* لا زال الحزن والألم يعتصرنا لفراق حبيبنا واستاذنا وصديقنا الصحفي العملاق الأسطورة عبدالمجيد عبدالرازق، رحمه الله رحمة واسعة وأدخله فسيح الجنات، الذي رحل عن هذه الفانية فجأة في هذا الشهر المبارك وفي أيام العتق من النار، وفي ليلة طويلة ماطرة حسبنا فيها إن السماء تبكي معنا فقيدنا الحبيب.. * رحيل الحبيب مجيد وذهبت (الحروف الكروية)، ففقدنا الرغبة في الكتابة، لألجأ أمس للبحث عن الفقيد من خلال كل ما سطر عنه من كلمات نعي ورثاء عبر الصحف والمنتديات الالكترونية والتي أكد أعضاؤها مدى حبهم وتقديرهم للفقيد وظهر ذلك من خلال الكم الهائل من كلمات الرثاء والدعاء للفقيد فلهم كل شكر وتقدير.. * ووقفت أمام مرثية خصوصية أوردها أحد أعضاء منتدى كووورة (sudani11) نصها: رحل مجيد زولاً سمح زولاً نبيل زولاً ودود رحلت وما أقسى الرحيل دا الرحيل من غير رجوع و عليك صبّينا الدموع والليلة إنطفت الشموع والليلة لفانا الحُزن بكت القرى... وبكت المدن زولاً في سماحتك يا مجيد زولاً في عفافك يا مجيد وعِجزت حروف كل القصيد توصفك كيف تنصفك يا قامة سامقة ويا نبيل يا سوداني وطني، يا أصيل والليلة يبكيك الوطن يا حليلك ويا حليل و يا حليل المنتخب والعنو قلمك كم كتب لا كلّ لا عرف التعب وحاشاهو ما قال الكعب الليلة بعدك صار وحيد ويا حليلو المنتخب يا حليل زولاً عفيف زولاً أمين في كلمتو زولاً شريف صان القلم ما باعو في سوق الحروف والليلة تبكيهو الصُحف وقبلِ ما يبكي المريخ الليلة يبكيهو الهلال زولاً سمح في كل لون طيبة قلب وسمح الخصال مريخي كان لكنّو ما ظلم الهلال لانو كان كاتب أمين زيو ما لاقين مثال والليلة نكتب عنو إيه؟ الليهو ما لاقين شبيه والليلة بنقول الوداع لزول أمين في كلمتو لا خانها يوم لا ليها باع لي زول حفظ شرف اليراع لي زول أمين في كلمتو لي زول شجاع لا عِرف درب التعصب لا عِرف درب الصراع الليلة بنقول الوداع لي زول وطن لي زول رحل ترك الجميل إرثاً حسن لي زول يعيش جوة القلوب باقي الزمن الليلة ودعناك خلاص ورفعنا كفنا بالدعاء رحماك يا رب السماء في قبرو تأنس وحشتو عبداً فقير لي ربو جاء وإليك يا ربي ألتجأ فاغفر ذنوبه يا غفور وبؤه من الجنة حيث شاء وألهم أهله الصبر الجميل يا من لا يخيب فيك الرجاء * اللهم أغفر له وارحمه واعفو عنه وأكرم نزله ووسع مدخله واغسله بالثلج والماء والبرد ونقه من الذنوب والخطايا.. اللهم يمن كتابه وهون حسابه ولين ترابه و ثبت أقدامه.. وألهمه حسن جوابه واكرم مثواه واجعل الجنة مستقره ومأواه.. اللهم آنس وحشته و ارحم غربته وقه عذاب القبر وعذاب النار.. اللهم نقه من خطاياه كما ينقى الثوب الأبيض من الدنس.. اللهم افسح له في قبره ونور له فيه واجعله روضة من رياض الجنة و لا تجعله حفرة من حفر النار.. اللهم انقله من ضيق اللحود والقبور إلى سعة الدور والقصور في سدر مخضود وطلح منضود وظل ممدود وماء مسكوب وفاكهة كثيرة لا مقطوعة ولا ممنوعة وفرش مرفوعة.. اللهم إن كان محسناً فزد في حسناته وإن كان مسيئاً فتجاوز عن إساءته.. اللهم كن له بعد الحبيب حبيباً ولدعاء من دعا له سامعاً ومجيباً واجعل له من فضلك ورحمتك وجنتك حظاً ونصيباً.. اللهم ارزقه الفردوس الأعلى بغير حساب ولا سابق عذاب وارزقه لذة النظر إلى وجهك الكريم.. ولا تحرمه شفاعة حبيبك محمد صلى الله عليه وسلم، واسقه بيده الشريفة شربة هنيئة مريئة لا يظمأ بعدها ابداً واحشره معه في جنات النعيم.. آمين.