تظاهر عشرات الشباب وسط الخرطوم بميدان جاكسون أمس الثلاثاء تضامناً مع المناصير . وردد المتظاهرون ( الشعب يريد إسقاط النظام) . وفضت الأجهزة الأمنية التظاهرة بالقمع وإستخدام الهراوات والعصى ، واعتقلت عدداً من المتظاهرين ، من بينهم : محمد النذير يس رئيس اتحاد طلاب المناصير، محمد احمد محمد عمر ، المقداد محمد عثمان ، فتح الرحمن حامد ابراهيم ، محمد النزير يس ، معتصم عثمان محمد ، أحمد حبيب الله .، طلحه احمد ، محمد عبدالعظيم ، عبدالله عبدالدائم . وتأتي هذه التظاهرة مع إستمرار اعتصام المناصير بمدينة الدامر لشهر رغم البرد القارس . وهُجر المناصير قسراً منذ عام 2004م لصالح بناء (سد مروي) الذي نفذته وحدة بناء السدود وعلى رأسها أسامة عبد الله ، وتم الاتفاق على إنشاء مشروع الحامداب الزراعي الإعاشي لأسرهم، ولكن السلطة لم تفي بالتزاماتها للأهالي وظل المشروع يعاني من (موجات عطش أدت لموت وتلف أشجار الفواكه والنخيل وعلف البرسيم، مع فقدان المزارعين كل تعويضاتهم ومدخراتهم وأصبحت أرض المشروع يباب) . ووصف أحد شيوخ المنطقة ما آلت اليه الأوضاع قائلاً : (البلد بتحكى بى حاله براها مادايراة زول يحكيها يعنى لو الواطة والزروع بتبكى كان بكت البنى آدم الفيها كان ببكى الا انحنا ناس شجعان مابنبكى وهسه الشىء البنسوى فيهو ده دى المناظر لكن الفيلم لى قدام) ، (النهارده انحنا لبن ما لاقين والله خلقنا ماكنا بنشتريه والموية بتاعت الشراب بتجينا ساعتين بس فى اليوم وموية حامضة ومربوبة . اذا كان جناك حصلتلوا ظروف أو مشيت المركز الصحى تجى تلقى الموية قطعت ، موية الشراب البنشربا فى خشمنا خليك من الموية البتعيش بها انحنا النهارده فقدنا حياتنا باكملها انا مولود من سنة 46من الله خلقنى يوم واحد لا أخدته لى ملاح لا أخدت قش وماكانت فى جهة بتتسيطر فينا انحنا كنا ناس حرين عزيزين بنحل مشاكلنا وكنا مزارعين ، كنا مصنع كريمة ده مشغلنا انحنا لحد ماوقف. كنا الحامداب .. كنا بنغذى مروى كريمة ونورى كانوا حياتهم مننا بهائم لبن بصل ملاح النهارده انحنا الكنا بنغذى الناس نفقد القوت الضرورى!!).
