سودارس : الكاردينال مع ناس خليفة والشغيل بيت شعر تاني ما بكتبو

سيد أبوي وينو بحر الظمآيا وينو الجاتو مرواد العمايا أبوي وينو البعصر جنايا أبوي وينو الإيدو عطايا وزير الصحة الاتحادي يشيد بدعم تجمع الأطباء السودانيين بأمريكا قال علي ديدان كلمته بدمه .. وأرسل رسالة إلى كل أبناء كردفان أن يصطفوا لقتال عصابات الجنجويد الهلال يحشد أدلته... جان كلود وشرشاري في مواجهة حاسمة أمام لجنة الانضباط اليوم وزير الداخلية يدشن إنطلاق إستخراج البطاقة الشخصية بولاية الخرطوم ويتفقد سير العمل فى تأهيل وصيانة جامعة الرباط الوطنى "مَا حَرَّمَ إِسْرَائِيلُ عَلَى نَفْسِهِ"! برمجة مباريات الأسبوعين الثالث والرابع لدورى حلفا والمواجهات المؤجلة لدبروسة الأهلي شندي يعزز صفوفه بالرباعي سادومبا وحاتم محمود وأحمد أبو زيد وعباس محمد والي الخرطوم: تقديم الخدمات الصحية حق أصيل للمواطن بفضل "إصبع ترامب الوسطى".. عامل يجني نصف مليون دولار في يوم واحد! إبراهيم شقلاوي يكتب: السودان بين المشروع الوطني والعقد الاجتماعي كريستيانو رونالدو يقترب من كسر رقم السهلاوي مع النصر في ديربيات الرياض جابر: الرياضة أحد ركائز استقرار البلاد استقبال حافل للقائد البرهان بمقر وزارة الصحة الاتحادية شاهد بالفيديو.. التيكتوكر السودانية المثيرة للجدل "سحر كوكي" في استضافة بأحد البرامج: (أنا لا جاره الشارع ولا قاعدة في بيت دعارة وشغالة بعرقي) شاهد بالفيديو.. الصحفي عطاف عبد الوهاب يكشف تفاصيل مرافقة "درمة" لرئيس الوزراء في زيارته للفنان النور الجيلاني: (مكتب كامل إدريس لم يدعو درمة لمرافقة الوفد وشخص متملق وعراف بالبيوت هو من دعاه) الخبز الأسمر أم الأبيض.. أيهما أفضل لضبط سكر الدم؟ إيران تغلق مجالها الجوي أمام جميع الرحلات مساعد البرهان يتحدث عن تفاصيل حول العاصمة الخرطوم الخرطوم..الشرطة تفك غموض أضخم عملية سرقة بعمارة الذهب بالسوق العربي قرارات لاتحاد الكرة السوداني تزلزل الهلال والمريخ السنغال تهزم مصر وتتأهل إلى نهائي كأس أمم أفريقيا – شاهد هدف ساديو ماني أحمد الشاكر: انا أعجز عن شكر جميع الإخوة الأشقاء في المملكة العربية السعودية ارتفاع كبير في سعر الصرف لبنك أمدرمان الوطني شاهد بالفيديو.. سيدة سودانية تستأجر رجال لقتل زوجها بعد أن تزوج عليها دون علمها وصدمة غير متوقعة في نهاية الواقعة!! الحائلي: عرضت 1.4 مليار على ميسي للتوقيع مع اتحاد جدة ماذا يحدث لجسمك إذا تناولت طبق سلطة كل يوم؟ إحصاء: ضربات ترامب الجوية في عام واحد تعادل حصيلة بايدن في 4 سنوات ترامب للإيرانيين: واصلوا الاحتجاج.. المساعدة في الطريق إليكم هروب سبعة من عناصر ميليشيا من حراسة الكلاكلة بالخرطوم وإيقاف قوّة مناوبة بَلقيس مَلكة الدِّرامَا السُّودانيّة الخرطوم.. ضبط أسلحة وذخائر في حملة أمنية ترامب يصعّد: 25% رسوم جمركية على أي دولة تتعامل تجارياً مع إيران وزارة الثقافة والإعلام والسياحة تحتفل باستعادة 570 قطعة من الآثار المنهوبة هل تعاني من صعوبة في النوم؟ إليك 4 عادات تساعدك على الاسترخاء ليلا بقرتك الخائف عليها !! «تحشير بالحبر».. وادعاء بالتلاعب في سند صرف ب 2.2 مليون درهم وطن النجوم شاعر سوداني يهاجم الصحفية ومديرة قناة البلد فاطمة الصادق: (يا الجهولة أم سكاسك يا الخاتانا في راسك..