شاهد بالفيديو.. ظهر معه في الصفوف الأمامية.. مواطن سوداني يكذب جنود المليشيا الذين زعموا اعتقالهم العميد محمد منصور قائد "الكرمك"    شاهد بالصورة والفيديو.. شاب سوداني يقتحم عقد قران "حبيبته" يشتبك من الحاضرين ويخطف "القسيمة" من المأذون ويمزقها    جلوس أكثر من 3500 طالب وطالبة لامتحانات الشهادة المتوسطة بمحلية الخرطوم    جوجل توسّع الترجمة الحية إلى آيفون وآيباد    الدولار يرتفع وسط توترات الشرق الأوسط    إندونيسيا تصبح أول دولة في جنوب شرق آسيا تقيد وصول الأطفال لمواقع التواصل    كل ما تريد معرفته عن نزاعات الزمالك فى الفيفا وخطة النادى لحل الأزمة    تأجيل حفل شاكيرا فى الأهرامات من إبريل إلى نوفمبر 2026    ماجد المصرى: الخلاف فى أولاد الراعى تجاوز المال إلى جوهر العلاقات الأسرية    هل يمكن علاج الكبد الدهنى؟.. دراسة جديدة تربط الوقاية بفيتامين ب3    الإعيسر .. حين يفعلها رئيس أكبر دولة يسقط عذر الآخرين.. الإعلام الصادق أمانة ومسؤولية وطنية    شاهد بالصورة والفيديو.. رئيس المريخ السابق يفجر مفاجأة كبيرة بخصوص المحترف الجزائري المنضم للمنتخب السوداني ويعد بضم محترفين أفارقة لصقور الجديان    شاهد بالصورة.. تيكتوكر مغربية حسناء ترد على تعليقات الجمهور بشأن علاقتها العاطفية وارتباطها بصديقها اليوتيوبر السوداني    شاهد بالصورة والفيديو.. شاب سوداني يقتحم عقد قران "حبيبته" يشتبك من الحاضرين ويخطف "القسيمة" من المأذون ويمزقها    شاهد بالصورة والفيديو.. مشجعة الهلال الحسناء "سماحة" تطالب إدارة ناديها بتقديم "رشاوي" للحكام من أجل الفوز بالبطولة الأفريقية وتشكر "أبو عشرين"    شاهد بالفيديو.. ظهر معه في الصفوف الأمامية.. مواطن سوداني يكذب جنود المليشيا الذين زعموا اعتقالهم العميد محمد منصور قائد "الكرمك"    مساعدات غذائية تصل آلاف المستفيدين بوادي حلفا عبر منظمة اضافة للمساعدات والكوارث والتنمية    بالصورة.. في مفاجأة كبيرة.. محترف جزائري ينضم لقائمة المنتخب السوداني استعداداً لمواجهة السعودية    بسبب ضعف الراتب.. وزير الثروة الحيوانية بالسودان يبحث عن عمل إضافي    هل من أمل في الكرة السودانية؟    إيطاليا تقترب من المونديال    رئيس الوزراء يصدر قرارًا بشأن الرسوم الجديدة في المعابر    بروح قتالية عالية.. الهلال يضع اللمسات الأخيرة لمواجهة «روتسيرو» بحثاً عن الصدارة والثأر    تقارير تكشف عن تحرّكات كبيرة للجيش السوداني    محمد عبد الباسط يكتب: لهذا تحركت باكستان الآن للوساطة بين أمريكا وإيران    توضيح لجنة المنشآت بنادي المريخ : دورنا فني فى ملف المنشآت واللجنة القانونية تتولى اجراءات الاخلاء    عمرو دياب يحيى حفلا غنائيا فى تركيا 2 أغسطس    السكوت على هذا الأمر لا يرضي الله ولا رسوله!!    دراسة : النشاط البدني مفتاح الوقاية من السكري رغم زيادة الوزن    ماذا قال العميد طارق كجاب بعد إحالته المفاجئة للمعاش؟؟    ارتفاع أسعار الذهب في السودان    أحمد العوضي : بشكر جمهوري إنه عمره ما خذلني وصاحب الفضل فى نجاحي    دراسة تكشف ترابطا بين أمراض معدية وخطر الإصابة بالخرف    الخليج الضحية الكبرى: إيران وجهت 83% من هجماتها إليه… و17% فقط إلى إسرائيل    مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية    ضبط 2800 قندول بنقو بالجزيرة في عملية نوعية لمكافحة التهريب    ترامب يصدر أوامره ويكشف تطورات مثيرة مع إيران    هل مخالفة ترامب خلل في الكون؟!    الأمن يداهم مخزن يبيع الوقود المهرب لعصابات التنقيب عن الذهب    تراجع معدّل التضخّم في السودان    بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق    رئيس الأهلي مدني وابنه يتعرضان لحادث مروع    المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة    ضبط 238 كجم من "الآيس" وأسلحة بجانب نحاس بولاية البحر الاحمر    ضبط 238 كجم من "الآيس" وأسلحة بجانب نحاس بولاية البحر الاحمر    الشيخ بن زومة.. إلى جنة الخلد    أغلى علبة كعك في مصر تشعل مواقع التواصل    قيم الهلال المتوارثة يجب أن تبقى أبد الدهر    في زمن الضجيج.. القرآن بوصلة المعنى والسكينة    د.مزمل أبو القاسم يكتب: دموع الباز.. وزاهر! (2)    السودان.. الدفاع المدني يستعين ب"التوك توك"    طفح جلدي في رقبة الرئيس ترمب يثير تساؤلات حول صحته    ملتقي التحصين للعام 2025 ينعقد بحضور التحالف العالمي للقاحات والشركاء    صوت لا يغيب.. محمد رفعت ورحلة الآذان الخالد في رمضان    أجهزة الأمن السودانية تنهي مغامرات لص الصيدليات في عطبرة    شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم    شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم    السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



