سودارس : دا يوم يجيبوا فيه سيرة (الوحدات)

شاهد بالفيديو.. ظهر معه في الصفوف الأمامية.. مواطن سوداني يكذب جنود المليشيا الذين زعموا اعتقالهم العميد محمد منصور قائد "الكرمك" شاهد بالصورة والفيديو.. شاب سوداني يقتحم عقد قران "حبيبته" يشتبك من الحاضرين ويخطف "القسيمة" من المأذون ويمزقها جلوس أكثر من 3500 طالب وطالبة لامتحانات الشهادة المتوسطة بمحلية الخرطوم جوجل توسّع الترجمة الحية إلى آيفون وآيباد الدولار يرتفع وسط توترات الشرق الأوسط إندونيسيا تصبح أول دولة في جنوب شرق آسيا تقيد وصول الأطفال لمواقع التواصل كل ما تريد معرفته عن نزاعات الزمالك فى الفيفا وخطة النادى لحل الأزمة تأجيل حفل شاكيرا فى الأهرامات من إبريل إلى نوفمبر 2026 ماجد المصرى: الخلاف فى أولاد الراعى تجاوز المال إلى جوهر العلاقات الأسرية هل يمكن علاج الكبد الدهنى؟.. دراسة جديدة تربط الوقاية بفيتامين ب3 الإعيسر .. حين يفعلها رئيس أكبر دولة يسقط عذر الآخرين.. الإعلام الصادق أمانة ومسؤولية وطنية شاهد بالصورة والفيديو.. رئيس المريخ السابق يفجر مفاجأة كبيرة بخصوص المحترف الجزائري المنضم للمنتخب السوداني ويعد بضم محترفين أفارقة لصقور الجديان شاهد بالصورة.. تيكتوكر مغربية حسناء ترد على تعليقات الجمهور بشأن علاقتها العاطفية وارتباطها بصديقها اليوتيوبر السوداني شاهد بالصورة والفيديو.. شاب سوداني يقتحم عقد قران "حبيبته" يشتبك من الحاضرين ويخطف "القسيمة" من المأذون ويمزقها شاهد بالصورة والفيديو.. مشجعة الهلال الحسناء "سماحة" تطالب إدارة ناديها بتقديم "رشاوي" للحكام من أجل الفوز بالبطولة الأفريقية وتشكر "أبو عشرين" شاهد بالفيديو.. ظهر معه في الصفوف الأمامية.. مواطن سوداني يكذب جنود المليشيا الذين زعموا اعتقالهم العميد محمد منصور قائد "الكرمك" مساعدات غذائية تصل آلاف المستفيدين بوادي حلفا عبر منظمة اضافة للمساعدات والكوارث والتنمية بالصورة.. في مفاجأة كبيرة.. محترف جزائري ينضم لقائمة المنتخب السوداني استعداداً لمواجهة السعودية بسبب ضعف الراتب.. وزير الثروة الحيوانية بالسودان يبحث عن عمل إضافي هل من أمل في الكرة السودانية؟ إيطاليا تقترب من المونديال رئيس الوزراء يصدر قرارًا بشأن الرسوم الجديدة في المعابر بروح قتالية عالية.. الهلال يضع اللمسات الأخيرة لمواجهة «روتسيرو» بحثاً عن الصدارة والثأر تقارير تكشف عن تحرّكات كبيرة للجيش السوداني محمد عبد الباسط يكتب: لهذا تحركت باكستان الآن للوساطة بين أمريكا وإيران توضيح لجنة المنشآت بنادي المريخ : دورنا فني فى ملف المنشآت واللجنة القانونية تتولى اجراءات الاخلاء عمرو دياب يحيى حفلا غنائيا فى تركيا 2 أغسطس السكوت على هذا الأمر لا يرضي الله ولا رسوله!! دراسة : النشاط البدني مفتاح الوقاية من السكري رغم زيادة الوزن ماذا قال العميد طارق كجاب بعد إحالته المفاجئة للمعاش؟؟ ارتفاع أسعار الذهب في السودان أحمد العوضي : بشكر جمهوري إنه عمره ما خذلني وصاحب الفضل فى نجاحي دراسة تكشف ترابطا بين أمراض معدية وخطر الإصابة بالخرف الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

