سودارس : الزمن ضيق

الجيش يوضح بشأن حادثة بورتسودان "ميتا" تهدد بوقف خدمات فيسبوك وإنستغرام في أكبر دولة إفريقية بورتسودان وأهلها والمطار بخير المريخ في لقاء الثأر أمام إنتر نواكشوط قباني يقود المقدمة الحمراء المريخ يفتقد خدمات الثنائي أمام الانتر مليشيا الدعم السريع هي مليشيا إرهابية من أعلى قيادتها حتى آخر جندي ضربات جوية ليلية مباغتة على مطار نيالا وأهداف أخرى داخل المدينة الأقمار الصناعية تكشف مواقع جديدة بمطار نيالا للتحكم بالمسيرات ومخابئ لمشغلي المُسيّرات عزمي عبد الرازق يكتب: هل نحنُ بحاجة إلى سيادة بحرية؟ فاز بهدفين .. أهلي جدة يصنع التاريخ ويتوج بطلًا لنخبة آسيا بتعادل جنوني.. لايبزيج يؤجل إعلان تتويج بايرن ميونخ منظمة حقوقية: الدعم السريع تقتل 300 مدني في النهود بينهم نساء وأطفال وتمنع المواطنين من النزوح وتنهب الأسواق ومخازن الأدوية والمستشفى السودان يقدم مرافعته الشفوية امام محكمة العدل الدولية وزير الثقافة والإعلام يُبشر بفرح الشعب وانتصار إرادة الأمة عقب ظهور نتيجة الشهادة السودانية: والي ولاية الجزيرة يؤكد التزام الحكومة بدعم التعليم هل هدّد أنشيلوتي البرازيل رفضاً لتسريبات "محرجة" لريال مدريد؟ إسحق أحمد فضل الله يكتب: (ألف ليلة و....) الرئاسة السورية: القصف الإسرائيلي قرب القصر الرئاسي تصعيد خطير شاهد بالصورة والفيديو.. حسناء الشاشة نورهان نجيب تحتفل بزفافها على أنغام الفنان عثمان بشة وتدخل في وصلة رقص مؤثرة مع والدها كم تبلغ ثروة لامين جمال؟ حين يُجيد العازف التطبيل... ينكسر اللحن أبوعركي البخيت الفَنان الذي يَحتفظ بشبابه في (حنجرته) شاهد بالفيديو.. في مشهد نال إعجاب الجمهور والمتابعون.. شباب سعوديون يقفون لحظة رفع العلم السوداني بإحدى الفعاليات شاهد بالصور والفيديو.. بوصلة رقص مثيرة.. الفنانة هدى عربي تشعل حفل غنائي بالدوحة تتسلل إلى الكبد.. "الملاريا الحبشية" ترعب السودانيين والد لامين يامال: لم تشاهدوا 10% من قدراته استئناف العمل بمحطة مياه سوبا وتحسين إمدادات المياه في الخرطوم هيئة مياه الخرطوم تعلن عن خطوة مهمة تجدد شكاوى المواطنين من سحب مبالغ مالية من تطبيق (بنكك) ما حكم الدعاء بعد القراءة وقبل الركوع في الصلاة؟ عركي وفرفور وطه سليمان.. فنانون سودانيون أمام محكمة السوشيال ميديا تعاون بين الجزيرة والفاو لإصلاح القطاع الزراعي وإعادة الإعمار قُلْ: ليتني شمعةٌ في الظلامْ؟! الكشف عن بشريات بشأن التيار الكهربائي للولاية للشمالية ترامب: يجب السماح للسفن الأمريكية بالمرور مجاناً عبر قناتي السويس وبنما كهرباء السودان توضح بشأن قطوعات التيار في ولايتين تبادل جديد لإطلاق النار بين الهند وباكستان علي طريقة محمد رمضان طه سليمان يثير الجدل في اغنيته الجديده "سوداني كياني" دراسة: البروتين النباتي سر الحياة الطويلة في حضرة الجراح: إستعادة التوازن الممكن التحقيقات تكشف تفاصيل صادمة في قضية الإعلامية سارة خليفة الجيش يشن غارات جوية على «بارا» وسقوط عشرات الضحايا حملة لمكافحة الجريمة وإزالة الظواهر السالبة في مدينة بورتسودان وزير المالية يرأس وفد السودان المشارك في