولة جنوب السودان حتى هذه بالنسبة له غير مستساغة كل هذه العوامل كانت سبب في تكدر مزاجه .
احست حاجة السرة بالحالة الغير طبيعية لحاج بله مع انها كانت لديها طلبات كانت تتنظر ان يصحي من النوم حتى تطلب منه ان يذهب واحضارها لها فقد كان البيت خالي من المواد التمونية فاحتارت كيف تخبره وهو في حالته الطبيعية ما بتسلم من لسانه فكيف الان وهو في هذه الحالة .
بدات حاجة السرة ممارسة هويتها في التحدث لنفسها وطبعا حاج بله كان اكثر ما يغيظه ان يجدها تحدث نفسها وكان دائماً ما يخاطبها (بتطنطني بتقولي في شنو يا خرابة ) ...
وهي في هذه الحالة يحضر حاج بلة ليجدها تطنطن .
حاج بله : اصبحنا بالله محمد معانا ما تغشنا اسع المحتاج يمشي التجاني الماحي منو انا ولا انتي المره تقول من فصيلة الجندب طوالي قاعدة تطنطن.
بتقولي في شنو انتي يا خرابة ؟
حاجة السرة : مالك الليلة قائم مكفرن كده الحاصل شنو ؟
حاج بله : مكفرن من البشفوه!!!
حاجة السرة : يا راجل ما قلنا ليك اخطي الجزيرة دي بتوديك في دهاية .
حاج بله : دهية لما تجييك تريحنا منك انت ما تمشي تجاهدي عشان يجيك لغم يريحنا منك .
حاجة السرة : خاف الله يا راجل انت زهجك عايز تفكو فيني ؟!!!
حاج بله : شوف المره الكلمة بالكلمة التقول محامي .
حاجة السرة : الله يصبرنا ساي انت الليلة حالتك حالة الله يجيب عمران عشان نسمع ضحكاتك في الفريق التاني .
حاج بله : يا ولية احسن ليك تخطيني انا الليلة ما عندي ليك بال .
حاجة السرة : اخطاك كيف ؟!!! اسع بقول ليك البكربنك صاح .
حاج بله : الله يطولك يا روح ، قولي عايزة شنو و اخطيني !!؟؟
حاجة السرة : يا راجل البيت فاضي وما فيه حاجة وعايزين حاجات عشان نسوى الاكل .
حاج بله : و انتوا لازام كل يوم تأكلوا الليلة اعتبروها اجازة .
حاجة السرة : نحن هينين انت بتقدر على الجوع كمان يبقوا علينا اثنين جوع وزهج الا نشوف لينا بلد تانية !!!!
حاج بله : كان كده ما اجيب ليكم حاجة عشان تشوفي ليك بلد تانية واخلص.
حاجة السرة : مخير نحن بنقعد نرجاك كان عايز تأكل امشي جيب الحاجات وكان ما عايز براحتك .
حاج بله : خلاص انقطعي من وشي يعني اعمل ليكم مكنة فلوس في البيت .
حاجة السرة : لا اعمل ليك دقن .
حاج بله : اها دي الفصاحة البتودي بيوت الجماعة (الله يحفظنا) يا ولية احسن تمشي من قدامي .
حاجة السرة : (بصوت منخفض) عالم تخاف ما تختتيش .
حاج بله : خلاص قمت لحركات الجندب بتقولي في شنو ؟!!!
تذهب حاجة السرة من غير ترد عليه فهي تعلم ان لا نهاية لهذا الحوار مع حاج بله وهو في هذه الحالة .
يخرج حاج بله لكي يحضر الاغراض التي طلبتها حاجة السرة ويذهب لعطية الجزار لكي يشتري اللحمة .
حاج بله : السلام عليكم يا عطيه .
عطيه : وعليكم السلام يا حاج بله .
حاج بله : مالك قاعد تنش في الضبان .
عطيه : هههههههه خلاص جيتنا بلسانك الطويل ؟
حاج بله : كيف يعني لساني طويل ما دي حالتك ان قلت حاجة من عندي .
عطيه : والله كلامك صح تعرف ان قاعد من الصباح مافي واحد هوا بجانبي .
حاج بله : يسوي ليكم شنو كان كل يوم رافعين الاسعار في السما.
عطيه : يا زول انت ما شائف الدولار الوصل 6 جنيه ده .
حاج بله : وانت خرفانك وبقرك ديل بتكلموا لغات مالك ومال الدولار ارتفع .
عطيه : ههههههه شفت مش قلت ليك لسانك طويل ياخي نحن ما زيكم بنركب سيارات وبندفع قروش الجمرة الخبثة وبندفع
ايجارات وترحيل وخلافه يعني نبيع بالخسارة ؟
حاج بله : انتوا حرامية ساي خرفانك بتاكل طبيعي وما بتحتاج لي ترحيل ولا كمان المراعي بقوا يستوردها عشان تقول لي الدولار ارتفع .
عطيه: انت بس شاني علينا حملة ساى نحن كل يوم التجار بيزيدو لينا في الاسعار والقصة بقت خسارة علينا .
حاج بله : اسع عليك دي حالة زول بخسر واحد جضوم كبار وقاعد يأكل اللحمة نيه وحتى لحمنا بقتوا تقولوا نئ حرام عليكم تبقوا علينا انتوا والجماعة .
عطيه : هههههههه الله يكفينا شر لسانك انت ما بتريح ليك زول .
حاج بله : قال عربيه ومحتاجة بنزين الله يرحم ايام العجلة البندولها مفتول .
عطيه : ههههههههه اسع خلينا من الكلام الكتير عايز خروف ولا خروفين ؟
حاج بله : خروف ولا خروفين ليه انا مؤتمر وطني ؟!!!!