ياقاهر يا مُستبده كفيلك مديون ومفلّس وتركيبة الجذور الأصلية عندك لكن ياحفيدة الله جابو) مستقبل اللغات في عالم متغير.. هل ستبقى العربية؟! مصر.. سيدة تخفي "مفاجأة" في مكان حساس لتهريبها إلى الخليج تشكيل لجنة عليا بالشمالية لتنفيذ برنامج دنقلا عاصمة السياحة 2026 ترامب: فنزويلا ستمنح الولايات المتحدة ما يصل إلى 50 مليون برميل من النفط السودان..حصيلة صادمة بمرض شهير في ولايتين الطاهر ساتي يكتب: أرقام صادمة ..!! بنك السودان يسمح بتمويل التشييد العقارى وشراء سيارات النقل حملة أمنية كبرى بشرق النيل تضبط منتحلي صفة القوات النظامية وتغلق 18 مكتباً غير قانوني حملة أمنية كبرى بشرق النيل تضبط منتحلي صفة القوات النظامية وتغلق 18 مكتباً غير قانوني المركزي يعلن إعادة تشغيل نظام المقاصة الإلكترونية بنك السودان المركزي يقرّر بشأن سقف التحويل مدير الإدارة العامة لمكافحة المخدرات يستقبل مأمورية الإسناد لجهود المكافحة بولايتي نهر النيل والشمالية عبده فايد يكتب: السعودية تقوم حاليًا بعملية تكسير عظام للإمارات في اليمن..لكن القصة أكبر بكثير جدًا من ذلك.. التحالف: نفذنا ضربة جوية استهدفت دعما عسكريا خارجيا بميناء المكلا كيف واجه القطاع المصرفي في السودان تحديات الحرب خلال 2025 إسحق أحمد فضل الله يكتب: (حديث نفس...) الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا "كرتي والكلاب".. ومأساة شعب! ما الحكم الشرعى فى زوجة قالت لزوجها: "من اليوم أنا حرام عليك"؟

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

الكاردينال مع ناس خليفة والشغيل بيت شعر تاني ما بكتبو

قوون نشر في قوون يوم 17 - 07 - 2014

صلاح إدريس خذله تنظيمه الخاص فكيف تنصره جمعية الهلال العمومية
بلقيس عوض : أبو آمنة حامد كتب (بنحب من بلدنا) من أجلي
الإهداء
إلى آخرين يجمعنا بهم فقط (حسن الظن).
يوماً ما، كتب (عبدالكريم بدرخان) عن جراحه فصادفت فينا تلك الجراح.
كتب بدرخان :
يرحلون
ثم نحذف أرقامهم من هواتفنا
يرحلون
ويظل صدى الضحكات ..يذكرنا
إنهم ميتون
لم يكن بيننا
غير خبز وملح
وحفنة يأس ، وخمر الجنون
يرحلون ..ولا يرحلون
حين في دمنا
يسكنون
حكاية
تعجبني حكاية (اللص) الذي كسر الباب ودخل الشقة نص الليل ..وشال (شاحن الموبايل) فقط وطلع على كدا.
الحكاية لم تنته على هذا.
ناس الشقة فتحوا بلاغ ومشوا للفقراء ..قالوا (الحرامي) شال أغلى حاجة عندهم (شاحن الموبايل).
ليه اختزلنا الحكاية كلها في (شاحن الموبايل).
حتى الواحد وقت يقول ليك مشتاقين ..تكتشف شوقو دا عشان يقول ليك : (معاك شاحن موبايل؟).
الشوق إن شاء الله يطير.
الدنيا اتغيرت بالجد.
جمال فرفور من ضابط إيقاع إلى ضابط أمن
التصريحات التى أعلن عنها جمال فرفور في صحيفة (حكايات) والتى أكد فيها انتسابه لجهاز الأمن الوطني وافتخاره بذلك خصمت الكثير من رصيد جمال فرفور باعتبار أن الفنان يجب أن يكون بعيدًا عن تلك الأجهزة وعن الانتساب للقوات النظامية بشكل عام خاصة القوات الأمنية.
بعدين الرشاقة البعمل فيها جمال فرفور في برنامج (أغاني وأغاني) لا رشاقة ضباط ولا حاجة.
