سودارس : اضافة شُعبة (السكوكية) لبطولة الكونفدرالية الافريقية

هل تستطيع أمريكا احتلال جزيرة خارك الإيرانية؟ العليقي يؤكد اكتمال الترتيبات.. ورايون سبورت الرواندي يعلن دعمه الجماهيري للهلال في مهمته الأفريقية عودة صلاح عادل لتشكيلة الهلال قبل موقعة بركان المرتقبة فيصل محمد صالح يكتب: العيد في كمبالا بالصواريخ والمسيّرات.. هجوم إيراني يستهدف 5 دول عربية القائد العام للقوات المسلحة يشارك مواطني منطقة شمبات فرحة عيد الفطر المبارك البرهان: نجدد ألا هدنة ولا وقف لإطلاق النار بدون استيفاء إنسحاب وتجميع هذه المليشيا تمهيدا لاستكمال أي عملية سلمية رئيس مجلس السيادة القائد العام للقوات المسلحة السودانية يؤدي صلاة عيد الفطر بمسجد القيادة العامة الهلال السوداني يعلن وصول السوباط إلى رواندا شاهد بالصور.. فنانة تشكيلية تبيع لوحة للمطربة إيمان الشريف بمبلغ مليار جنيه وتعرض أخرى للسلطانة هدى عربي رسالة من المرشد الإيراني مجتبى خامنئي د.إبراهيم الصديق يكتب: الفولة تتفازع.. القتال وضعف الميليشيا..موسى هلال يفجرها مدوية الهلال السوداني يؤدي البروفة الأخيرة مساء اليوم.. و«ريجيكامب» يجهز خطته لعبور نهضة بركان الأمن يداهم مخزن يبيع الوقود المهرب لعصابات التنقيب عن الذهب شاهد بالصور والفيديو.. لقطة طريفة.. طفل سوداني يرتبك أثناء محاولته التقاط "سيلفي" مع "البرهان" وقائد الجيش يقابل الموقف بضحكات عالية شاهد بالفيديو.. قيادي بالدعم السريع: (مرتزقة من جنوب السودان يسيطرون على مدينة "الفولة" ويطردون قواتنا وأفرادنا عردوا وتركوا نساءهم) شاهد بالفيديو.. مليشيا الدعم السريع تهدي فنانة "سيارة" بعد أن اتهمت أفراد المليشيا بسرقة منزلها ومنازل المواطنين بالفاشر وساخرن: (العربية مشفشفة يا فنانة) إيران تفتح باب المشاركة في كأس العالم 2026 مشيتك تفضحك.. هكذا يعرف الآخرون إن كنت غاضباً أو حزيناً غوتيريش يخاطب إسرائيل وأميركا: حان وقت إنهاء الحرب السيسي يفاجئ الإمارات بزيارة خاطفة.. ويوجه رسالة بشأن الضربات الإيرانية ترامب: سندمر حقل بارس للغاز إذا قررت إيران مهاجمة قطر للعام التاسع على التوالي.. الفنلنديون أكثر الشعوب سعادة القوات المسلّحة السودانية تعلن استرداد محطة مهمة بالصورة والفيديو.. ناشطة سودانية تحكي قصة ارتباطها وزواجها من نجم السوشيال ميديا "برهومي": (الشاريك وعايزك بحارب عشانك وعمرو م يلعب بيك) تراجع معدّل التضخّم في السودان بعد تجريد منتخب بلاده من كأس أفريقيا..الاتحاد السنغالي يعلن أول قراراته ظهور لنجاة الصغيرة يفرح جمهورها.. والفنانة ترد "رجعت الشغل تاني".. مطرب المهرجانات مسلم يعلن انتهاء أزمته مشهد الولادة بمسلسل محمد إمام يثير غضباً.. والممثلة توضح بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق 6 عادات يوصى بتجنبها في المساء لحماية القلب دراسة : الأطعمة فائقة المعالجة تهدد كثافة العظام ابتكار علاج لسرطان القناة الصفراوية من الحليب رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية لافروف قلق إزاء مستقبل نظام عدم انتشار الأسلحة النووية توقّعات بارتفاع غير مسبوق في أسعار النفط ضبط 238 كجم من "الآيس" وأسلحة بجانب نحاس بولاية البحر الاحمر انقطاع طويل للكهرباء يضرب مُدناً وقُرى سودانية واسعة في رمضان ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر بنك السودان المركزي يصدر توجيهًا للمصارف إبراهيم شقلاوي يكتب: الزراعة ما بعد اقتصاد الحرب في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

اضافة شُعبة (السكوكية) لبطولة الكونفدرالية الافريقية

قوون نشر في قوون يوم 20 - 05 - 2016

بالمناسبة امس ليه من صحف المريخ (الموالية) اختفت عبارة (اي دمعة حزن لا لا)
انت يا علاءالدين يوسف وقت عندك لياقة قدر دي ..ما تعملها جوة الملعب ..بتعملها برة الملعب مالك؟
في داعي للسك دا ..معقولة (النفرة) كلها تكبوها لينا (سك) في حكام المباراة والصحفيين المغاربة
لاعبو المريخ اي (ضربة جزاء) تحسب ..بفتكروها وراها حاجة ، عشان كدا ما وقعت ليهم احتساب الحكم ضربتي جزاء للكوكب المراكشي

* امس جبت (الجرايد) قلت اشوف ناس (نهواه في كل الظروف) مع (جمال الوالي) فقط قالوا شنو؟.
