سودارس : لو دي تسجيلاتكم ..احسن تتابعوا مسلسل (فاطمة) ساكت

رئيس لجنة المنتخبات عطا المنان يتفقد البعثة ويتحدث للجهازين الإداري والفني الهلال يختتم تحضيراته بمران خفيف استعدادًا لمواجهة "روتسيرو" غدًا لاستعادة الصدارة لاعبو الدوريات الخارجية يتوافدون لجدة ويكتمل عقدهم فجراً ارتفاع أسعار الذهب في السودان لواء ركن (م) د. يونس محمود محمد يكتب: جرد الحساب في إحالة العميد طبيب طارق كجاب لأول مرة.. حكم يحمل إنستغرام ويوتيوب المسؤولية عن إدمان وسائل التواصل النفط يصعد والذهب يستقر مع تقييم احتمالات وقف الحرب "ChatGPT" تتيح مقارنة المنتجات بدل الشراء المباشر ترتيبات بالشمالية لتنفيذ مشروع المبادرات المجتمعية المشتركة ترتيبات لقيام مجمع تشخيصي متكامل لتوطين الخدمات الصحية بشرق الجزيرة تقرير أمريكي يكشف استهداف مباشر لمستشفى الضعين في عيد الفطر مقربون من محمد صلاح يرجحون وجهته القادمة.. إيطاليا أو أميركا؟ الزمالك يؤجل ملف تجديد عقد حسام عبد المجيد موقف زيزو من الرحيل عن الأهلى فى الصيف المقبل أحمد العوضي : بشكر جمهوري إنه عمره ما خذلني وصاحب الفضل فى نجاحي شيماء سيف تنشر فيديو طريف مع زوجها محمد كارتر على إنستجرام طارق الدسوقي: اشترطت الإطلاع على السيناريو للموافقة على دوري في علي كلاي دراسة تكشف ترابطا بين أمراض معدية وخطر الإصابة بالخرف 10 أطعمة يجب تناولها لعلاج نقص البوتاسيوم 10 ثوانٍ فقط للمستبدل .. فيفا يعلن تطبيق حزمة تعديلات تحكيمية في المونديال وزير الخارجية ووالي الخرطوم يفتتحان مقر وزارة الخارجية بشارع عبدالله الطيب بالخرطوم ايذانا بعودة كامل الوزارة لممارسة عملها من العاصمة الخرطوم السودان ومصر يوقعان بروتوكول مشترك لمكافحة بعوضة الجامبيا شاهد بالصور.. السلطانة هدى عربي تخطف الأضواء بإطلالة مبهرة من حفلها الأخير بالرياض أمجد فريد الطيب يكتب: حياة تجلت في وضوح المبادئ: وداعا فينك هايسوم الخليج الضحية الكبرى: إيران وجهت 83% من هجماتها إليه… و17% فقط إلى إسرائيل عثمان ميرغني يكتب: حرب السودان ومخطط شد الأطراف شاهد بالصورة.. فاتنة الإعلام السوداني تخطف الأضواء بأحدث إطلالة لها والجمهور يطيل الغزل في جمالها: (يا دووب كدة عيدنا) نصائح لوقاية مرضى حساسية الصدر من التقلبات الجوية والرياح شاهد بالصورة والفيديو.. في تقليعة جديدة.. شباب سودانيون يلطخون صديقهم العريس ووزيره ب"ظهر الصابون" و"البودرة" مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ضبط 2800 قندول بنقو بالجزيرة في عملية نوعية لمكافحة التهريب 4 وجهات محتملة لصلاح بعد قرار رحيله عن ليفربول ترامب يصدر أوامره ويكشف تطورات مثيرة مع إيران طهران ترد على تهديدات ترمب هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية توقّعات بارتفاع غير مسبوق في أسعار النفط ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر إبراهيم شقلاوي يكتب: الزراعة ما بعد اقتصاد الحرب في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

لو دي تسجيلاتكم ..احسن تتابعوا مسلسل (فاطمة) ساكت

قوون نشر في قوون يوم 17 - 12 - 2012

ما عارف ...الاتغير شنو في الدنيا دي؟ ...اي حاجة مسكها ليك (تقشف) رئوي.

تقشف (فجأة) كدا.

التقشف ..ظهر ليك في ناس المريخ ..بشكل واضح ...المريخاب الايامات دي كلهم شغالين ب (المسكول).

الواحد لو ضرب ليك ..بقول ليك جملة واحدة : (اسمع ارجع لي في الرقم دا).

ويقطع الاتصال.

الكلام دا ..قالوا كدا ...(من باب الخيال السينمائي) قالوا الامين العام لمجلس ادارة نادي المريخ لاحد اللاعبون المنضمون حديثا للمريخ.