في الوقت الذي كنا نحسب جمال فرفور من فصيل (ضباط الإيقاع) في السودان طلع جمال الوالي من فصيل (ضباط الأمن).
قالوا ليك جمال فرفور وقت يغني في حفلاته أغنية (اعذريني)...جمهور حفلته بقول ليه : (والله لا بنعذرك لا حاجة وقت طلعت ضابط أمن).
احتمال
رمضان ممكن يكون (29) يوماً – وممكن يكون (30) يوماً.
لكن مع جماعتنا (الشتر) ديل – لو قالوا ليك رمضان (49) يوماً ما تستغربوا.
عشان كدا اعملوا (احتياطاتكم).
وما تعصروا على (الحلو مر) رمضان يمكن يجر.
هسع دا احتمال ليك.
وكمان بدون أي سبب دخلت لينا (الحلو مر) عشان تجهجه لينا يومنا.
محمدية الحزن القادم من (الجوف)
كل التسجيلات الإذاعية والتلفزيونية القديمة ..بل حتى الحديث منها قبل أقل من عام ...كان (محمدية) يحجز موقعه الدائم وراء أي فنان...بابتسامة لا تعرف الأفول...وبعض من رحيق (الكمانات).
علمتنا أن للكمانات (رحيق) في زمن تبخل فيه الزهور.
يتغيّر الفنانين ...و( محمدية) واحد – وراء عثمان حسين هو - ووراء محمد وردي ، وعبدالعزيز محمد داؤود ، وحسن عطية و كابلي وزيدان إبراهيم حتى جيل محمود عبدالعزيز وجمال فرفور وعاصم البنا إلى جيل طه سليمان وحسين الصادق و إنصاف فتحي وشريف الفحيل.
محمدية مقعده راسخ وراء كل فنان يغني في الإذاعة أو التلفزيون أو المسرح القومي إلى أن رسخ (مقعده) هذا في عقلية هذا الشعب – عند كل الناس - (كمانه) يتحرك بطريقته الذهبية مع (ابتسامته) التى لم تغب عن وجهه (50) عاماً.
أخيرًا ترجل (محمدية) ومضى ..وترجل قبله (الكمان) من الكتف الذي حمل به الأغنية السودانية سنيناً عدداً.
شالها في كتفه – ليرحل الآن وينهد كتف الأغنية السودانية.
لم يتثن لنا مشاهدة محمدية إلّا و (الكمان) في كتفه – هكذا كان مهموماً بالأغنية السودانية ...أوصلها لنا في (لحنيّة) كمانه الجميل فبلغت مرماها بلا وجل.
محمدية كان لنا فخراً أن سجلنا له زيارة برفقة الزميل رامي محكر في العاشر من أبريل 2012م عندما كنا نقصد نشر (ملف) صحفي عن الفنان الراحل محمد وردي ..فكان لنا محاورة (محمدية) في إحدى أمسيات أم درمان باتحاد الفنانين (اتحاد المهن الموسيقية) الحالي.
وجدنا محمدية في دار الفنانين تحوم حوله الإلفة والأنس ..كل الفنانين كانوا يتجمعون حوله ..وهو يخرج نصائحه وحكمه وطرائفه الجميلة.
كان كبيرهم الذي علمهم الموسيقى.
مرجعية في الموسيقى والثقافة والغناء.
كان في الاتحاد شعلة من النشاط ، والحيوية ، والحياة ..لذلك نال منه الإحباط عندما حاصره المرض وأقعده ليرحل من هذه الدنيا في هذا الهدوء.
أذكر أن محمدية فصّل لنا محمد وردي موسيقياً في حوار سوف يبقى طويلاً.
حوار يبقى للتاريخ ..وللأيام شاهدًا على روعة وردي وروعة محمدية أيضاً.
حدثنا محمدية عن كل أغنيات محمد وردي من الناحية الموسيقية...أذكر أن محمدية توقف على وجه خاص عند لحن أغنية (الحزن القديم).
تحدث لنا محمدية عن محمد وردي ورحيله في حزن كبير...لا يدري أنه سوف يرحل بعده بأشهر قليلة.
مساهمة محمدية في الأغنية السودانية لم تكن فقط في ذلك العزف البديع الذي كان يقدمه محمدية مع الفنانين في مسيرة امتدت أكثر من (50) عاماً.