* نشوف (التنظير) ، والاحتجاب لظروف فنية اتكلموا كيف؟.
* (نهواه في كل الظروف) مفروض تبقى (نهواه مع جمال الوالي فقط).
* ظهرتوا على حقيقتكم.
* الظروف كشفتكم.
* اسامة ونسى كلموه يشوف ليه موضوع تاني.
* فتشت الجرايد لقيت ليك البلد دي كلها فيها مشكلتين.
* المشكلة الاولى (الكهربة).
* والمشكلة الثانية (مصعب عمر).
* هكذا فمهت من صحف الامس.
* الكلام وقع ليكم.
* الكهربة مشكلتها ممكن تتحل.
* القطوعات بنستحملها ..ما في مشكلة.
* لكن مصعب عمر دا – ما عندنا ليه اي حل.
* غلبنا عديل كدا.
* اي (طيران) للمريخ من البطولات الافريقية تسبب فيه مصعب عمر.
* راجعوا (الارشيف) ح تلقوا ان سبب الخسارة واحد.
* مصعب عمر ، ما في غيرو.
* امام مازيمبي تلات مرات تسبب مصعب عمر في خسارة المريخ.
* امام الكوكب المراكشي امس الاول.
* في لاعب برتكب ليه ضربة جزاء بالصورة دي.
* يا حليل موسى الزومة.
* يا حليل بلة جابر.
* يا حليل احمد الباشا.
* انت يا حاتم محمد أحمد بدل ما تضرب الحكم ...كان تضرب مصعب عمر.
* الخلل من مصعب وليس من حكم المباراة.
* ما تقعدوا تغشغشوا الناس ساكت.
* وانت يا علاءالدين يوسف وقت عندك (لياقة) قدر دي ..ما تعملها جوة الملعب ..بتعملها برة الملعب مالك؟.
* علاءالدين رجع (الرديف).
* لياقتو لياقة لاعب عمرو (19) سنة.
* مفروض تنزلوه للرديف مع ناس مازن شمس الفلاح وبرنس عطبرة.
* برنس عطبرة دي اصلو ما بكبر.
* 20 سنة تحت السن.
* السكة دي (سكة الحكم) يا علاءالدين يوسف ممكن تقعدك موسم تاني في المريخ.
* لسه بي خيرك يا فييرا.
* حاتم محمد احمد ذاتو ممكن يرجع يلعب تاني.
* بس يلعب (ملاكمة) ما (كورة).
* كورتك زمان ما مقنعة.
* اصلا كنت تاميها (ضرب).
* معقولة يا حاتم لسه وانت (اداري) بعقلية حاتم (اللاعب).
* في زول في الدنيا بعمل البعمل فيه حاتم محمد احمد دا.
* فضحتونا ..وشرطوا عينا.
* في داعي للسك دا.
* معقولة (النفرة) كلها تكبوها لينا (سك) في حكام المباراة والصحفيين المغاربة.
* الحكومة لو عارفة (الجري) دا قرش ما كان ادوه ليكم.
* ولا مليم.
* نفرتنا كلها بقت (سك).
* موية الفول.
* شوربة العدس.
* سلطة الدكوة.
* اندومي.
* كلها ظهرت في (سككم) لحكم المباراة.
* مباراة المريخ امام الكوكب المراكشي طلع فيها (زمن اضافي).
* زمنها الاضافي كلو طلع (سك) للحكام.
* المباراة انتهت بي جاي ..دوروا ليك في الحكام والصحفيين.
* لاعبو المريخ اي (ضربة جزاء) تحسب ..بفتكروها وراها حاجة ، عشان كدا ما وقعت ليهم احتساب الحكم ضربتي جزاء للكوكب المراكشي.
