وجه الفنان المصرى طلعت زكريا رسالة إلى الشعب المصري وخاصة فئة الشباب بخصوص اقتراب المحاكمة الثانية للرئيس السابق محمد حسني مبارك حيث طالب فيها بالعفو عنه مرعاة لظروفه التي يمر بها. وقال زكريا في رسالته التي وجهها عبر راديو" عيش حياتك" :" شباب مصر الواعى الفاهم سواء من الثوار اللي نزلوا ميدان التحرير لإسقاط النظام أو المؤيدين للرئيس مبارك وطالبين العفو والسماح عنه اسمحوا لى أقول للشباب حكموا عقولوا وضمايركوا وأنا مش بأثر عليكوا كل انسان حر". وتابع:" احنا كنا معاكوا قلباً وقالباً أما نزلتوا وناديتوا بأشياء سامية وراقية كلنا كنا عاوزينها .. لكن إحنا نناشدكوا إن احنا نعفو عن الرئيس مبارك وعفا الله عما سلف ونقوله شكراً ومع السلامة .. وتعالوا بقى نشتغل كلنا بغض النظر عن الرئيس مبارك أو غيره .. إحنا بنشتغل عشان مصر ونبنى البلد دي .. فأنا بقول لكل الشباب حكموا قلبكوا وعقلكوا وقولوا كلمة الحق وما تخافوش". وأضاف : " جلسة 15 أغسطس اللي جاية أو المحاكمة التانية للرئيس مبارك انزلوا اقفوا فيها جنب الرئيس عشان يحس إن في ناس بتقول الحق لسه ولغاية دلوقتي .. وربنا يعلم ما في القلوب وهو اللي بيدي كل إنسان على قد نيته، إذا كان مبارك ظالماً ويستحق ماحدث فليكن، وإذا كان بريئا فليثبت الله براءته في يوم الأيام". واختتم طلعت حديثه بهذا النداء:" يا أنصار مبارك انزلوا المحكمة يوم 15 أغسطس وإلى شباب ثوار 25 يناير لا تحجروا على رأي الآخرين انتوا ناديتوا بالحرية والديموقرطية وإحنا بننفذها دلوقتى .. وهتلاقوا في المحكمة أنصار للرئيس وأعداء للرئيس ولكن في النهاية إحنا كلنا مصريين ولا يجب أن احنا نخسر بعض أو نعادي بعض.. كل سنة وانتوا طيبين".
