سودارس : آلو البرتو فيرنانديز؟ معاك شوقي إبراهيم!!

شاهد بالفيديو.. رمى عليهم عبوة ناسفة وهرب.. جنود بالدعم السريع يضبطون مرتزق من جنوب السودان في وضع مخل مع سيدة داخل "راكوبة" بمدينة الفولة شاهد بالفيديو.. فنان "ربابة" سوداني يثير تفاعل الجمهور بعد ترديده أغنياته الشهيرة (صورة وصوت) في حفل حاشد بالسعودية البرهان يتفقد مستشفى الرباط ويوجّه بتطوير الخدمات الطبية الشرطية شاهد بالفيديو.. داخل حرم إحدى المدارس.. والي النيل الأبيض ينفعل على وزير التربية والتعليم ويحظى بإشادة الجمهور: (لن أذهب حتى ينتهي البناء) (أماجوجو والنقطة 54) الأهلي يخسر من ساردية بدوري شندي مجلس الهلال يترقب قرار الانضباط ويعلن الاستعداد للتصعيد.. والكاف في مأزق كبير حاكم إقليم دارفور يجتمع مع المديرة العامة بالإنابة لمكتب تنسيق الشؤون الإنسانية بجنيف (OCHA) بوتين: روسيا مستعدة لاستضافة الألعاب الأولمبية في المستقبل شاهد بالفيديو.. طبيب بمستشفى نيالا يشكو من انتهاكات أفراد الدعم السريع ويحكي قصة نجاته من القتل بعدما رفع أحدهم السلاح في وجهه شاهد بالصورة والفيديو.. الراقصة الحسناء "هاجر" تشعل حفل طمبور بفاصل من الرقص الاستعراضي والجمهور يتفاعل معها بطريقة هستيرية الهلال السوداني يفجر أزمة منشطات ضد نهضة بركان في دوري أبطال إفريقيا أزمة منشطات تشعل دوري أبطال إفريقيا.. الهلال السوداني يشكو نهضة بركان المغربي ل"الكاف" برشلونة يتلقى دفعة معنوية قبل مواجهة أتلتيكو مدريد شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي من إيطاليا إلى بولندا.. سرقة 413 ألف قطعة شوكولاتة.. ما القصة؟ ترامب: إيران منحتنا 20 ناقلة نفط والشحن يبدأ غدًا كريم عبد العزيز وفريق مطلوب عائليا يبحثون عن دولة أوروبية للتصوير الخارجى أيهما أكثر فائدة القهوة أم عصير البرتقال صباحًا.. والكميات المناسبة آلام الدورة ليست دائمًا طبيعية.. إشارات تكشف بطانة الرحم المهاجرة مبكرًا فصيلة الدم تكشف احتمالية الإصابة بالسكري مجهولين ينبشون قبر رجل دين بولاية الجزيرة وينقلون جثمانه إلى جهة غير معلومة السيسي للرئيس ترامب: لا أحد يمكنه وقف الحرب في المنطقة إلا أنت "فيفا" يتّخذ موقفًا حازمًا بشأن مشاركة إيران في كأس العالم قوى سياسية في السودان تعلن عن مقاطعة مؤتمر في برلين عثمان ميرغني يكتب: حلفا .. والشمالية.. دار الأوبرا تحتفى بذكرى رحيل عبد الحليم حافظ بحفلين اليوم وغداً مصر.. الدولار يقترب من 54 جنيها لأول مرة نتفليكس تزيل الستار عن أول صورة لشخصية جو كينيدى الأب فى مسلسلها الجديد سارة بركة: أحمد العوضى مجتهد بشكل كبير وبيحب شغله جدا اختيار غير متوقع لمستقبل "الملك المصري" وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد بسبب ضعف الراتب.. وزير الثروة الحيوانية بالسودان يبحث عن عمل إضافي رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران السكوت على هذا الأمر لا يرضي الله ولا رسوله!! ارتفاع أسعار الذهب في السودان الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة السودان.. الدفاع المدني يستعين ب"التوك توك" د.مزمل أبو القاسم يكتب: دموع الباز.. وزاهر! (2) طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

آلو البرتو فيرنانديز؟ معاك شوقي إبراهيم!!