* فاكرين الموضوع زي ضربات الجزاء التى يحسبوها في استاد المريخ.
* ما قايلين في ضربة جزاء (شريفة).
* في ضربة جزاء (حقيقية).
* ما قايلين في حاجة بالشكل دا.
* عشان كدا لمن الحكم احتسب ضربتي جزاء ..افتكروا الموضوع فيه (إنه).
* بالمناسبة امس ليه اختفت من صحف المريخ (الموالية) عبارة (اي دمعة حزن لا لا).
* العبارة دي مشت وين؟.
* التصبيرات الكان بيعملوها زمان راحت وين؟.
* كنت فاكر (السكوكية) انتهت.
* قايلها موضة قديمة.
* ما كنت قايلها قاعدة لغاية الآن.
* بالله في زمنا دا في ناس قاعدين يتسكسكوا الى الآن.
* من سنة 1963 م ما شفت لي (سكوكية).
* آخر (سكوكية) شفتها في فيلم عربي قديم لفريد شوقي.
* البلد دي ظهر فيها (سكوكية) جديدة.
* ناس علاءالدين يوسف وحاتم محمد احمد ظهروا لينا في (المغرب) على حقيقتهم.
* هجموا ليك على (الحكام) هجمة ثوار ليبيا على معمر القذافي.
* امس الاول وقت كنت قاعد اتابع في المباراة كنت بقول ناس علاءالدين يوسف ومصعب عمر ديل بحافظوا على (لياقتهم) لي شنو؟.
* كنت فاكرهم عندهم (وثبة) في آخر المباراة.
* الجماعة طلعوا بدخروا في (لياقتهم) عشان بعد نهاية المباراة يسكوا الحكم والصحفي المغربي.
* والله يا علاءالدين يوسف ..جريكم العملتوه للحكم بعد نهاية المباراة لو عملتوه في الملعب كان فزتوا خمسة.
* بدل ما تسكوا (الحكم) كان تسكوا يوسف الفقيه.
* كان على الاقل بلغتوا مرحلة المجموعات في البطولة الكونفدرالية.
* الاتحاد الافريقي لو شاهد شريط المباراة ، اكيد ح يدخل (شُعبة) جديدة في بطولة الكونفدرالية.
* الاتحاد الافريقي ممكن يضيف (السكوكية) للكونفدرالية.
* وممكن يكون في بند للملاكمة.
* استفيدوا من وقتكم.
* استفيدوا من العناصر الموجودة في المريخ.
* استفيدوا من حاتم محمد احمد في (الملاكمة).
* ومن علاءالدين يوسف في (الجري).
* ومن مصعب عمر في (الشليت).
* اصلو ما بتجيكم عوجة.
* الكورة احسن تقنعوا منها.
* ما عندكم فيها نصيب.
* شيبوب طار منكم.
* والله يا شيبوب الله شافك.
* الله مرقك من (الجري) دي.
* ديل كنت بتلعب معاهم كيف؟.
* كيف صبرتوا عليهم موسم ونص.
* في زول (شفت).
* زول عارف اي حاجة.
* الزول دا قال لي المريخ بقى كلو (بكري المدينة).
* بما في ذلك حاتم محمد احمد.
* المريخ كلو بقى بتاع (جري).
* جري ساكت.
* بس بكري المدينة بجري اثناء المباراة.
* وناس علاءالدين يوسف بجروا بعد المباراة.
* المهم في النهاية كلو (جري).
* بالمناسبة قبل كدا في (صحفي) تنزاني (مات) في استاد المريخ عندما واجه المريخ فريق سيمبا في بطولة سيكافا.
* هسع الكونفدرالية قرب يروح فيها (صحفي) مغربي.
* الناس ديل مالهم مع الصحفيين؟.
* الصحفي المغربي في بلدو حصل عليه كدا.
* طيب الزول دا لو كان في استاد المريخ كان حصل عليه شنو؟.
* كان لحق الصحفي التنزاني.
* كان راح فيها.
* يمكن عشان كورتكم في (الجرايد)...اي مباراة للمريخ بكون ضحيتها (صحفي).
* بقوا يخلوا (الحكم) ويسكوا (الصحفي).
* هذا تنويه منذ الآن يا ناس الاتحاد..تاني ما في حاجة اسمها اخراج (الشرطة) من الملعب.
* مباريات المريخ ممكن يحصل فيها كوارث.
* حاتم وعلاءالدين.
* وابوجريشة.
* المريخ سوف يلعب مباريات صعبة في الممتاز.