إجتماعات الربيع بواشنطن شندي تحتاج لعمل كبير… بطلوا ثرثرة فوق النيل!!!!! ارتفاع التضخم في السودان انتشار مرض "الغدة الدرقية" في دارفور يثير المخاوف مستشفى الكدرو بالخرطوم بحري يستعد لاستقبال المرضى قريبًا "مثلث الموت".. عادة يومية بريئة قد تنتهي بك في المستشفى وفاة اللاعب أرون بوبيندزا في حادثة مأساوية 5 وفيات و19 مصابا في حريق "برج النهدة" بالشارقة عضو وفد الحكومة السودانية يكشف ل "المحقق" ما دار في الكواليس: بيان محكمة العدل الدولية لم يصدر ضبط عربة بوكس مستوبيشي بالحاج يوسف وعدد 3 مركبات ZY مسروقة وتوقف متهمين الدفاع المدني ولاية الجزيرة يسيطر علي حريق باحدي المخازن الملحقة بنادي الاتحاد والمباني المجاورة حسين خوجلي يكتب: نتنياهو وترامب يفعلان هذا اتعرفون لماذا؟ من حكمته تعالي أن جعل اختلاف ألسنتهم وألوانهم آيةً من آياته الباهرة بعد سؤال الفنان حمزة العليلي .. الإفتاء: المسافر من السعودية إلى مصر غدا لا يجب عليه الصيام

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

الزمن ضيق

مامون أبو شيبة نشر في الصدى يوم 05 - 05 - 2017

* لقاء القمة الأفريقي الجمعة القادم.. وانطلاقة التسجيلات الخميس القادم أي تسبق لقاء القمة بساعات وتستمر التسجيلات 10 أيام فقط حيث تنتهي يوم السبت 20 مايو الموافق 24 شعبان.
* الزمن ضيق جداً ويفترض أن يكون المحترفون المرشحون للمريخ قد وصلوا السودان وأكملوا الكشف الطبي وانتهت المفاوضات مع أنديتهم وتسلموا الدولارات ليصبحوا جاهزين للتوقيع الخميس القادم.. وإذا لم لكن هذه الخطوات قد تمت فاحتمال فشل صفقات الأجانب سيكون كبيراً.. وربنا يكضب الشينة..
* أرسل لي من يطالب بإعادة نشر الفقرة التي جاءت في عمود أمس الأول الأربعاء بعنوان (رحلة مدهشة إلى زيورخ) لأنه لم يحصل على الصحيفة كما أنها لم تنزل على النت وقد علم بالمادة من خلال بعض أصدقائه.. وأدناه نستجيب بإعادة نشر الفقرة..
رحلة (مدهشة) إلى زيورخ
* انزعجت مجموعة الفريق المدهش من عدم اعتماد نتيجة انتخابات جمعية عبدالعزيز التعاونية باستاد الخرطوم فعقدت اجتماعاً لبحث الأمر.
* وقد قررت المجموعة مخاطبة (الكاف) لشرح كل الأمور.. ولكن أحد الحضور قال لهم الكاف ماعنده دخل في الموضوع ده.. وإذا خاطبناه الشمات وناس مزمل حيضحكوا فينا.. المفروض نخاطب الفيفا..
* وشرع أحدهم في كتابة مسودة خطاب إلى الفيفا فكتب عن انعقاد الجمعية العمومية وفوز الفريق الركن مدهش برئاسة الاتحاد السوداني..
* فتدخل أحد الحضور قائلاً ما تكتب كلمة (الفريق الركن) دي..
* فرد الكاتب: لييه؟ كلمة الفريق الركن دي فيها فخامة وتؤكد إن قائدنا جنرال كبييير..!!
* فقال الرافض: إنت عوير؟ إنت ما عارف أنه حكاية الفريق والجنرال دي معناها أنه رئيسنا جاي من الحكومة؟ وإنت ما عارف أنه الفيفا جنها وجن ناس الحكومة؟
* الفيفا بتحب قادة الاتحادات يكونوا من الدكاترة أو المهندسين أو البروفيسورات وناس العلم والمعرفة.. تقول لي فريق وكمان ركن.. بالله شوف الجاهل ده.. إنت عاوز تودينا في داهية؟!
* فيقول الكاتب: إنت قايل نحنا ناقصين ألقاب علمية ما ياهو عندنا الباشمهندس همت نائب رئيس..
