سودارس : اكرم لو ما شايفها شينة كان قال طردوني من الفندق

هانى شاكر فى لبنان وأنغام فى الكويت.. خريطة حفلات النجوم فى يوم الفلاتنين توضيح من سوداتل حول مشروع ممر Bypass الإقليمي لحركة الترافيك العالمية عبر السودان حساسية الجلد أثناء الحمل.. متى تستدعى القلق واستشارة الطبيب؟ نائب البرهان يفجّرها بشأن حل مجلس السيادة واتّهام قادة كبار في جوبا تشابه دماغ البشر والذكاء الاصطناعي يدهش العلماء القانون يلزم الشركات السياحية بسداد تأمين مؤقت عن رحلات العمرة كاكا قال لدوائر فرنسية إنه يتوقع إنهياراً وشيكاً لقوات التمرد السريع لو ليك فى الرومانسى.. لا تفوت هذه المسلسلات فى دراما رمضان 2026 تحديث ذكي جديد ل"واتساب" في آيفون اكتشاف وجود علاقة بين الاكتئاب وهشاشة العظام دراسات: إوميجا 3 تحسن الإدراك وتعزز المزاج عقوبة مالية على الإتحاد وإيقاف عضو الجهاز الفني لنادي المريخ قرارًا جديدًا لوزير التعليم العالي في السودان والي النيل الأبيض يشيد بالليلة الثقافية الأولى لهلال كوستي الجيش يفشل هجومًا عنيفًا لميليشيا الدعم السريع (ده ماهلالك ياهلال؟؟) السعودية تدين بشدة الهجمات الإجرامية لقوات الدعم السريع على مستشفى الكويك العسكري وعلى قافلة إغاثية لبرنامج الغذاء العالمي مهارات يامال تعجز مبابي ونجم مانشستر سيتي شاهد بالصورة والفيديو.. الفنانة إيمان الشريف تشعل حفل زواج صديقها "حتة" بأغنية (الزعلان كلمو) والعريس يتفاعل معها بالرقص شاهد بالفيديو.. نجم السوشيال ميديا "حتة" يضع يده على عروسه ويحتفل معها بطريقة طريفة على أنغام (الما بحبونا والبكرهونا) بالصورة.. دكتورة من مريدات شيخ الأمين تكتب: (الشيخ بجيب القروش دي من وين؟ داير تتأكد تعال مسيده في الثلث الاخير من الليل) بالصور.. الشيخ محمد هاشم الحكيم يحتفل بزواج إبنته الدكتورة من زميلها بالجامعة (قلت له لا أريد منك شيئا سوى أن تتقي الله فيها وتعينها في دراستها) أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري بنك الخرطوم يتعهد بإرجاع مبالغ «ضمان الودائع» ويتحمل التكلفة كاملة ذكرى رحيله.. قصة حب نور الدمرداش وكريمة مختار وزواجهما الهلال يتلقى أول خسارة بدوري المجموعات أمام مولودية الجزائري أبل تفتح CarPlay أمام تطبيقات الذكاء الاصطناعي الصوتية هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع السودان يرحّب بالقرار 1591 شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه شاهد بالصور.. سيدة الأعمال ونجمة السوشيال ميديا السودانية الحسناء ثريا عبد القادر تخطف الأضواء من معرضها ببورتسودان الجوهرة السودانية عامر عبد الله ينضم رسمياً لأحد الأندية الخليجية محاولة أوكرانية جديدة لإفشال مفاوضات السلام بعيداً عن ارض المعركة وزير الثروة الحيوانية: البنك الزراعي وبنك النيل يمولان صغار المربيين لزيادة الإنتاجية رفض الزوج شراء سجائر لها فقتلته.. جريمة زوجة مصرية تثير الجدل توصيات المؤتمر القومي لمعالجة قضايا الشباب بيان مهم لوزارة المالية في السودان المركزي يوجه بنك الخرطوم بإيقاف الاستقطاعات وإرجاع المبالغ المخصومة للعملاء لجنة أمن ولاية الخرطوم تؤكد المضي قدما في تنفيذ موجهات رئيس مجلس السيادة لبسط الأمن وفرض القانون ضبط اسلحة ومخدرات بكسلا حريق كبير في سوق شرق تشاد صعود الذهب عالميًا يرفع أسعار المعدن النفيس فى قطر صباح الخميس صلاح يتحدى مرموش.. موعد مباراة ليفربول ضد مانشستر سيتي بكلاسيكو إنجلترا رسالة أخيرة في بريد الرئيس البرهان قبل تمرد الحركات المسلحة الدارفورية تعرف على سعر الأسمنت اليوم الاثنين 2 -2 -2026 فى مصر ترامب يحذر إيران: الوقت ينفد والهجوم القادم سيكون أشد مباحث الخرطوم تعلن توجيه ضربة موجعة لمافيا السيارات..إليكم التفاصيل تلفزيون السودان يستأنف البث المباشر من مقرّه الرئيسي وزير الصحة: التبغ عدو الحاضر والمستقبل و فاتورته الصحية تفوق عائداته الضريبية هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر سباق اختراق الضاحية باكورة بطولات الاتحاد العربي لألعاب القوى شركة اتصالات في السودان تعلن عن توقف خدمات "مَا حَرَّمَ إِسْرَائِيلُ عَلَى نَفْسِهِ"! أحمد الشاكر: انا أعجز عن شكر جميع الإخوة الأشقاء في المملكة العربية السعودية ترامب للإيرانيين: واصلوا الاحتجاج.. المساعدة في الطريق إليكم السودان..حصيلة صادمة بمرض شهير في ولايتين إسحق أحمد فضل الله يكتب: (حديث نفس...) "كرتي والكلاب".. ومأساة شعب!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