شوقي إبراهيم عثمان… نشر في حريات يوم 12 - 09 - 2011

خطوط الاتصالات الأفريقية أصبحت سهلة بتشغيل القمر الأفريقي راسكوم 1 منذ العام الماضي، ورحم الله القذافي الذي قامت فكرة الإتحاد الأفريقي على أكتافه ومن ضمنها هذا القمر وكان جزاؤه جزاء سينيمار، ولم يتبقى له سوى أن يعمل عملة أفريقية دولية – فقضوا عليه بالضربة الدولية القاضية – ولسان حاله مثل حال مالك ابن نويرة: والله ما قتلتني إلا هذه!! أي ما قتلته إلا تنفيذ فكرة العملة الدولية الأفريقية!!
أتصلنا بالسفارة الأمريكية بغينيا الاستوائية، وهي دولة صغيرة على الأطلنطي مساحتها 28 كلم مربع يتحدث سكانها جميعهم الإسبانية، وأصبحت مؤخرا دولة بترولية (أنظر الصورة)!! البرتو فيرنانديز، الكوبي الأصل، يتحدث العربية بطلاقة مكسورة، إضافة إلى الانجليزية، بينما الإسبانية هي لسانه الأصلي أو كما يقولون لغة أمه!! البرتو فيرنانديز أصبح سفير الولايات المتحدة الأمريكية بدولة غينيا الاستوائية Equatorial Guinea.
عندما ترى غينيا الاستوائية مقطوعة من دولة الجابون يخيل لك أن تاريخها السياسي مثل تاريخ دولة الكويت التي قطعت من العراق!!
البترول التشادي أستخرج باستثمار يبلغ (3.7 بليون دولار) ومن ضمنه مد أنبوب بترولي من تشاد وحتى المحيط الأطلنطي. استخراج البترول التشادي قامت به ثلاثة جهات trilateral ويمثلوا: البنك الدولي، وكونسورتيوم من شركات الزيت: إكسون-موبيل 40%، بيتروناس 35%، شيفرون 25%)، ومن ثمة: الحكومة التشادية.
اتفاقية استخراج البترول التشادي اتفاقية غريبة من نوعها، بالرغم أن البنك الدولي ساهم بقرض يبلغ 3% من الرقم أعلاه، لكن في الاتفاقية أعتبر البنك الدولي “شريكا كاملا” كمستثمر، وليس مانحا فقط للقروض كالعادة، له تصيبه من الأرباح. أضف إلى ذلك يقوم البنك الدولي بتأمين المخاطر على ال 3.4 البليون دولار التي تقدم بها كونسورتيوم الزيت. كانت شراكة البنك الدولي مهمة، لقد طلب كونسورتيوم الزيت من البنك الدولي أن يضغط على حكومة تشاد لكي تتخلى عن سيادتها على مداخيل الزيت!! رفضت تشاد، وعلى رفضها رفض البنك الدولي ورفض كونسورتيوم الزيت في الدخول في الاستثمار!! وبعد حين وافقت تشاد ألا يكون لها سيادة على مداخيل الزيت التشادي، تستلم نصيبها فقط!!
عندما رأيت البرتو فيرنانديز لأول مرة على التلفاز يجيد العربية وقناة الجزيرة تلمع فيه عام 2003م بالتقريب، فهمت أن الرجل سيلعب دورا ما، سرعان ما أتضح أن الهدف هو السودان..!! وبعد مكوثه في السودان لفترة قفز إلى موقع جغرافي مهم وهو مصب الأنبوب التشادي – غينيا الاستوائية الغنية بالنفط!!
هذه المعلومات كانت في ذهني حين اتصلت بالسفارة الأمريكية بغينيا الاستوائية من أجل مقابلة صحفية مع السفير البرتو فيرنانديز بواسطة الهاتف:
ش: آلو.السفارة الأمريكية..؟
السكرتيرة: نعم..ماذا يمكن أن نقدم لك؟
ش: إسمي شوقي إبراهيم، كاتب ومحلل سياسي سوداني يرغب في عمل مقابلة صحفية مع السيد البرتو فيرنانديز عبر الهاتف!!
