سودارس : يا ناس المريخ لو دي كورتكم ...اخير (تعادلاتنا)

معارك ضارية ب (بابنوسة) والدعم السريع تقترب من تحرير الفرقة 22 "وثائقي" صادم يكشف تورط الجيش في استخدام الأسلحة الكيميائية ضد المدنيين (فيديو) السودان.. وفد يصل استاد الهلال في أمدرمان مسؤول بهيئة النظافة يصدم مواطني الخرطوم اللواء الركن (م) أسامة محمد أحمد عبد السلام يكتب: التقديم الالكتروني (الموحّد) للتشكيل الوزاري السودان.. كامل إدريس يعلن عن 22 وزارة هل ستتأثر مصر في حال ضرب المفاعلات النووية؟ إيران تغرق إسرائيل بالصواريخ من الشمال إلى الجنوب كامل إدريس وبيع "الحبال بلا بقر" إنريكي: بوتافوجو يستحق الفوز بسبب ما فعله "كاف" يعلن عن موعد جديد لانطلاق بطولتي دوري أبطال إفريقيا وكأس الاتحاد الإفريقي عندَما جَعلنَا الحَضَرِي (في عَدّاد المَجغُومِين) حكومة أبو نوبة.. ولادة قاتلة ومسمار آخر في نعش "تأسيس" نص خطاب رئيس مجلس الوزراء "كامل ادريس" للأمة السودانية السفير عدوي يشيد بدراسة إنشاء منطقة لوجستية على الحدود السودانية الاهلي المصري نمر من ورق الجمعية العمومية الانتخابية لنادي الرابطة كوستي السجن والغرامة على متعاون مع القوات المتمردة بالأبيض ميسي يقود إنتر ميامي لقلب الطاولة على بورتو والفوز بهدفين لهدف فقدان عشرات المهاجرين السودانيين في عرض البحر الأبيض المتوسط عودة الخبراء الأتراك إلى بورتسودان لتشغيل طائرات "أنقرة" المسيّرة 6 دول في الجنوب الأفريقي تخرج من قائمة بؤر الجوع العالمية 30أم 45 دقيقة.. ما المدة المثالية للمشي يومياً؟ الإدارة العامة للمباحث الجنائية المركزية تتمكن من ضبط منزل لتزييف العملات ومخازن لتخزين منهوبات المواطنين بين 9 دول نووية.. من يملك السلاح الأقوى في العالم؟ لماذا ارتفعت أسعار النفط بعد المواجهة بين إيران وإسرائيل؟ وزارة الصحة تتسلّم (3) ملايين جرعة من لقاح الكوليرا "أنت ما تتناوله"، ما الأشياء التي يجب تناولها أو تجنبها لصحة الأمعاء؟ ماذا قالت الصحف العالمية عن تعادل الهلال مع ريال مدريد؟ نظرية "بيتزا البنتاغون" تفضح الضربة الإسرائيلية لإيران السودان والحرب شاهد بالصورة والفيديو.. حسناء سودانية فائقة الجمال تبهر المتابعين وتخطف الأنظار بتفاعلها مع "عابرة" ملك الطمبور ود النصري شاهد بالصورة والفيديو.. خلال حفل زفاف بالقاهرة.. العازف عوض أحمودي يدخل في وصلة رقص هستيرية مع الفنانة هدى عربي على أنغام (ضرب السلاح) شاهد بالصورة والفيديو.. مطربة أثيوبية تشعل حفل غنائي في أديس أبابا بأغنية الفنانة السودانية منال البدري (راجل التهريب) والجمهور يتساءل: (ليه أغانينا لمن يغنوها الحبش بتطلع رائعة كدة؟) هل هناك احتمال لحدوث تسرب إشعاع نووي في مصر حال قصف ديمونة؟ ماذا يفعل كبت الدموع بالرجال؟ الإدارة العامة للمباحث الجنائية المركزية تتمكن من الإيقاع بشبكة إجرامية تخصصت فى نهب مصانع العطور بمعاونة المليشيا المتمردة الصحفية والشاعرة داليا الياس: (عندي حاجز نفسي مع صبغة الشعر عند الرجال!! ولو بقيت منقطها وأرهب من الرهابة ذاتا مابتخش راسي ده!!) كيم كارداشيان تنتقد "قسوة" إدارة الهجرة الأمريكية "دم على نهد".. مسلسل جريء يواجه شبح المنع قبل عرضه التهديد بإغلاق مضيق هرمز يضع الاقتصاد العالمي على "حافة الهاوية" السلطات السودانية تضع النهاية لمسلسل منزل الكمير المباحث الجنائية المركزية ولاية الجزيرة تنفذ حملة أمنية كبري بالسوق العمومي وتضبط معتادي إجرام مباحث شرطة الولاية الشمالية تتمكن من إماطة اللثام عن جريمة قتل غامضة وتوقف المتورطين المملكة تستعرض إستراتيجية الأمن الغذائي لدول مجلس التعاون الخليجي خسائر ضخمة ل"غانا"..تقرير خطير يكشف المثير والي الخرطوم يصدر عدداً من الموجهات التنظيمية والادارية لمحاربة السكن العشوائي أدوية يجب تجنب تناولها مع القهوة (يمكن نتلاقى ويمكن لا) بالصورة.."أتمنى لها حياة سعيدة".. الفنان مأمون سوار الدهب يفاجئ الجميع ويعلن إنفصاله رسمياً عن زوجته الحسناء ويكشف الحقائق كاملة: (زي ما كل الناس عارفه الطلاق ما بقع على"الحامل") 3 آلاف و820 شخصا"..حريق في مبنى بدبي والسلطات توضّح معلومات جديدة عن الناجي الوحيد من طائرة الهند المنكوبة.. مكان مقعده ينقذه من الموت إنهاء معاناة حي شهير في أمدرمان رؤيا الحكيم غير ملزمة للجيش والشعب السوداني شاهد بالفيديو.. داعية سوداني شهير يثير ضجة إسفيرية غير مسبوقة: (رأيت الرسول صلى الله عليه وسلم في المنام وأوصاني بدعوة الجيش والدعم السريع للتفاوض) أثار محمد هاشم الحكيم عاصفة لم يكن بحاجة إلي آثارها الإرتدادية علي مصداقيته الكلامية والوجدانية ما هي محظورات الحج للنساء؟ قُلْ: ليتني شمعةٌ في الظلامْ؟!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

يا ناس المريخ لو دي كورتكم ...اخير (تعادلاتنا)

قوون نشر في قوون يوم 02 - 10 - 2012

في بدايات الربيع العربي وبعد ان هرب (زين العابدين بن علي) وزوجته ليلي الطرابلسي...كانت الثورة التونسية تلقي بظلالها على مصر والشعب المصري.
لكن كان كل المراقبين ...واهل الحكم (المباركي) في مصر ..كلهم كانوا يقولون ...(مصر ليست تونس).
منتهى العبقرية ..منتهى التحليل.
تنحي مبارك وسقط حكمه بعد ان استبدل حكومته مرة ..فما اجدي التبديل شيئا.
18 يوم زلزلت حكم محمد حسني مبارك ..وتنحى الرجل بعد خطيب شهير القاه للشعب المصري نائبه في ذلك الوقت عمر سليمان.
وجاء الدور على ليبيا بعد مصر.
لكن معمر القذافي .كان يخرج من (خرابته) في باب العزيزية ...ساخرا وضاحكا.
وكان يقول في كل خطاباته ..(ليبيا ليست تونس ولا مصر).
لكن ليبيا سرعان ما تسقط ...بعد هروب زين العابدين بن علي وتنحي مبارك.
قتل معمر القذافي ودفع الثمن غاليا حينما قال ان ليبيا ليست تونس ولا مصر.
ما حدث في تونس ومصر وليبيا ..جاء وحدث في اليمن ..وقبل ذلك كان علي عبدالله صالح يقول اليمن ليست تونس ولا مصر ..ولا ليبيا.