اكرم لو ما شايفها شينة كان قال طردوني من الفندق

قوون نشر في قوون يوم 07 - 03 - 2013

امس قلت اقعد اشوف مباراة الهلال مع الاهلي عطبرة (اشوف الناس البتفاصحوا لينا في الجرايد ديل).

البقرأ جرايدكم يا ناس الهلال يدخل الاستاد من واحدة.

بالله (ايكانغا) دا ..قربوا يطلعوا لينا (انستا).

لو كشافات استاد الهلال ما قوية ...كانوا قالوا (انستا).

بس شايفنها شينة ..والدوري الممتاز بقى منقول في قناتين.

ممتازكم دا ..مفروض تنقلوه (sms) ساكت...تاني اي حاجة غير (الرسائل) دي كتيرة عليه.

شابكننا السنة كلها ..(تراوري ..ترواري)...لمن وزارة التربية والتعليم قربت تفرضو في مقرر ناس سنة خامس ، على شفع مرحلة الاساس.

الاخ مين؟؟.

انت موش معاهم.

وامال ليه ..طالع لي من الصباح ....هو انا ناقص.

موش معاكم.

تعال بأ.

قلت اطلع شوية ..واقعد في الكورة.

ختيت في بالي اني ح استمتع بالمباراة واشاهد مجموعة من الاهداف...شيء بالكعب ..وشيء برة الخط ..وشيء بالتنجليزي.

وقلت كمان ..اكتب لي (صفحة) وان طال السفر.

وحجزت عند احمد الحاج.

قلت الليلة تراوري بحسم لقب هداف الدوري من الاسبوع الثالث..وننتهى من الدوشة دي عشان نتفرغ لينا لي حاجات تانية.

والله ما فاضيين ..عندنا مية شغلة.

حاج عثمان ود شيخ الخط ...عندو مزرعة دواجن ..عاوز يفتتحها ...(جاب ليها جداد من تركيا).

والامين حاج الفات ....عاوز يشطب الطابق الرابع في البيت ..عشان عرس ولدو الشهر القادم.

وخديجة بنت الخدمات ..جاءها فشل كلوي...من (الفيس بوك).

هي ذاتها غلطانة.

هي في السن دي لزومها شنو تقعد اليوم كلو في (الفيس بوك)...خلت شنو لي ناس الاء واسراء وايثار.

غايتو حبوبات الزمن دا ...الواحدة تنوم من خمسة ..وتقول لي احفادها ...صحوني لمن المسلسل التركي تبدأ.

الغريبة بتكون قاعدة تحضر مع الشفع في (طيور الجنة).

