سودارس : فكتوريا اليوغندي وديفينيس الاثيوبي في الخرطوم اطعموا ضد (التمهيدي)

شاهد بالفيديو.. في مشهد مؤثر.. كابتن طائرة "سودانير" المتجهة إلى العاصمة الخرطوم ينهار بالبكاء أثناء مخاطبته الركاب الصحفية سهيرة عبد الرحيم: (شعرت للحظة أن وزير الخارجية المصري سيهتف داخل القاعة "جيش واحد، شعب واحد" من فرطٍ حماسه في الجلسة) شاهد بالفيديو.. والدة الفنان الراحل محمود عبد العزيز: (اتخذلت في هذا المطرب!! وكل من كانوا حول الحوت منافقون عدا واحد) وزارة المالية توقع إتفاق مع بنك التضامن الإسلامي لتقديم خدمة إيصالي شاهد بالفيديو.. على أنغام أغاني "الزنق".. لاعبو حي الوادي يحتفلون مع راعي الفريق ونائب رئيس إتحاد الكرة أسامة عطا المنان بمناسبة زواجه منع مشاركة أي وزير في أعمال أي لجان أو مجالس أو كيانات خارج نطاق الحكومة إلا بإذن من رئيس الوزراء شاهد بالصورة.. اللاعب هاني مختار يتوشح بعلم السودان في جلسة التصوير الخاصة بناديه الأمريكي شاهد بالفيديو.. بتواضع كبير "البرهان" يقف بسيارته في الشارع العام ليشرب عصير من الفواكه قدمه له أحد المواطنين بدنقلا البرهان يقدم واجب العزاء في الشهيد اللواء معاوية حمد قائد الفرقة 22 مشاة بابنوسة وزير الخارجية والتعاون الدولي يلتقي رئيس مفوضية الاتحاد الأفريقي شاهد بالفيديو.. فتاة سودانية تبهر راغب علامة وأنغام بعد ترديدها أغنية هدى عربي في برنامج مسابقات والسلطانة تدعمها وتحتفي بها وزارة الشباب والرياضة تواصل انفتاحها على الولايات ارتفاع في اسعار محصول الذرة واستقرار سعر السمسم بالقضارف أمس عثمان ميرغني يكتب: إثيوبيا والسودان: تشابكات الحرب والأمن الإقليمي وفاة ثالث رضيع تناول حليبًا ملوّثًا بفرنسا مشروبات طبيعية تدعم مناعتك.. روشتة حمايتك من العدوى دراسة تربط طنين الأذن بالإنتاجية في العمل إلغاء رحلة قطار إلى الخرطوم..إليكم تفاصيل جوجل تسهّل إزالة المعلومات الشخصية والتزييف العميق من نتائج البحث "ميتا" تبني مركز بيانات بقيمة 10 مليارات دولار إضافة علامة تبويب الإعدادات بواجهة "واتساب" المريخ يواصل تدريباته بقوة بكيجالي والدامر انطلاق دورة متخصصة لتطوير الأداء الرقمي برعاية وزير الشباب والرياضة وزارة الشباب والرياضة تواصل انفتاحها على الولايات ووكيل الوزارة يشهد ختام دورة شهداء السريحة بولاية الجزيرة رشيد الغفلاوي يلتقي قيادات الاتحاد السوداني لكرة القدم تطور حاسم بقضية "الاعتداء الجنسي" في منزل لامين يامال كباشي يحيي صمود مواطني شرق النيل ويوجه بزيادة محولات الكهرباء ومكاتب السجل المدني بالمنطقة الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر هيئة مياه الخرطوم: تحصيل فاتورة المياه لا يشمل القطاع السكني حتى الآن ارتفاع طفيف لأرباح زين السعودية إلى 604 ملايين في 2025 هدى الإتربي تكشف كواليس مسلسل "مناعة": تجربة مختلفة بتفاصيل إنسانية مسلسلات رمضان.. هل تقع أيتن عامر فى حب ياسر جلال فى مسلسل كلهم بيحبوا مودى ضياء الدين بلال يكتب: قوش وآخرون... جرد حساب! الدولار يواصل التراجع أمام الجنيه فى منتصف تعاملات اليوم مسؤول سوداني يغادر إلى تركيا السودان.. وزير الشباب والرياضة يصدر قرارًا دوري أبطال أفريقيا يشتعل.. 