سودارس : عرض الثامنة مساء ..(شوربة الهدف الرابع)

السودان وتركيا يبحثان شراكة استراتيجية لإعادة بناء البنية التحتية وقطاع النقل والي النيل الأبيض يتفقد طريق كوستي–الزليط–النعيم الزراعي ويؤكد اكتماله قبل الخريف نائب مدير جهاز المخابرات العامة يبدأ زيارة للشمالية تعرف على سعر الأسمنت اليوم الاثنين 2 -2 -2026 فى مصر أجمل خماسية هلالية في شباك كوبر البحراوية الجيش في السودان يقترب من إنهاء الحصار المشدّد نادي الأعمال الحرة يدعم صفوفه بالخماسي نادي توتيل يؤدي التمرين الختامي استعدادا لانطلاقة الدورة الثانية وزير الداخلية يدشن إنطلاقة العمل بمبانى معتمدية اللاجئين ريال مدريد يصعق رايو بركلة جزاء في الدقيقة 100 ويخسر بيلينغهام وفيني بعثة الهلال تتوجه إلى الجزائر غدا لمواجهة مولودية شاهد بالفيديو.. بالثوب السوداني الأنيق.. عارضة أزياء مصرية ترقص مع شاب سوداني وتؤكد على قوة العلاقة بين البلدين بأغنية: (الما بحبونا زالبكرهونا يموتوا زعلانين) هل يسرع وضع الطيران شحن هاتفك الذكي؟ داليا البحيرى بعد عمليتها الأخيرة: ممتنة جدا لكل كلمة طبطبة وكل دعم عدوي : الجالية السودانية تحظى برعاية خاصة في مصر مطار الخرطوم الدولي يستقبل اول رحلة داخلية بعد التحرير عبر الناقل الوطني سودانير شاهد بالصورة والفيديو.. مطرب سوداني يثير ضجة إسفيرية واسعة ويعرض نفسه لسخرية الجمهور بعد ظهوره في "كليب" بزي الفراعنة القدماء وساخرون: (فرعون كان عنده بودي قادر؟) شاهد.. فيديو يظهر فيه ناشط الدعم السريع أحمد كسلا يرقص ويحتفل بمقتل القائد الميداني البارز بالمليشيا "علي يعقوب" على أنغام الأغنيات الأثيوبية شاهد بالصورة والفيديو.. بعد مكالمة هاتفية جمعت والده بنائب رئيس النادي.. الهلال يجدد عقد "دينمو" خط الوسط حتى 2029 وسط احتفال زملائه سعر الدولار مقابل الجنيه خلال منتصف التعاملات ترامب يرحب بالاستثمارات الصينية والهندية فى قطاع النفط الفنزويلى 6 طرق صحية لتناول المكسرات وتقليل خطر أمراض القلب برشلونة يعلن تعاقده مع حمزة عبد الكريم خلال ساعات أين وضعت مفاتيحي؟ طرق سهلة لتجنّب نسيان أغراضك موسوعة إيلون ماسك تضلل "تشات جي بي تي" التنظيف الاحترافى المنتظم للأسنان.. 5 فوائد لا تتوقعها السودان.. استهداف قافلة تجارية بمسيّرة ومقتل 4 أشخاص الهلال يهزم صن داونز وينفرد بالصدارة ويضع قدما في دور الثمانية استقرار سعر الذهب في مصر اليوم السبت 31 يناير 2026 المقال الأخير ... السودان شجرة "البامبو" مصر.. القبض على أصحاب تريند "صلي على النبي" نشر صور نادرة للعروس مع والدها الراحل.. شقيق الفنان محمود عبد العزيز يهنئ "حنين" بزواجها من المطرب مأمون سوار الدهب بتدوينة مؤثرة (يا محمود اليوم ده كان حقك تكون واقف تدمع وتضحك في نفس اللحظة) تحويلات المغتربين الأفارقة.. شريان اقتصادي لحاضر الدولة ومستقبلها ارتفاع اسعار الذرة والسمسم بسوق القضارف المالية تعلن ضوابط وترتيبات إنفاذ موازنة العام 2026م ترامب يحذر إيران: الوقت ينفد والهجوم القادم سيكون أشد مباحث الخرطوم تعلن توجيه ضربة موجعة لمافيا السيارات..إليكم التفاصيل البروفيسور ايهاب السر محمدالياس يكتب: مكافحة القوارض .. النظر خارج الصندوق شرطة مكافحة المخدرات بتندلتي تضبط شخصاً بحوزته 250 قندول حشيش إحباط محاولة تهريب ذخيرة في السودان تلفزيون السودان يستأنف البث المباشر من مقرّه الرئيسي الشرطة في الخرطوم تداهم منزل أحد قادة الميليشيا المُبدع الذي جَعلَ الرؤيَة بالأُذن مُمكِنة الشرطة في الخرطوم تداهم منزل أحد قادة الميليشيا شرطة الأزهري غرب تضع يدها على مقتنيات منهوبة وزير الصحة: التبغ عدو الحاضر والمستقبل و فاتورته الصحية تفوق عائداته الضريبية رشوة ب 12 ملياراً..إحباط محاولة كبرى في السودان هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر سباق اختراق الضاحية باكورة بطولات الاتحاد العربي لألعاب القوى شركة اتصالات في السودان تعلن عن توقف خدمات "مَا حَرَّمَ إِسْرَائِيلُ عَلَى نَفْسِهِ"! أحمد الشاكر: انا أعجز عن شكر جميع الإخوة الأشقاء في المملكة العربية السعودية ترامب للإيرانيين: واصلوا الاحتجاج.. المساعدة في الطريق إليكم «تحشير بالحبر».. وادعاء بالتلاعب في سند صرف ب 2.2 مليون درهم مستقبل اللغات في عالم متغير.. هل ستبقى العربية؟! السودان..حصيلة صادمة بمرض شهير في ولايتين إسحق أحمد فضل الله يكتب: (حديث نفس...) "كرتي والكلاب".. ومأساة شعب!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

عرض الثامنة مساء ..(شوربة الهدف الرابع)

قوون نشر في قوون يوم 28 - 02 - 2013

أمس قعدنا قدام التلفزيون زي ناس الأراضي نقلّم في التسالي ...(وناس الأراضي والله ما عندهم أي ذنب في الحتة دي).

مالهم أحسن ناس.

إلا بالجد ناس الأراضي كلامهم كتير...الواحد عشان يمضي ليك في ورقة ..يحكي ليك مشاكل الدنيا كلها.

حيطة صالون ناس عيسى وقعت.

حيطة بتقع في (الشتاء)..دي أول مرة نسمع بيها...حيطة متسببة ساكت.

وتاج السر ود الكاتفلو ...اشترى ليه (بقرة)...وبقى كل خميس يمشي بيها على الخرطوم ...يتصور معاها ..ويرجع...(عندو فهم في الحتة دي).

ما تقعدوا تستغربوا لي كدا ...ساكت ...(جنكم استغراب).

وخليفة ود الشيخ ...طلق مرتو.

طلقها في شنو الراجل الشؤم دا؟.

والله قالوا خليفة ود الشيخ ..جاء راجع من الشغل ..وقال لي مرتو عملت (الفطير) القلت ليك أعمليها بالبطاطيس.

المرا ..قالت ليه ..عملتو بحيل يا سيد الرجال.

البنطلون غسلتي ..وكويتي.

قالت ليه ..غسلت وكويتي ...يا سيد الناس...أنت تأمر بس.

الحطب كسرتي..عاملة رقبتك الطويلة دي ..تقول قبل ما يلدوك دفعوك مقدم 6 شهور.

قالت ليه : كيف ما اكسرو...أنت عندك كلام بقع في الواطة يا الفنجري.

خليفة ود الشيخ قال ليها طيب سويتها شوربة (الديك) يا مرا.

لكن أنت يا خليفة ما جبت (الديك).

ضروري يعني أجيب (الديك)...أنا مية مرة قلت ليك ..الديك في (شوربتو) ما ضروري.

يعني كان ممكن تصرفي وتعملي لي شوربة ديك ...بي (موية فول)..في زول بقدر يقول لينا حاجة.

قالت ليه : لا.

في زول بقدر يسألنا.

قالت ليه : لا.

في زول عاوز مننا حاجة.

قالت ليه : لا.

قال ليها ..طيب وقت ما في زول بقدر يقول لينا حاجة ..وما في زول بقدر يسألنا ..وما في زول ...عاوز مننا حاجة ...مالك ما عملتي شوربة (الديك)...قوة رأس منك ..معاندة ...عدم احترام لي ....عدم تقدير ..أنت طالق.

المرا ..لقطت حاجاتها ..ومشت بيت أبوها...وبقت كل ما تشوف ليها (ديك) ...تقول والله خرابين البيوت في (الديوك) ..الله يلعنهم.

لكن ناس الأراضي برضو دي ما حتتهم.

دخلتهم ليكم هنا ساكت ..بدون مناسبة ..وبدون توافق ...أشبه بالزول الماشي الكلاكلة ..فجأة كدا لقى نفسو في حافلة المنشية.

عاوز ينزل لقى نفسو في بري.

والكمساري بطقطق ليه...يا أخوي أقيف ..أنا راكب غلط.

تركب غلط ..أنت بتحل ليك في كلمات متقاطعة.

في ناس الواحد من يركب ليه في حافلة ...بدنقر ليه في جريدة ..وما برفع رأسو...لا عاوز يشوف زول ..لا عاوز زول يشوفو.

عشان كدا بعمل فيها بقرأ.

تقرأ السم الينفخك.

في نسوان دعايات خلاص ..لو لقيت ولدها في التلاجة ..تقشطو ليك بي (قلاب) دعاوي.

لو لقيتو في الماسورة ..تطقوا ليك بي (جرار) دعاوي.

الولد مسكين ..محل ما يرفع رأسو ..بداعي ليك.

تقول ود ضرتها.

لكن موضوع الزول الماشي الكلاكلة وراكب ليه في حافلة المنشية ما كملت لينا قصتو.

عليكم الله انتوا من عرفتوني ..متين أنا بديت ليكم قصة في العمود دا ..وكملتها ليكم.

تكملوها براكم...أنا ما عندي معاكم أي قضية.

دي يحلوها كيف؟.

يا الله (مطرة).

مرات الحكاية وقت تصعب ..ما بتحلها إلا (مطرة).

المهم قعدنا نحضر في الكورة (النسور والمريخ) ..في زول طالبنا حاجة.

كمان القعاد دا عاوزين تنظروا لينا فيه...قلنا نشوف (مونزا) الزامبي..(يغيب 10 دقائق ويظهر دقيقة).

كل 15 دقيقة ..أشوف لي (شعر) بجي قاطع كدا ..وبفوت.

أنا أول مرة ...قلت يمكن دا (الارسال)...فيه هزة شوية في الصورة.

قلت انتوا الكوكي دا جنّ ولاّ شنو؟.

الكوكي دا الليلة مالو ملعب (موسى الزومة) مهاجم.

وموسى الزومة ذاتو مالو بعمل في نفسو كدا؟.

غيّر فانيلتو ..افتكرتو بدل رقم الفانلة من (3) إلى (17)

لكن معقولة ..الزول أبو شعر دا ..هو (موسى الزومة).

غايتو كورتو اتصلحت شوية ...أخير من بله جابر.

بله جابر دا جابوه قاعد في الكنبة ...في الكنبة قعادو اشتر.

كمان بضحك.

أول مرة أشوف لي (باك) بضحك.

حليل زمن الباكات ..الواحد فيهم ..لو جاء مناسبة بمشي يرفع ليه (كورنر).

الباكات زمان كانوا صعبين.

الفول كانوا ما بكسروه بي (قزازة).

الفول بكسروه برة الخط ..بفرموه فرم.

تعال هسع شوف باكات الزمن دا...الواحد فيهم لو قلت ليه أنت بتلعب (باك) ما برضى ...تقول قلت ليه ألعن أبوك.

الباك في الزمن دا ...(ناس بله جابر)..بدخلوا الملعب بي مناديل الورق.

وكل 5 دقائق ..الباك بجي يشرب موية صحة ويرجع.

زمان ما في كلام زي دا.

الباك ما بشرب إلا في عيد الفطر.

يا حليل زمان ..وسنين زمان.

لكن هسع دا ما موضوعنا.

الباكات والله أحسن ناس.

اتذكرت عمكم عثمان...كل يوم الصباح ...بجي يشيل ليه ربع كيلو لحمة (بقري) من الجزارة ويرجع.

كل يوم بشيل ربع الكيلو دا.

ما بزيدو.

يوماتي ..حافلة البلد بتجي تنزل ليها 17 زول قدام بيتو...وهو برضو ما بزيد ربع الكيلو دا.

والله لو انطبقت السماء في الأرض ..ما بزيد فوق ربع الكيلو.

يوم كدا ...عمكم عثمان ..جاء شال ليه نص كيلو ...الجزار استغرب وقال ليه؟..يا حاج الليلة عندكم شنو؟.

عمكم طوالي قال ليه : عندنا (سماية) والله.

لكن برضو دا ما موضوعنا.

ربع الكيلو فيه البركة.

إن شاءالله تجي مطرة بالمناسبة دي.

مطرة زي شفع العيد زي ما بقول عاطف خيري ..أو زي الطالب البجي بعد طابور الصباح ..يدخل المدرسة (يتلبد)...متل الزول المنتظر ليه نتيجة ترسيب دم.

أي زول يطلع من باب المعمل ...يرفع رأسو ..ويقعد يعاين ليه من فوق لي تحت. ...ما فهمنا أي حاجة ..كورة ملخبطة ...وجوطة فارغة ...زي كأنو كدا (مونزا) دا كورتو (ملقطة) لقيط.

كورة حبة.

يا جماعة عشان ما تتلخبطوا أنا بتكلم ليكم عن كورة النسور والمريخ.

وأحمد الحاج (تلفوناتو) كترت ..الظاهر زهج ..عاوز يمشي.

ومونزا لسع عندنا فوقو كلام.

والله لو ما الشعر ما كان عرفتو إن كان (محترف اجنبي) ولاّ وطنى ..جابوه رأساً من ميدان عقرب.

ما فيه أي حاجة مختلفة عن موسى غير (الشعر).

المباراة الماضية أمام الاتحاد مدني ...مونزا جاب ليه (هدفين)..زي تراوري.

نحن صدقنا ..وقلنا الولد (خطير)..اتاريهو طلع (فطير) ساكت.

زي الفطير الكلمتكم عنو في أول العمود.

شفتوا كيف ..؟...عشان تعرفو أنا ما بتكلم ساكت.

ما في حاجة ساكت.

نحن أي حاجة عندنا بي نظام.

عندنا واحد (مفلهم) في الحلة ..أي شيء بقعد ينظر ليك فيها زي وزير المالية.

الزول الفلهم دا ..عندهم حفلة.

نحن قلنا نساعدهم ..نرص معاهم (الكراسي).

جبنا الكراسي ..وقعدنا نرص...ثبتنا ليك.

قلنا ليه في شنو يا أبو الشباب ..قال لينا ....ما ترصو الكراسي لو ما الفنان جاء.

قلنا ليه يعني ننتظر الفنان لمن يجي ...من ثم نقعد نرص في الكراسي ...أنت فاكرنا ..نحن جينا هنا مع (الصيوان) دا.

بعدين الفلسفة شنو من الموضوع دا ..ليه ما نرص الكراسي إلا بعد أن يحضر الفنان.

قال لينا ..والله عندي نظرية جديدة ...عاوز اطلع من التقليدية النحن فيها دي...يعني بدل ما نرص الكراسي ننتظر الفنان.

نحن حسب فهمنا ..اقتنعنا بي كلامو ..قلنا الزول دا ما بتكلم ساكت ...خاصة انو ادخل لينا (التقليدية) في كلامو.

ونحن بالجد كدا ضعفين في الحتة دي.

نقطة ضعفنا الرئيسية (التقليدية) دي.

هسع فهمتوا حاجة.

طيب ما دي (التقليدية) البكلمكم عنها ذاتها.

ملحوظة : إن شاءالله التقليدية في ستين ..وقت تمسك في الشيء ..تخليها زي الوز المحمر.

هوامش

يا سلك ..خلى الكلام الكتير.

انتوا عندكم عقدة من أي حاجة (هلالية).

قلبتوا جمال الوالي ..وأبوالعائلة ..وشغالين هسع (بوهية) في هيثم مصطفى.

انتوا وقت ما مقتنعين بالعجب ..ما تشطبوه.

بدل تقعدوه كنبة كدا.

العجب بقى زي ود الجنيد.

قاعد يتفرج بس.

أخير ود الجنيد شايل ليه (طبلة).

لكن عشان تبقى عارف يا سلك ..جبت لي ولد ..قبل ما يتم (48) ساعة ..لقيتو قاعد في (الفيس بوك).

والشيء العجيب ..لقيت بنتك (اسلام) طالبة اضافة.