شفتوا لو جاتك رسالة بتقول (صاحب هذه الرقم يرجو الاتصال به) ..اعرف طوالي ان الرسالة دي من مريخابي.

الفلس ظاهر في مسكولاتهم.

يا حليل زمن جمال الوالي ...الواحد كان بشغل اف ام 104 ..وبفتح خط التلفون.

زمان المريخاب ...كانوا في كل تسجيلات ..بفلقونا ليك بي حاجة كدا زي وارغو او الحضري.

او متل لاعب مازمبي الكنغولي (مبينزا)..جابوه شالوه في الخرطوم ..واتصوروا معاه ناس ابوجريشة وصديق علي صالح ..ورجعوه اهلو.

تقول نحن ناقصين (صور).

مبينزا دا زي (الصيوان)...تجيبو ..وترجعو.

انتوا وين الزول دا؟.

المريخاب زمان مع جمال الوالي كانوا (متجدعين) في الدنيا دي ...(تسجيلاتهم) كانت صور ساكت..ودراريب.

ناس ابوجريشة ..وصديق على صالح وابراهومة ..شبعوا في (الصور).

هسع ابراهومة ..انسحب من الموضوع دا.

الموضوع بقى زي فطور الداخليات فيه (شيلن).

وابراهومة ما بحب الحاجات دي.

ابراهومة ..ما بتصور مع لاعب بورندي ..(والله اسمو ما عارفو).

مع عصام الحاج ...المريخاب ...اللاعب بقوا يدخلوا كشوفات المريخ ..بعد ما يقعدوه مع جمال الوالي ويوعدوه (وعد) ساكت ..ويجبوه الاتحاد.

يشبعوه كلام ..ونظريات ...ومثل وقيم.

جمال الوالي استقال طبعا ..لكن برضو ما بقصر مع المريخ ..اللاعب العاوز يسجلو المريخ بقعد ليكم معاه.

نكاية كدا في عصام الحاج.

طبعا أي لاعب بقعد مع جمال الوالي (مغمض) بيلعب في المريخ.

ثقة ساكت بيلعب.

عصام الحاج ..(مفتح)..بجيب اللاعب (يقعد) مع جمال الوالي ..ويلبد ليه في شارع عبيد ختم..اول ما يطلع من حي الصفا ..عصام الحاج بسوق اللاعب وجري على الاتحاد العام.

اللاعب بكون منتشي بالكلام.

بعدين ..بيني وبينكم (والكلام دا ما يطلع من العمود دا)...انا من شفت ليك اجتماعات مجلس المريخ كترت ..عرفت ليك طوالي انو الناس ديل (فلسو).

اصلو الاجتماعات في السودان مربوطة بالفلس.

الجماعة من يقعدوا ينظروا ..وكلامهم يكتر ..واللاعب يقولوا ليك ما اجتاز (الكشف الطبي) اعرف طوالي انو في (فلس) حاصل في (البنكرياس).

البنكرياس ..هسع ذنبو شنو؟.

والله في البرد دا ما عندو أي ذنب.

لكن مع دا ..والله اخير ناس المريخ...ناس الهلال بقوا (الشطب) يعملوا ليه (شيلن).

قروش الشطب ..يلقطوها ..لقيط ..تقول نحن في موسم الفيضانات والسيول والامطار.

ناس الهلال جابوا ليهم عضو جديد اسمو (العسقلاني)..زي الزول البيجب ليك نتيجة الفحص.

الزول دا مفروض تصرفوا معاه (بندول).

وإلا توزعوا ليكم معاه (قفة ليمون).

زولكم دا لي هسع شغال بي نظام (اركان النقاش).

انت يا العسقلاني ..قايل الناس لسه واقفين في حتة التخرج من الجامعة.

الهلالاب ديل مشوا ..مشي صاح.

يعني ما تقعد تنظر لينا ساكت.

زول فرحان ..اول ما دخل مجلس الهلال قال انا عاوز اطبق نظام ريال مدريد في الهلال.

والله دي صلاح ادريس ما سبقك عليها يا العسقلاني.

تذكروا صلاح ادريس وقت قال ح اجيب طيارات تأخذ الخرط لاستاد الهلال من فوق.

ونحن صدقنا.

اخر حاجة اكتشفنا ان صلاح ادريس عاوز يبيع الاستاد ويعمل لينا استاد في (صالحة).

يعني لو كنت ماشي تمرين للهلال ..إلا تتحرك قبل تلاتة يوم.

استاد جوار المطار الجديد ..لو ماشي تشاهد فيه مباراة ..إلا تشيل ليك (شنطة) فيها 4 غيارات.