3 أندية تتأهل رسميًا وصراع مفتوح على 5 بطاقات مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه محاولة أوكرانية جديدة لإفشال مفاوضات السلام بعيداً عن ارض المعركة رفض الزوج شراء سجائر لها فقتلته.. جريمة زوجة مصرية تثير الجدل حريق كبير في سوق شرق تشاد رسالة أخيرة في بريد الرئيس البرهان قبل تمرد الحركات المسلحة الدارفورية ترامب يحذر إيران: الوقت ينفد والهجوم القادم سيكون أشد مباحث الخرطوم تعلن توجيه ضربة موجعة لمافيا السيارات..إليكم التفاصيل تلفزيون السودان يستأنف البث المباشر من مقرّه الرئيسي وزير الصحة: التبغ عدو الحاضر والمستقبل و فاتورته الصحية تفوق عائداته الضريبية هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر سباق اختراق الضاحية باكورة بطولات الاتحاد العربي لألعاب القوى شركة اتصالات في السودان تعلن عن توقف خدمات "مَا حَرَّمَ إِسْرَائِيلُ عَلَى نَفْسِهِ"! أحمد الشاكر: انا أعجز عن شكر جميع الإخوة الأشقاء في المملكة العربية السعودية السودان..حصيلة صادمة بمرض شهير في ولايتين إسحق أحمد فضل الله يكتب: (حديث نفس...) "كرتي والكلاب".. ومأساة شعب!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

فكتوريا اليوغندي وديفينيس الاثيوبي في الخرطوم اطعموا ضد (التمهيدي)

قوون نشر في قوون يوم 19 - 05 - 2014

جدعة التماس في دورة حوض النيل ما زي الجدعة في المجموعات في فرق!!
"""""""""""""""""""""""""
قالوا ليك الكرت الاحمر ذاتو في دورة حوض النيل لونو اسود
"""""""""""""""""""""""""""""""
كورة ناس ضفر دي طبعا ما (مشفرة) ..كورة ضفر دي في الدافوري قاعدين نشوفها
""""""""""""""""""""""""
مرات بتعزم ليك ناس عرس ..يقوموا يجوك قبل الصيوان ما يركبو
"""""""""""""""""""""
· امس قاعد بسمع في محمد وردي (قلت اطلع شوية من الحالة المازمبية دي).
· بسمع في (الحزن القديم)..حسيت ليك عمر الطيب الدوش دا حايم في حلتنا.
· قلنا نحزن شوية مع الناس الطلعوا من دور ال (64).
· لو زرعتوا ليكم (بطيخ) كان احسن ليكم من كورتكم دي.
· كورة قاطعنها من رأسكم.
· انا مالي.
· ما عندي بيهم شغلة.
· ان شاء الله يطلعوا من البلد ..بي طريقتهم.
· خلوني في (الحزن القديم) وعمر الطيب الدوش.
· حزن في (الصقيعة).
· زي اولاد المدارس في الحصة الثالثة ..يكونوا ضربوا الفول دا ..وقابلوا المراوح.
· كلهم فتحوا خشومهم وسرحوا ليك بالشباك.
· زمان نحن وقت كنا في المدارس كنا بنسرح بالشباك.
· ما نلقى لينا شباك فاتح في الفصل ..إلا نقعد (نسرح).
· خاصة في حصة الجغرافيا.
· ما عارف ..طلبة الزمن دا بسرحوا ..وإلّا (السرحة) ذاتها شالوها من (المقرر).
· يكونوا شالوها.
· ديل شالوا اي حاجة.
· رسوم المحلية ..رسوم النفايات ..رسوم العتب ..دمغة الجريح ..رسوم الموية...الجدادة وبيضها.
· اي حاجة عملوا ليها (رسوم) وقعدوا حرسونا.
· عشان كدا احسن تخلوني في (الحزن القديم) مع عمر الطيب الدوش.
· احسن تسيوبني قبل ما اتفتح ليكم.
· الدوش كأنو كتب عن (الحزن) اللاقيتو واقع يوم داك في الحلة ..الناس هنا (مهدهدة) بالحزن.
