سودارس : أقوان بكري المدينة في الدوري كلها بيجيبها (الثعلب) في مباراة واحدة

مناوي : ناقشت بسويسرا تطورات الأوضاع في السودان وسبل دعم السلام والي الخرطوم يعلن تركيب كاميرات رقابة حديثة في المعابر الحدودية التي تربط الولاية بالولايات الاخرى اختيار غير متوقع لمستقبل "الملك المصري" حل لجنة المنطقة الشمالية بكوستي وتشكيل لجنة جديدة لإدارة مباريات الدرجة الثالثة الجزيرة تكثف التحضيرات للاستحقاقات القادمة في دوري الدامر السودان..مصدر حكومي يرد على تفاهم مثير مع الميليشيا شاهد بالصورة والفيديو.. رجل سوداني يُدخل نفسه داخل "برميل" تفاعلاً مع أغنيات "الطمبور" والحاضرون يحملونه ويطوفون به ساحة الحفل شاهد بالفيديو.. بفستان مثير المودل آية أفرو تنصح النساء بطريقة ساخرة: (الرجل مثل العصفور إذا مسكتي شديد بموت ولو فكيتي بطير والحل الوحيد تنتفي ريشه) وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد عاجل..بيان مهم للجيش في السودان شاهد بالصورة والفيديو.. ظهور علم السودان على ظهر سيارة بأحد شوارع مدينة "غلاسكو" الأسكتلندية وفاة داعية سوداني بارز وزير الشباب ووالي الخرطوم يشرفان ختام الفعاليات الرياضية بالشقيلاب كل ما تريد معرفته عن نزاعات الزمالك فى الفيفا وخطة النادى لحل الأزمة تأجيل حفل شاكيرا فى الأهرامات من إبريل إلى نوفمبر 2026 إندونيسيا تصبح أول دولة في جنوب شرق آسيا تقيد وصول الأطفال لمواقع التواصل شاهد بالفيديو.. ظهر معه في الصفوف الأمامية.. مواطن سوداني يكذب جنود المليشيا الذين زعموا اعتقالهم العميد محمد منصور قائد "الكرمك" شاهد بالصورة والفيديو.. شاب سوداني يقتحم عقد قران "حبيبته" يشتبك من الحاضرين ويخطف "القسيمة" من المأذون ويمزقها ماجد المصرى: الخلاف فى أولاد الراعى تجاوز المال إلى جوهر العلاقات الأسرية جوجل توسّع الترجمة الحية إلى آيفون وآيباد الدولار يرتفع وسط توترات الشرق الأوسط هل يمكن علاج الكبد الدهنى؟.. دراسة جديدة تربط الوقاية بفيتامين ب3 شاهد بالصورة والفيديو.. رئيس المريخ السابق يفجر مفاجأة كبيرة بخصوص المحترف الجزائري المنضم للمنتخب السوداني ويعد بضم محترفين أفارقة لصقور الجديان شاهد بالصورة والفيديو.. مشجعة الهلال الحسناء "سماحة" تطالب إدارة ناديها بتقديم "رشاوي" للحكام من أجل الفوز بالبطولة الأفريقية وتشكر "أبو عشرين" مساعدات غذائية تصل آلاف المستفيدين بوادي حلفا عبر منظمة اضافة للمساعدات والكوارث والتنمية بسبب ضعف الراتب.. وزير الثروة الحيوانية بالسودان يبحث عن عمل إضافي رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران عمرو دياب يحيى حفلا غنائيا فى تركيا 2 أغسطس السكوت على هذا الأمر لا يرضي الله ولا رسوله!! دراسة : النشاط البدني مفتاح الوقاية من السكري رغم زيادة الوزن ارتفاع أسعار الذهب في السودان أحمد العوضي : بشكر جمهوري إنه عمره ما خذلني وصاحب الفضل فى نجاحي دراسة تكشف ترابطا بين أمراض معدية وخطر الإصابة بالخرف الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

أقوان بكري المدينة في الدوري كلها بيجيبها (الثعلب) في مباراة واحدة

قوون نشر في قوون يوم 04 - 08 - 2015

زمان كان وقت يغيب من تشكيلة الهلال لاعب واحد ما بنعرف نمشي وين؟...هسع تغيب تشكيلة كاملة ما عندنا مشكلة

والله نحن لمن شفنا تشكيلة الهلال – قلنا التشكيلة دي لو مشت ليها (عزاء) ساكت ما بتقدر تقوم بالواجب

تشكيلة الهلال أمام النسور زي الزول وقت يمشي ليه لي زول يقوم ما يلاقيهو يقوم يكتب في الباب (حضرنا ولم نجدكم)

نحن عندنا (صالون) متحيّل ..لو سمع ناس الارصاد متوقع ليهم مطرة ..بتجي حيطة واقعة منو
************************************

· زمان قبل فكرة (الشاي بي اللبن).