وإنما مساهمة محمدية كانت أكبر من ذلك ...وهو الذي شكَّل ألحان الكثير من الأغنيات ووضع فيها بصمته (اللحنية) الواضحة وقد شهد له بذلك كبار الفنانين.
محمدية عنده إضافات كبيرة في أي لحن ...وهو يضيف في الألحان والأغنيات حتى في تسجيلاتها الأخيرة.
الأغنية السودانية قامت بجهد (الورش) الفنية ودور محمدية في تلك الورش كان ملحوظاً.
أضف إلى ذلك أن ثقافة محمدية الموسيقية كانت كبيرة ..وهو قد تأثر بالموسيقى الشرقية ..وله الكثير من الدراسات والبحوث في ألحان أغاني فيروز ، وعبدالحليم حافظ ، ومحمد عبدالوهاب ، وكلثوم.
محمدية كان تجربة خاصة في الأغنية السودانية جمع بين التطبيق والتنظير ..وقدم حياته العملية حتى على حياته الخاصة وهو الذي انصرف كلياً نحو (كمانه) إلى أن غادر الحياة لم يكن له غير (الكمان) رفيقاً.
نسأل الله الرحمة والمغفرة لمحمدية بقدر ما قدمه للناس وبقدر إسعادهم لهم – اللهم أسكنه فسيح جناتك فقد جاء إليك في الشهر الفضيل ..الشهر الذي يكون فيه المصطفى عليه الصلاة والسلام أكرم من الريح المرسل.
ولا حول ولا قوة إلا بالله.
خطة 4 – 4 – 2 أو زعلة – زعلة – استقالة
المريخ ما معروف بيلعب بي ياتو خطة ...أشطر محلل في الدنيا ما بعرف المريخ بلعب بي ياتو خطة؟.
ولا بنعرف – ولا بنجامل في الحتة دي.
خطتكم دي إلا تشيلوها وتمشوا بيها معمل بتاع ملاريا عشان يشوف جنسها شنو؟.
أكيد تطلع كلها (ملاريا).
ما عندكم أي خطة.
وما عندكم أي طعم.
خطة البلعب بيها منو؟.
خطة عشان يلعب بيها (ضفر).
ضفر ذاتو الخطة لو ما كانت (مبرجلة) وملخبطة ما بتقع ليه.
عشان كدا ما عندكم أي (خطة) ولا صينية فطور.
صينية فطور هسع الدخلها هنا شنو؟.
المريخ جوة الملعب ما عندو (خطة) لكن لو اجتهدنا شوية ممكن نطلع ليكم بي خطة خارجية.
بنباصرها ليه.
الخطة البنعرفها ليكم هي الخطة البلعب بيها جمال الوالي.
جمال الوالي بزعل (45) يوماً ويستقيل ويقعد في بيتهم (6) شهور ويرجع بعد كدا.
يعني خطة جمال الوالي على هذا النحو زعلة – زعلة – استقالة.
دي الخطة البنعرفها ليكم...تاني ما بنعرف ليكم خطة اكتر من كدا.
تنويه
زول دخل فيه (قندران) الساعة خمسة مساء ..شال ليه الكلى (الجوز) والطوحال ..وطفى ليه العيون الاتنين ..وكسر ليه الترقوة ولجن ليه (7) فقرات من السلسلة الفقرية ...وفقرتين في الرقبة.
السؤال ...الزول دا بعد الحادث دا يفطر ولّا يكمل يومو عادي.
علماً أن الفطور باقى ليه ساعتين وعشرين دقيقة.
ترجيح
واحد قال للتاني – أنت تعال هنا أصعب حاجة في رمضان شنو؟.
صاحبكم قال ليه أصعب حاجة (المرا) تجيب ليك سلطة الروب ملحها زايد.
عليكم الله الناس في شنو؟..وزولكم دا في شنو؟.
زولكم دا من الفياقة ما فاضل ليه إلّا ينظم (سيكافا).
هسع دا وقت (سلطة الروب).
الكلمة ومعناها
زول دقتو مطرة في الشارع.
مطرة عادية ...(بتحصل لي أي زول).
زولكم مشى الدكتور يفحص الملاريا.
الدكتور عاين ليه سمح كدا – وقال ليه : هسع علاقة أنك تدقك مطرة بالملاريا شنو؟.
صاحبكم عاين للدكتور وقال ليه ..وعلاقة الموية بالكهربة شنو عشان يختوها لينا في فاتورة واحدة؟.