يا عصام الحاج ..بعد دا فكروا في (صلاة الحاجة)
قوون نشر في قوون يوم 07 - 02 - 2013

قبل ايام قليلة ...او قل قبل 72 ساعة (عشان ما اقعد اشرع ليكم ساكت) ...اقام العاملون في التلفزيون القومي (صلاة الحاجة) بعد ان ماطلتهم ادارة تلفزيون السودان في صرف حقوقهم ..ومنعت عنهم مستحقات 8 شهور.

اكيد عرفتوا انا قاصد شنو؟.

ما تقعدوا تتلفتوا كدا ..زي (نص الليمونة) الموضوع قدام صحن كمونية.

في ظل هذه الاوضاع الصعبة ...وبعد الاعتصام ..والعيد الذهبي للتلفزيون القومي ..لم يجد العاملون في التلفزيون غير التوجه بالدعاء الي الله ..وابواب السماء مفتوحة بحمد الله وفضله...بعد ان اغلقت الارض ابوابها عليهم..ولم تستجب لهم ادارة التلفزيون ..ولم تنتبه لاوجاعهم ومطالبهم الدولة ..فكانت (صلاة الحاجة) منهم بحثا عن حق مشروع.

قنعوا من ادارة التلفزيون ومن الدولة ...وكانت (السماء) بابوابها المفتوحة قبلتهم الوحيدة والتى لا يخيب من يتجه اليها.

الاوضاع في التلفزيون القومي ...واعتصام العاملون ..ومطالبتهم بحقوق 8 شهور ..ذكرتني بالاحداث في المريخ ..اذ تتشابه الاوضاع.

نفس الشيء.

لم يبق لعمال المريخ غير التوجه بالدعاء ..والقيام ب (صلاة الحاجة)..عسى ولعل تنفك (كربة) اهل المريخ ..ويفرج ضيقهم ..بعد ذهاب جمال الوالي واستقالته.