حبوبات زمان ...الواحدة شايلة (منجلها) في جيبها...وكيس التمباك تحت المخدة.

ما في زول بقدر يقول ليها حاجة.

شوف هسع (الحبوبة) بتعمل في شنو؟.

تلقاها بتشد في (التي شيرتي) من ولد بنت عشان تحضر تخريج (حفيدتها) في الجامعة.

ولو عاوز يبقوا ليك في رقبتك ....خلى صورة (الحبوبة) في الفيديو ما تطلع حلوة.

يكرهوك القعاد في البيت.

عليكم الله زمان في حبوبة ..بتعاين لي نفسها في المرايا.

والله الحبوبة زمان ان شافت نفسها في (الضل) تلف من نفسها...وبدون ما تشعر كدا ..ترمي (التوب) في وشها.

والله هسع دا ما موضوعنا.

عاوز تمرق من الكورة ..وتسوي لينا العمود كلو (حبوبات).

دا ما بحلك.

قبل ما اقعد كويس في المباراة (الكلام دا ما يطلع من العمود دا)...شفت ليك (فداسي) في الطرف الشمال ..دعكت عيوني ..زي (هدوم المدرسة) في الطش...الولد يحوم بيهم الخميس والجمعة ..ويطلعهم يوم السبت عشان يغسلوهن.

فداسي دا بعمل هنا شنو؟.

استحملت (فداسي)...ما في مشكلة ...نجرب.

يمكن عاوز يفحص (الملاريا)..كرويات الدم البيضاء ..يمكن فيها (تكسر).

طيب تراوري وين؟.

شوية كدا ..اشوف ليك (الحلاقة) الما بتغبأ عليّ قاعدة في (الكنبة).

دا شنو يا غارزيتو البتعمل فيه دا ...خلاص عاوز تقبل على (تراوري).

عاوز تقلب لينا (الويكة) في الشعيرية....يا غارزيتو هوي ..نحن اللخبطة دي ما بتنفع معانا.

هسع مرتبك دا لو اخروه ليك (اسبوع) بتقعد تكورك.

اللاعب يجيبو ..ويقبل عليه.

مهند وين؟.

مهند برة التشكيلة...يا غارزيتو معقولة ..معقولة بس ..تشكيلتك دي (صيوان) ما بتركبو.

تشكيلتك دي (السراير) ما بتطلعها.

فداسي وايكانغا وكايا وسانيه.

شغلك دا ...جلد وغرامة عديل كدا.

نحن عملنا شنو في الدنيا دي عشان تعمل فينا كدا.

البلد دي ما فيها حاجة بتفرح ..وتبسط غير الهلال.

ما تقعد تنظر لينا ساكت.

انت قالوا ليك نحن في خدمة الزامية.

قدر ما قلت ابلع الموضوع دا ...ما قدرت...جنبي بندول بلعت لي 4 حبات.

وجنبي كباية شاي كسرتها.

الساعة ديك لو جنبي (جون سينا) بكسرو.

الكلام دا ما يطلع من العمود دا.

المريخاب ديل الكلام دا بعجبهم ..ان شاءالله تتغلبوا الليلة عديل كدا.

قاعد المباراة كلها ...شايل هم...خايف (خليفة) يقوم يسخن.

يقوم خليفة يتم الناقصة.

لو خليفة قام سخن ...خلاص بحول (زي افلام).

نشوف لينا فيلم هندي.

قدر ما احضر لي فيلم هندي ...القى ليك (البطل) فقير..والبطلة غنية.

وابو البطلة معنقد.

او العريس ...العروس اختو في الرضاعة ..يقوم يكتشف الكلام دا في العرس.

الدنيا تنقلب.

انا عارف الكلام دا قلت ليكم قبل كدا ...لكن اعمل ليكم شنو؟...دا الكلام البحصل في الافلام الهندية.

اكضب عليكم.

خلينا في الكورة ..الافلام الهندية دي نحن حفظناها حفظ.

زي الرقم الوطني.

هسع في زول حافظ رقمو الوطني.

غايتو مباراة زي مباراة الهلال والاهلي عطبرة دي مساختها في (الحنبك) ما قابلتني.

