يا سمعة حنبكيك بالدمعة ونطفي أنوار فانوسك والشمعة ونشهيك الفول البتحبو والوش والدمعة عارفنك كضاب وهراش زي المصري أبولمعة ناس أبسوط وناس ليمونة زعلانين وقالوا الناس غشونا سجلوا العجايز والجنايز والبسطونة ديل ودونا في داهية لي الليق ولي زقلونا الله يجازي الكان السبب يا حسونا (وحسونا دي طبعاً مقصود بيها صديقي حسن بسبوسة) أقوال الأزرق العاتي قال الأزرق العاتي: أربعة أصبحت حالتم حزينة قيل من هم يا ذو الأزرق؟ قال: مدافع أصبح ذي خيط الرتينة ولاعب نص جنو بوش وسخينة وكوتش خايف من بكري المدينة قيل ثم من: قال: صحفي مكنتو مسيحة وقاطع كتينة وطبعاً الصحفي دا عرفتو.. إنه عديلي وصديقي حسن بسبوسة وربما يكون مزمل أبو القاسم أو اسماعيل حسن