* وهنا يرتفع صوت همد: يا أخونا قلت ليكم مليون مرة اسمي همد.. همد.. همد ما همت!!
* فيرتفع أحد الأصوات و(همد) دي معناها شنو؟
* فيرد همد: إنت ما بتعرف (حمد)؟ نحن ناس الرطانة بنقول (همد) بدلاً عن (حمد).. هسي أنا شايفكم كاتبين اسمي (همت) ودي ممكن تعمل لي مشكلة وما يعتمدوني لاختلاف الاسم زي (باسكال واواو).. وبعدين حندخل في اشكالات مع ناس السجل المدني ويمكن ما يوافقوا على سفرياتي باعتبار إن دعوات الفيفا والتذاكر حتجيني باسم (همت) وليس همد!!
* فيقول أحدهم ما تخاف يا باشمهندس من حكاية السجل المدني دي.. نحن عندنا زول بيوضب الأمور ومشاكل الأسماء.. بتعرف بيتر جيمس إسرائيل؟ وبيتر جيمس ايزاك قويما؟!.. وما تنسى حكاية جواز سيدي بيه!! غايتو زولنا ممكن يطلع ليك جوازين واحد باسم عبدالقادر همد.. والثاني باسم عبدالقادر همت.. وأي تذكرة بتجيك باي اسم تختار الجواز المناسب يا (همت)!!
* ويقاطعه همد مزمجراً.. بس انتو على الأقل قولوا لي همد وريحوني من همت دي.. عالم عجيب!!
* ويهمس أحدهم: عالم (مدهش) وليس (عجيب)!
* ويتحدث أحد الحضور: يا عالم خلونا من حكاية الخطاب دي أحسن يسافر وفد ويقابل رئيس الفيفا عديييل ويشرح له كل حاجة.. هو ذاتو الخطاب الحيرسلو منو؟ الفيفا ما بستلم مخاطبات إلا من السكرتير العام مجدي شمس الدين!!
* ويقترح أحدهم أن يتكون الوفد من رئيس الاتحاد (الفريق الركن) المدهش ونائبه (همت) والكاردينال..!!
* ويقاطعه أحدهم: وليه يشارك الكاردينال مع الوفد هو معانا في الاتحاد؟!
* فيقول صاحب المقترح: اسمع سفر الكاردينال مهم جداً.. لأنه ناس معتصم رسلوا للفيفا قالوا في جهات حكومية دفعت أموال للناخبين لشراء أصواتهم.. وعليه لازم يسافر كردنة علشان يقول لرئيس الفيفا بعضمة لثانو: يا سعادتك أنا الدفعت لاستقطاب الناخبين وأنا ما في الحيكومة!!
* ويتم الإعداد لسفر الوفد المكون من (سعادة) المدهش (الما فريق ركن).. و(الباشمهندس) همد.. و(دكتور) الكاردينال!!
* وعند تجمع الوفد للترتيب للسفر إلى مقر رئيس الفيفا.. يسأل المدهش: هو رئيس الفيفا اسمه منو يا (همت)؟ وجنسيته شنو؟ وساكن في ياتو بلد؟ ولغته شنو؟
* ويرد (همد) مكشراً بسبب مناداته باسم (همت): والله ما عارف اسمه منو لكن أظن حاجة كده زي (جننتيهو) لكن ما عارف جنسيته شنو وبلده وين.. لكن طالما اسمه (جننتيهو) بيكون برازيلي وساكن برازيليا أو ساوباولو لكن ما متأكد!!
* ومع اجابات همد غير المؤكدة وعدم معرفة من التي (جننت) رئيس الفيفا (جننتيهو) يلتفت الفريق المدهش للكاردينال: بتعرف اسم رئيس الفيفا يا كردنة؟
* فيقول الكاردينال: والله ما بعرفو يا سعادتك.. لكن العارفو عنده (مستشارة ومنسغة وناطغة) اسمها (فاطمة).. ويضحك كردنة قائلاً: يعني زيي أنا وده معناه ما حنختلف.. كلنا في الفطومات شرق!! هههههههههه!!
* ويتحدث الفريق المدهش بإنزعاج.. هسه كيف نسافر لمقابلة رئيس الفيفا ونحن ما عارفين اسمو بالضبط ولا جنسيتو ولا لغتو ولا محل اقامتو يعني حنسافر وين.. ويقف الجميع في حالة حيرة..