السكرتيرة: حسنا..سنبلغه وسنرد عليك!!
ش: شكرا!!
السكرتيرة: شكرا!!
****
السكرتيرة: سيد فيرنانديز، هنالك كاتب وصحفي سوداني أسمه شوقي إبراهيم يرغب في عمل مقابلة صحفية معك عبر الهاتف!!
البرتو: سودانيين!! أوووه السودانيين دول هبايبي..أعطيه موعد!!
****
السكرتيرة: آلو السيد شوقي سيادة السفير وافق، عليك بالاتصال به على رقم التلفون التالي 2133 102 002401، الساعة الرابعة مساء غدا!!
ش: شكرا شكرا كثيرا سعادة السكرتيرة…مع السلامة !!
****
ش: آلو السيد البرتو فيرنانديز..السلام عليكم!!
البرتو: سلامو عليكم..مستر شووقي..كيف السودان معاكم!! مشتاق كتير للسودانيين..
ش: شكرا سعادة السفير.السودان بخير..إن شاء الله تكون مبسوط في غينيا؟
البرتو: جينيا بلد سغير…وحلوهه جدا..مش ذي السودان كبير..وهنا ما عندو مشاكل، الناس بيتكلمو إسبانية..
ش: يعني مرتاح..وفهمت البلد في وقت قليل….
البرتو: تبعا البلد هنا سغير، والسودان كبير والزول داير ليه اقل هاجة سنتين أشان يفهم السودان..أنا فهمت كل هاجة في السودان وكنت بقرا الصحف واتابى (اتابع) موضواات الحكومة كلها وبرضو كلام الموااارضة….كيف البرد إندكم في السويد؟..
ش: السويد؟ لا انا بتكلم معاك من ألمانيا. عايش في ألمانيا..
البرتو: موش أنت شوقي إبراهيم بدري؟
ش: لا لا انا شوقي إبراهيم عثمان!!
البرتو (ضاحكا): ها ها ها ها..فهمت.!! كت فاكرك شوقي بدري، كنت انا بقرا كل مكالاته في سودانيزاونلاين خاسة ان (عن) أمدرمان!! يبقا انتا اللي كتب المكالة عن بلدي: هل الولايات المتحدة علا وشك الانهيار؟
ش: نعم..ده صحيح، ده أنا كتبتها في عام 2005 والقوقل قفل عليها..!!
البرتو: نعم..انا قريت المكالة دي..وهي مكالة خطيرة..شوف دلوقتي ما في أزمة دولار …والااالم (لعالم) كلو لا يستغنى ان (عن) الدولار..اوموما ممكن نتم المقابلة الصحفية…ما في مشكلة..شنو إندك من الاسئلة؟
ش: أوراق ويكيليكس!!
البرتو: مالو أوراق ويكليكس؟
ش: هل صحيح مصطفى عثمان قاليك في نافع: “إن كلام نافع لا معنى له”، وقال “تصريحاته المنفلتة هي للاستهلاك الداخلي الجماهيري”؟
البرتو: بس الكلام ده قديم؟! قبل ما أجي للسودان.. وقت زميلي ريشارد وليامسون، ومصطفا جا واشنطون مع دينق ألور، ولما رجعو الخرطوم..نافع هاجم أمريكا ورايس!!
ش: نعم كلام قديم، قالو نافع في سودري!! قال على وزيرة الخارجية رايس أن تلحس كوعها وما بنخلي الشريعة، وقال قوات الهجين قوات عجين! تفتكر دكتور نافع داير يبوظ على مصطفى رحلته لواشنطون؟
البرتو: والله انا ما نعرف، لكن أنا تكلمت مع نافع كتير..وقلت ليهو أنت مأمول ليك سحر بالكتابة..