بتعرفوا (الحنبك).

الحنبك دا ...حاجة زي (ايكانغا) كدا ..مرات تلقاه طيب فايت الحد ..يصلح للاعبي الفريق الخصم في (شاراتهم).

واحيانا تلقى بشاكل في عمر بخيت.

والله انا لو كنت مدرب الهلال في الايامات دي ...كنت (ايكانغا) دا ..اديتو (مفك وشاكوش) وطلعتو في (الكشافة) الشمالية ...عشان يفرتكها ويشوف لينا الحاصل فيها شنو؟.

الزول دا يمكن هناك ينفع ...ما يقعد يسوط لينا الكورة ساكت ...نحن (السواطة) في الشاي ما بنقبلها.

يا البرير خليك مفتح ..ايكانغا دا استفيد منو في (الكشافات).

عندكم (لمبة) حرقانة ..خليهو ينزلها ..ويركب ليه واحدة جديدة.

موش الكورة دي بالشكل (العجوري) دا ...هسع ناس الجرايد يقولوا ليك الهلال يمتع قاعدته العريضة.

عريضة شنو ..الاستاد فيه 15 نفر.

7 منهم قوات نظامية.

عريضة ..زي الحكومة العريضة ...المكونة من حزب واحد.

ساني يتألق ..ويسجل هدف (برشلوني).

دا كلام الجرايد اليوم.

الجرايد دي اسألوني منها انا.

ناس الجرايد ديل انا عارفهم كويس ...وقت ما يلقوا ليهم موضوع بقبلوا على (حلاقة) تراوري.

ما عاوز احلف.

ما عاوز اقول اي حاجة.

كورة امس دي ما فيها حاجة غير (حلاقة) تراوري.

حلاقة المباراة كلها قاعدة في الكنبة.

انت يا غارزيتو ...تفتكر الناس ديل جايين من الكلاكلة ..عشان يشحنوا ليهم رصيد.

تفتكر كدا ...الجابهم للكورة ..كهربتهم قاطعة.

الناس ديل بدخلوا الكورة عشان الحلاقة.

ما تقعد تنظر لينا بي قميصك (اللبني) دا ..وتقعد لينا (الحلاقة) دي في الكنبة.

والله انا من اشوفك قميصك اللبني دا بتجينا (كتمة).

عندك خصومات ..عقوبات ..اعملها في (مرتب اللاعب)..ما تعملها في الجمهور.

الجمهور دا نحن بنلقط فيه واحد ...واحد ..ما تجي تتطفشوا لينا بي (فداسي).

يا فداسي عليك الله ..حركات (موسي الزومة) دي ما تعملها لينا هنا.

نحن موسي الزومة بي حركاتو دي من (مريخو)..طفشنا ..كمان عاوز تجينا انت.

شنو تقعد تعكس لينا الكورة في (اسماء في حياتنا).

تمشي السما.

والله كورة امس دي لو كان فيها (خليفة)...كان جردل ما بحلنا...كنا قلبناها مباراة (تراثية).

ولا بكضب عليكم ...دي شيء ما بجاملكم فيها.

بعدين يا غارزيتو انت مشكلتك شنو مع (الطعمية).

اقصد مشكلتك شنو مع (الحلاقة) اي لاعب حلق شعرو ..قعدتو في الكنبة.

مهند الطاهر من حلق تاني ما شم التشكيلة.

تراوري هداف الدوري الممتاز بقينا نشوفو في اخر عشرة دقائق..تقول (سيد اللبن).

الشيء المحيرني ...وبدون مناسبة كدا ...اي معلق يتحدث ليك عن لاعب في الهلال او المريخ ...بقوم طوالي يقول ليك يبلغ من العمر (30) سنة.

30 سنة دي اصلو ما بزيدوا منها ...من زمن علي الحسن مالك ...وعلي الريح.

اي لاعب يقولوا ليك عمرو (30) سنة.

30 دي ...سن وإلا عيار ..الما بتزيد دي.

معقولة اللاعب من يجي من ميدان عقرب الي ان يعتزل عمرو (30) سنة.

ناس الكورة ديل اصلو ما بكبروا.

