الجنرال صلاح يلعب هذه الايام بطريقة (سوداني ..وخليك سوداني) ناس المريخ في هذه الفترة ..وصلوا الي درجة من التواضع المخجل جدا ... اصبح (اوليفيه) محترف المريخ (التجميّع)..هو نجم مباريات المريخ الاخيرة.
اوليفيه هذا ..بديّني احساس انه (لقاط كور) مُحدث...على طريقة ثقافة الموبايلات ...لقاط كور مع (سماعات خارجية).
الزول دا رجعنا للورا عشر سنوات...زمن المحترفين بصلوا (طرود).
وبدخلوا البلد دي بي فيزا (عامل نظافة).
اوليفيه دا لا محترف ولا حاجة ...عامل كدا زي (قدرة الفول) لمن صاحب الدكان يقلبها ...(المعني الفول خلص).
تشوفها من رابع شارع.
او زي (القصاصة) البتكون مكومة تحت ماكينة خياطة الترزي.
حاجة كدا.
انتوا وين حسن كمال؟ ...(دحين المريخ في التسجيلات الاخيرة ما سجل صانع العاب اسمو حسن كمال).
شبكونا ليك حسن كمال ...حسن كمال ..حسن كمال ...لمن نحن افتكرنا (السكة الحديد) رجعت تاني.
وين (مفضل)؟..موش في اسم بالشكل دا في المريخ ...(وإلا انا غلطان).
مفضل دا قالوا صانع العاب ..بس عندو عيب وحيد.
عيبو الوحيد ما بعرف يلعب تحت اضواء الكشافات.
الواطة من تمغرب ...كورتو بتفك.
حسن كمال ومفضل ..ديل كلهم اختفوا ...بقى الطالع في الكفر محترف اسمو (اوليفيه).
اوليفيه بقى نجم.
طبعا دي نحن بنفسرها ب (Anemia) حادة في النجومية.
% () () ..وكتب عن اوليفيه على طريقة كتابته عن (مجدي ام بدة) الجذر التربيعي لاوليفيه.
في وجود كلتشي والباشا وعلاءالدين يوسف وهيثم مصطفى وكل الذين مروا ونعموا بجزيل الهلال وجماله كتب (سلك) عن (اوليفيه) عمود كامل.
هذا كله تحاشيا عن الكتابة عن هيثم مصطفى.
اخير يكتب عن ولدهم (اوليفيه).
% .
% كتيرة عليه ...كلمة شنو؟.
(حرف جر) ساكت ..خسارة في اوليفيه.
اوليفيه مين؟.
اي واحد لو عاوز يشكر اوليفيه احسن (يحتجب لظروف فنية).
اخير ليه.
والله يا سلك لو كتبت عن (النجيلة) ...واتغزلت فيها زول بسألك مافي ..احسن من انك تكتب عن (اوليفيه).
لو كتبت عن (البسطونة) القاعدة في الجانب الجنوبي من مقصورة المريخ (تحت الكرسي)..احسن من انك تكتب عن (اوليفيه).
سلك كتب امس عن (اوليفيه)...المهاجم البتمها موية..مهاجم بشب لي ضلو:
الطاقية تنزل فيه للركب.
كتب سلك :
(( قديما قال اهل الكرة
البتغلب بيه العب بيه
وبعد التطور التكنولوجي ودخول العولمة تطورت المقولة الي
البتدقش بيه بتغلب بيه
واكد ذلك اوليفيه
% القوي المقاتل تكفيه هذه الصفات
واذا زاد عليها مهارة يكون كتر خيرو
امس كانت بصمة اوليفيه واضح في الاهداف الاربعة
مرة بصمة بالسرعة
ومرة بصمة بالقوة
%
%
%
%
% الدقشو اوليفيه امس ده اريتو دقش الوليدات لي حدهم
قو ة رجولة سرعة
استفاد منها جميع من احرز الاهداف).
% ()... اذا كان بهذه المواصفات والامكانيات التى وصفه بها سلك ...فان هذا دليل على ان المريخ قاعد ساكت ...وما فيه اي لاعب مقنع.