ذهب جمال الوالي ..وترك عصام الحاج ...لا حول له ولا قوة ..ولا حيلة ..كل الذي يستطيع ان يفعله عصام الحاج هو ان يأتي من حين لاخر بطريقة تقلل الصرف.

عصام الحاج (الامين العام) للتقشف في المريخ.

قلل عصام الحاج عدد العاملين في القطاع الرياضي والدائرة التنفيذية في النادي ..وذهب عصام الحاج (مشكورا)..والشكر دا مننا نحن الهلالاب ..وقال ان بعض اعضاء القطاع الرياضي والتنفيذي ..(خيط في ابرة ما بدخوله).

انت عصام الحاج دا ..مالو قديم كدا ..(خيط في ابرة) شنو؟...هو جمال الوالي دا كان مخلي ليه زول محتاج للعملية دي.

انت يا زول جاي من وين؟...عاوز ترجعنا تاني لموضوع (الخيط في الابرة)..في (شندي) ما في حكاية بالشكل دا.

الكلام دا زمن ناس ود الياس ما كان بحصل في المريخ.

عصام الحاج دا ..فاكر نفسو (الامين العام) لفريق (الخور)...انت الامين العام للمريخ ما تفضحنا ساكت.

بعدين هيثم مصطفى لو سمع حكاية (الخيط في الابرة) دي ..ما بلعب ليكم..ولا بكون فاضي لمشاغلات ومغالطات سعيد السعودي.

انتوا سعيد السعودي دا ما قرأ جامعة ...مالو بعمل كدا؟.

ناس (العجب) ما قالوا حاجة ...انت كمان عاوز تنظر.

يا ود ..امشي عديل.

يا سعيد السعودي نسيت (الهدف) الطلعتو من القون.

كورة ماشي القون ...هدف للمريخ ..سعيد السعودي طلعها وطلع معاها المريخ من البطولة.

عصام الحاج وان كان (صوريا) يبدو شجاعا ...كان احرى به ان يقول ان بعض اعضاء مجلس المريخ الحالي (قاعدين ساكت) ..هم كذلك (خيط في ابرة) ما بعملوه ...بدلا من الاتجاه لتقليص عدد العمال البسطاء ...والاستخاف بهم.

ماذا بربكم يفعل متوكل احمد علي في مجلس المريخ ؟...بل ماذا يفعل عصام الحاج نفسه ...هل يظن عصام الحاج ان المكر والدهاء والعبقرية تتمثل في تسجيل هيثم مصطفى في المريخ بعد ان استقال جمال؟ ..واراد عصام الحاج الاستثمار من خلال (مهرجانات) وهمية من اجل حصاد المال وسداد فاتورة الكهرباء والموية.

يعني هسع هيثم مصطفى دا لو ما اتسجل في المريخ ...كان ناس عصام الحاج ديل هسع باعوا (شرائحهم).

الله شافكم بس.

الناس الما بدخلوا الخيط في الابرة خليهم ...وارغو دا قاعد 5 سنوات في المريخ وبصرف 10 الف دولار في شهر ...جمال الوالي ما قال ليه حاجة.

انت هسع يا عصام الحاج ..لاحق الناس في (الابرة والخيط).

دي تلتلت شنو؟.

بتعاين للناس في الابرة والخيط.

دي فقارة ساكت والله.

قلت ليكم قبل كدا امشوا (الدهب)..قعدتوا تغالطوا يا عصام الحاج ..عملتها لي كلها (فضائيات).

يوم في الشروق ...ويوم في النيل الازرق ...تقول (هايس).

المحيرني مع (فصاحة) عصام الحاج الذي وجد مجلس المريخ (خلا) ..كل ما يحتاج لي حاجة بجري على جمال الوالي.

الكهربة قطعت من النادي ..جمال الوالي ساهم في اعادة الكهرباء ..رغم من ان عصام الحاج كان قد ظهر في التلفزيون القومي ..يتبجح وينظر ...ويقول ان المجلس شارك مع جمال الوالي (المستقيل) في سداد فاتورة الكهرباء.

عصام الحاج اعتبر سداد فاتورة الكهرباء (انجاز) ليهم.

