لية يا ربي احزانا ابت تفوت وليه "رقيه صلاح" تقادرنا وتموت مين السبب في موته غيرك يا حكومة العنكبوت والعنكبوت في بيته بكتل كل شيء ليه يا ربي ورينا ليه "رقيه صلاح" تقادرنا وتفوت استاذه في عز الشباب بتربي أطفالنا الصغار في المدرسه عصر الألم من دمعته توب الحزن غطى البيوت الناس تكفن كل اليوم يوم القيامه القام اكيد والحي بموت ليه يا زمن غيرت وشك تخزل ام درمان مدينتك الزمان كانت عروسك وساكنه عشك وتخزل السودان بلدنا الكان مناره وين مصانعه وين مزارعه وينو قشك المزارع ما مزارع والمصانع ما مصانع كلو ضايع جوغة الإنقاذ دي مافيه جاتنا تسرق بالوعود دايما تغشك والأمان الكان مميز لي بلادنا وينو حسع جانا امن الدوله داخل في بيوتنا وفي الشوارع عشان يكشك والمحاكم كان رجيته لابتهشك ولا بتنشك قالوا دا الإسلام والشريعه وقالوا مشروعنا الحضاري والمواطن يومي جاري وين يا زمن ام در سلامه؟!! وين علايل اب روف وين ترامها والمعديه وغرامه وتعبر النيل بالسلامه ونمشي لي شمبات جناين والنسايم لي أهلنا الرحلو تاني بين زهور الروض أغاني وين شدرنا الكان بضله ليه يا زمن جبته العساكر؟!! وين مدارسنا التأهل و بنينا سودان المآثر وينو سوق المويه عامر وين شبابنا عشان نظاهر كنا دوله وكنا وحده وبيها في العالم نفاخر ما منفرق بينا مسلم ولا قبطي او شيوعي ولا كافر لا شمالي ولا جنوبي كلو انسان عادي بينا حتى بي لبس العساكر كله كان قدامنا ظاهر لما جانا العنكبوت ... من اصله فاجر رافع الإسلام شعاره وبيه غشانا وتنكر الحرامي اليوم توزر والوِسخ لابس تعطر والجبان لي سيفه اشهر والدقون الحنانوها والكروش الماكنه تكبر والبيوت الزركشوها والعروس التانيه ترقص في القصور الشاهقه تسهر والقديمه وما مهم ... انشالله تسكر الرئيس الليله برقص والرئيس الليله كبر الرئيس الليله سافر والرئيس قاعد مكسر مره وثبه ومره نطه ومره مشقول بالحوار والمخرجات الجاتنا كضبه في عيون الناس تلاشت ونحنا يا الإنقاذ وراكم والجياع نامن تكشر انت يا الإنقاذ بتصغر ونحن أصحاب حق بنكبر ويوم رحيلك يا "رقيه" تارنا اكبر والزمن بيناتنا شاهد م. عبدالله الاسد [email protected]