· قبل ما تظهر فلهمة (الشاي بي اللبن).

· و(حدايق) السلام – وثقافة (آخر ظهور).

· زمن الشاي كان (سادة).

· وملعقة سكر واحدة.

· لو جاملوك كدا بتقرض معاه (رغيفة).

· بسكويت وبدفورد ..دي حركات ناس الخرطوم ديل – لا بتنفع معانا ولا حاجة.

· ما كان في كلام كدا.

· الدينا كانت بي خيرها.

· المروحة بتشتغل بدون كهربة.

· والكهربة ذاتها بتشتغل بدون ما تدفع.

· الدنيا كانت ساهلة.

· الفول بدون (زيت) طاعم.

· هسع لو قلبت ليك (كبدة) في طلب الفول ما بتقدر تاكلو.

· الزمن داك.

· زمان كان وقت يغيب من تشكيلة الهلال لاعب واحد ما بنعرف نمشي وين؟.

· كان وقت يغيب (عمر بخيت)..المباراة كلها بنكون بنلف في الحوش.

· المباراة تبقى لينا شتره – شتره.

· نطلع ونجي.

· ونمشي الراديو.

· نرجع التلفزيون.

· نقطع لينا جركانة موية ونجي نلقى المباراة في الدقيقة التاسعة.

· حالة صعبة.

· وكانوا في الزمن داك لمن يقولوا لينا هيثم مصطفى ما لاعب – بنقنع من القون ظاهر وباطن.

· هيثم مافي ..الهلال القون لو صرفوه ليه (شراب) ما بجيبو.

· بنقنع من حاجة اسمها (قون).

· تصوروا المعز محجوب لو اتوقف مباراة ساكت – نحن ما بنعرف نتصرف.

· رأسنا بضرب.

· غياب لاعب أساسي واحد من تشكيلة الهلال كان بعمل لينا (كارثة).

· قطوعات شديدة.

· أنا قلت (قطوعات).

· معليش الظاهر لخبطت بين غياب لاعب أساسي من تشكيلة الهلال في الزمن داك وقطوعات الكهربة في الزمن دا.

· زمان كان (مساوي) لو (اتصاب) ...نحن إلّا نلعب للتعادل.

· بنقنع من الفوز.

· تعال شوف الحاصل الآن.

· شوفوا الفكرة.

· شوفوا ليكم (تفاحة) قرضوها – عشان ح أقول ليكم كلام صعب.

· لو التفاحة صعبت عليكم جيبوا ليكم (برتقالة) – ح أقول ليكم كلام خطير شديد.

· الهلال الآن بقيادة نبيل الكوكي ممكن يبعد تشكيلة كاملة.

· ولا لاعب.

· تشكيلة كاملة تغيب.

· لا مكسيم ولا الشغيل ولا كاريكا ولا بشه ولا اندرزينهو ولا جوليام ولا كيبي ولا محمد عبدالرحمن.

· كلهم بره.

· ومساوي في (الكنبة) ما قاعد.

· الموية جات.

· أنا قلت (الموية) – معليش يا جماعة دخلت غلط.

· أصلي مركز مع (الحنفية)..وبكتب في العمود.

· عشان كدا لو جاتكم (ماسورة) طايرة في العمود دا ما تستغربوا.

· أنا هسع قلت بكري المدينة – براكم بتفسروا في مواضيع أنا ما قاصدها.

· ولا عندي عنها فكرة.

· الهلال بقى صعب.

· تشكيلة للممتاز.

· وتشكيلة للمجموعات.

· جماعتكم لو غاب منهم (ضفر) ما بعرفوا يمشوا وين؟.

· العشا يطير من رأسهم.

· بقينا نحن كهلالاب (شفوت) وعارفين أي حاجة ممكن نلعب بتشكيلة ..معلق المباراة لمن المباراة انتهت ما عارف فيها اسم.

