محمد حسن شوربجى [email protected] والله فضحتونا بين الامم ما هذا الجهل والاستهتار والله اتحاد حلفا ما كان حيغلط الغلطه العبيطه دى والظاهر ناس الاتحاد بقوا ما فاضين من السفريات الكتيره والمهم لن نبكى طويلا على اللبن المسكوب بل سنقولها بملء الفم شكر الله سعيك ايها المعتصم وسنقولها بملء الفم ارح واسترح بارك الله فى رجل اراح واستراح وسنقولها بملء الفم اذهبوا اتحاد السجم والرماد وسنصلى صلاة الميت على اتحادكم نهارا وعلى جماهيرنا فى الاقاليم مراعاة فارق التوقيت وسيرفع العزاء بانتهاء الدفن وعفوا ايها المعتصم فلن يسعفك صمتك وعفوا مجدى فلن تسعفك سفرياتك وعفوا الجاكومى فلن تسعفك عنترياتك وعفوا عطا المنان فلن تسعفك تصريحاتك وعفوا الطريفى فلن تسعفك تنظيراتك واذهبوا فأنتم الطلقاء وقطر اللى يودى ما يجيب وما دايرين منكم حاجه لقد خذلتم السودان ويا فرحه ماتمت عليكم الله شوفوا اهل زامبيا كيف فرحانين وعلى طول طلعول للشوارع بالرياحين ونام اهل السودان حزانا ومدمعين وصدر الامر بأن عودوا صقور الجديان الى اعشاش الغرابين ويا للهول فلقد صاح الفاشلون ان خطاب الكاف لم يصل وصاح الفاشلون ان السودان لن يعاقب وصاح الفاشلون ان شطه سيساعدنا وصاح الفاشلون نحنا ما شغالين بسحب نقاط زامبيا وصاح الفاشلون ان امم افريقيا افضل لينا من كاس العالم وصاح الفاشلون ان لا الوزير ولا ابو الوزاره يقدروا يحاسبونا وصاح الفاشلون ان جوزيف بلاتر يحب السودانين لا قد خاب فألكم ايها الجاهلون ولا تتصوروا اخوتى كيف اغتال قرار الفيفا بسمة اهل السودان مطلوب اخوتى تحقيق جاد وشفاف بحق هؤلاء الفاشلين ومطلوب وقفه جماهيريه تقتلع هؤلاء الجهلاء فلقد اجمع الجميع على جهل الاتحاد ويا حليلك يا شداد فلقد كنت صمام امان كل سقطات الفاشلين وحين ترجلت سقطت كل روما و احرقها نيرون الغبى ودخل تتار الاتحاد كل الرياضه وآه يانى يامه - يا لهوتى – يا خرابى – اتغلبنا ؟ فقرار الفيفا قاسى ايها الاخوة ووقرار الفيفا مؤلم جدا ايها الاخوة والاستئناف كلام ساى كما قال شداد وماذا ستفعل الجمعيه العموميه؟ فى اخطاء اتحاد ادمن الفشل وخرمجة اتحاد ادمن الفشل وجهل الاتحاد ادمن الفشل واستهتار اتحاد ادمن الفشل والحل الشعب يريد اسقاط الفاشلين وخلونا ننسى شويه: ادارى مريخى يقول: انتو تدفعوا كراسينا ونحن ندفع كراسيكم (أدونا فندقكم .. ندق ونديكم) والسؤال : كراسيكم ما قلتو عليها غاليه شديد وكراسينا من سوق ليبيا يعنى نحن حندفع بالدولار وانتو حتدفعوا بالجنيه ؟ والله ده ظلم ده ولازم نجيب لجنه هلالاب مع لجنتكم وواحده بواحده وما دايرنها حمراء زى الطماطم وسبدرات ومحمد الشيخ مدنى دايرين لجنه زرقا فيها الريس وعبد الرحمن الخضر قال بعض المريخاب :الوالى حيقيف فى عرفات والبرير حيقيف قدام قاضى الدكاكين ليس من اخلاقنا السودانيه اتهام الفرنسى بتهم اخلاقيه – ولا يجب ان يصل الانحطاط الصحفى الى هذه الدرجه انشغل الصحفيين الاربابيين بزواج كبير القعده وتناسى هؤلاء قضية فقدان السودان لنقاط زامبيا – رايت الناس قد مالوا الى من عنده المال قصة البرنس فاقت قصة الف ليله وليله فكل مساء تدرك شهرزاد الصباح وتسكت عن الكلام المباح لتأتى الليله التانيه لتبدأ الحكى ويدخل شهريار (الهلال) سراديب مظلمه وقد اتفق البرير وغرزيتو مع ديك الصباح من احلى ترانيم الراحل وردى : الدفيفيق الدابو ني البسيمتو بتكويني كي اهلو ضنو عليها وعلي حبك النساني والدي ما بخليك ان بقيت حي يا قصيبة السكر النى ...