· عليها حالة حزن.
· حاجة تحير.
· قميصهم واحد ..ودمعتهم قريبة ..وعيونهم في نص ضهرهم من التعب.
· زي كأنك لاقيتو وما لاقيتو.
· قريب منك ..او بعيد.
· ما فارق.
· في حاجة (غلط) في الكلام دا.
· الحزن بعمل اكتر من كدا ..يخليك تتكرع بصل ..بصل.
· لو اتقلبت شديد ..تتكرع توم ..توم.
· الواحد تقول ليه الساعة كم؟.
· يقول ليك عاوز بيها شنو؟.
· قطع ناشف.
· عندنا ناس في الحلة ما بتفاهمو.
· قاعدين متل الناس الما قاعدين.
· ناس قنعانة جنس قنع.
· بطنها طامة.
· ونفسها مرقت من الحياة.
· والدوش عندو مساحات بتاعة تلاقى كدا ..فيها تداخل ارواح...وشبابيك فاتحة قبلي ..وجركانات موية باردة ..وحاجات تانية.
ولاالحزن القديم ..
إنتِ
ولالون الفرح...
إنتِ
ولاالشوق المشيتْ بيهو..
وغلبْنى أقيف...
ومابِنْتِ
ولاالتذكارولاكُنْتِ
بتطْلَعِى إنتِ من غابات
ومن وديان...
ومنى أنا..
ومِن صحْيَة جروف النيل
معالم وجَهْ الصباحيَّه..
ومن شهقَة زهورعطشانَهْ
فوق أحزانهْا..
متْكَّيهْ..
بتَطْلَعى إنتِ من صوت طِفلَهْ
وسط اللمَّهْ منْسيَّهْ
· عليكم الله الطفلة المنسية دي ما حصل لاقتكم في المناسبات.
· تلقاها متفنة في التراب ..اهلها ما بعرفوها من التراب الفيها.
· دا شنو البعمل فيه الدوش دا ؟..وردي ذاتو يخليك تروح في روحك.
· ما تلقى نفسك.
· تقعد تقابض في رقم تلفونك.
· ما عارف اي شيء.
· في حاجة غلط..(لكن وين ما عارفها؟).
· موش مرات ..بتحس بي انك عطشان ..وانت ما عطشان.
· او يحصل العكس.
· مرات تحس انك رويان ..وانت ما رويان.
· الحالة دي زي حالة (الحزن القديم).
· بسمع في الاغنية كدا ..(عبدالماجد) جاء قطع لي الارسال.
· قلت الحاصل شنو؟.
· قال لي الجماعة وصلوا.
· قلت ليه جماعة منو؟.
· افتكرتو (عقد) في الحلة.
· حافلة اتكسرت قدام البيت.
· ناس المحلية.
· قلت ليه يا ولد جماعة منو الوصلوا؟.
· قال لي ناس فكتوريا اليوغندي وديفينيس الاثيوبي وصلوا الخرطوم.
· بي صراحة انا ما متابع شديد.
· (التمهيدي) دا بقيت ما اشتغل بيه.
· قلت ليه ديل منو ديل؟ ..دي اسماء طبخات جديدة ..اسماء اسبيرات ..دي (حِلال) انا ما عارفها.
· جنسها شنو الحاجات البتقول فيها دي.
· يا ولد فكتوريا وديفينيس ديل جبتهم من وين؟.
· قال لي دي الاندية المشاركة في دورة حوض النيل.
· اتفقعت ليك في الضحك...لمن الشباك اتقفل.
· انتوا الجماعة ديل جاديين في الموضوع دا...دورة شنو العاوزين يعملوها لينا هنا في الخرطوم بي الاندية المشقلبة دي؟.
· يمين ديل (صيوان) ما يركبوا ليك ..عاوزنهم كمان يعملوا ليكم دورة.
· المريخاب ديل ..فقدوا عقلهم وإلّا شنو؟.
· الفرق دي بجيبوها من وين؟.
· الاندية دي كانت (مخزنة) في جياد من سيكافا الفاتت ..وإلّا شنو؟.
· ومالهم ناس فكتوريا وديفينيسديل مستعجلين كدا؟.
