صباح العيد يا وطن مذهول من فعل القوم تجار الدين و حكم العسكر عجب عجبين !!!!!!!!!! وينو السودان وطن المليون ؟ اصبح اتنين وحلايب ضاعت والفشقة واليمى معاهم وام دافوق لحقو الزينين من غير فاتحة والشعب بيسأل بى حرقة وذهول شرود و دهشات اكبر وينو الاسلام يا عالم واطية و كضابة كيزان الجن تجار الدين الما بتخجل تصول وتجول ممدودة كروشا وتتمختر متخمة بالسحت وعرق الناس وحلال و حرام وحرام و حلال تشريع و فتاوى تبيح للكوز حب الغلمان و عرس القصر وزكاة الشهر من الفقراء و الشعب يُحارب للغرباء الربا مطلوب وحلال و بلال ما فقه السترة وجوبوا فرض و فقه الحاجة حسابوا جَرِد وطن المليون اصبح اوطان جنوبنا يفوت دارفورنا تئن و شرقنا يموت و النيل الازرق و كادقلى مسرح للموت و معدوم القوت و ممنوع الفوت بى أمر البوت و الصلف السافر و الجبروت صواريخ تضرب انتنوف تقصف اطفال ونساء مرعوبة تموت لا صحافة بتكتب ما يحدث لا شعب يثور لا صوت ينصِف صواريخ ايران تضرب اطفالنا تصير اشلاء فى وطن ينزف انتنوف وشهاب ودانات تهطل يا جبال النوبة الصرتى دروع لى ام مكلومة وارملة ثكلى و طفل يتيم خايف يرجف الله موجود كراكير وجحور مليانة خلق يا شعب جسور تعبان وعرق الله موجود الرب موجود و للصبر حدود ينصفنا الخالق والمولى الرب المعبود العيد احزان و اتراح و شرود الكل سرحان فلسان مزرود و حكومة تساند فى الارهاب تدعم فى حماس من مالنا تجود و الحاجة تزيد و الظلم يسود يا شعب مكافح و متصبر كفانا خنوع و كفاكا سكوت اطلع للشارع و جيب حقك وطنك مبيوع و مكتول بالجوع من كل ربوعنا و كل نجوع صوتك هدار وصوتك مسموع اطلع يا شعب كفاكا خنوع اطلع يا شعب و مافى رجوع ما لينا رجوع قهرا او طوع اطلع يا شعب جسور وشجاع اهتف اهتف بى صوت مرفوع الشعب يريد اسقاط الرعاع سمية هندوسة 25/10/2012 الخرطوم