* ويلاحظ السائق المكلف بتوصيل الثلاثي للمطار حيرة الوفد الرفيع.. فيقول لهم شوفوا الولد داك اللابس فنيلة جوفنتوس بكون عارف كورة عالمية وممكن نسأله.. وينادي السائق على الولد.. يا جدع تعال هنا شوية؟!
* ويحضر الولد ويسأله السائق بتعرف رئيس الفيفا اسمه منو؟ وجنسيته شنو؟ وساكن وين؟!
* فيرد الولد أيوا بعرفو هو في زول ما بعرف رئيس الفيفا؟!.. اسمه (جياني انفانتينو) وهو سويسري ويقيم في زيورخ!!
* وهنا ينقطب جبين الفريق المدهش ويزداد دهشة من شطارة هذا الشافع ومعلوماته الغزيرة.. ويقول له شكراً يا ابني.. وهنا يدخل كردنة يده في جيبه ويغمد الشافع حاجة في يده ويقول ليه: دي حاجة بسيطة يا جنا علشان تشتري زيادة من فنايل (مازينبي) وكسكتة كمان لأنه (رئيس مازينبي) بلبس كسكتة زيي أنا.. هههههههههه!!
* فيرد الولد على كردنة.. أشكرك يا عمو كردنة.. لكن أنا ما بشجع (مازيمبي) أنا بشجع (جوفنتوس) واللابسها دي فانلة اليوفي ما فانلة مازيمبي.. وبعدين الصاح تقول (مازيمبي) ما (مازينبي)!!
* ويتحدث المدهش: خلاص عرفنا اسم ومقر رئيس الفيفا أمشي يا صديق بسرعة جهز لينا تذاكر إلى زيورخ!!
* ويقول المدهش لهمد: يا باشمهندس (همت) مفروض نكون ملمين بقوانين ولوائح الفيفا، إن شاء الله بتعرف فيها حاجة علشان نتفاهم مع (جننتيهو).. آه نسيت اسمه.. الله يخرب بيت الزهايمر.. هو ولد (جونفيتوس) ده قال شنو؟ فيرد السائق قال اسمه (انفانتينو)!
* ويقول همد: شن عرفني بقوانين الفيفا يا عبده.. أنا شغال 30 سنة طرق وردميات وسفلتة شوارع ساي.. لكن ما مشكلة أول ما نصل لي (جيفانتيهو) نفتح خط مع د. شداد وهو يتكلم معاه ويوضح ليهو؟.. فيتمتم الفريق المدهش في سره: طيب وإنت جاي معانا فسحة؟! قال شداد قال!!
* ويقترح لهم السائق الاتصال بالفيفا لإعلامهم بموعد حضورهم إلى زيورخ ليتم ارسال مندوب لاستقبالهم في المطار.. وهنا يقول المدهش نتصل بيهم كيف؟ ما عندنا أي رقم..!! فيقول السائق لو معاكم صورة من خطاب الفيفا المرسل إلى مجدي بتلقوا رقم تلفون ممكن يوصلكم لفاطمة سامورا الأمين العام.
* وبعد جهد يحصلون على رقم السيدة فاطمة.. ويتساءل المدهش: هي لغتها شنو بتعرف انجليزي؟ فيقول له السائق: فاطمة سامورا درست لغات وتجيد الفرنسية والإسبانية والإنجليزية والإيطالية.. فيقول المدهش: يا ساتر.. ويتم الاتصال بها ويقولون لها: إزيك يا (آنسة) زامورا.. نحن وفد النهضة والإصلاح..
* فتقول فاطمة: عفواً أنا (سيدة) واسمي فاطمة سامورا وليس زامورا.. من أنتم؟! هل لكم علاقة بسد النهضة؟!
* يردون: لا نحن ممثلون للفائزين في انتخابات الاتحاد السوداني الفريق المدهش.. عبدالقادر همت.. وممول حملتنا الكاردينال رئيس نادي عشقنا الهلال..
* فاطمة: معكم كاردينال؟ ربما أخطأتم أنتم ذاهبون الفاتيكان وليس الفيفا..
* يردون: لا نحن نريد مقابلة رئيس الفيفا..
* فاطمة: آسفة رئيس الفيفا غير متواجد حالياً.. وإذا كنتم قادمون من السودان فعليكم أن تخاطبونا أولاً عبر الأمين العام مجدي شمس الدين.. مع السلامة!!

انقر هنا لقراءة الخبر من مصدره.