نمت فحلمت بأن نقاش طويل دار بينى وبين الرئيس ياريس أنت أول أمس فى الأبيض قلت خلال هذا العام الذى لم يبق فيه سوى شهرين ويومين ستحسم أمر التمرد نهائيا ولو دخل ناس الجبهة الثورية جحر ضب لدخلته خلفه وأخرجتهم منه وقتلتهم سامعك اليوم فى الخرطوم تتحدث عن عفو شامل لكل من يضع السلاح سلاح شنو البيضعوه نحن إتفقنا على الحسم غيرت رايك ولا شنو ياريس الناس ديل ما حملوا السلاح عشان يحصلوا على عفو منك عارفنك ستعفو عنهم لو طلبوا ما أنت عفيت على الحاج آدم الذى قاد غزو الحركة والمساواة لأمدرمان وبعدما كنا نقول المجرم الحاج آدم صرنا نقول النائب الحاج آدم وعفيت عن السيسى وابوقرده ونيام وعشرات المئات من المتمردين مش كده وبس كافأة المتمرد قرنق وأعطيته دولة عارفنك شهم ياريس أنت دخلت القصر بالسلاح مش بإنتخابات والناس ديل ( الجبهة الثورية ) نفسهم يتهنوا ويدخلوا القصر كمان بعد أن يزيلوا دولتك عفو شنو ياريس البتتحدث عنه أوعى تكون تراجعت عن كلامك فى الابيض الجعلى كلمته واحدة ومابيتراجع أتراجع أنا أتراجع كيفن ياجماعة ﺍﻧﺎ ﺣﺼﻞ ﻛﻀﺒﺖ ﻋﻠﻴﻜﻢ؟؟؟؟ أربعة وعشرين سنه معاكم حصل قشيت عليكم ؟؟؟ حصل قلت ليكم كلام كضب ؟؟؟ أبشركم فى عيد الإستقلال القادم يوم 1 يناير 2014م فى الإحتفالات فى الساحة الخضراء بالخرطوم سترون جبريل وعبد الواحد ومنى والحلو وعقار وعرمان مقيدين بالسلاسل فى موكب إستعراضى كدليل لحسم التمرد والقبض على قادته جميعا ، ولو لم أحسم التمرد فى هذا العام سأستقيل وأترك العمل السياسى وأجرد نفسى من رتبة مشير الى عريف أول واسلم نفسى للجنائية عريف أول مره واحده طيب مافى داعى لفلل كافورى بيت كوبر القديم مناسب مع عريف أول اللهم أجعله خير - ياجماعة أنا كنت حلمان الريس دا حيحسم حيحسم حيحسم شنو ماعارف لكن فى الحلك فى شىء سيحسم المهندس سلمان إسماعيل بخيت على [email protected]