· الموضوع ما بستاهل ليه طيارة.
· ومطار الخرطوم.
· وديل هسع يا عبدالماجد ح ينزلوهم وين؟.
· اوعكم تخربوا لينا فنادقنا ديل.
· عبدالماجد شايل ليه (جلاكسي) دخل نت ..عمل بحث في غوغل ..قال لي ديل ح ينزلوهم في (عنبر الجراحة).
· او في اي مدرسة.
· اوعكم تجيبوهم لينا هنا ..يقوموا يخربوا لينا كورة ناس نزار حامد ساكت.
· عليكم الله ما تلخبطوا لينا النظام البنعمل فيه دا.
· ناسكم ديل شوفوا ليهم معسكر في المرخيات او في اي حتة كدا ..ونزلوهم فيه.
· المعاقيل مثلا.
· انا قاعد كدا ..شفت ليك عبدالماجد ..عينو بقن حمر.
· عرفت ليك الولد ما طبيعي.
· شلتو وجرى على اقرب مركز صحة في الحلة ..عملت ليه (تطعيم) ضد التمهيدي.
· الجماعة الوصلوا الخرطوم ديل ..يقوموا ينقلوا لينا بكتيريا التمهيدي.
· كمان قالوا ليك دور ال (64) فيه حمى.
· حمى المناطق القاعدة في الصقيعة.
· عشان كدا ..يا جماعة اطعموا.
· اطعموا ضد التمهيدي.
· الجماعة ديل بخربوا ليكم كورة نزار الصاقعة وصلاح الجزولي ومحمد احمد بشه.
· بخربوا ليكم كورة بكري المدينة ..اصحابنا البطلعوا من دور ال (64) الي الان ما قادرين يستوعبوا لينا سرعة بكري المدينة.
· عشان كدا كل ما يشوفوا بكري المدينة يقولوا ليك بكري المدينة (متسلل).
· متعودين على ناس عنكبة.
· الواحد فيهم (كشافاتو) تقول يا غربتي.
· بكري المدنية دا الواحد لو شافو في عرس يقول ليك بكري المدينة متسلل.
· غايتو يا جماعة نحن منتظرنا جنس ضحك.
· دورة حوض النيل دا ح نطلع ليها (الكراسي) ونقعد نضحك فيها.
· بس ضحك.
· موش مرات الناس بتكون جيعانة شديد ..يقوموا يقولوا ليك عليك الله صلح لينا (فول).
· ما عاوزين اي شيء غير (الفول).
· فول بس.
· اها نحن دورة حوض النيل دي عندنا ح تكون (ضحك) بس.
· انا حالف ما افوت منها اي حاجة.
· من هسع كلمتكم ..ح اخصص ليها برمجة خاصة.
· شفتوا (جدعة التماس) ح اكتب ليكم عنها عمود.
· الجدعة في دورة حوض النيل زي الجدعة في المجموعات؟ ..ابدا ..طبعا لا.
· الجدعة في المجموعات عندها فهم براها.
· ناس بلة جابر جدعة المجموعات ما بتقع ليهم.
· كورنر المجموعات ..ما زي كورنر دورة حوض النيل.
· المجموعات انتوا شن خبركم بيها.
· اقول ليكم مبالغة.
· قالوا ليك الكرت الاحمر ذاتو في دورة حوض النيل لونو اسود.
· غايتو جنس فهم.
· القون في دورة حوض النيل ما بحسبوه إلا في الشهر العقاري.
· دورة حوض النيل دي ح نتفرغ ليها عديل كدا ..ونقعد ليها في الشارع.
· ونحول ليها (الطبق) كمان.
· طبعا اكيد ما مشفرة.
· يشفروا ليكم شنو انتوا؟.
· كورة ناس ضفر دي في الدافوري قاعدين نشوفها.
· التشفير دا بعملوا بس لي ناس نزار حامد (الصاقعة) وناس بشه ومدثر كاريكا.
· ناس موسى الزومة يشفروا ليهم شنو؟.
· يمين مدثر كاريكا يوم الجمعة الماضية في (المشفر) ما لقيناه.
· لكن الحاجة المحيراني ..انو ناس فكتوريا وديفينيسوصلوا ليك قبل الصيوان.