تنحى علي عبدالله صالح ..ونجحت الثورة اليمنية في ان تخرج علي عبدالله صالح من قصره.
ما حدث في تونس ومصر وليبيا واليمن..يوشك ان يحدث الان في سوريا.
والرئيس السوري بشار الاسد يقول ان سوريا ليست تونس ولا مصر ولا ليبيا ولا اليمن.
ان الاسطوانة الثورية كانت مدورة في المنطقة العربية على ذلك النحو : (مصر ليست تونس ، ليبيا ليست تونس ولا مصر ، اليمن ليست تونس ولا مصر ولا ليبيا ، الجزائر ليست تونس ولا مصر ولا ليبيا ولا اليمن ، الاردن ليس تونس ولا مصر وليبيا واليمن ، سوريا ليست تونس ولا مصر ولا ليبيا ولا اليمن ولا الاردن ).
الايامات اثبتت ان مصر مثل تونس ..وان ليبيا مثل مصر ...واليمن مثل ليبيا.
وهلم جرا.
بنفس هذا الفهم ..الامور في الهلال في الايام الاخيرة كانت تمضي على ذلك النحو.
نفس الصورة.
لكن هناك الصورة كانت سياسية ..والصورة في الهلال رياضية.
الهلال اتعادل مع المريخ..فرحنا بهذه التعادل ...ليس لأن التعادل مكسب على المريخ.
ولا لأن المريخ فريق كبير ...اذا لعبت امام المريخ يجب ان يكون هدفك الاول والاخير هو الانتصار.
أي نتيجة غير الانتصار امام المريخ ..لا تفرح الهلالاب ..على هذا تعودوا الهلالاب ..وشبوا على ذلك الخلق.
لكن التعادل الذي كان في قمة الممتاز هو كان تعادل مفرح للهلالاب ...لأن الهلال دخل المباراة في ظروف حرجة.
فقدنا هيثم مصطفى بسبب عدم الجاهزية ...(حسب كلام غارزيتو).
وفقدنا عمر بخيت الذي كان افضل لاعب في الهلال في الفترة الاخيرة في تمرين المباراء الرئيسي ..وابعد عن تشكيلة الفريق.
وفقدنا سادومبا في (التسخينة).
دي تسخينة شنو يا سادومبا.
وقبل سادومبا ...كان علاءالدين يوسف مبعد بسبب الاصابة ..لذلك كان (التعادل) في مباراة قمة الممتاز مكسب للهلال.
لا سيما وان التعادل ابقى الفارق بين الهلال والمريخ كما كان عليه قبل المباراة.
الفارق 6 نقاط باعتبار ان المريخ يمكن ان ينتصر على الاندية التى سوف يقابلها.
اذن كان قبولنا بالتعادل امام المريخ ..قبول منطقي ومفرح.
جينا نلعب امام الخرطوم في استادنا...والكورة كانت شبه مضمونة.
الناس حذروا من فريق الخرطوم الذي خسر من المريخ بسباعية.
لكن ناس الهلال دائرة الكورة تحديدا قالوا لينا الخرطوم ليست المريخ.
للاسف الشديد النتيجة التى خرج بها الهلال امام المريخ ...جاء وخرج بها امام الخرطوم.
اتعادلنا امام المريخ ..وجينا واتعادلنا امام الخرطوم.
وقعدنا هسع نحسب في تلك الحسابات المعقدة.
و..و...و..
و ..( مصر ليست تونس ، ليبيا ليست تونس ولا مصر ، اليمن ليست تونس ولامصر ولا ليبيا ، الجزائر ليست تونس ولا مصر ولا ليبيا ولا اليمن ، الاردن ليس تونس ولا مصر وليبيا واليمن ، سوريا ليست تونس ولا مصر ولا ليبيا ولا اليمن ولا الاردن).
اعود واقول ان التعادل مع المريخ منطقيا لأن هذا التعادل مثلما افقد الهلال نقطتين ..هو افقد المريخ ايضا نقطتين ، وهو المنافس الاول للهلال في الممتاز.
