فجريات وقود الثورة الرقاص وأبالسة الكيزان ............ بنرفع راية العصيان فى وجه الظلم والطغيان شبابنا طلع..... عشان يوم بكره يصبح زين ... ومافى هوان... عشان يوم بكره يبني يعمر السودان .... بنرفع راية العصيان فى وجه أبالسة الكيزان عشان يوم بكره نتنفس بحرية ونقدل فى شوارعنا لا دجال ولا مأفون يحوم فى بحرى لا خرطوم ولا أم درمان عشان يوم بكره نبني نعمر الاوطان ..... تلاتين عام.... صامدين زي جبال توتيل فى وجه أبالسة الكيزان تلاتين عام... بيخدعو فينا بالقرآن تلاتين عام.... تساوي قرون من الأزمان تلاتين عام... لا تعليم... ولا صحة... قسمتو البلد كيمان ..... تلاتين عام... حصادنا المر يقيف برهان على أكذوبة الإخوان على الرقاص.... يهين فى شعبو... مو عارف الحكم دوران .... تلاتين عام... ينقز فوفقنا زي عبلان يكضب بالفم المليان ويحلف أغلظ الإيمان الدواء للمريض موجود ويحلف مافى زول عيان وانه الخير ده متوفر والشاهد رفوف دكان ويحلف تاني باسم الله انه الشعب كيف مرتاح وما فيش زول... بنوم وهو جيعان ...... تلاتين عام..... فيها اتفرزن الكيمان كوم الشعب .... الْيَوْمَ أعلن العصيان وكوم رقاص..... قايلين البلد هملان لكين شوف شباب بلدي يومو الواجه الكيزان سلاحو ايمانو بالعصيان خلاهم جروا اندسو دخلو جحور..... تقول جرذان .... ابراهيم الكرسني فجر الثلاثاء 2016/11/29 ثالث أيام العصيان المدني [email protected]