وقف رجل بعربته الفارهة أمام بائع البطيخ وسأله عن سعر البطيخة فقال عشرين جنيه فقال الرجل ارفع اتنين وناوله أربعين جنيها دون أي غلاط. وهنا قال قريبه الذي يركب بجانبه في العربة ياخي البطيخ دا بي عشرة جنيهات او أقل فقال الرجل "ايوة عارف لكن عاوز الزول ده يندم طول حياتو ويقول ياريت لو قلت ليه البطيخة بي خمسين".. مفاوضو الجنوب قالوا لي جماعتنا نحن عاوزين الحريات الاربعة وجماعتنا قالوا ليهم "خلاص كويس".. أرجو أن لا تلوموا مفاوضينا او تصفوهم بأي كلام فارغ بس هم عاوزين يغيظوا ناس باقان عشان يندموا إنهم ما قالوا ليهم عاوزين الحدود تكون من جبل أولياء.. زمان البنات غنن: لو عاوز تغيظهم تعال واضرب البوري.