عشان كدا ما في خسارة كبيرة.
تعادل الهلال والمريخ ابقى الفارق 6 نقاط بين الهلال والمريخ.
تعادل الهلال والخرطوم ابقى الفارق بين الهلال والمريخ 4 انقاط ..من هنا كان التعادل امام الخرطوم مرا ..ومخيفا.
الناس قالوا الله يستر من الامل.
ناس الهلال في الحتات دي ما بقصروا..طوالوا نطوا لينا ..وقالوا : الامل ليست الخرطوم.
طيب يا فالحين ..نعيش ونشوف.
النتيجة التعادل التى كانت بين فريق الهلال والخرطوم ....جات واطبقت بين الهلال والامل.
انتوا ما قلتوا الامل ليس الخرطوم.
و..و..و...
و... ( مصر ليست تونس ، ليبيا ليست تونس ولا مصر ، اليمن ليست تونس ولا مصر ولا ليبيا ، الجزائر ليست تونس ولا مصر ولا ليبيا ولا اليمن ، الاردن ليس تونس ولا مصر وليبيا واليمن ، سوريا ليست تونس ولا مصر ولا ليبيا ولا اليمن ولا الاردن).
غايتو يا غارزيتو تعادلاتك بقت اكتر من تصريحاتك.
بل اصبحت اكتر من مشاكلك.
هسع الهلال في الكونفدرالية سوف يواجه الجمعة القادمة ان شاءالله فريق الاهلي شندي.
ونحن من هسع خايفين ...واحد يطلع لينا ويقول لينا الاهلي شندي ليس الامل عطبرة.
ونحن بنشيل ونصدق.
اوعكم من (تعادل) تاني.
بل اوعكم من (تعادل) رابع.
التعادلات دي بقت تعمل لينا (طمام) عديل كدا ..بتعمل لينا لفة رأس ..ودوشة.
اخير لينا نتهزم عديل كدا من نتعادل.
كرهنا التعادلات مرة واحدة.
الموضوع دا بذكرني ليك بحكاية زول جاء الخرطوم.
اهلو قابلوا ليك في الميناء البري ...(لفحوا) ليك مع المغارب...زول شافهم مافي.
كمان يقوم يعمل ليهم فضيحة ساكت.
مشي نزل مع اهلو في المنشية.
الاجواء في العاصمة عجبتو ليك ..زلوكم جاء الخرطوم اسمو (مختار)..اليوم والتاني بقوا يقولوا ليه مستر مختار.
وهو شاف (المسترة) دي عجبتو ليك الاوضاع ..دخل ليك في الدور للاخر.
زولكم بقى ولا (محمود يس).
دخل في الدور لي اضنينو.
الساعة خمسة بشيل (الجك) وينظر سيد اللبن في الباب.
خلاص فتح ...الخرطوم نفعت معاه.
الساعة سبعة بخت ليك الموبايل في الشاحن.
مستر مختار بقى زول منظم ..وخطير ..ما فاضل ليه بس إلا يتكلم انجليزي.
بس دا الفاضل ليه.
مستر مختار الاسبوع الاول ما فاهم أي حاجة في (الصينية).
الحاجة البجيبوها ليه في الفطور والغداء والعشاء ..بضربها ليك.
ما بسأل.
الاسبوع التاني فتح شوية ..عرف ليك الحكاية فيها (فراخ).
التونة الكان بشوفها في التلفزيون ..بقوا يجبوها ليه في الصينية.
زولكم ضرب ليك (التونة) كدا ..وقال لي خالو ..انت يا خال (التونة) دي موش بجيبوا معاه في التلفزيون (افراح عصام).
وين افراح...والله ما شايف لي أي (فرحة) مع تونتكم دي.
الكلام دا قالوا في الاسبوع الثالث ..بعد ما بقى يعلق على الاشياء ..ويثرثر في الصينية.
الاسبوع الرابع ...صاحبكم لاحظ ان (الفرخة) ثابتة في الصينية.