عشان اوليفيه دا لو جاء اتمرن في (الدافوري) الجنبنا في الحلة بطلعو اكتر واحد (كيشة).
اوليفيه دا لو قعد (يجلبق) في خور ابوعنجة ...بطلعو ليكم ما عندو حاجة.
لكن على ما يبدو ان (الطشاش في بلد العمي شوف)..لذا فقد اصبح (اوليفيه) افضل لاعب في المريخ هذه الايام.
والله العظيم ما كنت قايل الامور وصلت الي هذا التواضع في المريخ.
ما كنت قايلهم وصلوا الي هذا المستوى الذي يمكن ان يجعلوا فيه (اوليفيه) دا افضل لاعب في المباراة.
عارفين (اوليفيه) دا لو كان بيلعب في الهلال كان مع ناس ابوطويلة ديل (مساوي وبويا واتير والمعز والشغيل ومهند وبشة ونزار حامد) ..إلا يطلع ليه في (سقالة).
لذلك نحن نقول لي (سلك) مباراة القمة في الاسبوع الرابع للدوري الممتاز اذا كنتم سوف تعتمدون على (اوليفيه)...ننصحكم ان تتطلعوا ليه (اذن) منذ الان ..عشان يخش الملعب ب (سقالة).
% للرئيس ..ممكن يطلع ليكم (رخصة) تدخلوا بيها (سقالة) لي اوليفيه في الملعب.
الزول دا والله في مباراة القمة القادمة (صنقيع) ساكت ..لياقتو تقطع.
صنقيع ساكت بفتر.
انتوا ما شفتوا (الشغيل) في نص الملعب ..الشاردة والواردة ما بتفوت منو.
قالوا ليك الشغيل من الطول حكم المباراة وقت يكون عاوز يصفّر عليه (مخالفة)..بطلع في المقصورة ويصفر هناك وينزل ..عشان الشغيل يسمعو.
اصلو المسافة بعيدة بين الواطة ..والشغيل.
بين الحكم والشغيل.
مباراة القمة القادمة ...الهلال كله بتميّز بلاعبي صغار في السن ...وهم جميعا فيهم رشاقة وخفة (الغزلان).
لذلك فان مباراة القمة بالروح والعزيمة واللياقة والخفة محسومة ان شاءالله للهلال.
لا سيما وان كل لاعبي الهلال عندهم الدافع لجندلة المريخ وهزيمته شر هزيمة وهم قادرون على ذلك.
وضح ان الكوتش (الجنرال) صلاح محمد آدم عنده الفكر الكافي والامكانيات الكبيرة في هزيمة الاندية السودانية وقد ظهرت بصمة صلاح محمد آدم في المباريات الاخيرة بشكل واضح.
الملاحظة الجديرة بالاحترام والتقدير هو ان الهلال اصبح يلعب المباريات الاخيرة بتشكيلة خالصة من الوطنيين.
تشكيلة الهلال في المباريات الاخيرة (مجنس) ساكت ما فيها.
واظن ان ذلك التفاتة ذكية من الجنرال صلاح محمد آدم ...لأن اللاعب الوطني بتحمل المسؤولية ...وهو يقدر الظروف التى يمر بها الهلال.
لذلك فان الدوافع والعزيمة والاصرار عند لاعبي الهلال (الوطنيين) اكبر.
وقد وضح ذلك في المباريات الاخيرة التى لعبها الهلال في الفترة الاخيرة.
امس امام النيل الحصاحيصا ...لعب صلاح بتشكيلة قوامها الوطنيين..ولم يشرك صلاح من الاجانب إلا (سيدي بيه) في شوط المباراة الثانية وبعد ان حسمت نتيجة المباراة.
واظن ان اي محترف لم يكن عنده القدرة والدافع لكي يلعب في ملعب مثل ملعب الحصاحيصا ..وعصرا كمان.
مباراة القمة ايضا تحتاج الي تشكيلة خالصة من السودانيين ...وهم يملكون الغيرة على الشعار والحماس ...وهم اكثر احساسا بمباريات القمة.
وهذا جانب يمكن ان يستفيد منه الهلال في مباراة القمة في الاسبوع الرابع للممتاز.
% ان محترفي المريخ سوف يجردون المريخ من روحه والشكل الذي عرف به المريخ.
