محمد عبدالقادر يكتب: شهادة البوشي.. و"فضيحة صمود "    السودان.. وفاة لاعب كرة قدم    قرارات لجنة المسابقات باتحاد الكرة الدامر    من الرياض إلى موسكو.. "الثلاثية المرتقبة" بين بيفول وبيتربييف تلوح في الأفق    سباق انتخابي محتدم في اتحاد الألعاب المائية بالسودان... الكشف المبدئي يُشعل المنافسة والحسم في 11 أبريل    وزير المعادن ونائب المدير العام المفتش العام للشرطة يدشنان مركبات لتعزيز مكافحة تهريب المعادن وتأمين مواقع التعدين    البرهان يلتقي سفير دولة الكويت لدى السودان    أول إصابة بشرية بإنفلونزا الطيور H9N2 في أوروبا.. هل نبدأ القلق؟    ترامب يمثل أمام المحكمة العليا اليوم بسبب «الولادة».. بولتيكو تكشف التفاصيل    استهداف منزل يضم قيادات تحالف تأسيس بينهم التعايشي في غارة مسيّرة بنيالا    بالصور.. القيادي السابق بالدعم السريع "بقال" يسخر: (زول عرد من الخرطوم وامدرمان وجغمته مسيرة في نيالا يقول ليك استشهد في الصفوف الأمامية)    مزمل أبو القاسم يكتب مقال ساخن: (لم نرصد لهذه الحكومة إنجازاً واحداً حتى اللحظة بخلاف جرأتها على المواطنين وتفننها في فرض الجبايات والرسوم عليهم)    فرض غرامة على شركة تابعة لأبل لانتهاكها قواعد العقوبات المفروضة على روسيا    مواعيد مباريات الجولة الثانية بمجموعة الهبوط بالدوري    منتخب غانا محطة رينارد القادمة بعد الرحيل عن تدريب السعودية    معلومات خطيرة حول هلاك قيادي بحكومة "تأسيس".. تم اغتياله بواسطة مسيرة تتبع للمليشيا بتعليمات من يوسف ضبة والسبب منصب الشباب والرياضة!!    عيد ميلاد جومانا مراد.. مسيرة نجاح من دمشق إلى القاهرة    ريهام عبد الغفور : جمهور الأقصر دافئ وصادق وخريطة رأس السنة يحمل روحا مختلفة    ألم العين.. أسباب شائعة وأعراض تستدعى استشارة الطبيب    سيلينا جوميز تكشف رحلتها الصعبة لتشخيص اضطراب ثنائي القطب    إزاى تحمى نفسك من نزلات البرد فى الجو الممطر؟    "جهلة وعنصريون".. يامال ينفجر غضبًا بعد الهتافات الإسبانية ضد المسلمين    أمجد فريد: اعترافات داعمي مليشيا الدعم السريع فضحتهم وشراكتهم في الجرائم    السودان.. زيادة مخيفة للإصابة بالضنك في 7 ولايات    كيكل يعلّق على تحرّكات الميليشيا    السودان.. وزير يشرع في تكوين قوّة عسكرية ضاربة..ماذا هناك؟    شاهد.. المطربة إيمان الشريف تنشر صورة حزينة لها بعد إتهامها بالإساءة للهرم كمال ترباس والفنانة الكبيرة حنان بلوبلو    ارتفاع وارد واسعار الذرة والسمسم بسوق القضارف    شاهد بالصورة والفيديو.. حسناء سودانية تقتحم المسرح وتدخل في وصلة رقص مثيرة مع المطرب عثمان بشة خلال حفل بالقاهرة    شاهد بالصورة والفيديو.. شبيهة هدى عربي تستعرض جمالها على أنغام ندى القلعة وساخرون: (شن جاب الكيكة للويكة وما استخرتي نهائي)    بالصورة.. البرنس هيثم مصطفى وزيراً للرياضة في السودان    قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر    عثمان ميرغني يكتب: فساد.. الفساد..    ارتفاع جديد في أسعار الوقود بالخرطوم    شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي    السيسي للرئيس ترامب: لا أحد يمكنه وقف الحرب في المنطقة إلا أنت    مصر.. الدولار يقترب من 54 جنيها لأول مرة    وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد    رئيس الوزراء يصدر قرارًا بشأن الرسوم الجديدة في المعابر    محمد عبد الباسط يكتب: لهذا تحركت باكستان الآن للوساطة بين أمريكا وإيران    الخليج الضحية الكبرى: إيران وجهت 83% من هجماتها إليه… و17% فقط إلى إسرائيل    مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية    ترامب يصدر أوامره ويكشف تطورات مثيرة مع إيران    الأمن يداهم مخزن يبيع الوقود المهرب لعصابات التنقيب عن الذهب    رئيس الأهلي مدني وابنه يتعرضان لحادث مروع    المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة    ضبط 238 كجم من "الآيس" وأسلحة بجانب نحاس بولاية البحر الاحمر    ضبط 238 كجم من "الآيس" وأسلحة بجانب نحاس بولاية البحر الاحمر    الشيخ بن زومة.. إلى جنة الخلد    قيم الهلال المتوارثة يجب أن تبقى أبد الدهر    في زمن الضجيج.. القرآن بوصلة المعنى والسكينة    د.مزمل أبو القاسم يكتب: دموع الباز.. وزاهر! (2)    السودان.. الدفاع المدني يستعين ب"التوك توك"    طفح جلدي في رقبة الرئيس ترمب يثير تساؤلات حول صحته    صوت لا يغيب.. محمد رفعت ورحلة الآذان الخالد في رمضان    أجهزة الأمن السودانية تنهي مغامرات لص الصيدليات في عطبرة    شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم    السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



نقطة من (6) نقاط – معليش 51 % ما بتدخلكم (طب)
قوون نشر في قوون يوم 28 - 07 - 2015

راجي عبدالعاطي في (بي ان سبورت) زي الزول العاوزين منو قروش – المباراة كلها يعاين في (الكاميرا)
الغريبة ناس (سلك) فرحانين بي درجة (الاملاء) الجابوها لينا دي – فضيحة السوّاد
صديق علي صالح يا ربي لسه فاكر الموضوع (دوري ابطال اوروبا) – وإلّا ناس مزمل دخلوا ليه (غوغل)
الهلال متصدر لمجموعته بدون (عبرت وما عبرت واتقوست وما اتقوست) وايقاف (هجمة خطرة)
* معسكر في الجزائر (21) يوم.
* ما قلنا حاجة.
* وعيد برة البلد.
* ناس ضفر ديل ذنبهم شنو؟...عشان تعيدوا بيهم برة البلد.
* وفي النهاية ترجعوا بي (نقطة).
* لو عيدتوا في المرخيات – النقطة دي كان ممكن تجيبوها.
* لا خبيز.
* ولا كعك.
* ولا ستائر.
* ولا ملايات جديدة.
* ولا شفع بيلبعوا في خشم الباب متل حروف الجر.
* وترجعوا بعد دا كلو بي (نقطة).
* وطيارات.
* وفنداق.
* وتلفزيونات.
* وجرايد.
* وصرف مبالغ فيها.
* وجمال الوالي.
* وهمد.
* ومتوكل وحاتم عبدالغفار.
* ونقطة.
* وبي ان سبورت.
* والله انا من يومي – خفت (بي ان سبورت) تخرب ليكم طبعكم.
* شغلكم البتعملوا فيه دا ما شغل (بي ان سبورت).
* الشغل دا شغل (الاذاعة الرياضية).
* 104 بس.
* 104 ما يزدوكم فيها (موجة).
* راجي عبدالعاطي في (بي ان سبورت) زي الزول العاوزين منو قروش – المباراة كلها يعاين في (الكاميرا).
* المباراة كلها (مصنقع).
* تقول بركب ليه في (ستائر).
* الخلعة ظاهرة.
* الموضوع جديد عليكم.
* ما في ذلك شك.
* بعد السهر دا كلو – راجعين لينا بي (نقطة).
* بي نقطة.
* من 6 نقاط رجعوا بي (نقطة).
* الغريبة ناس (سلك) فرحانين بي درجة (الاملاء) الجابوها لينا دي – فضيحة السوّاد.
* ذكرتوني ليك – الزغاريد الانطلقت ..والضبائح الدورت – واطلاق الالعاب النارية.
* وضرب نار.
* واحتفالات مبالغ فيها.
* صيوان قافل الشارع.
* وكل 15 دقيقة يقيف بوكسي ينزل ليه لوح تلج ويرجع.
* ويضبحوا في الخرفان.
* الناس اتهجموا..قالوا انتوا ناس (ود التكيلة) عندهم شنو؟
* قالوا ليهم (ود التكيلة) الله يديه العافية عندو ولد نجح في الشهادة السودانية.
* اها (ود التكيلة) جاب كم؟.
* جاب 51 % في امتحانات الشهادة السودانية.
* وهسع الزغاريد وضرب النار والتلج دا في 51%.
* والله فعلا ناس (ود التكيلة) ديل ما عندهم موضوع.
* هسع في داعي للتلج دا كلو.
* ربع لوح كان كفاية.
* جايب ليهم (15) لوح تلج في 51%.
* ناس المريخ هسع بعد معسكر (21) يوم – وعيد برة البلد – واعتداء على صحفي – رجعوا ليهم بي (نقطة).