الدكتور ما قدر يقول أي حاجة.
بس فلاحتكم فينا نحن الشعب.
هسه وينو (الشعب) هنا؟.
افتراض
لمن تكون متخيل الساعة خمسة ..يقوم في زول كدا منو وليه ..وبدون ما تسألوا يقول ليك الساعة واحدة يا دوب.
بتخيل ليك طوالي من (الملافحة) دي أنو الزول القال ليك الساعة واحدة دا – (مريخابي).
تشوفو قدامك كدا بله جابر – بله جابر.
تعاين ليه بله – بله.
أصلو ما في زول بعمل كدا غير (المريخاب).
وفي المريخاب (بله جابر) بس.
هسع كلامك دا كلو فيه (افتراض).
تقطع لينا حاجة من رأسك ..وتعمل المستحيل عشان تقنعنا بيها.
حاجة حريصة
حاجة حريصة جابت ليها (سخينة) موية عليها بصلة وملح ..وقالت تخليها للسحور.
حاجة حريصة قالت عملت كدا عشان لو شالتها نومة وما اتسحرت بكرة ما تقعد تتحسر ، وتقول ما اتسحرت.
أخير ليها (النومة) من السخينة دي.
شوال غتاتة
صلاح إدريس بعد أن سقط ثلات مرات في الانتخابات مرتين في الهلال ومرة في الاتحاد العام كما قال حسن فاروق – مفروض يركز على (الألحان).
يركز على (العود).
لو دخل انتخابات اتحاد المهن الموسيقية على الأقل (اعذريني) دا بتطلع ليه ب (السكرتير الثقافي) للاتحاد.
ركز في (اعذريني) يا صلاح ..أو كمان أعصر على (الأهلي شندي).
يا أقعد تلات سنوات.
جركانة عسل
أنا لو كنت مدرب الأهلي الخرطوم كنت ح ألعب موسى الزومة (رأس حربة).
عشان أشوف (الكشافات) دي بتصرف كيف؟.
الكشافات عيشتها تطير.
حسن تفتيحة
حسن تفتيحة قالوا ليه : أها رمضان معاك كيف؟.
قال ليهم رمضان نحن لو (هلالو) ما بقى (قمر) ما بنصومو.
حسن تفتيحة زول صعب ..وما بتفاهم في الحاجات دي.
نظرية ما شغالين بيها
واحد طقتو عقرب ..قالوا ليه اشرب ليك شاي تقيل.
قال ليهم : الشاي التقيل أخير لي منو قرصة العقرب.
والله لو طقاني (دبيب) ما أشرب لي شاي تقيل.
بتاع قندران
بتاع قندران دخل ليه في (قدرة فول).
قام بعد (17) (يوم) ...قال ليهم والله الزول دا عندو جنس فول.
اسكتوا خلوه ساكت.
فجل عامل فيها موز
الزول وقت يكون عندو (صلعة)...وما عندو (خبرة).
صلعة قاعدة في السهلة ساي.
صلعة بدون قروش.
زي الزول البكون عندو شهادات كتيرة معلقة في الصالون وما شغال.
الزول وقت يكون عندو صلعة – صلعة (ضللة) ساكت...بكون زي (الفجل) العامل فيها (موز).
هسع (الفجل) الدخلو هنا شنو؟.
الموز ذاتو ذنبو شنو؟.
شولة من أول السطر
عبدالصمد.
عبدالصمد مين؟.
عبدالصمد.
عبدالصمد مين؟.
عبدالصمد الزول الشال الكأس بتاع الممتاز وحام بيه على طلاب مدارسه الخاصة.
عبدالصمد يا راجل.
عبدالصمد مين؟.
عبدالصمد الزول الكان رئيس بعثة المريخ في الإمارات ...المريخ طار من هنا ...أقال ليك الكوكي من هنا.
أقالوا ليك مع صفارة الحكم.
عبدالصمد يا راجل.
عبدالصمد مين؟.
عبدالصمد الزول الكل ما يدفع قروش كتيرة للمريخ يمشي يزعل ليه (60) يوماً في بيتو.
عبدالصمد – عبدالصمد ..طيب ما تقول كدا من الصباح ...عرفتو...عبدالصمد مالو؟.
عبدالصمد دا المريخ عندو زي (العطلة الرسمية)..يمشي ويجي على كيفو.