في الفطور ..(فرخة)..في الغداء ..(فرخة)...في العشاء ..(فرخة).
اول حاجة كان مبسوط من الموضوع دا.
الاسبوع الخامس ..كره ليك حاجة اسمها (فراخ).
خلاص نفسو مرقت من الفراخ.
بقى من يشوف ليه (فرخة) في الصينية ...يرفع ايدو من الصينية.
الاسبوع السادس مستر مختار ..قرر يرجع البلد.
زولكم مشي البلد ..امو حسب فرحتها بيه ..قبضت (الديك) من قفصو وحمرتو ليه.
زولكم قاعد في الغداء ..نفسو في عصيدة او كسرة ..او أي حاجة بلدية كدا..شاف ليك (الديك) محمر في الصينية.
طوالي رفع ايدو من الصينية ..وقال لي امو ..والله نحن (الفراخ) دي في الخرطوم كرهناها عديل كدا – الفراخ الاكلتها في الخرطوم تعمل ليها مزرعة دواجن.
عشان كدا يا حاجة (الديك) دا شيلي لو فيه شوية روح ..دخلي (القفص)..لو كمان ما فيه رجا دخليه التلاجة.
لو اتحرك ساكت دخليه القفص.
يا غارزيتو ..هسع نحن بي نفس النظرية دي ...كرهنا (التعادلات).
كرهناها عديل كدا ..بقت لينا زي (الفراخ).
موش الزول وقت يتقل في (اللحوم) بشتهي (الفول).
ملحوظة : انتوا يا ناس الهلال يعملوا ليكم شنو؟...يجبيوا ليكم (اللحوم) تقولوا عاوزين (الفول).
هوامش
تبقى شهرين لانتهاء الموسم.
خلاصة الموسم الرياضي في هذين الشهرين ...الممتاز وكأس السودان والكونفدرالية.
وهذه البطولات تحتاج الي دعم خاص ...ومساندة قوية.
60 يوم ..يجب ان يدعم فيها الامين البرير كل الدعم من كل الهلالاب.
مطلوب من الجماهير ومن اقطاب الهلال دعم الهلال في الفترة المقبلة بل في هذه الفترة.
ادعموا المجلس وساندوه.
ادعموا الجهاز الفني بقيادة غارزيتو ..وقدموا له كل احتياجاته ...حتى نحقق كل البطولات.
الفترة القادمة هي لا فترة صراع ..ولا فترة مشاكل.
فترة نريدها خالصة للهلال.
الهلال في الفترة الحالية يحتاج الي جماهير اكتر.
مطلوب من طه علي البشير ومن اشرف الكاردينال وان اختلف مع البرير ان يدعموا الهلال في هذه الفترة.
ما ترفعوا يدكم من الهلال.
حكماء الهلال كلهم يجبوا ان يلتفوا حول الهلال في هذا التوقيت.
ميرغني ادريس قادر على جمع شمل الهلال.
كل الناس فى هذا التوقيت يجب ان يكونوا مع الهلال.
وإلا سوف تدفعوا تمنا غاليا.
روابط الهلال وجماهيره ..يجب ان تكون حاضرة في الموقف القادم ..من اجل الدعم والمساندة.
الدعم والمساندة فقط.
اما الانتقادات التى يوجه الاعلام الرياضي للفريق تبقى ضرورية اذا كنتم تريدون ان يفوز الهلال بالبطولات.
يبقى من الضرورة ألا تأثير هذه الكتابات في وقفة الجماهير ومساندتها لفريقها.
الهلال يحتاج الي اجواء صحية ..واجواء فيها مودة ومحبة ليذهب الي الامام.
فريق المريخ ..ماشي تحت الحيط.
المريخ الذي نشاهده الان هو الاضعف على الاطلاق.
المريخ ماشي بي مشاكل الهلال.
المستوى الذي ظهر به المريخ امام الاهلي مدني ..يخلينا نقول اخير لينا تعادلاتنا دي بي مرارتها من ان يخدمنا الحكم او يساعدنا في الخروج بالنقاط الثلاث للمباراة.