· موش مرات بتعزم ليك ناس عرس ..يقوموا يجوك قبل الصيوان ما يركبو.
· ديل ناس فكتوريا وديفينيس.
· قالوا ليك الجماعة ديل اول ما وصلوا الخرطوم سألوا ليك من غرفة الملابس.
· اها في ضيق اكتر من كدا.
· ازعلك ناس المريخ.
· قالوا ليك (كامبوس) كان قاعد من المدير الفني لفريق ديفينيس.
· لكن كامبوس قالوا ليك قال قعدت مع المدير الفني خمس دقائق بس ..عشان كنت بحاضرو في اديس ابابا.
· وكامبوس قال كمان ما قال ليهم اي حاجة عن اسرار المريخ ..ولا قال ليهم اعملوا حسابكم من نزار حامد.
· اقصد من سعيد السعودي.
· هو سعيد السعودي قاعد يلعب.
· ولا قال ليهم بكري المدينة دا ..ما بتثبت إلّا تضربوه.
· اقصد شيلميس.
· شليميس شنو يا كامبوس ..دا مشاركتو زي (كنبتو) ما عندها اي فرق.
· انتوا زعلتوا ليه...هي دورة حوض النيل دا فيها اسرار.
· دي ما عاوزه ليها زول يكشف الفريق التاني.
· دي دورة قاعدة في السهلة.
· الواحد لو لقاها واقعة في الواطة ما بمشي عليها.
· ملحوظة : دورة حوض النيل دي احسن شوفوا ليها بلد غير السودان ..نحن هنا ما بنريحكم فيها.
هوامش
· الزمالك اثبت انه اضعف فرق مجموعة الهلال.
· لذلك لن نقل غير انتصار الهلال عليه في المباراة القادمة.
· كل الاندية التى سوف تلعب امام الزمالك سوف تنتصر عليه.
· يعني دي (3) نقاط ما تفرطوا فيها يا ناس الهلال.
· فريق فيتا كلوب ايضا ضعيف ..والهلال قادر على التغلب عليه هنا وهناك.
· الهلال ومازمبي الاقرب للتأهل من المجموعة الاولى.
· المجموعة الثانية اظهر الصفاقصي مستوى اكثر من ممتاز.
· الترجي ما قدر كدا.
· الهلال عليه ان يحسم امر التسجيلات ..وان يسد احتياجاته ..لأننا نبحث عن ان يذهب الهلال بعيدا في هذه البطولة.
· سجلوا لينا تسجيلات بطولة.
· ما تقعدوا تضيعوا لينا في الوقت ساكت.
· ما معقول مجلس الهلال فيه عشرين زول ..وقاعدين حارسين لينا بطاقة سيرجو.
· الي الان الهلال لم يسجل..رغم احتياجاته للتسجيلات من اجل المجموعات.
· الاهلي شندي حسم امرو وسجل.
· وكذلك انهى المريخ امور بعض اللاعبين.
· وناس الهلال الى الان ما حسموا ليهم امر لاعب محلي.
· طبعا الهلال لا يحتاج لاكثر من اربعة لاعبين.
· الباقى بنتموا جمهور.
· عندنا جمهور ما شاءالله عليه.
· وديفيد سيمبو طلع ليك زي قنبلة التسجيلات الاخيرة.
· الناس منتظرة ليك سيرجيو طلع ليهم ديفيد سيمبو.
· شفتوا ناس الهلال ديل شفوت كيف؟.
· النابي قال لو كان سيمبو جيد كان يفترض ان يشركه كامبوس من بداية المباراة.
· وتعليل غريب من النابي ..لأن كامبوس لم يشرك سيمبو لأنه كان بعيدا من اجواء المباراة بسبب ابتعاده عن المشاركة بسبب النابي.
· وقد شارك سيمبو في المباراة بعد اصابة مساوي ..لنكتشف (الجواهر).
· الاكيد ان سيمبو سوف يجد حظه من المشاركة اساسي مع الهلال في المباريات المقبلة.
· .....
· عاجل : دورة حوض النيل دي فيها (موية صحة)؟.

انقر هنا لقراءة الخبر من مصدره.