* دا زي الزول البرسلوه السوق ويقولوا ليه امشي جيب لينا (خروف).
* يقوم يلف السوق دا كلو – ويجي راجع بعد سبع ساعات شايل ليه (بطيخة).
* يقولوا ليه : وينو الخروف؟.
* يقول ليهم : والله ما لقيت غير (البطيخة) دي.
* يا ود الناس لكن (البطيخة) عاوز تبقى ليك (خروف).
* علاقة البطيخة بالخروف شنو؟.
* حركتك دي هسع بنقبلها منك – لكن حركتك دي اوعك تعملها لينا في (الضحية).
* لو عملتها في الضحية بتكتل ليك زول.
* نقطة.
* نقطة – انتوا قايلين نفسكم في (سيكافا).
* حركات سيكافا دي اصلو ما بتخلوها.
* في (المجموعات) بتعملوا لينا فيها.
* شرّطوا عينا في (بي ان سبورت).
* صديق علي صالح يا ربي لسه فاكر الموضوع (دوري ابطال اوروبا) – وإلّا ناس مزمل دخلوا ليه (غوغل).
* يا صديق ادخل (غوغل) لو غلبتك.
* افتح ليك صفحة.
* ما تكتب (سيكافا).
* انا عارفك جاري على (سيكافا).
* 13 سنة مع جمال الوالي تكتب في (سيكافا).
* وتشارك فيها.
* المرة دي يا صديق علي صالح اكتب (دوري ابطال افريقيا).
* بتجيك 17 خيار.
* فيها 16 خيار سيكافا.
* اختار الخيار الاخير (دوي ابطال افريقيا).
* تتخيل يا صديق علي صالح ح يجيك (المريخ).
* ما تقع.
* ما تدخل في نوبة.
* ح تدخل لينا في (صدمة).
* الموضوع ممكن كل عشر سنوات يبقى مرة.
* قاعدين لينا (21) يوم في الجزائر.
* ومعيدين برة البلد.
* وراجعين لينا بي (نقطة).
* فضيحة السوّاد.
* 21 يوم في الجزائر.
* وجري بين الشجر والغابات.
* الشجر لزومو شنو؟.
* جابوا ليك (غارزيتو) حايم وسط الغابات بي (برمودة) – انا قلت الزول دا عاوز يجيب (الكأس) من المجموعات.
* ونضارة سوداء.
* وعلاءالدين يوسف تحلف تقول في (تايتينك).
* الكلام دا كلو عشان (نقطة).
* ما كان في داعي للشجر دا؟.
* شنو تفكوها في نفسكم كدا.
* الغريبة بتغشوا نفسكم.
* وبتصدقوا.
* غابات.
* وشجر.
* وبرمودات.
* الشغل دا شغل علماء.
* شغل فلاسفة.
* الشغل دا اصلو ما شغل (نقطة).
* الموضوع ما عاوز ليه (فرنسي).
* الشغل دا (برهان) بقدر عليه.
* محسن سيد كفيل به.
* غارزيتو على شنو كمان؟.
* اصلو ما كان عاوز التعب دا كلو.
* ونضارات.
* وكمان في النضارات ..النضارة (سوداء).
* عاوزين تدخلوا كلية الطب بي (الجغرافيا).
* عاوزين تقرأوا طب بي (دراسات بيئية).
* بي 51%.
* النقطة بي (تربية ريفية) بتجيبوها.
* النظريات لزومها شنو؟.
* وتصريحات في الصحف.
* وبونيات – واعتداء على صحفي.
* وجرايد.
* واعمدة لا حصر لها ولا عدد.
* بابكر سلك (النقطة) قرب يجيب ليها (لواء)....(فريق).
* النقطة نحن ما قاعدين نفرح بيها.
* خاصة اذا قعدنا ليها (21) يوم.
* وعيدنا ليها برة البلد.
* الوصافة اصلو ما فايتكم.
* بعد العيد.
* والجزائر.
* ومجدي شمس الدين..برضو (وصافة) في المجموعات.
* الهلال قبلو.
* ومن غير فرح.
* وجوطة وكلام جرايد كتير.
* الهلال بدون (عبرت وما عبرت)...وايقاف هجمة خطرة ..الهلال متصدر مجموعته.
* النقة دي كلها عشان (نقطة).
* مجدي شمس الدين قديتو اضانو.
* ما خليتو ليه شيء.
* وفي النهاية راجعين بي (نقطة).
* هسع (نقطتكم) دي بتدخلوا بيها بالمطار.
* ح تعملوا ليها (مهرجان).
* واستقبال.
* الفريق البفرح ليه بي (نقطة) ما بعمل حاجة.
* الفريق البترضيه (نقطة) – ما بجيب ليه كأس.
* انتوا (نقطة) بتعمل فيكم كدا.