دا يوم يجيبوا فيه سيرة (الوحدات)

قوون نشر في قوون يوم 10 - 07 - 2015

أكون قاصد أكتب (الأهلي الخرطوم) بلقى نفسي بكتب في (الوحدات الأردني)
والله يا حاج نحن مع قطوعات الموية دي بقينا نشترى (اللبن) عشان الموية البزيدوها ليهو
مرات بكون عاوز اوصف لي زول (طرمبة) – اقوم بدون ما اشعر اقول ليه (الوحدات الاردني)

يشيلوها في (الفطور) ويجيبوها في (السحور)..نوع دا يقولوا عليه شنو؟..في حاجة ممكن تتقال غير اننا بقينا نتسحر بالكهربة

· الزول لمن يكون عاوز ليه سبب بكون ظاهر.

· زول متسبب.

· تكون لابس ليك (نضارة) – الزول بدون سبب يقول ليك (النضارة) دي (نظر)؟.

· لا سمع.

· تركب ليك فى حافلة ..وتختار ليك (ركن) عشان ترتاح في (الواتساب).

· تطرف شمال زي جعفر عبدالرازق.

· شوفوا الزمن اتغيّر كيف؟.

· زمان وقت تركب ليك حافلة بتختار (الشباك) عشان تعاين في الشارع وما في زول يكتر معاك الكلام.

· هسع الواحد بقى لمن يركب ليه حافلة بيختار ليه (ركن) عشان يأخد راحتو في (الواتساب).

· في ناس بتشمروا.

· عاوزين يعرفوا اي شيء.

· ان وصلتك رسالة (واتساب) تلقاهم اتكوموا ليك في شاشة موبايلك.

· تلقاهم جروا على (الرسالة) قبالك.

· وفي ناس كمان بنتظروا (ردك) – ح تكتب شنو؟..ح تقول شنو في السخانة دي.

· يراقبوك في الكلام البتكتبوا في الواتساب.

· تكون قاعد ليك في كرسي في الحافلة – يجي زول طالع يقول ليك : (المقعد دا قاعد فيه؟).

· وانت قاعد – تصنقع في الزول لمن تتهجم.

· لا واقف.

· الزول لمن يكون عاوز ليه معاك سبب ما بتلفت.

· بلقى السبب.

· الاسباب في الزمن دا كتيرة..الزول لو عاوز ليه (مشكلة) بلقاها.

· عمك (شيخ الدح) يوم المريخ يكون عندو مباراة بيكوس ليه سبب معاك – عشان يعمل ليه مشكلة.

· ببدأ يومو بي مشكلة من صباح الرحمان ...تلقاه عامل شبطة مع سيد اللبن.

· جايب لي (لبن) كلو موية.

· حاجة (التومة بنت مسمار) تطلع من بيتها وتقول لي (شيخ الدح) هي (الموية) وين يا حاج؟..والله يا حاج نحن مع قطوعات الموية دي بقينا نشترى (اللبن) عشان الموية البزيدوها ليهو.

· الموية بقت اغلي من اللبن.

· زمان وقت الموية بي خيرها – كانوا بزيدوا اللبن (موية).

· هسع بقوا يعملوا العكس.

· بقوا يزيدوا الموية (لبن).

· الشاي السادة بقى اغلي من الشاي ابو لبن.

· الموية مافي..اعمل ليكم شنو؟.

· اغشكم.

· اقعد اجمّل ليكم في الحاجات.

· موية مافي.

· والكهربة بقوا يجيبوها ليك ويشيلوها تقول نحن في سنة 6.

· دي سخانة يقطعوا فيها (كهربة).

· يوم داك عندنا زول كبير في السن شوية ما بستحمل قطوعات الكهربة.

· الكهربة قطعت – ما عرف يمشي وين؟.

· زولكم نام – قام مع السحور لقى الكهربة جات.