غايتو جمال الوالي خرب طبع المريخاب...الواحد بقى عادي جداً يزعل ليه (45) يوماً في بيتو ..ويرجع بعد كدا.
معارضة من أمها
قال لصاحبه وهو يحاوره قبل أن يرمي (سجارته) على الأرض ، ويدهسها بحذائه – تعرف الحكومة السنة دي جابت لينا (كأس العالم) مع رمضان عشان تشغل الناس من غلاء الأسعار وقطوعات المياه والكهرباء.
الواحد يطلع من الصيام (نهارًا) – ويدخل في مباريات كأس العالم (ليلاً) – ما في أي فرصة للتفكير الجانبي.
كأس العالم انتهى ..الناس انشغلوا بالعيد.
والله (فكرة).
نداء
يوجد مريض في مستشفى الخرطوم بحالة خطيرة جدًا يحتاج إلى عملية نقل (موية) فورية ..فقد قطعت المياه من حارتهم منذ بداية شهر رمضان – ولم تعد إلى الآن.
موية يتسحر بيها ما عندو.
التاجر البفلس بفتش (سيكافا)
ناس المريخ ديل كل مرة بعملوا كدا ..كل ما يتعصروا ليهم في حاجة بقوموا يشوفوا ليهم سيكافا عشان يشاركوا فيها.
الحنك دا بقى قديم ومكشوف ...ونحن حافظنو حفظ.
يطيروا من البطولة الأفريقية – يقوموا يضطمودوا جروهم ب (سيكافا).
يقنعوا من الممتاز ..يشوفوا ليهم (سيكافا) كدا على خفيف.
يطلعوا من كأس السودان – يلحقوا نفسهم ب (سيكافا).
زي كأنو الدكتور كتب ليهم سيكافا عند اللزوم.
سيكافا كل ما يطيروا ليهم من بطولة.
خدمة تحويل الفراخ
لا اعتراض لنا في أن يبلغ كيلو الفراخ ب (38) جنيهاً ...هذا فراخ ما عندنا ليهو نفقة.
ولكن نطالب الولاية وعبر مراكز تسويقها المنتشرة في الولاية أن تنشّط خدمة تحويل الفراخ.
يعني بدل فرخة كاملة ممكن الزول يشتري (كراع) واحدة من الفراخ ..أو يمكن (7) أسر في العائلة يشتركوا ويتشروا ليهم كيلو فراخ ..ويتصوروا معاه ويكونوا بذلك اتعشوا.
فراخ قدر ظروفك يعني (ود ابرق).
""""""""""""""""""""""""""""""""""""""""""
خبر جميل
لو اتفاجأنا مع السخانة دي ...وقالوا لينا أن مجمع الفقه يجتمع مساء هذا اليوم لتحري رؤية هلال شوال ، يكون جميل.
طبعاً جماعتنا ديل لو السعودية عيدت من تاسع يوم في رمضان ..ممكن يقولوا ليك العيد بكره – وممكن يحلفوا كمان أنهم شافوا هلال شوال.
"""""""""""""""""""""""""""""""""""""""""""""""""
بلقيس عوض : نعم كنت بغير من تحية زروق
قالت بلقيس عوض في حوار إذاعي مع إذاعة هلا 96 مع المحرر أنها كانت بتغير في بداياتها الفنية من الممثلة (تحية زروق) والتى جاءت مع فائزة عمسيب بعدها وحققن نجومية أكبر منها ..مما أثار فيها ذلك براثن الغيرة.
بلقيس عوض اشتكت لأحد خبراء الإذاعة والدراما وقتها عن أنها رغم أسبقيتها في المجال الدرامي إلا أنها لم تحقق النجاح والنجومية التى حققتها تحية زروق وفائزة عمسيب وقتها..فما كان من صاحب الخبرة إلا أن ينصحها ويقول لها انتي ممثلة ارستقراطية تمثلي لطبقة خاصة، وقد كان ذلك لأن بلقيس عوض كانت في بداياتها تمثل فقط باللغة العربية الفصحى مما جعل بينها وبين المستمعين والمشاهدين عزلة.
معلوم أن بلقيس عوض كانت قد بدأت ظهورها الإذاعي مع الأستاذ سيف الدين الدسوقي الذي كان يقدم برنامجاً إذاعياً في مطلع الستينات ثم ظهرت بلقيس عوض مع فراج الطيب وأكسبها ذلك تمكناً في اللغة العربية وفي مخارج الحروف وفي الدراية بالنحو والصرف.