هسع لو كان الفاتح النقر بيلعب الي الان ..كانوا قالوا عمرو (30) سنة.

زي الحضري.

ايوا انت عاوز تدخل لينا الحضري بي اي طريقة.

الحضري دا في الاهلي المصري عمرو 40 سنة.

مشي سيون ..لعب موسم ورجع ...عمرو ما زاد ..عمرو 40 سنة.

لعب في الاسماعيلي ...عمرو 40 سنة.

جاء الزمالك ..عمرو 40 سنة.

لعب في المريخ ..عمرو 40 سنة.

الشيء شنو؟...(دبيب) وإلا (ركن الاطفال).

الحضري دا بيلعب من زمن علي مهدي كان في معهد الموسيقي والمسرح.

قبل ما تصبح (كلية).

الحضري دي انا بحضر ليه مباريات في قناة الاهلي المصري ...مع ناس شوبير والهادي خشبة ...ومحمد عمارة.

ناس شوبير ومحمد عمارة هسع في مصر الجيل التاني.

الجيل الاول كلو انقرض.

والحضري عمرو (40) سنة.

اي حاجة بتزيد ..وترتفع إلا عمر (الحضري).

تقول (عمر) الشريف.

الغريبة الحضري مع الثبات في السن ..إلا انو كل سنة بحتفل بي عيد ميلادو.

ناس ابوجريشة يجيبوا في التورتات والحلويات والهدايا ....والحضري (يلهط) على قول الزعيم عادل الامام.

انت يا الحضري وقت بتشيل في الهدايا والتورتات ..ما تزيد (عمرك) دا شوية.

ان شاءالله كل سنة تزيد لينا (شهر).

نحن راضيين ...لكن تقعد لينا كدا في سن (الاربعين)...لا بتنقص ولا بتزيد ..والله ما بنقبل.

ناس سعيد السعودي لحقوك في سنك دي ...وانت لسع في الاربعين.

طبعا الحضري دا وقت كان (كابتن) للاهلي سعيد السعودي دا كان لا (سعودي) لا الله قال.

ولا كان (سعيد) ذاتو.

كان لسع ما سموا ليه.

ملحوظة : كاريكا مع الجماعة ديل مفروض يدوهو مع نجومية المباراة (قطعة ارض في كافوري).

هوامش

بهدلة الحضري ...ظهرت في نجم الدين وضفر.

ضفر طبعا ما عندو ثقة في اكرم الهادي سليم.

واكرم ذاتو لو ما شايفها شينة ...كان بقول طردوني من الفندق.

وهو في الاساس من ساكن في فندق.

بس عاوز يتخارج من مباراة القمة.

يا اكرم ...القمة دي يس ما بقدر عليها.

اثبت ساكت.

الاهلي شندي نتايجه في شندي اصبحت مخيفة.

تقول بيلعب في الفاشر.

مالكم يا ناس الاهلي ..ما تضيعوا النقاط الساهلة ...وتجوا تتنمرو في النهاية.

من هسع لقطوا (نقاطكم).

ود البدري سمين.

مباراة امس دي ...عاوزة ليها استاذ لغة عربية عديل.

ما فهما فيها اي حاجة.

في واحد قال لي غارزتيو ..لاعب بي خطة (البامية المفروكة).

قلت ليه كمان الفرنسيون ديل شن خبرهم بالبامية المفروكة.

والله عاوزين (ينظروا) لينا فيها ساكت.

بعدين البامية المفروكة ذاتها شنو؟.

قال البامية المفروكة دي يعني بشة يلعب مقلوب..ومهند يقعد برة ..وايكانغا يسوط الدنيا دي كلها.

لكن اقول ليكم حاجة.

بي حالنا دي المريخاب يوم 12 ..ما ينتظرونا.

دي اول مباراة لي عصام الحاج.

مباراة بدون حوافز.

جمال الوالي قال ليهم لو فزتوا على الهلال اي لاعب في المريخ بجيب ليه رصيد بي 10.

رصيد بي 10 يعمل بيه شنو؟.

عاجل : يا عصام الحاج ...ما تقفل التلفون من هسع ...الكلام دا بدري عليه.

انقر هنا لقراءة الخبر من مصدره.