ش (مقاطعا): سحر بالكتابة؟! كلام شنو ده سعادة السفير..أنت أمريكي بتؤمن بالحاجات دي؟
البرتو: طبعا…(نطقها صحيحا) انا درست كل شيء في السودان..هكومة المؤتمر الوطني كلها شغالة بالكجور، ونافع عندو أعدا كثير في الهكومة..وبيملو ليه عمل…واول ما يكلم اجماهير..بيفلت كلام كتير دراب..أشان يهرقوه!!
ش: معقول الكلام ده؟
البرتو: طبعا..انا ذاتي املو لي أمل (عمل) في السودان!!
ش: وشنو قصدهم يعملو ليك عمل؟
البرتو: أشان أكتب تقرير كويس عن الهكومة…
ش: وفكيتو؟
البرتو: طبعا فكيتو..ساادوني ناس حركة تهرير السودان..أنت ما مسدك الكلام ده؟
ش: أصدقك ليه ما أصدقك ..حسي فهمت ليه كترت عيادات علاج السحر وفك السحر بالقرآن!! فيه واحد مشهور عندو عيادة للشغل ده…اسمه دكتور عثمان بحر..بيركب دائما عربية برادو!! لو شعرت أنك ما كويس روح ليه!!
البرتو: لا لا ما محتاج للسلفيين…السلفيين ديل ما مدمونين…وتعرف أنا امريكي.. نهنو ما بنثق في السلفيين. انا كتبت تقرير لرئيسي يعملو قسم للكجور إندنا في وزارة الخارجية الأمريكية ونجيب فيه خُبَرَا سودانيين في المجال ده..
ش: معقول!! طيب منو بتعرف من ناس الحكومة شغالين بالشغل ده؟
البرتو: خد مثلا غازي العتباني..بيكتبوه توالي، بيكشف على روحو كل شهر..بيرووه لزولة قوية في امدرمان وآاملين ليه أمل (عمل) عكس د. نافع…غازي تلقاه تائه ولسانه قابض..!! حتى ناس سودانير إندهم مدير شغال بالكجور..أنت فاكر ملف سودانير ما تفتح لشنو؟ أشان الفساد؟ لا…بسبب الكجور!! مدير عام جديد في سودانير ما تم أسبوع واهد وزعلهم..جا الصباح مكتبه لقا أسد قاإد (قاعد) على مكتبه يمأمئ ذي أسد ميترو قولدين ماير…فكت منو لغاية هسي ما رجع للشركة!! القصة دي مشهورة وهقيقية…رأيك شنو في الكلام ده؟
ش: انتو الأخبار دي بتجيبوها من وين؟
البرتو: عندنا أوملاء (عملاء) في السودان، وكمان هناك تأاون (تعاون) أمني بينا!! شوف شوقي: انا هاقول لك سر..هكومة السودان غلبت كل الاستراتيجيين بتوعنا..ما قدرو يفهمو هكومة السودان دي بتفكر كيف..أشان كده رسلوني للسودان..بعد دراسة شديد..اكتشفت هكاية الكجور دي..قمنا عملنا قوائم “للققرا” وتخسساتهم..يعني كل فقير ممكن بيعمل شنو..وبالطريكة دي قدرنا نفهم شنو ممكن يجي من هكومة السودان..وبسراهة كده الفقرا هم اللي بيهكمو السودان!!
ش: معقول الكلام ده سعادة السفير..؟؟ معنى كده المعارضة ماكلة هوا!! الجماعة شغالين ضد بعض بالفقرا..والفقرا البيحكمو السودان..كلام غريب!؟!
البرتو: طبعا..لما كمال هسن بخيت عرف أني فهمت الهكاية هَرَّش (حَرَّش) عَليَّ كوات الدفاااء الشأبي!! قمت انا اتهديته (تحديته) طلبت من حرس السفارة بتاعنا ما يجو معاي في رحلاتي لدارفور…تعرف ليه؟ كنت محجب..كل الهجابات كانت معاي…حتى هجاب ضد الآر. بي. جي!!
ش: طيب لي ما كلمتو المعارضة يشوفو ليهم فكي كارب..يلخبط على ناس المؤتمر الوطني ديل؟؟
البرتو: دي سياسات عليا..هكومتي قالت ممكن.. لكن بعد 9 يناير!!
