* غريب أمر الوصايفة ..الزعيم متصدر ..(ودايرين يتكلموا عن النيل)..!! * انتو لو بتختشوا ما بتقولوا كلمة عن المريخ ولا النيل ..(ولا تجوا مارين بشارع النيل)..!! * واقعكم يزعل وكورتكم تخجل ..!! * نحنا النيل حسمنا أمرو..الكورة عبرت وضربة الجزاء صحيحة ..(واسالوا سيحة)..!! * الوصايفة..صفر دولي ودائماً مضروبين ..(وبعد دا في فصاحة وقوة عين)..!! * الفنان الهلالي الشاب صلاح ولي قال لي بعد مباراة أهلي شندي : (تعرف أحسن حاجة اتغلبنا ..الأهلي دا صحانا)..بعد (درون النقعة) لاقيتو قلت لي يا ولي الحاصل شنو كل مرة يصحوا فيكم ..قال لي بس بعد صحية الأهلي اخدنا لينا دقسة تاني ..ضحكت وقلت ليهو : ("دقسة" في خط ستة)..!! * (دقسة) في خط ستة وبدر الدين ما حسب القون ..!!ً * البقرأ كلام محمد عبد الماجد يقول الوصايفة متصدرين ..(يا جماعة كثفوا التدريبات ما تفضحونا في المجموعات)..!! * (ديك المسلمية) ما بنستر ..(الليلة يكتر العوعاي وساعة الضبح يفرفر ساي)..!! * نفى خليفة شجاره مع النابي، وأعلام الوصايفة الذي أعتبر الحادثة (كذبة ابريل) ننتظر منه وثيقة براءة يقدمها للرأي العام كبرهان ودليل ..!! * لم يفعل خليفة شيئاً طيلة هذا الموسم ..(والحاجة الوحيدة التي نسبت لخليفة نفاها ولم يقدم حاجة مفيدة)..!! * لم يتجاوز الوصايفة محطة البحث عن عودة قودوين ..(ويجي "قودوين" إن شاء الله قودوين يا الله)..!! * الناس ديل بالطريقة دي بجيبوا داريوكان ...(وبعيدوا أيام زمان)..!! * (داريوكان) يا مكان ..!! * قال جمال الوالي إنه لن يخون الهلال بإستضافة مباريات أهلي بنغازي في المجموعات بالقلعة الحمراء، مع العلم أن الهلال بمستواه المتواضع الذي نراه الآن يخون نفسه ..!! * من مصلحة الوصايفة أداء أهلي بنغازي لمبارياته بالخرطوم ..(على الأقل بكونوا قريبين من سادومبا) * بالمناسبة : عندما أتصل ناصر ابو نخيلة نائب رئيس نادي أهلي بنغازي طالبا إستضافة مباريات فريقه بإستاد المريخ قال للوالي : (انتو عايزين سادومبا في شهر سته ولا نخلي يكمل الموسم)...طبعاً الوالي راجل راقي قال ليهو خليهو يجينا بعد يكمل المجموعات ..(وساسا دا في المجموعات إحتمال يكمل جميلو بالمرة)..!! * وكمل كمل يا ساسا ومتع ناس مزمل ..!! * قالوا سادومبا رفض عرض الإسماعيلي المصري لضعف المقابل المادي ..(انتو خليكم من الموضوع دا وواصلوا مع بكري المدينة وساسا عارف محل السمينة)..!! * أطرف خبر قرأته أمس بصحيفة (ق سبورت) حمل إشادة من أهالي حي إمتداد ناصر بالخرطوم بانضباط لاعبي الهلال في الحي الذي يوجد به (بيت اللاعبين) بمربع (1) ،وقال السكان إن لاعبي الهلال من شدة إنضباطهم لا يخرجون من المنزل ..(وما لا يعرفه أهل الإمتداد أن مستوى لاعبي الهلال ما مديهم وش يطلعوا بيهو)..!! * لعيبة الهلال ديل دائماً في (مربع واحد)..!! * سيحة قال بدر الدين عبد القادر ما احتسب للمريخ في مباراة النيل الحصاحيصا ضربة جزاء صحيحة ...(هو يا سيحة بدر الدين حسب الكورة العبرت ودخلت القون عشان يحسب ضربة الجزاء الإرتكبا مدافع النيل عبر دفع واضح لتراوري عشان الكورة ما تجي قون)..!! * غايتو يا سيحة تحكيمكم فضيحة ..!! * درمة ما خاتي على الحكام ..(وأهل مكة أدرى بشعابها)..!! * لو التحكيم زي البعمل فيهو بدر الدين عبد القادر ..(ربنا يصبرنا والله قادر)..!! نقش أخير * قبل ما تاخد قرارك كنت تتريث شوية الكلام القلت ليك كان كلام بحسن نية و(الشجار) الكان معاك اخبارو ديك (منفية)