الحكم في مدني قالوا قدموا (النقاط الثلاث) للمريخ في طبق من فضة.
عصام الحضري يواصل في كل المباريات استفزازه للجمهور.
في استاد الهلال استفز جمهور الهلال.
في شندي استفز جمهور الاهلي.
وفي مدني استفز جمهور اهلي مدنى.
لذلك كل مباريات المريخ اصبح فيها شغب ..وحجار.
الاتحاد العام يجب ان يحسم موضوع عصام الحضري.
اتمني ألا اشاهد نصر الدين الشغيل في المنتخب.
هذا رغم غياب عمر بخيت ونزار حامد.
لكن مع هذا ..الشغيل يجب ألا يختار مع المنتخب.
في ظل وجود عصام الحضري في المريخ اصبح اكرم الهادي سليم هو الحارس الخامس في المريخ.
طبعا الحضري لغى ليك حكاية الحارس التاني والحارس الثالث دي نهائي.
شالها ليك برة.
عشان كدا اكرم الهادي سليم اصبح الحارس الخامس.
يا اكرم كدا جرب العب صانع العاب.
يمكن تقدر تنافس ناس فيصل العجب ووارغو وفيصل موسي.
لكن الحضري دا ما بتقدر تنافسو.
مع ان الحضري ..بمسك الكورة ويفكها جوة.
الكبر حصل.
موسي الزومة هل هو اول لاعب سوف يشطب في ديسمبر القادم.
غايتو يا ليما ..انت موسي الزومة دا فايتو بس بي انو ريكاردو قريبك.
لو ريكاردو ما قريبك ..يا ليما في الكشافات ما بتقعد ..خلى (الكنبة).
يا موسي الزومة ...خلي فاروق جبرة يصلح ليك اللعب ...وقت الحكاية بقت (قرابة) ساكت.
من المدربين الشاطرين ....والذين لا حس ولا خبر لهم في الصحف مدرب اهلي مدني عمر ملكية.
عمر ملكية مدرب شغال بدون تصريحات ...وهو في ذلك يختلف تماما عن محمد الطيب مدرب فريق الامل.
نجاحات عمر ملكية مبنية على مجهوده الفني ...بدون (اضواء) وصخب اعلامي واعلاني.
لذلك يجب ان يتم تكريم عمر ملكية فهو قد قدم في هدوء فريق محترم ..صاحب اداء رائع وممتع.
الاتحاد العام يجب ان يحفظ عمر ملكية ..ويجب ان يبحث له عن فرص كورسيات خارجية.
امثال عمر ملكية يجب ان يجدوا الدعم والسند من الجميع.
خاصة ان عمر ملكية (مستقل) بعيدا عن الهلال والمريخ.
وهذا شيء لوحده يجعل الناس تدعمه اكثر.
يستحق عمر ملكية ان يكون افضل مدرب وطني في هذا الموسم.
بل ان عمر ملكية يمكن ان ينافس المدربين الاجانب.
عمر ملكية ما زي محمد الطيب ..شال ليه (نقطة) من الهلال وملأ الصحف كلها كلام وتصريحات.
نقطة واحدة وعمل كدا.
طبعا (النقطة) دي محمد الطيب بكون عذب بيها ناس عطبرة عذاب.
المعروف ان محمد الطيب نال اكبر خسائر من امام الهلال والمريخ.
لكن مع ذلك محمد الطيب بنتظر يشيل ليه (نقطة) من الهلال او المريخ
وبقوم يملأ الجرايد بي نقطتو دي.
نقطة بعمل كدا.
لو شال النقاط التلات بعمل شنو؟.
يا ناس عطبرة ..استحملوا ساكت.
والله (نقطتكم) دي ح تندموا عليها عديل كدا.
الي الهلال.
كل الهلالاب ..يحتاج لكم الهلال الان اكثر.
عاجل : سا سا سا ...عبده جابر ..نحن فترنا من (السوسنة) دي يا سادومبا.

انقر هنا لقراءة الخبر من مصدره.