· شغل المراوح والمكيفات ورجع نام تاني ...كوز موية ما شربو.

· الصباح قالوا ليه يا حاج انت امس اتسحرت بي شنو؟.

· قال ليهم اتسحرت بالكهربة.

· الكهربة بقوا يجيبوها لينا مع (السحور).

· يشيلوها في (الفطور) ويجيبوها في (السحور).

· نوع دا يقولوا عليه شنو؟.

· في حاجة ممكن تتقال غير اننا بقينا نتسحر بالكهربة.

· مرة نتسحر بالمروحة.

· ووقت نتقل في السحور بنتسحر بالمكيّفات.

· وشيخ الدح يوم مباراة المريخ – بقعد يفتش في المشاكل.

· الشافع في الحلة يجي مار فيه ..بثبّتوا ..بقول ليه يا ولد المرة الفاتت موش انا رسلتك ..واديتك عشرة جنيه قلت ليك امشي جيب لي (امواس حلاقة) ..شلت القروش وما رجعت لي – لا جبت الامواس ولا رجعت القروش.

· بقيت زي ناس المحليات ..يشيلوا رسوم النفايات وما يجيبوا لينا عربية النفايات.

· الولد بقول ليه يا عمو دا ..ما انا ..والله انا ما شلت منك قروش.

· شيخ الدح بقول ليه دا انت بي عويناتك المقلبات ديل ..زي (المرايات) المركبة غلط.

· او زي (الستائر) الداقنها غلط.

· فيها عوجة.

· الناس في الحلة بقت عارفة اعصاب (شيخ الدح) يوم المريخ يكون عندو مباراة – بقدروا حالتو.

· عارفين اعصابو بتبوظ.

· تجي لابس ليك قميص (ابيض) فوقو ..بقول ليك يا جنا قميصك دا موش كنت لابسة يوم (الوحدات) ضربت المريخ سبعة.

· براك جبت سيرة الوحدات.

· دا يوم يجيبوا فيه سيرة (الوحدات) لو ما عاوز ليك مشكلة.

· وشيخ الدح ..يوم يشوف (عثمان) ود خالتك البتعمل (زلابية) العيد وتقسمها في الحلة – يوم يشوفو طالع في رأس البيت بصلح في (الطبق).

· يحول فيه شمال وجنوب زي العروس..بقوم (شيخ الدح) يمشي عليه ..وبكورك لي عثمان وبقول ليه انت عاوز تشمت فينا..تصلح في (الطبق).

· تصلح في طبقك من بدري.

· نفس حركاتك دي كنت بتعمل فيها يوم مباراة المريخ والوحدات.

· الزول دا اتوهم.

· اتوهم بالوحدات.

· الوحدات الدخلها الليلة شنو في الموضوع؟.

· براكم يا ناس المريخ بتفتحوا ليكم في سيرة ما حلوة.

· اصلو دا ما يوم يجيبوا فيه سيرة (الوحدات).

· مفروض ما يلمحوا ليها.

· ما كويس كدا.

· يقوم يحصل عليكم ما حصل في مباراة الوحدات.

· ما عارف ليه الليلة من دون الايام (الوحدات) بتتعارض لي في العمود دا؟.

· فجأة كدا تنط لي (الوحدات) في السطر.

· اكون قاصد اكتب (الاهلي الخرطوم) بلقى نفسي بكتب في (الوحدات الاردني).

· اكون عاوز اكتب (جمال الوالي) بلقى نفسي كتبت (الوحدات).

· غتاتة زي دي اصلو ما شفتها.

· مرات بكون عاوز اوصف لي زول (طرمبة) – اقوم بدون ما اشعر اقول ليه (الوحدات الاردني).

· وانا عاوز اوصف ليه محطة (الصقعي).

· البدخّل (الوحدات) في الوصف دا شنو؟.

· غايتو اصلو (الوحدات) دي الليلة ما اتعارضت لي في العمود دا ساكت؟.

· نحن ما بنتكلم ساكت.

· نحن ما بنقول كلام ساي.

