صباحاتك ي قمرية تغني مبسوطة لا سراقة لا لصة لا جاسوسة مندسة ولا بتعرفي للخسة ولا جابوك في نص الليل عشان ما تبدلي اللستة تقوقي فرحانة حبة حبة لميها قشة قشة تبنيها لا حللتي للسارق و لا كبرتي للمارق ولا صمتي كضابة ولا صليتي للصورة عشان تتجمل اللقطة ما هماك قول الناس ماشة عديلة مبسوطة لا اتكبرتي للجوطة ولا الخطب الضلالية لا اتأمرتي موهومة ولا اتباكيتي مهزومة عاقلة و راكزة في وعيك حرام يقولو عليك مجنونة لا مسختي عيشة الناس ولا كنتي العدو الوسواس و لا شرفك بعتيه ولا الشافع قتلتيه ولا جوعتي للرضع و لا سجنتي عيانين ولا بعتينا للتانين حنونة علي وليداتك دغرية في مساراتك رصينة مواصلة جاراتك عفيفة نضيفة ملتزمة لا عطلتي ليك مصنع او حرقتي ليك مزرع او جنبتي ليك مبلغ لا عملتي للتمكين و لا هدمتي بيت الطين ولا تاجرتي يوم بالدين ولا قلتي انا الأولي تحرم عيشة للباقين [email protected]