طرح زعيم حزب الأمة ،الصادق المهدي، مبادرة تدعو الرئيس السوداني عمر البشير إلى تشكيل حكومة قومية عقب الاستفتاء على تقرير مصير الجنوب لتجنب الاطاحة بنظام الحكم،وأمهله 17 يوما عقب الاستفتاء وإلا انضم إلى تيار الاطاحة بالحكومة أو اعتزل العمل السياسي ورد عليه د.نافع على نافع مساعد رئيس الجمهورية قائلا لن نشكل حكومة قومية وعلى المهدي أن يختار المعارضة أو اعتزال السياسة ظريف المدينة تخيل هذه المسرحية عبر الاغانى : الفصل الاول (الصادق يطرح خيار التراضى بين الطرفين ونافع يرفض) * الصادق :جايينكم انا والاهل جايينكم قاصدين امل * نافع : جاى تعمل تانى ايه ماخلص ريد وانتهى ؟! * الصادق :تانى ما تقول انتهينا بتنهى جيل ينظر الينا * نافع :خلاص سيبنى وانسانى شوف ليك ريدة تانى * الصادق:تواه انا كل الدروب جربتها لا وصلت ليك لا السكة تانى عرفتها * نافع :سيبو دربى خلاص كفاية اضيع معاك ويضيع غناى شلت اسمك من ضميرى واصلو حبك كان حكاية * الصادق :اقول انساك وعارف انى ما بقدر مابقدر مهما قساك على يطول يزيد شوقى وهواى اكتر * نافع : جمعتنا الارادة وراحت فرقتنا * الصادق :اعمل ليك ايه لو ترجع لى تانى اقطف ليك ورود وانظملك اغانى اعزف ليك عود ويغرد كمانى نافع :لو طلعت القمرة وجيت ولو حلفت برب البيت ما بريدك مهما بقيت غلطة كانت غرامى ليك * الصادق: لو حتى نبدا من الصفر الريدة لا زم تستمر نافع :تانى ارجع ليك واجيك لا الكلام دا بعيد عليك *الصادق:سيب الجفا سيبو ارحم كفا انا قلبى تاب من العذاب * نافع:نحن ماقصرنا انت اتلومت فينا * الصادق:براى سويتا فى نفسى قلبى الحب ما واعى عشق زولا مجافيه وماكان للحصل داعى الفصل الثانى (الصادق يهدد بالاعتزال ونافع يشجعه) * الصادق :ارحل اشيل خطواتى من زولا نسى الالفة * نافع: لو داير تسيبنا جرب وانت سيبنا لو عايز تحب حب وانساه ريدنا الصادق:اصلى من دنياك مهاجر لى موانى بعاد ضفافه * نافع: مايهم الناس من نجم على وشك الزماع غاب من بعد طلوع وخبا بعد التماع * الصادق :اقول انساك افوت لى دنيا ما دنياك تانى الشوق يرجعنى بعدك ما بريحنى قربك ما بفرحنى فى الحالتين انا الضائع * نافع :بلا واجلا حمد الله الف على السلامة * الصادق:ياقلبى ما تحزن انسى النساك احسن * نافع:مانسيناك جاى تعمل ايه معانا بعد ما عذبتنا * الصادق :اودعكم افارقك اودع اودع اودع كيف افارق افارق افرق كيف لالالالا ابقدر . * نافع :غيب وتعال تلقانا نحن يانا نحن يانا نحن (ستار)