· نحن اي حاجة عندنا بي نظام.

· يوم داك عندنا واحد تعب في الحلة.

· فتشنا الحلة دي كلها عشان نلقى ليه (درب) ما لقينا ليه.

· اصلهم في المستشفى بعملوا ليه شنو اكتر من (الدرب)؟.

· ما عندهم غير (الدرب).

· الطبيب العمومي

· ونائب الاختصاصي.

· والاختصاصي.

· وكبير الجراحين ما عندهم غير (الدرب).

· قرايتهم في الطب كلها – تقول ما درسوا غير (الدرب).

· الحادث (درب).

· المفلوق (درب).

· الواقع من الطابق الخامس (درب).

· شلنا الزول وهو بين الحياة والموت ...(نفس ما فيه)...ومشينا به على المستشفى.

· الدكتور كشف عليه – قال لينا الزول دا ما عندو اي حاجة.

· نصيّح.

· الزول دا زي الحصان.

· ما عندو اي مشكلة.

· زولكم فتح عينو ..وقال ليه يا دكتور طيب (الهبوط) دا من شنو؟.

· الدكتور قال ليه من اتحاد الجزائر.

· صاحبكم قال ليه يا دكتور الكلام البتقول فيه دا – عندو علاقة ب (الوحدات).

· الدكتور قال ليه ما بقدر احدد ليك الآن – إلّا تعمل ترسيب للدم.

· هى وصلت للدم.

· ما عارف الدخل (الوحدات) في الكلام دا شنو؟.

· بدون اي مناسبة (الوحدات) الاردني بتظهر ليك في (الموجات الصوتية).

· موجات شنو؟.

· بدون (موجات صوتية) بتظهر.

· الموضوع ما عاوز ليه اي (موجات صوتية).

· والله الكلام دا ما كويس.

· سيرة الوحدات دي اصلو ما بتطلع ساكت.

· نحن ذاتو بيني وبينكم قاصدنها.

· ما جبنا (الوحدات) دي لعب.

· جبناها بي فهم.

· بكرة ح تشوفوا ..وتقولوا الزول دا قال كدا.

· ............

· ملحوظة : المريخابي من تجيب ليه سيرة (الوحدات) نفسو من الاكل تمرق.

هوامش

· سموحة وصلت البلد.

· سموحة ارهبوها بالوحدات.

· اقصد ارهبوها بالاهداف.

· ارهبوها بالتشجيع.

· الجماعة ديل امام الجماهير ببقوا زي (الاسكريم).

· ببقوا زي قالب الجلي.

· الكلام يقولوه ليكم الف مرة.

· الليلة في جماعة كدا بقنعوا من المجموعات.

· وبفهموا حاجة.

· وبعرفوا في فرق كبير بين المجموعات وسيكافا.

· ديل لسه ما قادرين يطلعوا لي من (سيكافا).

· ما قادرين يستوعبوا الموضوع.

· سموحة شنو البتقيف قدام الهلال.

· دا الهلال.

· في (المقبرة) برشلونة ما بتنستر امام الهلال.

· الهلال بجيب ليه (نقطة) من الكنغو ..ح يلعب كمان في المقبرة.

· تلاتة نقاط قافلة ان شاءالله.

· ومعاهو مجموعة من الاهداف.

· مجموعة من الاقوان.

· في واحد قال لي (اغاني واغاني) السنة دي زي بتاع التاكسي الما بعرف الوصف كويس.

· زي بتاع التاكسي الما عارف الوصف.

· بتاع التاكسي الجديد في التاكسي.

· وجديد في الخرطوم.

· بحوم بيك ساكت.

· ما قدرت اقول ليه اي حاجة.

· اقول ليه شنو عاد مع (الوحدات) دي؟.

· ولا حاجة.

· هسع ح تقعدوا بي حالتكم دي للساعة اتناشر ونص.

· نحن للساعة سبعة و25 دقيقة ما قادرين نصبر.

· .............

عاجل : الوحدات (الواتساب) طفشو.

انقر هنا لقراءة الخبر من مصدره.