ش: سعادة السفير لقد استغرقنا وقتا كثيرا في قضية الكجور والفقرا…رغم أهميتها…ننتقل لموضوع آخر، صحي الكلام بتاع مصطفى “إذا مضت الأمور بصورة جيدة مع الولايات المتحدة، قد تساعدوننا في تسهيل الأمور مع إسرائيل الحليف الأقرب لكم في المنطقة”؟ الكلام ده أظنو في 29 يوليو 2008..مش كده؟؟
البرتو: لا لا الكلام ده في 29 يونيو 2008م…ما 29 يوليو!
ش: كيف كانت استجابتكم لهذا الطلب؟
البرتو: طبعا..نهنو ما سدقنا الكلام.ده..هم فكرو يخدأووونا أشان نرفع أسمهم من كائمة الإرهاب!!
ش: هل في رأيك الاقتراح ده بتاع مصطفى براه..من دون علم الحكومة؟؟
البرتو: طبعا لا..تحليلنا انو دي فكرة علي عثمان!! وبعدين مصطفى إسماعيل ما بيفهم سياسة..كان طبيب اسنان فاشل قبل الانقاذ..وكان معاه غندور في عيادة واهدة..ريحتها كانت ما كويسة أشتكى منها أوض دكام كتيرررررررررر!!
ش: طيب ليه أنتو ما دايرين ترفعو أسمهم من قائمة الارهاب..؟؟
البرتو: ده سياسات عليا..ناس الخرطوم هاضنين السروريين وده بيزعل أسدقاآنا في المنطقة العربية..السوودية ما راضية!! والسروريين والقاآيدة هاجة واحد..
ش: هل صحيح مصطفى عثمان قال الكلام ده: “إذ خُير السودان بين إرضاء أميركا أو سوريا فإننا سنختار الأمريكيين ليكونوا راضين عنا”؟؟ وقال أيضا: “إذا كانت علاقتنا معكم مثلما نتمنى أن تكون عليه وفي مستوى علاقتكم مع دول عربية أخرى فإننا سنبتعد عن سوريا وإيران وربما عن الصين”..؟؟
البرتو: نعم الكلام ده قالو ولكن كله..تكتيك!!
ش: جربوهم…يمكن كلامهم يطلع صح؟
البرتو: نهنو ما بنأمل (بنعمل) بالكلام…بس بنأمل بالأفآاال!! نزام بشار الأسد لازم يمشي، أما إيران لا يمكن يتآمل (يتعامل) مع نزام الخرطوم اللي بيرفع راية بتاع السروريين..يعني الخرطوم موهوم ساي وبيزن (بيظن) انو بخدع إيران!! نهنو كمان دايرين الصين يكون مستثمر في البترول طالما الاوبك لا تبيع زيتها إلا بالدولار..يبقى الصين راكب معانا في مركب واهد..مركب الدولار..والدولار إندنا أهم من البترول!! يبقا كلام مصطفا مزايدة بتاع كلام فارغ!! بأدين (بعدين) ياخي الناس ديل ما مدمونين…وطالما هكومة السودان شغالة بالفقرا..نهنو الأمريكان ما مستعدين نتهدا (نتحدى) الجن…كفاية إندنا مشاكل كتير…في الإراك..وافغانستان..ومشكلة بتاع الدولار..!!
ش: على فكرة مع سيرة الدولار…البشير أهداكم رول ورق كبير عام 2008…قال هدية لمساعدة بلدكم لطباعة المزيد من الدولارات مع بداية الأزمة المالية..هل تنسون هذا الجميل؟
البرتو: نعم نعم..لكن ده موش مهم..الآن الفلوس كلها أسبهت تخيلية..virtual money إليكترون يعني..وكمان أصبحت البنوك تخيلية virtual banks..أشان كده هكومة الخرطوم ما داير التقدم ده..بس داير قروش ورق..السيرفة الأليكترونية لا تسمح بنهب مسلح (مصلح)!! لنو الفلوس الأليكتروني لازم يمشي من هساب لهساب!!
ش: يبقى كلام نافع في سودري مقصود بيه مصطفى عثمان وعلي عثمان..وداير يبوظ ليهم طبخة الحلة!!