* ينتظر ان يلعب مع هلال كادوقلي في كادوقلي.
* ومع الاهلي شندي في شندي.
* ومع الهلال في استاد الهلال.
* وكل هذه المباريات سوف يخسرها المريخ ..ان كان المريخ بخسر مع طيش الدوري المغربي 0 / 2.
* لذلك اعملوا حماية للحكام.
* وحماية للصحفيين.
* في شندي حصل ان ضرب بكري المدينة (حكم) مباراة الاهلي شندي والمريخ.
* وفي المغرب ضرب حاتم محمد احمد حكم المباراة.
* وممكن نشوف (ضرب) تاني ..اذا تساهل الاتحاد السوداني والاتحاد الافريقي مع تفلتات المريخ.
* يجب حسم هذا (السلوك).
* .......
* ملحوظة : ناس صلاح نمر فاتهم موسم (الضرب) دا.
هوامش
* اي كلام نقوله عن تسجيلات الهلال بكون شوية عليها.
* الهلال امس اعاد قيد مدثر كاريكا لثلاثة مواسم.
* هذا اجمل خبر يمكن ان يسعد الاهلة.
* طبعا اضافة لشيبوب وسادومبا.
* كل التسجيلات كانت مفرحة.
* نجاحات في الفريق الاول واضافات معتبرة.
* ونجاحات كبيرة في الرديف.
* وكذلك للشباب.
* واعادة قيد فداسي واتير توماس ويونس الطيب واحمد بيتر ومدثر كاريكا.
* ما في اجمل من كدا.
* برضو كانت لفتة ذكية اعادة قيد اتير توماس.
* الهلال كان يحتاج لمدافع.
* كدا ما عندكم اي مشكلة.
* برضو كان جميل اخلاء خانة اتيشيا في ظل العددية الكبيرة من لاعبي الوسط.
* لم تعد هناك حاجة لاتشيا.
* يشكر اتشيا على فترته مع الهلال.
* كان لاعب ملتزم ومنضبط.
* دخل كشوفات الهلال في هدوء.
* وخرج من كشوفات الهلال في هدوء ايضا.
* الهلال بهذا العدد الكبير من المواهب يجب ان يلعب في اليوم مباراتين.
* مباراة العصر.
* ومباراة المغرب.
* مباراة المغرب دي طبعا ممكن تحرج جماعتنا ديل.
* تراوري وبكري المدينة هذا الموسم قدموا اسوأ مواسمهم في المريخ.
* لدرجة اننا قلنا الحمدلله اتخلصنا من بكري المدينة.
* شيبوب وقع امس.
* وفي انتظار رؤيته في الملعب.
* عاوزين نشوفوا امام سان جورج.
* وامام الخرطوم الوطني.
* وامام المريخ.
* كتروا لينا من (شيبوب).
* ابوعاقلة وشيبوب ونزار حامد وبشه والشغيل في وسط الهلال.
* نملة ما بتمر.
* عاوزين الهلال في بعض المباريات يلعب لينا بي خمسة في الوسط.
* عشان تحصل كل المتعة.
* الليلة يمكن لنا ان ننتظر (فرحة) اخرى.
* تاني كمان.
* والله اصلو ما قصرتو.
* انتهت التسجيلات..وح نقبل على (الجوهرة الزرقاء).
* بننتقل من فرحة لي فرحة.
* كل ما اشوف (ضرب) حاتم محمد احمد وابوجريشة وعلاءالدين يوسف اقول الجماعة ديل شيبوب مرق منهم كيف؟.
* انتوا كنتوا حارسين شنو يا شباب؟.
* كنتوا قاعدين وين؟.
* الزول دا طلع كيف؟.
* اول مرة اشوف لي فريق بطير من بطولتين في ظرف (15) يوم.
* سيكافا كيف معاكم.
* الحمدلله ناس الهلال بقوا ما بجيبوا لينا سيرة لسيكافا.
* سيكافا شنو كمان؟.
* الليلة سيحة ح يقول شنو؟.
* كدا اول حاجة كلمنا عن (الضرب) دا.
* ورينا البحصل شنو؟.
* ضربة الجزاء الاولى صحيحة.
* والتانية صحيحة.
* الجري في شنو؟.
* فريق الكوكب المراكشي فريق متواضع وما عندو مستوى ولو واجه الاهلي شندي كان اخرجه.
* طيش الدوري المغربي اخرج وصيف الدوري السوداني.
* ..........
* عاجل : الحمدلله عمر بخيت والمعز محجوب ما شاركوا في (الفضائح) دي.

انقر هنا لقراءة الخبر من مصدره.