وجه نائب رئيس مجلس السيادة الإنتقالي، الفريق أول محمد حمدان دقلو، اتهامات لجهات -لم يسمها- تعمل على شيطنته والتقليل من شأنه ودوره في التغيير، مشيراً إلى أنها قللت من رتبته العسكرية ووصفته بالفريق خلا، كما قللت من سودانيته، بوصفه تشادي تارة ونيجيري ومالي. وقال دقلو لدى مخاطبته اليوم الجمعة تأبين القيادي في حركة جيش تحرير السودان مبارك نميري، أنه الشخص الوحيد في اللجنة الأمنية الذي لم يوافق على فض اعتصام القيادة. وأضاف" بأنهم هم من قاموا بالتغيير، من أجل تجنب سفك دماء الشعب السوداني أمام القيادة، مؤكدا بانهم كلهم كانوا مجتمعين على فض الإعتصام عن بكرة أبيهم، وانا من اتخذت القرار". وتابع " لولانا لكان البشير حتى الان حاكما، نحن من قمنا يإعتقاله ووضعه في الإقامة الجبرية". وزاد"عن بكرة أبيهم كانوا مجتمعين لفض الاعتصام انا البقيت السبب ودعمت الشعب والان أصبحت عدواً للشعب متسائلا انا ذنبي شنو يا جماعة". واستدرك قائلاً: السبب كلو الكرسي نمرة 2 القاعد فيهو دا، دا حصري دا ممنوع زول يجي فيهو مافي، دا السبب". و واصل: لانو دايرين محلي في الخلا أقاتل ناس مناوي جبريل، في وادي هور وغيره، لكن نحن تاني ما بتنغشى الشلاقي ما خلى عميان" مشيرا إلى" أن مافي أي تغيير حدث حتى الآن، غير عمر البشير دخل السجن مع الجماعة الكبار، ودخلناهم نحن مافي زول دخلهم غيرنا، مشددا على انهم سيكشفوا للشعب كل هذه المؤمرات، صبرنا كتير وما حانصبر اكتر من كده".