· ولا لاعب.

· زي القاعد يعلق ليه عن مباراة لفريق أجنبي.

· والله نحن لمن شفنا تشكيلة الهلال – قلنا التشكيلة دي لو مشت ليها (عزاء) ساكت ما بتقدر تقوم بالواجب.

· ديل صيوان ما بقدروا يركبوا.

· يا جماعة (الخبرات) برضو مهمة وديل أولاد صغار ..ونحن الهلال دا (كورنر) ما قاعدين نستحملو فيه.

· زي عبد المولى الصديق له الرحمة والمغفرة إن شاء الله نقعد نرجف من (التشكيلة).

· تشكيلة الهلال أمام النسور زي الزول وقت يمشي ليه لي زول يقوم ما يلاقيهو يقوم يكتب في الباب (حضرنا ولم نجدكم).

· مطرة رابطة عديل كدا.

· أنا قلت مطرة.

· جبت سيرة (مطرة) في العمود معليش يا جماعة مرات في حاجات بتدخل براها كدا في العمود زي (الكديسة).

· بدون ما أشعر شعرت ليك بالمطرة.

· ونحن عندنا (صالون) متحيل ..لو سمع ناس الارصاد متوقع ليهم مطرة ..بتجي حيطة واقعة منو.

· توقعات ساكت ..بتقع فيه (حيطة).

· الغريبة الحاجة الما قادر أفهمها حتى الآن (صهيب الثعلب).

· صهيب الثعلب مالو؟.

· صهيب الثعلب في مباراة جاب هدفين.

· مباراة شنو؟.

· مباراة ذاتها ما تماها.

· في (70) دقيقة صهيب الثعلب (18) سنة جاب ليه هدفين في الدوري الممتاز.

· أول مشاركة ليه في الدوري جاب قونين.

· وبكري المدينة يلعب في الدوري من بدايتو – يساعدو فيه بالحكام والجمهور والإعلام ما جاب ليه (أكتر من قونين).

· وفي قون ذاتو ما معدود.

· قون ما محسوب عشان بكري المدينة سجلو في مباراة غير قانونية – مباراة (معيودة).

· صهيب الثعلب ود أول أمبارح جاب ليه قونين.

· وبكري المدينة (3) مليار جنيه في الدوري كلو جاب قونين.

· يا جماعة أنتوا ما بتخجلوا.

· الموضوع دا ما قاعد يعقدكم.

· ما بتحسوا بالحرج.

· يعني الموضوع لو وصل (لوزان)..بكري المدينة (جدعة) ما بجيبها.

· بكري المدينة منحوه ضربات جزاء ..وقالوا ليه أضرب في الحكام والصحفيين زي ما عاوز.

· مع ذلك حصاده في الدوري كلو هدفين.

· وصهيب الثعلب في (70) سجل هدفين.

· واحد من الأهداف لو بكري المدينة مشى قرأ ليه في أسبانيا...ما بقدر (يشاهدو) ساكت..

· مشاهدة ما بقدر عليها.

· صهيب الثعلب جاب ليه قون في النسور ..قون لاعب خبرة وعندو رأس ..وما بجري ساكت.

· شافوا أهداف بكري المدينة كلها منذ أن كان بلعب في الأهلي مدني ثم الأهلي شندي ثم الهلال ثم المريخ ...ما بتلقو فيها هدف زي هدف صهيب الثعلب.

· أنتوا يا جماعة بكري المدينة لعب في كل هذه الأندية ..الزول دا شكلو كدا ح يدخل على (شيخوخة) مبكرة.

· ح نفك (لوزان) – ونمسك ليك في (الشيخوخة) دي.

· كورنر ما تقدر ترفعها تاني يا بكري.

· صهيب الثعلب خلوه...أنتوا شفتوا وليد الشعلة.

· وليد الشعلة لعب في الأهلي الخرطوم وسجل معاه (4) أهداف وكان هدافاً للممتاز وقتها.

· اتصاب اللاعب وغاب أكثر من تماني مباريات.

· لكن مع ذلك عاد وليد الشعلة وسجل للهلال للمرة التانية على التوالي في أول مشاركاته مع الهلال.

· يعني يا بكري المدينة وليد الشعلة هسع عمل (6) أهداف – وأنت قاعد حارس ليك هدفين.