لكن ولدنا (عبدالماجد) رفض.

طلب الصداقة ولدنا رفضها.

شفت كيف؟.

عشان ما تقعد تتفاصح فينا ساكت.

وعشان اغيظك اكتر ...إن شاء الله تجي (مطرة).

أنا عارف المطرة بتجهجكم.

أمس هيثم مصطفى فاز بنجومية المباراة ..شيء جميل ورائع والله.

بس انتوا يا مريخاب كان وقت هيثم مصطفى دا يفوز بنجومية مباراة في الهلال..بتعترضوا على الحكاية دي.

شفتوا نحن روعة كيف؟.

وشفتوا الأيام بتحرج فيكم كيف؟.

ختتكم في حتة بائخة.

حتة صعبة.

بالمناسبة ..وبمناسبة (الحتات) دي..تعالوا شوفوا الليلة (تراوري) بعمل شنو؟.

الليلة إن شاءالله بنفرد بلقب الهداف.

مونزا خرج من التنافس من الأسبوع التاني.

وعشان أكون معاكم واضح ..تعالوا شوفوا الهدف الرابع.

الليلة نحن ناويين نعمل منو (شوربة) عديل كدا.

ما تتقلوا في الغداء ...عشان عرض الثامنة مساء اليوم في منتهى الروعة.

يا أحمد الحاج أصبر.

العمود ماشي عليك.

تتطيروا الفكرة من الرأس.

يا مهند ..طولت من الهوبة.

ورينا الليلة (تردد) جديد.

شنو عملتها لينا كلها (حلاقة).

حلوا مشاكل الحضري ..عشان أكرم بي مستواه دا ...(تلاجة موز) ما بحرسها.

دا شنو الحارس الشفقان دا.

حارسكم دا يوم 12 ...صومعة تدخل فيه.

أكرم بطلع ساكت من المرمى...تقول في داخلية.

الهدف الذي سجله مهاجم النسور في المريخ ..يؤكد أن تراوري سوف يسجل ثلاثية إن شاءالله.

أما النتيجة التى انتهت عليها المباراة ..فهي تأكد أن الكوكي إلى الآن عايش في إحساس الأهلي شندي.

يا الكوكي أنت بدرب المريخ (وصيف) الهلال.

أنت قايل (وصيف) دي حاجة شوية.

والله أنت ساكت ما عارف قيمة المريخ.

بعدين مالك بقيت المباراة كلها (صارى) وشك في يدك.

بقيت عصبي ..وزعلان ..وما رضيان.

الحاصل شنو؟.

يا أحمد الحاج ..شوية كدا.

جمهور الهلال اليوم مطالب بالحضور القوى والكبير.

مطالب بالمساندة القوية والكبيرة للهلال.

عشان في نظام استمتاع جديد.

تعالوا اتمتعوا.

عرض الثامنة مساء ما يفوتكم.

الريال غلب برشلونة.

برشلونة دي فيها (كوكي) برضو.

الظاهر كدا.

نتمنى أن نشاهد عبده جابر اليوم.

ونتمنى أن نشاهد أهداف مهند الطاهر.

أما أهداف تراوري ..فهي أكيدة.

يا ناس النيلين ..ما تعيدوا الهدف ..عشان التاني بجي.

ما عاوزين إعادة.

المباراة فيها أهداف كتيرة.

عاوزين ننفرد بالصدارة.

بالأهداف ..وفي لقب الهداف.

والوصيف ..وصيف في أي شيء.

عودة لي سلك.

يا سلك الموضوع أكبر من الفيس بوك.

يا سلك بتنا (إسلام) بقت تمسكل عديل كدا لي ولدنا عبدالماجد.

أنا كلمتك ..عشان ما تعمل لي فيها ما عارف.

خايف تكون الحكاية دي مخطط ليها سلك بي نفسو مع عصام الحاج.

انتوا وين الاسم دا.

بالمناسبة أمس مع صورة جمال الوالي الكبيرة في المدرجات ..في مشجع كان شايل صورة (بسبورت) صغيرة في جيبو لي عصام الحاج.

قولوا لي عرفتها كيف؟.

أقول ليكم لكن أحمد الحاج دا ما بصبر.

ولا بخلينا نكمل العمود.

عاجل : يا أحمد رسلت ليك العمود.

انقر هنا لقراءة الخبر من مصدره.