برميل.. ماشي بمزرعته.. بيتمختر يا عيني عليه.. لا اله بالثور ولا الطحين.. يا عيني عليه.. ما بيعرف البيضة من باضها ولا الجاجة مين جابها.. يا عيني عليه.. دايما قاعد بيحكي مع حاله.. بيفكر كثير… يا خوفي عليه.. ولا مرة زبطت معاه.. عنده طاولة كبيرة مش عارف كيف دخلت من هالباب.. مسكين.. مش بإيده عقله صغير.. يا عيني عليه.. بروح بياكل وينام ويصحى بيفكر.. كل يوم على هالموال.. يا عيني عليه.. صارلوا.. اربع سنين على ها الحال.. مرته تعبت معاه.. يا عيني عليها.. مش عارفة شو تعمل معاه.. مسكينة.. برميلها بدو يفقع يا حرام.. فكرت.. وفكرت… ولقت الحل.. قالت خلص بكرى بتصلوا على الثعلب والذيب.. يجوا يشوفولوا حل.. عشان ينسى قصة هالطاولة وكيف دخلت من ها الباب.. اتصلت.. ردوا عليها.. يا عيني عليها ما حدا برفضلها طلب.. قالولها.. برميلك مشكلته انه عقله صغير زي مزرعته.. انت ما تزعلي.. احنا جايين.. وعا السريع.. كانوا واصلين.. نزلوا عن ظهر الخيل.. رحبت فيهم.. والدموع في عينيها.. يا عيني عليها.. حكولها وينو.. قالتلهم.. قاعد زي عادته بفكر.. حكولها خلص انت ارتاحي واحنا منروح عليه… يا عيني عليهم بيحبوا يعملوا الخير… لوجه الله.. فتحوا باب المزرعة.. ولما شافهم راح ركض عليهم.. يا عيني عليه.. من همه الله يفرجها عليه.. نط عليهم وقعد في حضنهم.. وصار يبكي .. إهىء..إهىء..اهىء.. يا حرام. قالولوا مرتك خايفة عليك.. حكتلنا نيجي نساعدك.. حكالهم.. زين ما عملت انا بدونها و بدونكم.. ما بسوى قشرة بصلة.. قالولو.. انت مشكلتك مش بالطاولة.. انت مشكلتك انك قاعد لا شغلة ولا عملة.. انت عقلك كبير.. مش لازم تكون هيك.. يا حرام بيضحكوا عليه.. يا عيني عليه.. قالهم شو اسوي.. قالوا احضرنا لك قصة.. راح تكون انت فيها البطل.. انبسط المسكين.. يا عيني عليه.. قالهم شو الدور.. قالولو احنا من قولك شو تقول.. بس على مهلك شوية.. نفهمك القصة.. والله اذا بحبنا بخليها تدخل في راسك بسرعة.. وهيك بتنسى الطاولة.. حبيبنا بربر عمل ها القصة من سنين.. بدنا نهد كل المزارع.. ونخلي مزرعتك هي الكل في الكل.. بس في مزرعة صاحبها مغلبنا معاه.. حكالهم طيب وانا شو دوري راح يكون.. يا عيني عليه.. حكولو انت بيكفي تنادي على كل اصحاب المزارع الثانية وتقعد معاهم… واحنا منكتبلك شو تحكي.. بس مطلوب منك تعطينا.. بعض الثمار لكي نعطيها لباقي الممثلين.. قالهم بس برضه ما قلتولي.. ها الطاولة كيف دخلت من ها الباب.. خبطوا على راسهم وحكولو انت ليش عقلك صغير.. انسى الطاولة.. قالهم حاضر.. مسكين مطيع برد بسرعة… يا عيني عليه.. ما فيه مثلو. بعد شوية اجت مرته قالتلهم شو صار.. قالولها ما تقلقي.. برميلك في السيف سايد.. راح يصير اسمه على كل لسان.. بس برضه ما حكتيلنا صرنا جايين.. وبدنا نقعد مع اللي بتشعبط كثير.. جيبنالو كراتين من جوز الهند.. عشان يتسلى فيهم.. بدنا اياه يساعدنا عشان برميلك عقله يكبر.. الله يخليلك اياه.. نادتلهم اياه اجا يلهث وقالهم والله ما سويت اشي.. قالوالو عارفين يا حبيبي.. انت عمرك سويت اشي بدون منقولك عليه.. وشرحولو القصة من طقطق للسلام عليكم.. انبسطت كثير.. ملعون يا عيني عليه.. بيفهمها عا الطاير.. بس حكالهم صدقوني.. المزرعة اللي بتحوا عنها راح تغلبنا كثير.. قالولو ولا يهمك.. انت بس اعمل اللي من قولك عليه.. اكتب وقول واطلع عا التلفزيون.. واقنع قطيع الاغنام.. وراح نخلي البحيرة.. كل يوم تناديك… هلأ احنا راجعين.. يلا جود باي.. خبيبي.. يا عيني عليهم.. شو انهم طيبين وحنونين..
