شاهدت شاهد الخبرة المحاسبية الجابوه اليوم في محاكمة الدكتاتور من ديوان المراجع العام فالراجل عجز عن بالأجابات القانونية المفروض يؤديها شاهد الخبرة تمييز بعدم مقدرته على التبسيط والشرح ،بالإضافة لعجزه في توصيل المعلومات شفاهة وهم عاملان مهمان لشاهد الخبرة .. الراجل مفروض يساعد المحكمة للوصول للعدالة لكن جاطهم وضيع زمنهم . بالمناسبة دي ونحن بنتكلم عن الفساد المحاسبين المختصصين في تحقيقيات الفساد وعندهم المقدرة في الوقوف في المحاكم ديل ناس مختلفين ،ودارستهم متخصصة بل في دول زي بتسوانا وجنوب أفريقيا عندها كليات متخصصة للمحاسبين بتاعين القضاء من سنة أولى بقروهم قانون ومهارات تحقيق ومحاسبة ومراجعة وحتى لغة الجسد وغيرها من المهارات البتخليهو قادر يكشف الفساد ويقيف قدام المحكمة سواء أن كان من ضمن فريق الإتهام أو الدفاع أو شاهد خبير . وبسموهم Forensic Accountants أو Fraud Examiners حتى كليات المحاسبة في الجامعات في مختلف العالم بعد الانهيارات الماية في 2008 غيرت مناهجها وبقت تدي كورسات في التحقيق والمحاسبة القضائية ، بهدف تأهيل المحاسبين عشان يكشفو الفساد ويقيفوا قدام القضاء ، وأنتشرت شهادات مهنية عديدة تأهلهم لذلك زي بتاعت معهد المحاسبين الأمريكي " شهادة محاسب مالي جنائي " CFF والأشهر هي شهادة معهد فحص الفساد الأميركي " فاحص الفساد المعتمد " CFE ،ونحن نتنسم عبير المدنية ياريت المحاسبين السودانيين يسعوا للحصول عليها . أنت عارف أنو 15% من القوى العاملة في أف بي آي هم من الفئة دي من المحاسبين ، وبشكلو عماد مفوضيات الفساد حول العالم يعني بحد أدونى أكتر من 50% من طاقمها . واحدة من مشاكلنا في السودان إنو القضايا بتفشل لانو مافي ناس مؤهلين من الفئة دي بقدمو الأدلة المالية بشكل مقبول في المحاكم زي ما حصل في قضية الإقطان وقضية الحج والعمرة وغيرها الناس عموما بتكون فاهمة أنو مراجعين الحسابات هم ناس مفروض يكشفوا ليها الفساد ويقدموا الفاسدين للمحكمة ، في حين إنو مهنة مراجع الحسابات دي ما مسؤولة نهائي عن كشف الفساد ، ودي عندهم حاجة معروفة بسموها "فجوة التوقعات " وإن كانت معاييرهم الأخيرة طالبتهم على أستحياء بذل جهد لكشف الفساد . وكتير من المخالفات البطلعها المراجع العام في تقريره هي مخالفات إدارية وعدم إلتزام ببنود الصرف تقوم الصحف تسوقها على انها مخالفات جنائية ، وبالمناسبة معظم ممارسات الفساد بتقع خارج الدفاتر المحاسبية يعني بعيد جداً عن المحاسبين . عشان كده هناك حاجة ملحة لضرورة ادخال كورسات محاسبة تحقيقية أو قضائية في الجامعات والمعهد الامريكي ده بزود أكتر من تلات ألف جامعة بالكورسات لتدريسها لطلبتها .ولتسجيل فيهو سهل جداً ، وحتى ممكن ندرب للمراجعين الموجودين بالمهارات دي عشان نطلع جيل جديد واعي بمتطلبات مكافحة الفساد a class="_58cn" href="https://www.facebook.com/hashtag/%D9%87%D8%A7%D8%AF%D9%8A_%D8%A8%D9%88%D8%B1%D8%AA%D8%B3%D9%88%D8%AF%D8%A7%D9%86?source=feed_text&epa=HASHTAG&__xts__%5B0%5D=68.ARCP86gNX41K5u1eJMQNa_lqIZ9qlLnVlCtzUzUCR0sTNIQD4PMT_kKLi494l4aJ6qslzYrr-vuyocyvRJmZaXnS3ThJBgNYQuVw3DNHkLfWCzz6wRS73ITXl1UDAwC0gqHqi3ovgKZXwTm8RmiPWCq-6dkEAu8STlUm4UlYa5u7gj_9ZiEfujqJeW6hhsKehxuczJ_Tpv1j3Yog4cwD7WfKHHchHems6fV6Q60oLl1HxpUP7Hj4XHnhT0lHpbj13XjlVphKhYBT6IZerptIHx2D8mk3u4tSDrMH8drVNn0vYpmTOSuvzpFXmYdNUcxLsRkUaCtCvR4USTdSd55KIsTUBkRxOwW9z_1RBcawFelVEHD1EsQpOpU&__tn__=%2ANK-R" data-ft="{"type":104,"tn":"*N"}"#هادي_بورتسودان