وتشيل كمان (فرشة اسنان).

الزول البكون ناوي يبيت ..بجي شايل معاه (فرشة اسنان) في جيب البنطلون الخلفي.

الحاجات دي نحن عارفنها ..وشاربنها شراب.

عملناها ..ونحن طلبة.

يعني باختصار كدا ..يا (العسقلاني) ما تقعد تشطح لينا في الفاضي.

هسع جمال الوالي دا ..موش ليه 10 سنوات في المريخ ..حصل الوالي دا بالغلط كدا ساكت قال عاوز يطبق نظام ريال مدريد في المريخ.

لكن عشان اكون امين في الحتة دي ..جمال الوالي اتصور مع رئيس نادي برشلونة.

والاعلام السالب ..دور لينا في (الصورة) دي.

فرحة شديدة.

شفتوا المحن ال (نحن) فيها دي.

صاحبكم (العسقلاني)..فرحان وما مصدق.

تقول رمضان مبروك ابوالعلمين حمودة.

يا اخوى قالوا ليك نحن ناقصين.

ما تكمل لينا (فتميناتنا) في النقة.

المواضيع دي نحن كبرنا عليها ..وبقى ذاتو ما عندنا ليها صبر.

يا ناس الحكومة انتوا الناس ديل بتعملوا ليهم دورة (رماية) في الهلال.

الناس ديل بتجيبوهم من وين؟.

معقولة ..تفرتكوا لينا الهلال كدا.

عاوزين تلحقوا لينا الهلال ..مشروع (الجزيرة).

أي حاجة في البلد دي كويسة وجميلة ..فتفتوها.

السكة الحديد ...والتعليم ..ومشروع الجزيرة.

بس فاضل ليهم الهلال ونهر النيل.

الناس في البلد دي بتضحك عشان الهلال.

لا عندكم سكر ..ولا في زراعة ..ولا نفط.

ما في أي امل.

صحة مدهورة ..وتعليم متراجع ..واسعار مولعة نار.

مواصلات مافي ..وفرص عمل غير موجودة للخريجين.

ما عندنا غير الهلال.

ما تهبشوا لينا (هلالنا) دا.

يا هو ..هو الحاجة الوحيدة الفاضلة لينا.

الهلال فيه نسيج وطني نادر ..وحس قومي كبير ..ولمة ..وفرحة ..وتكافل.

خلوه لينا.

ما تدخلوا لينا فيه السياسة ..وقسمة الثروة والسلطة.

الهلال ما عاوزنو يكون ضمن حساباتكم التجارية ..واستثماراتكم الخاصة.

ابعدوا لينا (الهلال) من علاقاتكم دا.

ماسكين المريخ عشرين سنة ..عملتوا شنو يعني.

خلاص هسع عاوزين تقبلوا على الهلال.

عليكم الله تعالوا شوفوا محنا.

في الهلال هاشم ملاح ..قائد المحاولة التخريبية الاخيرة وحامل خطاب شطب هيثم مصطفى للاتحاد العام.

هاشم ملاح دا ممكن في الكورة الطائرة ..يصرح ليك كويس.

كورة السلة ..ممكن يصرح ليك.

في قطاع الناشئين ممكن يصرح.

لكن تجيبوه مرة واحدة كدا ..الامين العام لنادي الهلال.

دي بتكتل ليها زول عديل كدا.

الحكاية دي زي الزول البركب ليه (حافلة) غلط.

مع قيام الحافلة ..الزول (الموكر) دا بكتشف ان الحافلة الراكب فيها دي ..ما هي الحافلة القاصدها.

قاصد شنو انت؟.

قاصد حاجة تانية خالص.

والله انا من دمجوا لينا فاتورة الكهرباء مع الموية ..عرفت ليكم ناس

هاشم ملاح ديل بلخبطوا في التسجيلات.

الموضوع دا ما بقدروا يستعبوه.

الحكاية دي كبيرة عليهم.

كمان اخرتها كدا ..جايبين لينا زول اسمو (العسقلاني) في ادارة نادي الهلال.

عشان الناقصة تتم.

غايتو الجماعة ديل بعملوا في الهلال عمائل.

أي واحد رايح ليه الدرب ..يبجيبوا لينا في الهلال.

أي زول عاوزين يتخلصوا منو بمسكوه الهلال.

الهلال ..خلى هسع ...الهلال الله بحميه ان شاءالله.

ما بتجينا أي عوجة.

شوفتوا البعمل فيه عصام الحاج في المريخ.

بلة جابر اعاد توقيعه في المريخ ب (100) الف جنيه.