عطيه : لا حول و لا قوه الا بالله انت عايز تقفل لينا الدكان ؟!!!
حاج بله : هههههههه بالله انت بتخاف من زول تاني غير مراتك ؟!!
عطيه : ههههههه الخاف سلم يا زول بالله عليك اختاني وما توديني في دهية !!!
حاج بله : خلاص بخليك اديني اثنين كليو ضان وكيلو مفروم .
عطيه : اتفضل الحساب ستين جنيه .
حاج بله : ستين سنة في كوبر ان شاء الله ، يعني نفوت نخلي ليكم البلد دي ولا شنو ؟
يذهب حاج بله وهو غاضب على ارتفاع الاسعار بشكل جنوني .
يذهب السوبر ماركت ويكمل باقي حاجات حاجة السرة ليفاجاء بانه قد دفع مبلغ ثلاثمائة جنيه .
ليحدث نفسه (على بالطلاق المره لما عرستها ما كلفتني المبلغ ده حقوا الواحد يطلقها ويرتاح)
وبينما عائد يلتقي عمران الذي شاهد حاج بله وهو يحدث نفسه .
عمران : لا دي حالة متاخرة جدا يا زول كمان بقيت تكلم نفسك .
حاج بله : مش كويس الما جنيت يازول دي حالة أخير منها العرس .
عمران : انت بتشتكي و تقول دي حالة اخير منها العرس !!! انت رايحة لكي عرسة ساي
حاج بله : انت يا زول ما قريت دين وله شنو ؟
عمران : وانت ان شاء الله عايز تعمل زي الصحابي الجليل .
حاج بله : يا زول امكن الواحد يقع ليه في واحدة من القطط السمان ديل ان شاء الله واحدة راجع شهيد .
عمران : هههههههههههه يا زول انت الليلة فعلاً محتاج تمشي مستشفي التجاني الماحي ولو ما مشيت المستشفي اكيد ح تمشي
مكان ما في زول بعرفوه وين.
حاج بله : قصدك بيوت الجماعة ديك ؟ يا زول دي حالة اخير الواحد يشنقوه عديل .
عمران : وتسوى بها شنو دي .
حاج بله : قصدك مراة الشهيد ؟ يا زول امكن تطلع سيدة اعمال تصلح لينا حالتنا دي .
عمران : ههههههه يا زول استهدى بالله ده كلامك الليلة كُتر وبقي بودي وراء الشمس.
حاج بله : يا عمران ياخي انت ما سمعت هاشم صديق قال شنو ؟
عمران : لا ما سمعته !!!! انت يا زول مالك الليلة ؟
حاج بله : يا زول حالتنا بقت تصعب على الكافر .
عمران : والله صحي كلامك دي الحالة بقت كربة
حاج بله : ما تراك بتعرف ونان ساكت مالك ؟
عمران : يا زول الكلام الزي ده ما فيه هزار !!!
حاج بله : يعني ما عايز تسمع هاشم صديق قال شنو؟
عمران : اها قال شنو؟
حاج بله : بتقوم جاري اسع زي (كاكي) .
عمران : ههههههههه جري عديل طيب ما تقول !!!
حاج بله : لازام اقول . هاشم صديق قال :
دحين يا وليد هو ديل موُ قالوا ناس "إنجاز" !!؟
وشن سوّولنا ممّا جونا غير حَرقوا الفضَل بالجاز!؟
كُل شيتاً صِعِب في السوق من الكبريتة للطايوق
وكان جانا البخِت تموين
رطيل سُكّر وصابونتين
نجيب من وين!؟؟
اخوك مرفود وعدمان الشهر مِلّين ؟
أمس زازيت أكوس الدَين
مَشيت لسميّة بت مامون
لقيت جابولا تلفزيون .. سَمِح بالحيل
تشوف الصورة بى كم لون
عمران : لا حول و لا قوه الا بالله انت خلاص نويت علينا .
حاج بله : ومال لو قلت باقي القصيدة كان عملت شنو؟
عمران : ولا تقول الباقي ولا اقولك .
حاج بله : عليك الله يا عمران اسمع دي :
وكِت في نشرة الأخبار
ظهر "مك" البلد يضحك
جضومو كباااار
مُزرّر الكَرِش بي زرار
لا مهموم لا مغموم ولا زعلان
وشيهو يراري بالألوان..
وَقّدْ في حشايا تبّاق نار
طِريت رفد الوليد والجوع
و سال دمع الغبينة الحااار
هههههههه علي بالايمان هاشم صديق راجل ود الرجال .
عمران : يازول هييي احسن الواحد يمشي عنده عيال عايز يربيها .
حاج بله : ههههههه عالم تخاف ما تختشيش .
عمران : تخاف و لا تموت ؟!!! السلام عليكم ورحمة الله وبركاته .
حاج بله : هههههههه مش قلت ليك بتجري زي (كاكي) وعليكم السلام ورحمة الله وبركاته يا جبنة .
عمران : ليه كلامي ده دخلوه بالدين شنو ؟
حاج بله : يا مسطح انت ما سمعت بالصحابي الجاء لرسول الله صلى الله عليه وسلم واشتكي ليه ضيق العيش وقام الرسول صل الله عليه وسلم نصحه بالزواج بالثانية وبعد مدة عاد للرسول صل الله عليه وسلم وقال ليه ان الحال ما اتعدل قام الرسول صل الله عليه وسلم قال له تزوج بالثالثة ونفذ الصحابي أمر الرسول صلى الله عليه وسلم وتزوج الثالثة وطلعت الزوجة الثالثة بتعرف تغزل وعلمت الاثنين الغزل والصحابي حالته اتحسنت وبقي مروق .

انقر هنا لقراءة الخبر من مصدره.