داير قروشى محمد حسن شوربجى [email protected] آخر خبر : الارباب يشتكى الهلال – داير قروشى على داير مليم ولعل الرجل هو من كان يحرض المحترفين لكى ينغصوا حياة البرير بتقديم شكاوى ضد الهلال للفيفا تارة وللاتحاد السودانى تارة اخرى وانصار الارباب يؤكدون ان اوضاع الهلال منهاره وسيئه وأن اللاعبين متمردين والديون رهيبه وانصار البرير يؤكدون ان اوضاع الهلال ميه ميه وان البرير شجاع وما بيخاف حتى من الفيفا وبونيتوا والقبر والساقيه لسع مدوره و مجالس وشمارات وشماته *والبرنس وغرزيتو وتقول توم اند جيرى *وغرزيتو يخلص من واحد ويبتدئ فى التانى *والسبحه زعلتو شديد و غرزيتو الصغير قام ليه ريش بقى يبنبذ فى جماهير الهلال وهتافات غريبه لا نريد سباب الدين و ارحل ارحل غارزيتو والمرتبات متاخره خالص ومساوي زعلان وكل شيئا ألا مساوى وابو مهند زعلان عشان لسانو سرقوهو و مجلس ادارة الهلال نايم يشخر على الآخر وديمبا سافر والمسافر عينو قويه واتوبونج ما فى زول دايره وهو داير من الناس والله لا كسب الاتحاد السكندرى ومعاهو البرير وعفت السادات وموكب اتوبونج من المطار لنادى الهلال ولا تقول نلسون مانديلا ومشاكل الهلال على لسان اللى يسوا والما يسوا ودائرة الكره صفر على الشمال وارواح فى زكائب وعلاء الدين وديمبا وبونيات شديده و بكرى المدينه وغرزيتو و البرنس وكلها مشاكل لم تكن لتكون لو ان فى دائرة الكره فيها اسد يزأر وواحد يهيمن زى عبد المهيمن ورغم كل هذه المشاكل فالهلال يتصدر كل الموهومين وكل المدعيين وكل الاغنياء وصحينا الصبح لقينا مشاكل المريخ ويمكن اسرائيل هى اللى فجرتها و النادى الاحمر الظاهر بدأ يولع ما قلنا ليكم نحن ما برانا وحذرناكم وقلنا : *أرى تحت الرماد وميض جمر***ويوشك أن يكون له ضرام فإنّ النار بالعودين تذكى***وإن الشرّ مبدؤُهُ كلام فإن لم يطفئوها تجن حربا***مشمّرة يشيب لها الغلام وود عبد الماجد قال ان ناس المريخ بيقلدوا الهلال فى كل شيئ ويمكن قلدوهو فى المشاكل وما فى حد احسن من حد ولكنا تعلمنا من الايام ان عواصف الاعداءتزيد الهلال لمعاناً..وأن قافلته تسير رغم كل النباح فالهلال اخوتى قوى..وعنيد وما ان ينتشر ازرقه فى كل السماوات وكل الاراضين الا وانطلقت زغاريد مهيره فرحا بهذا اللون الملائكى والاخ عصام الحاج ومولانا ازهري وداعة الله كليهما كان يتحدثان عن غياب المؤسسية في المريخ وان الادارة الفردية التي يتبعها جمال الوالي لا بد ان تتبدل وتتغير وان العهد الجديد سيشهد انفراجاً وحتى كوتات المحترفين الاجانب والسماسرة المحليين والاجانب .... * وجمال الوالي غيّر وبدل عشرات اعضاء مجلس الادارة ومئات اللاعبين الوطنيين منهم والاجانب وعشرات المدربين المحليين والاجانب والحال ياهو الحال !! و الفساد معشعش فى نادي المريخ وعلى لسان الاخ عصام الحاج والذى ظل يتحدث عن انه قادم لكنس كل الفساد والمفسدين وانه سيطردهم من النادي وابو عاقله اماسا مسخن فى جريدتو وكل يوم يكتب عن الفضائح الحمراء .. والعجب زعلان شديد وتطبيق بالكربون لحالة هيثم مصطفى و المريخاب بيقولوا ان الوالى حكم المريخ طويلا ومنذ 2003 – ولم يمر الربيع العربى بالعرضه جنوب فى وقت شهدت العرضه شمال رياح ذلك الربيع الذى اقتلع الارباب السعودى الجنسيه وجاء بالبرير السودانى الاصل والذى يتهيأ هو الآخر لرياح جماهيريه قويه تسعى لاقتلاعه ولا نريد سباب الدين وحقا فلقد صدق من سمى نادى الهلال بنادى الشعب و المريخ بصدد تغيير جلده لكى يصبح نادى الشعب (واشمعنى الهلال) والمريخ داير يسجل 9 لاعبين و يا ستار كما قال خالد عز الدين مع اهلى شندى خرج المريخ بكرامة البليلة وحكم كسلا العجيب كان دوره مرسوما وقد اجهز على الاهلى نفسيا و نجح واختر اخى القارئ جمهور سودانى ورشحه لدورة ثورة الحجاره والتى نرصد لها جوائز قيمه -1- جمهور المريخ 2- جمهور المريخ 3- جمهور المريخ 4- جمهوراهلى شندى ورئيس اهلى شندى اتهم جماهير الهلال العظيمه – ونحن ما حننساها ليك ولولا الهلال لما كانت انتصارات فريقك المغمور و يا ارباب ؟؟؟؟؟؟ انت ما قلت مره : فى رقبتى دين كبير للهلال – ومره تقول الهلال مديون لى ب 30 مليار - يا اخى ما ترسى على بر وأرحم الهلال شويه وما مصير اللاعب محمد سيلا الذى تم تخزينه فى شندى للهلال (والمؤمن لا يكذب) - طبعا مستحيل تجيبوا الهلال واحسن شيئ تشيلوا معك ( السعوديه) بلدك بيقولوا فى اتفاقيه موقعه ما بين الوالى والبرير اسمها ( الجنتلمان ) هل ياترى هى حقيقيه أم حبر على ورق وحقيقه عبد المهيمن = ثلاثى دائرة الكره الهلاليه فهل يعود والاسد لظبط امور الهلاليه المفلوته ؟ او نريد من فى قوة شخصياتهم وبرافو مشاطيب الهلال وقد رفعوا مستوى اهلى شندى – وكم كانت حسرة جماهير الهلال كبيرة والمشاطيب تبدع ورئيس اهلى شندى يشتم الهلال وجماهير الهلال * وأحذروا اهلى شندى هذا الارباب وما يغركم انه جعلى وشوفوا الحاصل للهلال أخيرا نتمنى ان يتوفق الهلال فى التسجيلات القادمه والبرير وعد الجماهير خيرا وهو رهيب فى التسجيلات والكل فى انتظار البرنس وعودته من بوابة المنتخب فهل يبيض معشوق الهلال وجهنا ويقنع غرزيتو ومن ورائه وكل اهل الشمارات الارباب داير قروشو والبرير بكره داير قروشو والهلال قد يباع فى سوق النخاسين * قروشى شى شى محمد حسن شوربجى
