[email protected] غيرك أشطر كلمات: حسين شنقراي غيرك كان أشطر يا القاعد فينا محكر بي قوة وامن وعسكر ما بي أسم الله الأكبر ------- أعزف أرقص رقصنا أخبط أضرب رصصنا بيعنا وأقبض خصخصنا بَيِعْنا هدومنا وملِصنا ------- يا الشايف نفسك ماغيرك قِنع الشعب خلاص من خيرك ظالم مابصحي ضميرك والليله وجب تغييرك -------- رمضان والصيف الحار أشوينا وأحرق يا بشار مهما تولع وتوقد نار ثورتنا وهبت إعصار -------- إعصار ماشي وجاييكا من حكمك لابد قاليكا ياما تضلم سوده لياليكا أهرب بسراع أحسن ليكا -------- أهرب عيد في مكه خلي السودان يتفكه شوف زينك وين ركه ما بتقدر يا قذافي العكه -------- خلاص إنتهي مشوارك باكر بهربوا أنصارك أوزن وشغل أفكارك وشوف الفيها مبارك -------- أهرب خليك فالح سافر وعدي المالح ما لينا معاكا مصالح ولا قاعد زي ود صالح