انتوا قاعدين في النادي ...وماسكين الفريق ...مع ذلك عاوزين جمال الوالي (المستقيل) يدفع.

يدفع فوق رقبتو.

طيب لو فيها (دفع)...مستقيل في الاساس ليه؟.

عصام الحاج دا زي الزول البصلح الفطور ..وما بقطع البصلة ..وما بدفع.

بكتفى بهذا القدر.

زمان في الجامعة عندنا زول بساهم معانا بتصليح الفطور.

كل الذي يفعله عصام الحاج ومتوكل احمد علي هو ان يصرحوا في (الفضائيات)...جزاءهم الله كل خير.

ما خليتوا للجنيد حاجة.

فاضل يا عصام ومتوكل تشيلوا ليكم (طبلة).

مليتوا البلد كلها (تصريحات).

تصريحاتكم دي لو قلبتوها (قطن) ...كنتوا غنيتوا غنا.

الشيء العجيب ان معسكر المريخ في (سوسة) ...انهار (ماديا) ..ناس بلة جابر واكرم الهادي سليم قالوا اتقطعوا عديل كدا في تونس.

عصام الحاج طوالي جرى على جمال الوالي (المستقيل) عشان يساهم في المعسكر.

انت يا جمال الوالي وقت بتدفع كدا ...(مستقيل) مالك؟.

والله صلاح ادريس لو دفع متلك كدا وهو مستقيل ...كان البلزنا ما يرمينا.

جمال الوالي دفع 5 الف دولار ...عشان ينقذ معسكر (سوسة).

المعسكر دا بعد كدا يا عصام الحاج إلا تموه (سندوتشات).

طعمية ساكت ..بيرقر ما في.

قالوا ليك عصام الحاج ....اصدر قرار من الخرطوم قضي به ان تقدم (وجبة واحدة) في اليوم في المعسكر.

بعد كدا أي لاعب يتصرف بي طريقتو.

قالوا ليك اللاعب الوحيد العندو (شريحة) في المعسكر هو هيثم مصطفى.

ناس فيصل العجب ..واحمد الباشا ..وقت يكونوا عاوزين يضربوا السودان بمشوا يضربوا من تلفون ثابت.

هيثم مصطفى طبعا (البهدلة) دي ما بقدر عليها ..زول كان قائد الهلال ..شن جابرو على بهدلة ناس (ضفر) ديل.

ضفر طبعا ما فارقة معاه.

والله حالة ناس المريخ بقت صعبة.

بقوا ناس (نفرات) عديل كدا.

اخر نفرة قرأت عنها ...كانت على هذا النحو : (حققت نفرة مريخاب البنوك وشركات التأمين نجاحا كبيرا بحضور الأمين العام عصام الحاج الذى سجل إشادة كبيرة بالفكرة والعائد المادى الذى بلغ 21 ألف جنيه شهريا إلتزم بها المجتمعين لصالح شركة وارد والتى سيتم تحصيلها فى شكل مساهمات شهرية).

دا اخبار المريخاب ...ولا بخجلوا منها.

بتكلموا بيها عديل كدا.

يا جماعة بالواضح كدا ..ناس المريخ ديل بقوا زي (السيول والفيضانات).

نفراتهم وصلت (البنوك).

الغريبة جمال الوالي بساهم معاهم ..طيب لو جمال الوالي رفع ايدو بشكل نهائي ناس عصام الحاج ديل بعملوا شنو؟.

غايتو يا الباشا ...لو عندك قروش ..اعمل ليك (امجاد) شغلها في خط الثورات ..وانت يا موسي الزومة شوف ليك (ركشة) شغلها وطلع مصاريفك ...اما بلة جابر ..فهو ما عندو خيار غير يشوف ليه (مطعم).

ملحوظة : كمان وقت ترجعوا السودان (غاز) ما بتلقوه ...الله شوف ليك شوال فحم يا عصام الحاج.

هوامش

مهرجان الهلال يوم الثلاثاء ...رغم من انني ليس مع حكاية (المهرجانات) دي.

انتوا يا الامين البرير عندكم (فاتورة) كهرباء عاوزين تسددوها.

طيب ليه عاملين مهرجان؟.

نحن اوضاعنا مية المية.

ما كان في داعي للمهرجانات.

الامين البرير طلع كأس الدهب.

انت يا البرير مالك عاوز الناس تقلب على الهلال ..وتخلي ابوحمد وقبقبة.

والله الجماعة ديل يشوفوا كأس الدهب دا ..يخلوا (التنقيب) في الشمالية ..ويجوا يصاقروك في نادي الهلال.

الدهب دا برجع الاعتصام تاني.

كمان نحن بنلعب.

الحمدلله نحن عندنا (دهب) انتوا عندكم شنو؟.

الحاجة الوحيدة التى يحتفظ بها المريخاب ..صورة للمريخ وهو في القصر الجمهوري.

نحن عندنا كأس عديل كدا.

نعمل ليكم شنو اكتر من كدا؟.

اقول ليكم حاجة ...(ما تطلع من العمود دا)...يوسف محمد لو شاف كأس الدهب ..لو ما صرفوا جرام ...جرام ..ما بطلع من الهلال.

انتوا مالكم عاوزين ترجعوا لينا يوسف محمد.

يوسف دا لو شاف الكأس ما برجع بلدو.

هو يوسف براهو ...والله امبيلي وكابوندي وامولادي ...كلهم يرجعوا ويقولوا عاوزين حقهم.

يوسف شنو؟.

الحكومة ذاتها الايامات دي حالتها صعبة ...بقوموا يقولوا ليك يا الامين البرير سلفنا (الكأس) دا.

كمان ناس الحكومة بيلعبوا.

وإلا كمان يقوموا يتشطروا علينا ..ويقولوا عاوزين نعمل مباراة بين هاشم ملاح وامين حسن عمر.

الزول البفوز يشيل كأس الذهب.

يا البرير الكأس دا طلعوا برة السودان.

ختوا في بنك في سويسرا...البلد دي ما مضمونة.

والله ديل (الدبلة) يشاركوك فيها ...عاوزين يخلوا لينا الكأس.

هسع يقوموا يعملوا ليهم (نفرة) دهب.

واحتمال يعملوا حالة الطواريء ..ويعلنوا الجهاد ضد دولة جنوب السودان ..يقولوا أي زول عندو (دهبة) يطلعها.

الناس ديل كأسنا دي ما بريحونا فيه.

هسع تلقى ناس عصام الحاج فكروا فيه.

عشان كدا ..اعمل حسابك يا البرير.

الحمدلله صلاح ادريس ما رهن الكأس دا.

دا دهب عديل كدا.

كمان نحن بنلعب.

مشكلة ايكانغا وبكري المدينة ..نتمنى من مجلس ادارة نادي الهلال ان يحلها بصورة سلمية وودية.

واظن ان عودة بكري وايكانغا من اثيوبيا ...عقوبة كافية.

يعني نحن في بدايات الموسم ..وما عاوزين نفقد بكري المدينة وايكانغا.

وخليك متذكر يا الامين البرير ان كشف الهلال ناقص اصلا سيدي بيه ودومنيك.

يعني ما في داعي تفقدوا بكري المدينة وايكانغا كمان.

حلوا المشكلة بالعقل.

لا سيما ونحن في بدايات الموسم ...والهلال محتاج للاستقرار.

ناس المريخ ..قالوا يمكن يخلوا سعيد السعودي في (سوسة).

الجمهور هنا قال ما عاوز سعيد.

زول بطلع الكورة من القون ..ما يطلع هيثم مصطفى من شعورو.

يكون صدق نفسو (كابتن).

الشغيل الايامات دي قرب يختم.

خلاص ح يجيكم معدل.

عاجل : العمال ذنبهم شنو يا عصام الحاج؟.

انقر هنا لقراءة الخبر من مصدره.