زمان ..زمن جمال الوالي ...كان بلة جابر في (12) عكسة ساكت ..ممكن يشيل القروش دي.

شوفتوا الفرق بين الوالي وعصام الحاج.

لكن زي ما قلت ليكم كدا ...الامور ملخبطة في الهلال ..وملخبطة في المريخ.

الاوضاع في القمة (ضاربة).

عشان كدا ..وطالما دي تسجيلاتكم يا ناس القمة ..احسن ليكم ..تتابعوا

مسلسل (فاطمة) التركي ساكت.

تابعوا مسلسل فاطمة ..احسن ليكم من وجع القلب دا.

والله مع الحالة دي ...كلكم ..تجيكم سكتة قلبية.

احسن ركزوا في المسلسل.

المسلسل سخن ..وولع نار.

امس المحكمة دورت ليكم ..الناس كلها وضعت يدها في رأسها.

الاتراك ديل اخير ليكم من (البلغار) الفكاهم فينا الامين البرير.

غايتو يا البرير ..(البلغار) ديل ..إلا تشغلهم في (الولاية) ضمن المشاريع التجارية في الخرطوم.

شغلهم في حديقة القرشي ..تابعة للولاية!!.

غير كدا ..ما فيهم رجا.

قالوا شنو؟.

قالوا فيهم واحد زي (ميسي).

دي الاعلام السالب ما سبقكم عليها.

مسي مرة واحدة كدا.

اقول ليكم حاجة ..قبل الاسترسال في هذا الموضوع ...احسن ليكم تابعوا مسلسل (فاطمة).

فكونا ..من الجوطة دي.

ملحوظة : مسلسل فاطمة احسن ليكم من طيور الجنة.

هوامش

تحركات مريخية قوية نحو هيثم مصطفى حفظه الله ورعاه وعلاءالدين يوسف.

من الافضل ان يتدخل صلاح ادريس ويحول علاءالدين يوسف الي الاهلي شندي.

احسن لينا من نشوفو مع المريخ.

يا صلاح ادريس ..ألحق فييرا.

الزول دا في المريخ بضيّع.

الوزير الاتحادي ..والوزير الولائي ..بجتمعوا مع جمال الوالي في بيته من اجل ان يسحب استقالته.

تصوروا.

والاجتماع يستمر اكثر من 3 ساعات.

ويتصوروا كمان.

بدلا من ان يذهب جمال الوالي للسادة الوزراء ...الوزراء هم الذين يذهبون لجمال الوالي في بيته.

شفتوا فرق التعامل كيف؟.

الهلال يولع ..يعتصموا الجماهير ..يحاول مشجع الانتحار ..وما في زول شغال بيهم.

في المريخ ...السادة الوزراء بحنسوا في السيد جمال الوالي.

الهلال دا يا ربي فريق اجنبي.

الله بس يكون في عون الهلال.

الله موجود.

جمال الوالي رفض ...الرجوع.

يعني تاني يا ناس المريخ مدوا كراعكم قدر (عصام الحاج).

عصام الحضري لو سمع الكلام دا بشوف ناس (الجونة).

غايتو عصام الحضري ..واضح ..الاهلي فريقو الاصلو ما استحملو.

يستحملوا ليكم المريخ.

ما عاوزين أي فصاحة.

ما تقعدوا تملونا فقر ساكت.

يا مريخاب ..جمال فات.

مسلسل (فاطمة) ما تفوتكم.

اخير ليكم في المضمون.

مالكم ومال (تحويل الرصيد).

الليلة يوم 17 ..وهو اخر يوم يمكن ان يسحب فيه جمال الوالي استقالته.

والظاهر كدا ..جمال الوالي المرة دي مصر على موضوع الاستقالة.

فشلت كل (التحانيس).

اها يا عصام الحاج ...الموضوع بقى عليك.

يلا ..انستروا.

كونوا قدر كلامكم.

الهلال في هذه التسجيلات ..ركز في الدفاع واهمل الاطراف.

لا سيما وان الهلال استغني من معتز رابح ..ولم يجدد ليوسف محمد ..وسوف ينهي التعاقد مع فلانتاين.

مع ذلك ..الي الان تصوروا الهلال لم يسجل (طرف).

قلت ليكم ..احسن تمشوا للمسلسل التركي (فاطمة).

قعدتوا تغالطوا فينا.

الموضوع دا بكون صعب عليكم.

نحن بقينا ناس مسلسل ساكت.

عاجل : يا جمال الوالي ..نحن الهلال ما بنجيبك ...لكن لو فكرت ترجع للمجال الرياضي ..(اهلي شندي) برحب بيك في أي وقت!!.

انقر هنا لقراءة الخبر من مصدره.