أقريني كل ما الطير نضم واتونسك شدري الحزين ابنيلي في جواك وطن ساعة ازدحامك بالحنين ضميني في السما في الفراغ أو في بيوت الكادحين ناديني كان صوتك بدا واعفيني كان ما جاكي رد أو جاوبك مني المدى ما الدنيا في فهمي البسيط صوتاً بلف زمني وبلاك يرجع صدى وأنا ما صدى شان صوتي ترميهو الجبال تكتل ضميري الاهتدا ما بين أديمي وبين سماى كتي الخبر والمبتدأ وما بين مضخاتي ودماي كتي الختام الما بدا غنيلي كان طال الغياب أو طل بين البين ردى سأزلزل المنفى غدا واتيك شوقاً اوحدا طليني من كل الشُرف الفاتحة فيني بتندهك حيي الدروب التشتهيك وتشهبك حيي التراب حيي البحر حيي السحاب حيي الخريف حي الخريف العمرو ما هطل علينا كلام مغلف بالنزيف حيي الرصيف حيي الرصيف الما انتهت أحزانو والوطن النضيف حيي الصباح حي الغيوم الجهجهت شمس الكضب حييها صاح حيي البيوت الراكزة عشقك بالنواح حيي الطريق حيي الفريق حيي الطيور الراجعة ليك بعد حريق شان تسكنك وأهديها فوق صمتك براح يا غايبة والناس غايبة فيك لمتين معاك النيل أسير والأمنيات مسجونة والزمن الكسير انتفضي وشيلي الثبات خشيني من كل الجهات واستوطنيني كما الخيال كما الرموش الرامية فوق عينيك ظلال خشيني من كل الملاحم مهرجان تستقبلك جواي حمامة ودنيتين مصلاية للدين الصحيح شمس الله بتجيك مرتين ترحيبة الغبش الكرام قبليها جدول ووردتين راكوبة في الوطن الغمام عصرية راقدة على البحر قمرية بتصلي الفرض حرية بى قدر الأرض وأقريني كل ما الطير نضم واتونسك شدري الحزين ابنيلي في جواك وطن ساعة ازدحامك بالحنين ضميني في السما في الفراغ أو في بيوت الكادحين شعر: