سودارس : تشربوا قهوة وإلا تشوفوا هدف اتوقووون

ياسر محجوب الحسين يكتب: الإعلام الأميركي وحماية الدعم السريع الفوارق الفنية وراء الخسارة بثلاثية جزائرية نادي القوز ابوحمد يعلن الانسحاب ويُشكّل لجنة قانونية لاسترداد الحقوق السعودية..فتح مركز لامتحانات الشهادة السودانية للعام 2025م كامل ادريس يلتقي نائب الأمين العام للأمم المتحدة بنيويورك شاهد بالفيديو.. شباب سودانيون ينقلون معهم عاداتهم في الأعراس إلى مصر.. عريس سوداني يقوم بجلد أصدقائه على أنغام أغنيات فنانة الحفل ميادة قمر الدين الجزائر تتفوق على السودان بثلاثية نظيفة شاهد بالصور.. أسطورة ريال مدريد يتابع مباراة المنتخبين السوداني والجزائري.. تعرف على الأسباب!! شاهد بالفيديو.. الطالب صاحب المقطع الضجة يقدم اعتذاره للشعب السوداني: (ما قمت به يحدث في الكثير من المدارس.. تجمعني علاقة صداقة بأستاذي ولم أقصد إهانته وإدارة المدرسة اتخذت القرار الصحيح بفصلي) وزير الداخلية التركي يكشف تفاصيل اختفاء طائرة رئيس أركان الجيش الليبي البرهان يزور تركيا بدعوة من أردوغان سر عن حياته كشفه لامين يامال.. لماذا يستيقظ ليلاً؟ "سر صحي" في حبات التمر لا يظهر سريعا.. تعرف عليه تقارير: الميليشيا تحشد مقاتلين في تخوم بلدتين شاهد بالصورة.. الناشط محمد "تروس" يعود لإثارة الجدل ويستعرض "لباسه" الذي ظهر به في الحفل الضجة شاهد بالصورة والفيديو.. المذيعة تسابيح خاطر تستعرض جمالها بالفستان الأحمر والجمهور يتغزل ويسخر: (أجمل جنجويدية) سيدة الأعمال رانيا الخضر تجبر بخاطر المعلم الذي تعرض للإهانة من طالبه وتقدم له "عُمرة" هدية شاملة التكاليف (امتناناً لدورك المشهود واعتذارا نيابة عنا جميعا) شاهد بالصورة والفيديو.. المذيعة تسابيح خاطر تستعرض جمالها بالفستان الأحمر والجمهور يتغزل ويسخر: (أجمل جنجويدية) والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة فيديو يثير الجدل في السودان إسحق أحمد فضل الله يكتب: كسلا 2 ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية شرطة ولاية نهر النيل تضبط كمية من المخدرات في عمليتين نوعيتين الكابلي ووردي.. نفس الزول!! حسين خوجلي يكتب: الكاميرا الجارحة احذر من الاستحمام بالماء البارد.. فقد يرفع ضغط الدم لديك فجأة في افتتاح منافسات كأس الأمم الإفريقية.. المغرب يدشّن مشواره بهدفي جزر القمر استقالة مدير بنك شهير في السودان بعد أيام من تعيينه مكافحة التهريب بكسلا تضبط 13 ألف حبة مخدرات وذخيرة وسلاح كلاشنكوف كيف تكيف مستهلكو القهوة بالعالم مع موجة الغلاء؟ 4 فواكه مجففة تقوي المناعة في الشتاء اكتشاف هجوم احتيالي يخترق حسابك على "واتسآب" دون أن تشعر ريال مدريد يزيد الضغط على برشلونة.. ومبابي يعادل رقم رونالدو وفاة مسؤول بارز بناد بالدوري السوداني الممتاز رحيل الفنانة المصرية سمية الألفي عن 72 عاما قبور مرعبة وخطيرة! شاهد بالصورة.. "كنت بضاريهم من الناس خائفة عليهم من العين".. وزيرة القراية السودانية وحسناء الإعلام "تغريد الخواض" تفاجئ متابعيها ببناتها والجمهور: (أول مرة نعرف إنك كنتي متزوجة) حملة مشتركة ببحري الكبرى تسفر عن توقيف (216) أجنبي وتسليمهم لإدارة مراقبة الأجانب عزمي عبد الرازق يكتب: عودة لنظام (ACD).. محاولة اختراق السودان مستمرة! انخفاض أسعار السلع الغذائية بسوق أبو حمامة للبيع المخفض تونس.. سعيد يصدر عفوا رئاسيا عن 2014 سجينا ضبط أخطر تجار الحشيش وبحوزته كمية كبيرة من البنقو البرهان يصل الرياض ترامب يعلن: الجيش الأمريكي سيبدأ بشن غارات على الأراضي الفنزويلية قوات الجمارك بكسلا تحبط تهريب (10) آلاف حبة كبتاجون مسيّرتان انتحاريتان للميليشيا في الخرطوم والقبض على المتّهمين إسحق أحمد فضل الله يكتب: (حديث نفس...) حريق سوق شهير يسفر عن خسائر كبيرة للتجار السودانيين مياه الخرطوم تكشف تفاصيل بشأن محطة سوبا وتنويه للمواطنين محافظ بنك السودان المركزي تزور ولاية الجزيرة وتؤكد دعم البنك لجهود التعافي الاقتصادي الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا مقترح برلماني بريطاني: توفير مسار آمن لدخول السودانيين إلى بريطانيا بسهولة الشتاء واكتئاب حواء الموسمي عثمان ميرغني يكتب: تصريحات ترامب المفاجئة .. "كرتي والكلاب".. ومأساة شعب! ما الحكم الشرعى فى زوجة قالت لزوجها: "من اليوم أنا حرام عليك"؟ حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

تشربوا قهوة وإلا تشوفوا هدف اتوقووون

المريخاب ديل حيرونا نشر في قوون يوم 11 - 07 - 2011

يا زول المريخاب ذنبهم شنو؟.
عندنا زول في الحلة ...عامل فيها مفتح ...(عيونو) متل (البنابر) المجدعة في الحوش.
أي (بنبر) في حتة.
زي الميدان الما فيهو (عراضات).
الزول المفتح دا بمشي الصباح للجزار..بقول ليهو اعمل لي (ربع كيلو لحمة).
ما عاوز أي (عضم) فيهو.
انتوا يا الجزارين الواحد يقول ليكم (لحمة) تدوهو (عضم).
اسمها (لحمة).
اعمل لي ربع (صافي).
زول شليق قلت ليكم.
صاحبكم بشيل (الربع) ويمشي البيت.
كل مرة بقيف ..يفتح الربع عشان يراجع (اللحمة).
زوجتو بتلاقي في خشم الباب ..وتقول ليهو : (اوعك يكون الجزار غشاك ..اداك اللحمة كلها عضام).
انت أي زول بغشك.
لحمة شنو يا زولة؟.
هو (ربع).
زي (كأسات المريخ الجوية) العاملين لينا بيها وجع رأس.
بالمناسبة دي.
يا زول وينها (المناسبة) هنا.
بس عاوز ليك موضوع.
والله الليلة اعملها ليكم كلها (مناسبات).
المريخاب ديل اصلوا ما بتطوروا.
ما بمشوا لي قدام.
نحن (الهلالاب) نبقي ليهم سبب في المشاركة في بطولة الاندية الافريقية...بمشوا تاني يلعبوا في (سيكافا).
سيكافا دي بتخرب طبعكم.
هي عليكم لو ما بتخرب طبعكم ...احسن لاعب فيها يكون (بلة جابر).
الظاهر كدا الايامات دي (البوفيه المفتوح) فيهو (صنف) جديد.
عشان كدا (بلة جابر) فتح.
بلة جابر دا لو عاوزنو يفتح كتروا ليهو (الاصناف).
بالمناسبة دي.
عندنا زول صعب.
نحن ما عندنا زول ساكت.
زول صعب ..النوع البتلقي بدون سبب كدا بنط يركب في (اللوري).
هسه اللوري ذنبو شنو؟.
المهم يا جماعة الزول دا انا كل ما اشوفو بلقي (مصنقر) ليهو في (لوري).
الزول الصعب دا كان جنو (ضلع).
بمشي المناسبات عشان (الضلع).
وقت يقولوا ليهو : ناس حسن كان عندهم مناسبة.
طوالي بقول ليك : عليك الله (ضلعهم) كيف؟.
او قد تلقاهو راجع من مناسبة ...يقول ليك : والله ناس كمال جابو لينا (ضلع) زي اللستك الخامس في العربية.
مقنقن في (الصينية) متل اللوحة المضيئة.
ويحكي.
وانت تسمع.
يمين (الضلعة) ندخل ايدنا فيها للكوع.
ونقعد نتجابد.
دي (ضلعة) وإلا (قطية).
زولكم بتاع (الضلع) دا مرة مشي ليهو مناسبة ...ما عجبو (ضلعها).
غضب ..غضب شديد.
عيونو بقن زي (كانون) الصباح.
جمر بس.
صاحبكم قعد (يطنطن)...بالله دا (ضلع) دا.
دا (ضلع) اركب ليهو اربع مواصلات.
والله لو عارفو كدا ...(ركشة) كنت استكترتها عليهو.
دا ضلع دا.
جبتونا ساكت.
الشيء شنو؟.
الشيء (ضلع) عتود.
العريس في اللحظة دي بجي ماشي.
بثبتو ليكم.
قلت ليكم الزول دا صعب.
يا عريس دا شنو (الضلع) جبتو لينا دا.
انتوا الضلعة دي مطلعنها من (حمامة).
انت وقت ما قادر تجيب ليك (ضلع) زي الناس ...معرس ليها.
الضيق ليك شنو؟.
بس الواحد يعرس ساكت.
زول شيال حال ..قلت ليكم.
الحاجات دي كلها بذكرني ليها (بلة جابر).
احسن نركز في (بلة).
الحضري ما قاعد لينا.
ووارغو راجع (ناسي) شوية الكورة الكانت في رأسو.
الزول دا مالو بقي كدا.
اخير زمان.
وارغو دا (الكرت الاصفر) كتير فيهو.
بقي ما عندو أي حاجة.
هو ..ومحمد مقدم.
هسه محمد مقدم ذنبو شنو؟.
غايتو يا مريخاب عندكم لاعب اسمو (محمد مقدم)...عاوز ليهو 7 سنوات عشان يبقي لاعب كورة.
لكن ما في مشكلة.
انتوا بتصبروا عليهو.
انت صبرتوا على جمال الوالي 8 سنوات.
بقت على ال 7 سنوات يعني.
وبعد السبع سنوات ..ما بيلعب ليكم اكتر من (باك يمين).
هسه محمد مقدم دا مهاجم وبكرى المدينة مهاجم.
مقدم مهاجم ..وكاريكا مهاجم.
مقدم دا مهاجم وسادومبا مهاجم.
مقدم مهاجم واتوقووون مهاجم.
انتوا بتتكلموا كيف؟.
محمد مقدم دا مجاهد القاعد في الكنبة احسن منو؟.
كل ما اشوف مجاهد بتذكر حسام البدري وقت قال ليهو : (اقعد).
مجاهد المسكين عاوز يقوم.
البدري قعدوا.
مجاهد قعد.
انت يا البدري وقت عامل فيها (حريف) كدا ما تقعد (عصام الحضري).
بس فلاحتك في (مجاهد).
ارجع ليكم للنقطة القبيل.
النقطة الاولي.
قلت ليكم المريخاب ديل قدر ما نحاول نتطورهم ..برجعوا لينا تاني للحاجات دي.
ناس نوصلهم بطولة الاندية الافريقية ..يمشوا يلعبوا في (سيكافا).
ويا ريت لو سيكافا بجيبوها.
سيكافا ذاتها بطيروا منها.
نحن (الكونفدرالية) عندنا فيها رأي.
تمشوا تلعبوا لينا في (سيكافا).
انتوا بتكبروا متين.
هسه ناس (انيمبا) لو عرفوا المعلومة دي بقولوا عننا شنو؟.
تلعبوا في سيكافا ..وتفرحوا لي كمان ب (المركز الثالث).
والله يا حليل المريخ.
عفارم عليك يا جمال الوالي.
خليتهم يفرحوا بالمركز الثالث.
بقي ما عندكم طموح.
نحن نغلب تمانية ...ونطلع زعلانين.
بعد سيكافا دي حقو تعملوا ليكم (دورة).
تسموها دورة (البوفيه المفتوح).
ليكم عليّ ..تشيلوا كأس (البوفيه) دا.
طبعا كأس البطولة ح يكون عبارة عن (ضلع).
وبلة جابر يطلع (هداف) البطولة كمان.
بالمناسبة دي.
تاني عاوز تعمل لينا مناسبة.
عاوز اذكركم بس.
انتوا عارفين الحضري في سيكافا استقلبت شباكه 5 اهداف.
اكثر من نص هذه الاهداف ..كانت اهداف (عكسية).
سعيد السعودي امس جاب ليهو هدف جميل جدا.
لكن هدفو في الحضري كان اجمل.
في واحد قال لي ليه المريخ امس ما اتسجل فيهو هدف عكسي.
قلت ليهو حارس المريخ محمد كمال.
ومحمد كمال ما عندو أي مشكلة مع لاعب.
نسيتوني الموضوع العاوز اكلمكم عنو.
عملتها لينا كلها (سيكافا).
انا عاوز احدثكم عن ضربة الجزاء التي نفذها (اتوقووون) في شباك الفريق الكيني.
ضربة جزاء بالطريقة الدائرية.
يعني زي ( يا نجوم الليل اشهدي علي بكاي وتسهدي).
انا غايتو لو كنت في مكان (كلتشي) تاني ما بشوت لي (ضربة جزاء).
بخليها عديل كدا.
انتوا بالمناسبة دي.
وين طمبل؟.
في ناس قالوا اتشطب في يونيو.
لكن ما متأكد من الكلام.
لكن الحاجة المتأكد منها هي ارجاع طمبل من تنزاينا.
سيكافا ...الميتة دي ما لعب فيها.
اتوقووون دا عندو اقوان (سحرية).
حارس الفريق الكيني الي الان قالوا بطفي في النور وبولع فيهو.
وبضحك براهو كمان.
ويرجع ينطط في (السرير).
في واحد جاهو ضيف.
ضيف في وقت محرج.
البيت ما فيهو أي شيء.
ما عرف يتصرف كيف؟.
قام قال للضيف : اسمع قهوة وإلا تشوف هدف اتوقووون بتاع (ضربة الجزاء).
الضيف مصدع شديد...ومدروخ كمان...وعاوز (الكيف).
قال ليهو : قهوة شنو؟...لو عندك الهدف شغلو لي.
خلى يفك لي الصداع دا.
قال ليهو خلاص افتح ال (bluetooth).
هسع ال (bluetooth) ذنبو شنو؟.
ناس (البوفيه الفتوح ) ديل ما بفهموا لينا الكلام دا.
ولا بستوعبوه.
ديل فرحانين بالمركز الثالث.
انا خايف في الدورى الممتاز ..تتطلعوا بالمركز الثالث.
السنة دي انتوا ما عندكم أي حاجة.
ومن هسه ممكن اراهنكم.
طلعتوا من بطولة الاندية الافريقية من دور ال 32.
وطلعتوا من سيكافا بالمركز الثالث.
وح تطلعوا من الممتاز.
وما ح تشوفوا حتي (كأس السودان).
عشان كدا انا عندي ليكم مشروع.
مشروع احسن من مشاريع الوالي (السيكافية) البعمل ليكم فيها دي.
جيبوا ليكم (جركانات)..واقعدوا اتفرجوا فينا.
اتفرجوا وشاهدوا.
شوفنا نحن في مرحلة المجموعات.
الشغل ما لعب.
الجماعة ح تصيبهم (نفسيات).