بلقيس عوض استبانت النصح وقدمت بعد ذلك أعمالاً بالعامية بل ذهبت أبعد من ذلك وقدمت أعمالاً بدارجية أهل دارفور وكردفان والشرق ..وأصبحت فنانة شاملة قادرة على التلون مع كل الأدوار التى تقدم لها.
كنا قد سألنا بلقيس عوض وهي في هذا العمر ..هل ما زالت تشعر بالغيرة من الفنانة تحية زروق ؟ فقالت : (لا فقد تساوت الكتوف).
الممثلة الدرامية بلقيس عوض كانت قد حكت لنا أيضاً عن الشاعر والضابط أبو آمنة حامد وقالت عنه أنها عندما كانت تدرس في جامعة القاهرة فرع الخرطوم كانت معهن طالبة مصرية ...هي التى جعلت أبو آمنة حامد يكتب (سال من شعرها الذهب) ليغضبها ذلك ...ويغضب الطالبات السودانيات في جامعة القاهرة فرع الخرطوم ..فقد زادت الطالبة المصرية عنجاً وتدللاً بعد أن كتب فيها أبو آمنة حامد (سال من شعرها الذهب)..ليسترضي أبو آمنة حامد بلقيس عوض والطالبات السودانيات في الجامعة بأغنية كتبها وتغنى بها محمد وردي (بنحب من بلدنا ما بره البلد) الأغنية التى طاف بها أبو آمنة حامد على كل قبائل السودان.
""""""""""""""""""""""""""""""""""""""""""""""""""
صلاح إدريس خذله تنظيمه فكيف تنصفه عضوية الهلال
الذي يقال من أنصار صلاح إدريس عن خسارة صلاح إدريس للانتخابات هو أن صلاح إدريس تعرض لعملية (غدر).
وأن تنظيم الأصالة والصدارة حصل فيه اختراق وخذلت عضوية التنظيم صلاح إدريس رئيس التنظيم والمرشح من قبل التنظيم نفسه لرئاسة نادي الهلال.
إذا كان تنظيم صلاح إدريس (الخاص) لم ينصر صلاح إدريس ..كيف ينتظر صلاح من عضوية النادي أن تنصفه.
لقد فقد صلاح إدريس سيطرته حتى على تنظيمه وعلى عضويته المستجلبة التى دفع من أجلها الكثير من الأموال..يبقى طبيعي بعد ذلك أن يخسر صلاح إدريس الانتخابات.
مشكلة صلاح إدريس في (تنظيمه) وفاقد الشيء لا يعطيه.
"""""""""""""""""""""""""""""""""""""""""""""""""
الاستفادة من قدرات هيثم طمبل أمر واجب التنفيذ
لاعب الهلال السابق هيثم كمال طمبل والذي انهى مسيرته الرياضية في المريخ ..مازال يحتفظ بهلاليته.
ليس هناك شك في ذلك هلالية هيثم طمبل واضحة لا جدال حولها ..يحتفظ طمبل بالكثير من الحنين والحب للهلال.
ربما هذا أثبته هيثم مصطفى أيضاً الذي انتقل إلى المريخ ظل حنينه قوياً للهلال.
قد يكون ذلك تأكيدًا عن أن الحب يبقى دائماً للحبيب الأول كما يظل حنين الفتى قوياً لأول منزل.
المريخ عجز من أن يمسح من دواخل القادمين له من الهلال عشقهم الأبدي للهلال.
فقد تأكد لنا بما لا يدع مجالاً للشك (هلالية) هيثم طمبل حتى بعد احترافه للعب في المريخ.
ومعروف أن هيثم طمبل ذهب إلى المريخ مجبورًا ..مثلما كان هيثم مصطفى مجبورًا أيضاً في اللعب في المريخ.
هيثم مصطفى أحرج المريخاب جميعاً عندما صرح بهلاليته وأعلن عن عشقه حتى وهو لاعباً في كشوفات المريخ ليعرضه ذلك العشق إلى تلك العقوبة التى فرضها عليه مجلس المريخ.
ما يهمنا هنا عودة هيثم طمبل للعمل في القطاع الرياضي للهلال – خاصة أن خبرة هيثم طمبل كبيرة في المجال الرياضي كما أن هيثم طمبل يجيد أكثر من لغة وقادر على التعامل مع كل الوسائط.
فوق هذا هو شخصية قيادية ..ومحبوب في الوسط الذي يتحرك فيه.