البرتو: ده كلام ساه (صح)..!! أنتا كمان يا شووقي غلطان تهاجم أمريكا وتهاجم ألمانيا في مكالاتك..انتا كنت فاكر تهت كبة الهكومة ده…شيخ!! ثمانية في الهكومة إندهم جوازات كندية وأمريكية وبريطانية..وربما هناك برضو ناس كثير في الهكومة، والناس ديل طبعا ما ممكن يزعلوا أمريكا والهكومات الغربية..أنتا ما شايف السفارة الامريكية بقي كبير كيف في سوبا!!
ش: والله شايف..ولسان حالي مع “الهكومة”: أسمع كلامك يعجبني. أشوف أفعالك أستعجب!! طيب سيد فيرنانديز..الجنوب وأنقسم وقلنا نرتاح في سلام لكن المشاكل كثرت حرب في أبيي، وحروب دارفور مستمرة، وحروب جديدة في جنوب كردفان، والنيل الآزرق…شنو رأيك في اللي حاصل؟
البرتو: شوف..أنا طبعا الآن ما مسئول عن السودان لكن بقرا سودانيز اونلاين والراكوبة وسودانيات والنيلين..توالي، لانو ممكن الإدارة الأمريكية تقول..روه السودان كسفير..نهنو ما بنوم على أأسل (عسل) ذي السفرا السودانيين!! انا ممكن اقوليك رأي بس مش هوه رأي الهكومة الامريكية..نهنو في الوقت الحالي..مهتمين بدارفور..بس، النيل الازرق ما نهتم بيه وبأادين نهنو ما عايزين جمهورية السودان الجنوبي يتدخل في مشاكل الشمال، لانو لو ساعد هكومة الجنوب الحركات المسلحة الشمالية..السوداانيين هيتوهدووا..نهنو عايزين نقسم الجنوب ذاتو…اشان كده لازم الجنوبيين يكونو براهم وياكلو بعض!! النكتة (النقطة) التاني..نهنو ما نلاقي أفضل من المؤتمر الوطني في تكسيم السودان.. وأهم هاجة نهنو مسيطرين على الفقرا بتاع المؤتمر الوطني..
ش مقاطعا (ضاحكا): ولماذا مهتمين بدارفور بس..عشان بترول دارفور ولاَّ الفقرا بتوع دارفور..؟
البرتو: طبأأ عشان أنبوب بتاع البترول التشادي..يجي بيهو بترول من دارفور كمان!!
ش: هل معنى كده (ه)تساعدوا الحركات الدارفورية!!
البرتو: لا. نهنو ما هنسآإدهم..لنو لو سآأدناهم ممكن يسقطوا نزام الخرطوم، نهنو دايرين ازمة بتاع دارفور يستمر..أشان كلهم يهتاج (يحتاج) لأمريكا..
ش: طيب..وبعد ما تستمر..؟
البرتو: الباقي يتمو السلفيين…!! دلوقتي دارفور فيه هركة بتاع سلفية ما بطال..والشارجة كمان قاعد يقوي السلفيييين في ام جمينا..وكمان هناك سلفيين من اجزائر ومالي وبنين ونيجر، نص أدد (عدد) ثوار ليبيا سلفيين هربيين (حربيين)!! أنت فاكر قطر يدي دارفور 2 مليار دولار في بنك لي شنو؟ أشان هليمة وابكر؟ ده قروش لوجستي لبعدين عشان تقوية السلفيين..
ش: طيب كيف تفسر كلامك السابق أن “السوودية” غضبانة من الخرطوم لأنها حاضنة السروررين!!
البرتو: السوودية يهمها أن يلأآب (يلعب) السلفيين خارج حدود مجلس التأآون (التعاون) الخليجي!! غير كده..تسآإد السوودية السلفيين!!