· واحد من الهدفين تم عدم احتسابه بسبب أن مباراة الأمل معيودة.

· لكن قول عديناه ليكم.

· قول حسبناه...بتبقى برضو ما عندك في الدوري غير هدفين.

· ناس وليد الشعلة عملوا (6) أهداف.

· وناس صهيب الثعلب من أول مشاركة وفي 70 دقيقة فقط سجلوا مرتين.

· الهلال بقى صعب.

· لكن رأيكم شنو ؟..نقول الهلال ما كويس.

· والمستوى كعب.

· والكوكي ما نافع.

· أصلو ما تقولوا الهلال كويس.

· عاوزين نمشي بالنظرية دي.

· عاوزين الأرقام هي البتتكلم عن الهلال.

· أصلو ما يعجبكم الهلال.

· عشان عاوزين الأحسن والأفضل.

· ما يقوموا ناس الهلال يصدقوا أنهم بلغوا مستوى رفيع – يقوم يحصل ليهم زي ما حصل للمريخ.

· ما تشكروهم.

· بكره ح نرجع نكتب عن تدهور مستوى الهلال.

· وعن إضاعة الفرص.

· رأيكم شنو؟..نقول ضربة الجزاء ذاتها ما قون.

· وقون صهيب تسلل.

· وفيصل موسى مفروض يطردوه من المباراة.

· تعالوا نعمل الحاجات دي – عشان نضرب صاح.

· ونحقق الممتاز والبطولة الأفريقية.

· أصلو ما عاوزين لينا زول يشكّر لينا الهلال.

· أوعكم تقولوا الهلال كويس.

· ما عاوزين نسمع الكلمة دي.

· بس الليلة عشان في شوية (طرب) كدا – اسمحوا لينا نقول ليهم شكراً – ما قصرتو.

· ..............

· ملحوظة : في واحد قال الكهربة قطعت في الإستاد ؟..قلت ليه : ليه بتقول كدا؟..قال لي قون صهيب الأول دا ما بجي في حارس إلّا الكهربة تكون قاطعة.

هوامش

· صلاح الجزولي لعب مباراة كبيرة.

· صلاح الجزولي يحتاج للمساندة الجماهيرية.

· الهلال يحتاج لصلاح الجزولي في المباريات الأفريقية – هو الأفضل على الإطلاق في الألعاب الهوائية.

· وهو صاحب بنية جسمانية نحتاجها في البطولة الأفريقية.

· ساندوا صلاح الجزولي وادعموه.

· صلاح الجزولي أمس قدم أجمل لقطة في المباراة عندما لعب كورة من النص فوق الحارس كادت أن تكون هدفاً.

· ما تهملوا صلاح الجزولي.

· ادعموه سوف تجدوه.

· كل ما نشوف لينا لاعب في الرديف نقول ليه اللاعب دا ما سجلتوه أفريقياً.

· وليد الشعلة إن شاء الله بي طريقتو دي يحقق لقب الهداف.

· عودة بويا ..جعلت الإستاد كلو يهتف له.

· وجود نيلسون في وسط الهلال في مباريات الهلال الأفريقية ..تجعل انتصار الهلال أكيد.

· إن شاء الله نيلسون يثبت في التشكيلة.

· والله يبعد عنو الإصابات والعوارض.

· محمود محمد كان نجماً حقيقياً لمباراة الهلال أمس.

· وقدم بشه الصغير مباراة كبيرة ..لعب بمزاج وعقلية خطيرة.

· جمهور الهلال كان أكثر من رائع.

· ربما أداء الهلال هو الذي جعل الجمهور ينفعل كل هذه الانفعالات.

· دور الجمهور عاوزنو في مباراة المغرب التطواني.

· مباراة جمهور.

· لجنة التعبئة في الهلال شغالة شغل صاح.

· تعالوا بالأبيض والأزرق.

· ما تدخلوا الإستاد بدون الأبيض والأزرق.

· الما عندو قميص أو فانلة زرقاء ..يجي مباراة الهلال يوم الجمعة بي جلابية.

· ما عاوزين أي لون غير الأزرق والأبيض في مباراة الجمعة.

· ............

· عاجل : يا بكري المدينة بعد أقوان الثعلب دي مفروض تلعب (باك)..ويقلبوك كمان.

انقر هنا لقراءة الخبر من مصدره.