ليت مجلس الهلال يستعين بخبرات هيثم طمبل في القطاع الرياضي ..أثق في أنه سوف يشكل إضافة كبيرة للهلال ..كما أن عودة طمبل للعمل في الهلال سوف تأكد هلالية هيثم طمبل التى لا خلاف حولها.
استعينوا بهيثم طمبل ..سوف تشعروا بالفروقات الكبيرة القادر هيثم طمبل على ايجادها في الهلال.
طمبل لعب في الهلال ولعب في المريخ ...واللعب في القمة السودانية أعطاه خبرة عريضة وقدرة على التعامل مع كل الظروف.
أضف إلى ذلك تجربة هيثم طمبل في الاحتراف في دولة جنوب أفريقيا ..وهى تجربة خرج منها هيثم طمبل بالكثير من الدروس والعبر.
إلى جانب ذلك فإن عمل هيثم طمبل في قطر أعطاه بعد آخر وعمَّق ثقافاته الرياضية.
مع خليفة والشغيل – الكاردينال (بيت شعر) تاني ما بكتبو
صلاح إدريس عندما كان رئيساً للهلال كان معروف عنه أنه (ملحن).
غير أن (التلحين) طار على صلاح إدريس وهو في الهلال.
صلاح إدريس قبل أن يكون رئيساً للهلال لحن (ضحكتك)..ويا جميل يا راقي احساسك ..وانتي نعمة.
جاء صلاح إدريس إلى الهلال رئيساً ما قدر يلحن أي حاجة.
خرج صلاح إدريس من الهلال عملها لينا كلها : (اعذريني).
هسع نفس الحكاية بقت على (الشاعر) أشرف الكاردينال شاعر زول بريدك زي ما في.
الكاردينال الآن أصبح رئيس نادي الهلال عبر الانتخاب وعن طريق صناديق الاقتراع.
قطع شك ..وما طالبني حليفة ...الكاردينال دا تاني مع ناس الشغيل وخليفة (بيت شعر) واحد ما بكتبو.
الشعر تاني بطير ليك يا الكاردينال لا زول بريدك زي ما في ..ولا قالوا اتعزز الليمون.
تاني (الشعر) تشمو قدحة يا أشرف.
يحتجب لظروف فنية
انفض غبار الذكرى من جوفك وفوت
علق مفاهيم الحوار
أحظر نشاط شوقك أقيف
وأكتب على باب غرفتك
حب يحتجب
طلع ضفورك وامرقها
نزفت دراش
اكرش براك جلدًا ينمل بالحنين
يمكن إذا كب الجلد
يطلع مع الدم الخلاص
يمكن عيونك لو بكت
ينشف حنينك في العروق
أقسم رويحتك وزعها
في كل طرد سوي الرعاف
ما بتلزمك (روح) قاصرت فيك العذاب
روح قنبت تحسب عليك
لحظات مرورك وطلعتك
وقتين تفوت فينا المسا
ترمي السلام أو تحتسيني أحنسك
أو نبقى زي شفع ولاد المدرسة
واقفين نراجع في الدروس
راجعين نجابد للبيوت
لو كان مرقت من الانين ..
مين بمرقك ..وأنت الحنين في كل خلية بقسمك
في كل نفس بقبض عليك
في كل جوارحك بسكنك
لون فرحتي في مشيتك ..
وقتين تفوت ...تطلع عروقي تقدمك ...
وما تعود وراك..
أقعد أدوزن خطوتك..
صنقرت راجيك في الخلاص
وساعة خلّص فينا الصبر
دفقت مويتي على السراب..
نشفت باقى القول حطب
ولعت من الشوق حواس
وأنا زي أكون ما بعرفك ..وقتين تجرّح نفرتك
تتغابى فينا العرفة والشوق والسلام
جابت ليها مطرة
منتظرين (المطر).
أول قالوا لينا رمضان السنة دي كلو ح يكون (مطر).
هسع رمضان قرب ينتهي ما شفنا لينا مطرة يقولوا عليها.
بعد كدا أملنا بقى في (الستوت).
العيد متين؟
في واحد عاوز ليه قروش من زول – قال ليه برجع ليك قروشك في العيد.
الزول دا بقى كل ما يلاقى الزول العاوز منو قروش يقول ليه : يا زول ما تسمع لي كلام الناس ديل.

انقر هنا لقراءة الخبر من مصدره.