اتوقووون دا تاني الما عندو (كرت) ما بشوفو.
بعدين رمضان ذاتو جاملكم.
مفروض بعد (ضربة الجزاء) التي نفذها اتوقووون بي طريقة ( يا نجوم الليل اشهدي على بكاي وتسهدي)..مفروض رمضان (يشفر) القناة.
تاني ما في حاجة ساكت.
غايتو ناس (الجزيرة) حظهم.
الدوري الاسباني واقف.
والدوري الايطالي واقف.
والدوري المصري انتهي.
ما في أي موضوع للقنوات غير (دوري المجموعات).
دوري الكبار.
نحن ما عاوزين أي لعب في الدوري دا.
يا تقعدوا تتفرجوا باحترام ..يا بنطلعكم برة.
بنسحب منكم (الكروت).
كمان دي انتوا قايلنها (سيكافا).
يا ود الناس سيكافا تطير عيشتها.
ملحوظة : هسه سيكافا ذنبها شنو؟.
هوامش
قالوا حسام البدري هدد بلة جابر انو يعمل عليهو خصم في (الوجبات).
انتوا موش قلتوا ( بوفيه مفتوح).
بتزعلوا ليه؟.
براكم بتقولوا كدا.
بعدين الموضوع ببقي ليكم صعب.
قالوا ...
تاني قالوا.
قالوا موسي الزومة شاف (ضربة الجزاء) التي نفذها اتوقووون ...طوالي اعتذر من المشاركة ام سانت جورج.
المسكين جاهو (ربيط صليبي).
قلت ليكم قهوة وإلا تشوفوا قون اتوقووون.
اليوم مباراة الهلال والنيل في الحصاحيصا..يمكن ان يشكل الملعب خطر على الهلال.
لذلك المباراة صعبة.
لكن الهلال سوف يحسمها ان شاءالله.
وباهداف كتيرة.
بس ألعبوا بمسؤولية.
وشوفوا توريه بعمل شنو؟.
استمتعوا بالمباراة.
وخلوا الباقي علينا.
اسمع يا ابوالشباب ..شاي وإلا تشوف هدف لي اتوقووون.
انا شايل هم على المدافعين.
نفسهم بتقطع.
معقولة بس.
بكري المدينة.
كاريكا.
سادومبا.
اتوقووون.
الحضري عرفها.
قال ما برجع.
اسمع.
تشرب حاجة باردة وإلا تشوفوا الهدف.
يا ناس قوون.
يا ناس الفضائية.
ضربة الجزاء التي نفذها اتوقوون اعملوها لينا (فاصل اعلاني).
كل مرة اطلعوا لينا ليها ..وارجعوا.
اعملوها شعار يا رمضان.
وخلوا الباقي علينا.
الحكاية دي براها بتجيب نفسيات لي كلتشي وسكواها وبلة جابر.
هسه بلة جابر ذنبو شنو؟.
هل سوف يفسخ الحضري عقده مع المريخ؟.
طيب في الحالة دي موقف (التورتة) كيف؟.
موقفها (قانوني).
وإلا الفيفا ممكن تدفعوا (تمن) التورتة.
يعني الحضري ممكن يدفع تاني (غرامة).
نحن (تورتنا) ما بنخليها.
عندنا فيها (ربع رطل) سكر.
ناس سكواها والسعودي ..بقوا يقلدوا لاعبين الهلال في رقصهم.
غايتو نحن أي حاجة نعملها ناس المريخ بقلدونا فيها.
حتي (الرقيص) مقلدننا فيهو.
شوفوا (بوفيكم) وين؟.
لكن (هوباتنا) ما بتقدروا عليها.
محمد (مقدم) لو عمل ليهو (هوبة) وببقي (عريف).
نسأل الله ان ينتصر اليوم الهلال على النيل الحصاحيصا باهداف زي اهداف (القطينة).
عاجل : محمد الامين قالوا شال هدف اتوقوون عشان (يوزعو)..اصلو الهدف ملحن جاهز.

انقر هنا لقراءة الخبر من مصدره.