* مازال أعلام الزبون يشكك في انتصار اب زرد الذي اصبح واقعا * ومازالت المناحات والآهات تنبعث من بيوت العزاء في العرضة الشمالية التي لم تنم حتى هذه اللحظة من السكوهة * المريخ يسير بخُطى ثابتة نحو منصات التتويج ويستعد لليوبار الكنغولي واعلام الزبون يطلق بالونات الهواء الفارغة ويحدث ضجيجاً من دون طحن. * قالوا ان المريخ انتصر بجهود الحكم الزامبي.. كانما الحكم الزامبى طار في الهواء واحرز هدف (ضفر) الجميل الذي يستحق ان يدرس في اكاديميات كرة القدم * تفنن اعلام الزبون في التبريرات والشكاوى وكال الاتهامات للمريخ وانتقد قائد المسيرة الرئيس المحبوب جمال الوالي الذي لا يعرف الطرق الملتوية ولا المريخ لأن هذا النادي لديه تاريخ ناصع ودائماً يتفوق المريخ في الملعب على كل المنافسين.. يخدم نفسه بنفسه وبطولاته وانتصاراته (خدمة يمين وعرق جبين).. يصرف المريخ ويدفع مبالغ ضخمة ويستقدم اللاعبين من أجل الانتصارات والبطولات ويخطط ويعمل ويجتهد وليس من العدل الغاء كل هذه الاجتهادات واتهام الناس. * قولوا بس الغلب حار * قولوا بس الثلاثية بتحرق الحشا *قولوا بس الشاهد والضحية * قولوا بس الزبون انهزم يارجالة * قولوا بس ما بنرضى الوصافة * قولوا بس الغلب حار والدنيا قبائل عيد * النصحية ليك يا الله الغلب حار ومابندار * ومع دفاعكم الشوارع ده ما اظن انكم تمشوا معانا بعيد * المريخ الارخبيل الجميل قدم مباراة العمر وقدم السهل الممتنع واعاد الوجه الجميل للكرة السودانية بشهادة المحللين العرب * بناس بويا وفداسي ديل بتجيبوا لينا الكلام * الغريق قدام ونحن وابن عمنا على الغريب * لكن بطريقتكم دى بتعيدوا لينا تاني الخمسات * عندكم وقت تربطوا الاحزمة وتتحزموا وتتلزموا بنلاقيكم في النهائي * اي(عنكبه) او حركات المعز المكشوفة دي الانسحاب واجب * نحن جاهزين انتو كيف ؟؟؟؟؟؟ * عايزين نرفع شعار (معا للنهائي ) لكن بطريقتكم دي من هنا بتجيبوا لينا الكلام * المريخ سيواجه ليوبار الكنغولي * الكنغولي فريق خطير ومنظم ويجيد لاعبوه نقل الكرة بصورة ممرحلة. * تابعت فريق دي جولبيا واتضح انه كذبة كبيرة ودعايتو سبقتو * يعنى الزبون حيلاقي فريق منتهي ومتهالك * حمام ميت يلاقي حمام ميت * بختك ياغارزيتو مبيضه ليك في قفص * كانو متعشمين انو الوداد يلاقي اب زرد * لكن وداد الزمن ده طلع نفاخ * ياحليل وداد زمان البقلع الكأس من لقاليقو * يا حليل وداد زمان البخلي الخشوم ملح ملح * ياحليل وداد زمان الركا وقلع الكاس من فم الزبون * ويا حليل وداد زمان البنو ليه المقصورة وجابوه ليه يوهانس بالطايرة * جابوه بالطيارة وتحملوا الخسارة * كانوا عايزين الوداد يتعشى بينا لكن نحن اتغدينا بالزبون * الغلب حار والدنيا قبائل عيد * النحيب والعويل يؤكد ان الهزيمة ثقيلة * وفعلاً الغلب حار ومابندار * تصور بس لو كل واحد من لاعبي المريخ جاب قون واستفاد من فرصتو * تصور بس كلتشي هدف والباشا بصر والسعودى انتفض واديكو قال لي جمعة جيب من جوه * ماكان فضل اسعاف في العاصمة ما اشتغل * كيف يكون الحال يا فوزي لو كل هذه الفرص ولجت المرمة * وين الحمار يا فوزي * وين الحصان ؟؟؟؟ * المره الجاية الا تدفن ليك فيل * ولا مرفعين بثمانية أرجل * تاني تجي وتعمل فيها اسد * اب زرد خطير وسرو باتع * عيدكم مرارة وحلوقكم مرارة والله كفانا شر الحجاره * كلو كوم وزعل المعلق سوار كوم على ضربة الجزاء * سوار ...يا سوار ..سكواها سواها كيف ؟؟؟؟؟؟ * ثلاثة مسامير غانج .. حارة .. حاره !!!! * حنهريكم * النجمة حلاتا غالبه تلاته !!