لذا يمكن بسهولة انزال هزيمة قاسية بالمريخ في وجود (باسكال) والذي شهد عليه مدربه السابق الكوكي بانه (ثغرة) في الدفاع ..ويمكن مراجعة كل الاهداف التى استقبلتها شباك المريخ ...سوف نجد (مساهمة) باسكال في الهدف واضحة وملحوظة.
% في السن واصبحت شباكه تستقبل اهداف سهلة...اخرها الاهداف التى استقبلها امام الظفرة (المتواضع).
عصام الحضري بعد تقدم السن به ...اصبح من السهل تسجيل اهداف في شباكه من مسافات بعيدة ..وقد جرب ذلك مهند الطاهر في اكثر من مرة.
% يركز عليها الهلال منذ الان.
نحن ضد الاراء التى تحسب وجود الحضري فيه قوة للمريخ ...تراجع الحضري اثبته مدرب المنتخب المصري الامريكي برادلي الذي تجاوز عصام الحضري واختار حراس مرمي من الدوري المصري المتوقف.
اضف الي ذلك ان الجهاز الفني للفراعنة فيه زكي عبدالفتاح وهو حارس مرمي سابق ..والاكثر قدرة على تقييم عصام الحضري.
وعندما يتجاوز زكي عبدالفتاح عصام الحضري ذلك يعني ان الحضرى انتهى يا رجالة.
% مباراة القمة القادمة سبب كافي لانزال هزيمة كبيرة للمريخ.
يلحظ ان الحضري ينهار سريعا عندما تستقبل شباكه هدفا ويصبح اكثر قابلية لاستقبال اهداف اخري.
نقطة الضعف الاخرى في المريخ الطرف الشمال (غاندي)...وهو مع تألقه (هجوما) ..إلا انه ضعيف (دفاعيا) ...ويمكن ان يستغل الهلال ذلك ..لا سيما وان غاندي (ضعيف) في جانب الالتحامات ..والكور المشتركة ايضا.
خطورة غاندي فقط في الكور الثابتة ...والتهديف من خارج الخط ..وهذه اشياء مقدور الحد منها والقضاء عليها تماما.
كلتشي مع انه مهاجم جيد وثعلب إلا انه بسرح وبركن ...ولا يتحرك بصورة فعالة ..لذلك هو لا يرهق المدافعين ...ينتظر الكورة الي ان تصله.
وهذا شيء يملك مالك محمد احمد (الدواء) له.
اما اوليفيه فهو بكل تأكيد سوف يكون اضافة للهلال في مباراة القمة القادمة ..وذلك لانه لاعب قصير القامة ..وسريع الانفعال ...سهل جدا اخراجه من اجواء المباراة.
لا اريد ان اتحدث عن الوطنيين في المريخ ..لكنهم جميعا لن يمتلكوا القدرة على مجاراة سرعة لاعبي الهلال وقوتهم ...وروحهم الشبابية.
% مع مجريات المباراة ...وجميع لاعبي الهلال يتمتعون بعقلية تكتيكية كبيرة.
% كل لاعبي الهلال ..يقابل ذلك تقدم في السن عند معظم لاعبي المريخ.
لذا فان مباراة القمة ومن منطلق الخطة التى يلعب بها الجنرال صلاح محمد آدم (سوداني وخليك سوداني) تجعلنا نقول ان المريخ سوف ينال هزيمة قاسية وكبيرة من الهلال في مباراة القمة القادمة ان شاءالله.
اذكر ان هجوم الهلال يتكون من (كاريكا وبكري المدينة)...وهما اكثر اللاعبين قدرة على تنفيذ ما تفعله (السيول)..حيث السرعة والقوة والروح العالية.
% صلاح محمد آدم ..محمد عبدالرحمن واطهر الطاهر لمباراة القمة ..لأن هذين اللاعبين يمتلكان الموهبة والرغبة الكبيرة ويمكن ان يفعلا (العجب) بلاعبي المريخ الذين تقدمت بهم السن.
وان كنت احسب ان بعض لاعبي الشباب سوف يتواجدون مع المتخب المدرسي في مشاركة خارجية.