ش (بخبث): معنى كده..أنتو دايرين السلفيين “يهكموا” في دارفور!؟
البرتو: لا يا هبيبي..انتا في مكالاتك كتبت شي ساهيهه (صحيح) نهنو نفضل دولة البترولية يكون سغير..السلفيين بس يعملو الفوضى الخلاقة..كاتاليست (catalyst) يأني (يعني)… وبأادين نِهنا بندخل.. هسي شوف جينيا الإستوائية دولة بترولية مساهتو 28 ألف كلم مربع أو 11 ألف ميل مربع، والكويت 17.820 كلم مربع أو 6.880 ميل مربع، والإمارات 83.600 كلم متر مربع أو 32.278 ميل مربع..أشان شنو؟ أشان يكون أدد السكان سغير..وما يستهلكو الإهتياطي النقدي بتوعو..إشان كده هنكسم تاني جنوب السودان، وكمان نكسم الشمال كثير خاصة دارفور!! وأهسن زول يسآإدنا في تكسيم السودان المؤتمر الوطني..
ش: طيب حتعملو شنو مع حزب الله..بعض الصحف السودانية كتبت أن حزب الله سيقاتل في دارفور؟؟
البرتو: الكلام ده ما سهيه (صحيح)..نهنا نعرف هزب الله كويس جدا…لا يعمل أبدا أمليات (عمليات) قتالية خارج لبنان..هاذا إهتمال كبير كذبة بتاع سهيفة الإنتباهة..أشان يخلقو مبرر لنشاطهم السلفي الدأوي (الدعوي) في دارفور..بلافتة مُهاربة (محاربة) الشييئة (الشيعة)!! وكمان أشان يكره حركات دارفور المسلهة…الشييئة (الشيعة)!!
ش: فهمت..!! ذي قصة بابا الفاتيكان الألماني بنيديكت في نهاية عام 2006م حين لكزوه يشتم الإسلام.. وكان قصدو يحول إهتمام الإعلام العربي والرأي العام السني من انتصار حزب الله إلى الدفاع عن الرسول والإسلام!! وذي دعاية أن الصحفي محمد طه شيعي؟!
البرتو: صح (نطقها سليمة)..
ش: طيب منو اللي من الوزراء والصحفيين السودانيين اللي ما حبيتهم في الفترة القضيتها في السودان!!
البرتو: الزول الوهيد الما هبيته في السودان جوزيف الدكير (يوسف الدقير)..ده زول دمه تقيل..وبأدين (بعدين) الغباء بيشع (نطقها سليمة) من وشو.. وهرامي كبير..!! وبأدين كمال هسن بخيت زلمني (ظلمني) زلم شديد..حقتو كان يرسل الدفاا الشأبي لناس بنك المال المتهد…وهجليج…وناس أأرف..لأنو انا ما سرقت الشأب (الشعب) السوداني!!
ش: في ختام هذه المقابلة..نحن نشكرك سعادة السفير. ولكن عندي سؤال مهم: أنت ليه قلت كل هذه التحليلات والحقائق…ما خائف السيدة هيلاري كلينتون تمعطك؟
البرتو: واللاهي يا شوقي بسراهة شديدة…أنا نفسي ما آارِف (عارف)…بقيت انا ذاتي أفلت طوالي…وما في شي مكتوب عليه سري في الفايلات وإلا مرق من خشمي…تقول آملين لي امل (عمل)..وإهتمال كبير ناس ويكيليكس إندهم فكي كارب!!
ش: عموما ربما…لا أستبعد ذلك، وهل متابع مقالاتي..؟؟
البرتو: طبعا..حتى قريت المكالتين بتاعك: من هوه اللي ركب الجرس في ركبة (رقبة) الرئيس..ومنتظر الهلقة التالتة بأهر (بأحر) من الجمر..لنو داير أفهم كيف علقو الجرس!!
ش: سنرسلها قريبا للنشر إن شاء الله..
ش: شكرا سعادة السفير البرتو فيرنانديز..على هذه المقابلة الصحفية ونتمنى أن نراك في الخرطوم قريبا..إن شاء الله..
البرتو: شكرا ليك شووقي..وأأمل (أعمل) هسابك واشنطون ما تهب زول يكتب في الدولار..!!
ش: شكرا على النصيحة ..ومع السلامة!!
(كاتب) و (ومحلل سياسي)
[email protected]

انقر هنا لقراءة الخبر من مصدره.