* الخلعة كعبة.
* هسع في داعي تهاجموا مجدي شمس الدين بهذه الطريقة – اذا كنتوا في النهاية بترجعوا بي (نقطة).
* الموضوع ما عاوز الهجوم دا كلو.
* مجدي يهاجموا فيه (21) يوم.
* و21 يوم نحن بكلمونا عن الكورة العبرت.
* واتقوست.
* فترنا من (النقة) الكتيرة.
* معسكر في الجزائر 21 يوم.
* وعيد برة البلد.
* ناس (ضفر) العيد دا (كعكة) ما شافوها فيه.
* ولا تمرة.
* الغريبة بعد الكلام دا ..ضفر بيقعد كنبة – ويلعب شيبوب.
* طيب يا ضفر الجابرك على الغربة دي شنو؟.
* 21 يوم في الجزائر ونقطة واحدة.
* خسارة الفنادق.
* خسارة الطيارات.
* خسارة الشجر الحايمين تحتو دا.
* خسارة (البطيخة) الذكرتها ليكم في بداية العمود.
* عليكم الله (النقطة) عاوزة التعب دا كلو.
* النقطة دي نحن لو سافرنا قبل (48) ساعة من المباراة بنجيبها.
* الموضوع ما عاوز الاجتهاد دا كلو.
* المغرب سافرنا ليها قبل 48 ساعة..ورجعنا بي نقطتنا.
* في داعي تعيدوا برة البلد وتجوا راجعين ليكم بي نقطة.
* انتوا عارفين – نحن كهلالاب شفوت.
* ومقطعنها.
* وعارفين اي حاجة.
* واي حاجة عندنا بي نظام.
* نحن (عيد العمال) ما بنعيدو برة البلد دي.
* نحن عندنا كم سودان عشان نعيد برة البلد؟.
* ويا ريت لو بعد التعب دا كلو رجعتوا ليكم بي انتصار.
* من (6) نقاط – رجعتوا بي (نقطة).
* الكلام دا عند ناس الرياضيات (رسوب).
* رسوب شديد كمان.
* نقطتكم دي نحن لو جبناها من (البيت الابيض) الامريكي ما بنقبل بيها.
* ولا بنفرح بيها.
* انتوا جايبنها من (الجزائر) – وفرحانين بيها.
* غايتو الزول وقت يكون عندو فرحة رايحة ليه.
* بعمل حاجات غريبة.
* وبتصرف تصرفات (صبيانية) ساكت.
* انتوا عارفين (نقطتكم) دي زي شنو؟.
* نقطتكم دي زي نقطة وسطر جديد.
* يعني ما عملتوا اي شيء.
* هسع النقطة دي بتستاهل يعتدوا ليها على صحفي.
* ................
* ملحوظة : يا بكري المدينة ..كورتك المشت الكشافات ما بتستاهل (تصريحاتك) الكتيرة دي.
هوامش
* بكري المدينة جابوه ليك في بي ان سبورت بتكلم زي الشهيد رقم مليون وواحد.
* يا حليلك يا بكري بقيت تتمها (حلاقات).
* زولكم في الكورة بتجيه اربعة فرص مضمونة بضيع فيها (12).
* الله شافنا منك.
* انت ما شفت ناس نزار حامد ديل بجيبوها كيف؟.
* بشقوا من نص الملعب.
* من القون للقون.
* ولا بقيفوا.
* إلّا في الشبكة.
* انت يجيبوها ليك في خط 6 توديها الكشافات.
* نرتاح من بلة جابر – يطلع لينا بكري المدينة.
* التطواني فريق شرس.
* التطواني عنده جمهور مبالغة.
* 90 دقيقة قاعدين يشجعوا.
* ما زي جمهور وفاق سطيف تقول معزومين سماية.
* بتفرجوا بس.
* التطواني ممكن ان يكون خطير جدا على الهلال في ام درمان.
* لولا ان الكوكي قفل الاطراف بصورة مزدوجة ..بشه وسيسي في اليمين وفداسي واطهر الطاهر في الشمال كان الهلال اتهزم.
* الكوكي لعب باسلوب راقي.
* وهو يستحق التقدير والاحترام.
* لكن برضو ما بنفرح بي (نقطة).
* ولا بنشتغل بيها.
* ناس بي ان سبورت قالوا الهلال لم يكن جيد ..عشان الهلال مفروض يغلب.
* يعني الهلال لمن يتعادل برة ارضو بقولوا عليه كعب.
* في راحات اكتر من كدا.
* في علم اكتر من كدا.
* في فهم اعظم من هذا.
* ..............
* عاجل : الزول وقت يكون جديد في المجموعات (نقطة) بتشرقو...بتجيب ليه حول.

انقر هنا لقراءة الخبر من مصدره.